31 августа. Мученики Флор и Лавр Иллирийские

Тропарь, глас 4
Преудо́бренную и богому́друю дво́ицу пресве́тлую / восхва́лим, ве́рнии, по достоя́нию, / Фло́ра преблаже́ннаго и Ла́вра всечестна́го. / и́же усе́рдно Тро́ицу Несозда́нную я́сно пропове́дасте всем, / те́мже пострада́вше до кро́ве, / и венцы́ пресве́тлыми увязо́стеся, // моли́теся Христу́ Богу́, да Спасе́т ду́ши на́ша.

Кондак, глас 8
Я́ко благоче́стия му́ченики и страда́льцы Христо́вы богому́дрены, / вселе́нная пресла́вно почита́ет Фло́ра и Ла́вра днесь, / я́ко да улучи́м благода́ть и ми́лость моли́твами их // и изба́вимся бед и напа́стей, гне́ва же и ско́рби в День Су́дный.

Величание
Велича́ем вас, / страстоте́рпцы святи́и Фло́ре и Ла́вре, / и чтим честна́я страда́ния ва́ша, / я́же за Христа́ // претерпе́ли есте́.


Молитва Страдания св. мучеников

31 августа. Преподобный Иоанн Рыльский

Тропарь, глас 4
Те́ло смири́в поще́нием, / ду́шу же возвы́сив пе́нием, / сосу́д яви́ся избра́н Свято́му Ду́ху, / Иоа́нне, о́тче наш, / в чистоте́ се́рдца твоего́, преподо́бне, пожи́в. / Тем, дерзнове́ние име́я ко Го́споду, // моли́ спасти́ся душа́м на́шим.

Кондак, глас 2
В моли́твах бо́дренно не усыпа́я / и в пе́ниих непреста́нных А́нгелом подо́бяся, / в гроб вшел еси́, тле́нную жизнь оста́вив, / и к Небеси́ преше́л еси́/ на нетле́ние, Иоа́нне о́тче, / от сме́рти бо к животу́ ве́чному // тя пресели́ Христо́с Бог, я́ко Своего́ уго́дника.

Величание
Ублажа́ем тя, / преподо́бне о́тче Иоа́нне, / и чтим святу́ю па́мять твою́, / наста́вниче мона́хов // и собесе́дниче а́нгелов.

Молитва Житие

31 августа. Икона Божией Матери "Всецарица"

Тропарь, глас 4
О́бразом Твои́м радостотво́рным, / Влады́чице, Всецари́це Богоро́дице, / боле́зни и неду́ги на́ша исцели́/ и от вся́ких бед и напа́стей огради́, // к заступле́нию Твоему́ при́сно прибега́ющих.

Кондак, глас 8
Новоявле́нней ико́не Богоро́дице Всецари́це предстоя́ще / и на лик Тоя́ взира́юще, / со умиле́нием и любо́вию глаго́лем: / низпосли́, Влады́чице, цельбы́ к Тебе́ притека́ющим, / и пода́ждь утеше́ние в ско́рби су́щим, / да, восприе́мше ми́лость, благода́рне воззове́м Ти: // Ра́дуйся, Всецари́це, неду́ги на́ша благода́тию исцеля́ющая.

Величание
Велича́ем Тя, / Пресвята́я Де́во, Ма́ти Христа́ Бо́га на́шего, / и чтим о́браз Твой святы́й, / от него́же источа́еши исцеле́ния всем, // с ве́рою к Тебе́ притека́ющим.

Молитва О иконе

В этот день святая Церковь также празднует память:

Мучеников Ерма, Серапиона и Полиена; Иулиании, Льва; 300 мучеников в огне сожженных. Святой Иулитты.
Священномученика Емилиана епископа и с ним мучеников Илариона, Дионисия и Ермиппа и прочих 1000.
Преподобных 4-х пустынников; Варнавы и Софрония; Христофора.
Святителей Иоанна и Георгия, патриархов Константинопольских.
Преподобных Макария, игумена Пеликитского; Луки Болгарского.
Священномученика Григория (Бронникова) пресвитера и мучеников Евгения (Дмитриева) и Михаила (Ерегодского).
Иконы Божией Матери Трапезундской (I).

1 сентября. Мученик Андрей Стратилат и 2593 мученика, с ним пострадавших

Тропарь, глас 5
Земна́го са́на сла́ву оста́вив, / Небе́сное Ца́рство насле́довал еси́, / кро́вными ка́плями, я́ко пречу́дным ка́мением, / нетле́нныя венцы́ украси́л еси́ / и ко Христу́ приве́л еси́ собо́р страстоте́рпец. / С ли́ки а́нгельскими в невече́рнем све́те / незаходи́маго Со́лнца Христа́ обре́л еси́, / свя́те Андре́е Стратила́те, / Его́же моли́ с пострада́вшими с тобо́ю при́сно, // да спасе́т ду́ши на́ша.

Кондак, глас 2
В моли́твах Го́сподеви предстоя́, / я́коже звезда́ со́лнцу предтеки́й, / и жела́емое сокро́вище Ца́рствия узре́л еси́, / ра́дости неизрече́нныя исполня́яся. / Безсме́ртному Царю́ в бесконе́чныя ве́ки, / от А́нгел безпреста́ни хвали́мому, пое́ши, Андре́е Стратила́те. // С ни́миже моли́ся непреста́нно о всех нас.

Величание
Велича́ем тя, / страстоте́рпче святы́й Андре́е Стратила́те, / и чтим честна́я страда́ния твоя́, / я́же за Христа́ // претерпе́л еси́.

Молитва Житие

1 сентября. Святитель Питирим, епископ Великопермский

Тропарь, глас 8
Правосла́вия наста́вниче, / благоче́стия учи́телю и ми́лости сокро́вище, / архиере́ев украше́ние, / люде́й зыря́нских наста́вниче, / святи́телю Питири́ме, / ду́шу свою́ за Христа́ положи́вый, / моли́ Еди́наго Человеколю́бца о па́стве твое́й и о всех // любо́вию чту́щих па́мять твою́.

Кондак, глас 3
Мона́шескими доброде́тельми / во оби́тели святи́теля Алекси́я пе́рвее украси́вся / и прославле́нию того́ послужи́в, / па́стырь яви́лся еси́ лю́дем зыря́нским / и, я́ко а́гнец чист, прине́слся еси́ Сло́ву Началопа́стырю, / му́ченик быв, Питири́ме святи́телю всехва́льне. / Те́мже торжеству́ем вси любо́вию // Боже́ственную па́мять твою́.

Величание
Велича́ем тя, / святи́телю о́тче Питири́ме, / и чтим святу́ю па́мять твою́, / ты бо мо́лиши о нас // Христа́ Бо́га на́шего.

Молитва Житие

1 сентября. Икона Божией Матери “Донская” (В память избавления Москвы от татар, 1591)

Тропарь, глас 4

Засту́пнице ве́рных Преблага́я и Ско́рая, / Пречи́стая Богоро́дице Де́во! / Мо́лим Тя пред святы́м и чудотво́рным о́бразом Твои́м, / да, я́коже дре́вле от него́ заступле́ние Твое́ / гра́ду Москве́ дарова́ла еси́, / та́ко и ны́не нас от вся́ких бед и напа́стей ми́лостивно изба́ви, // и спаси́ ду́ши на́ша, я́ко Милосе́рдая.

Кондак, глас 2
В Небе́сныя оби́тели пресели́вшаяся с пло́тию, / су́щия на земли́ ника́коже оста́вила еси́, Богоро́дице, / о́браз Боже́ственный и многочуде́сный Пречи́стаго Лица́ Твоего́ / зре́ти лю́бящим Тя и покланя́тися дарова́ла еси́, / я́ко зна́мение Твоея́ благода́ти; // чтим его́, лобыза́юще.

Величание
Велича́ем Тя, / Пресвята́я Де́во, / и чтим о́браз Твой святы́й, / и́мже заступле́ние ди́вное // гра́ду Твоему́ дарова́ла еси́.

Молитва О иконе

В этот день святая Церковь также празднует память:

Мучеников Тимофея, Агапия и Феклы (ок. 304).
Преподобного Феофана Нового, Афонского (XV).
Святого Каллистрата. Святого Николая (Лебедева) исповедника, пресвитера, Тверского (1933).

2 сентября. Пророк Божий Самуил

Тропарь, глас 2
Дар многоче́стен дан бысть непло́дней утро́бе / и принесе́н в же́ртву, я́ко всесожже́ние благоприя́тно, Го́сподеви своему́, / послужи́в Тому́ в преподо́бии и пра́вде, / тем тя почита́ем, проро́че Бо́жий Саму́иле, // я́ко моли́твенника о душа́х на́ших.

Кондак, глас 5
Пома́зателю ца́рский, / па́че же свята́го богови́дца Дави́да, / вели́кий Саму́иле, / потщи́ся умоли́ти о нас, / да пома́жемся Свята́го Ду́ха ма́стию / и бу́дем стра́нни неприя́зни, // я́коже Дави́д нечи́стому ду́ху Сау́лову.

Величание
Велича́ем тя, / проро́че Бо́жий Саму́иле, / и чтим святу́ю па́мять твою́, / ты бо мо́лиши о нас // Христа́ Бо́га на́шего.

Житие

2 сентября. Феодор, епископ Ростовский и Иоанн, епископ Суздальский (Переложение мощей)

Тропарь, глас 8
Я́ко апо́столом единонра́вных учи́телей Су́ждальския страны́, / и цели́телей душ и теле́с прему́дрых, / и служи́телей Бо́гу благоприя́тных, / к ра́кам честны́х моще́й ва́ших притека́юще, / ублажа́ем вас, святи́телие Богоблаже́ннии, Фео́доре и Иоа́нне, / в пе́снех же и пе́ниих, ра́дующеся, сла́вим Христа́, / дарова́вшаго вам благода́ть исцеле́ний // и гра́ду на́шему Су́ждалю вели́кое в вас утвержде́ние.

Кондак, глас 8
Боже́ственных и пречестны́х святи́телей Христо́вых и чудотво́рцев Иоа́нна и Фео́дора, / ве́рнии, пою́ще, да ублажи́м, / я́ко днесь, в па́мять их притека́юще к ра́кам моще́й их, / мо́лим многообра́зных нас обстоя́ний изба́вити, да вопие́м вам: // ра́дуйтеся, гра́ду на́шему и Це́ркви Христо́вей вели́кое утвержде́ние.

Величание
Велича́ем вас, / святи́телие Христо́вы Иоа́нне и Фео́доре, / и чтим святу́ю па́мять ва́шу, / вы бо мо́лите о нас // Христа́ Бо́га на́шего.

Молитва Жития

В этот день святая Церковь также празднует память:

Мучеников Севира и Мемнона и с ними во Фракии сожженных Ориона (Риона), Антилина (Анатулина), Молия, Евдемона, Силуана, Савина, Евстафия, Стратона и Восвы (Взваса), Тимофея, Палмата, Места, Никона (Нита), Дифила, Дометиана (Дометия), Максима, Неофита, Виктора, Рина, Саторнина, Епафродита, Керкана (Керкаса), Гая, Зотика, Крониона, Анфона (Анфоса), Ора (Ероса), Зоила, Тиранна, Агафона (Агафоса), Пансфена (Парфения), Ахиллеса, Панфирия, Хрисанфа, Афинодора, Пантолеона, Феосевия (Феосевра), Генефлия (304); Лукия Кипрского (310); Илиодора и Доса Персидских (380).
Иеромонаха Серафима (Роуза) (1982).

3 сентября. Апостол от 70-ти Фаддей

Тропарь, глас 2
Днесь Еде́с град весели́тся, / прие́м тобо́ю Креще́ния ба́ню, / и А́вгарь, страсте́й премене́н, твою́ па́мять сла́вит. / С ни́миже пое́м и мы: / весе́лия духо́внаго испо́лни живо́т наш / и стра́сти исцели́, // Фадде́е апо́столе, моли́твами твои́ми.

Кондак, глас 4
Я́ко звезду́ пресве́тлую / Це́рковь тя стяжа́, / апо́столе Фадде́е, / чудесы́ твои́ми всегда́ просвеща́ема, // спаси́ ве́рою чту́щия па́мять твою́.

Величание
Велича́ем тя, / апо́столе Христо́в Фаддее, / и чтим боле́зни и труды́ твоя́, / и́миже труди́лся еси́ // во благове́стии Христо́ве.

Житие

3 сентября. Мученица Васса с сыновьями Феогнием, Агапием и Пистом

Тропарь, глас 4
А́гница Твоя́, Иису́се, Вассо / зове́т ве́лиим гла́сом: / Тебе́, Женише́ мой, люблю́, / и, Тебе́ и́щущи, страда́льчествую / и сраспина́юся и спогреба́юся Креще́нию Твоему́, / и стражду́ Тебе́ ра́ди, я́ко да ца́рствую в Тебе́, / и умира́ю за Тя, да и живу́ с Тобо́ю, / но я́ко же́ртву непоро́чную приими́ мя, с любо́вию поже́ршуюся Тебе́. // Тоя́ моли́твами, я́ко Ми́лостив, спаси́ ду́ши на́ша.

Кондак, глас 2
Храм Твой всечестны́й я́ко цельбу́ душе́вную обре́тше, / вси ве́рнии велегла́сно вопие́м ти: / де́во му́ченице Вассо великоимени́тая, // Христа́ Бо́га моли́ непреста́нно о всех нас.

Величание
Велича́ем тя, / страстоте́рпице Христо́ва Ва́ссо, / и чтим честно́е страда́ние твое́, / е́же за Христа́ // претерпе́ла еси́.

Страдания св. мучеников

3 сентября. Преподобный Авраамий Смоленский

Тропарь, глас 8
Днесь возсия́ нам па́мять твоя́, сла́вне, я́ко со́лнце, / светоза́рно луча́ми озаря́ющая мир / и тьму но́щи злых духо́в от нас отгоня́ющая. / Днесь Небе́сныя си́лы святы́х А́нгел / и ду́ши пра́ведных мы́сленно торжеству́ют, ра́дующеся. / Днесь и мы, гре́шнии, припа́дающе, мо́лимся: / о́тче преподо́бне Авраа́мие, / Христа́ Бо́га моли́ непреста́нно // спасти́ град и лю́ди, любе́зно тебе́ почита́ющия.

Кондак, глас 3
Возсия́, Го́споди, гра́ду Твоему́ / па́мять Твоего́ уго́дника, / я́ко све́тлое со́лнце, / ра́достно всех, я́ко луча́ми, озаря́ющи, / па́че же моли́твы Пречи́стыя Твоея́ Ма́тере / от всех бед избавля́ют нас / и упраждня́ют ва́рварская шата́ния. / Тем мы, лю́дие Твои́ и град наш, вельми́ хва́лимся / и спаса́емся моли́твами // Твоего́ уго́дника Авраа́мия, преподо́бнаго отца́.

Величание
Ублажа́ем тя, / преподо́бне о́тче Авраа́мие, / и чтим святу́ю па́мять твою́, / наста́вниче мона́хов // и собесе́дниче А́нгелов.

Молитва Житие

В этот день святая Церковь также празднует память:

Святителя Сармеана, Католикоса Грузии (779).
Преподобных Феоклиты (ок. 829-842); Авраамия трудолюбивого, Печерского, в Ближних пещерах почивающего (XII-XIII); Ефрема Смоленского (нач. XIII); Авраамия (XV) и Корнилия (ок. 1420) Палеостровских.
Мучеников Александра, Дорофея и Иоанникия.
Священномучеников Александра (Елоховского) пресвитера, Ярославского (1918); Павла (Ягодинского) пресвитера, Саранского (1937).

4 сентября. Мученики Агафоник, Зотик, Феопрепий (Боголеп), Акиндин, Севериан, Зинон и прочие с ними

Тропарь, глас 4
Му́ченицы Твои́, Го́споди, / во страда́ниих свои́х венцы́ прия́ша нетле́нныя от Тебе́, Бо́га на́шего: / иму́ще бо кре́пость Твою́, / мучи́телей низложи́ша, / сокруши́ша и де́монов немощны́я де́рзости. / Тех моли́твами // спаси́ ду́ши на́ша.

Кондак, глас 1
Зва́ние благо́е стяжа́в, богому́дре, / муже́й лука́вых отврати́лся еси́ ве́ры, / не убоя́вся мук, Агафони́че сла́вне, / те́мже благи́м был еси́ насле́дник / и прия́л еси́ со стра́ждущими с тобо́ю // досто́йныя венцы́.

Величание
Велича́ем тя, / страстоте́рпче святы́й Агафони́че, / и чтим честна́я страда́ния твоя́, / я́же за Христа́ // претерпе́л еси́.

Страдания св. мучеников

В этот день святая Церковь также празднует память:

Священномученика Афанасия, епископа Тарса Киликийского (ок. 270-275), преподобной Анфусы (ок. 298) и слуг ее, мучеников Харисима и Неофита (ок. 270-275).
Мучеников Евлалии девы (ок. 303); Феликса (ок. 303); Иринея, Ора и Оропса.
Благоверной царицы Ариадны (IV-V).
Святой Феодоры в Ксироцирке.
Преподобных Боголепа Углечского (XVI); Исаакия I Оптинского (1894).
Священномучеников Макария (Гневушева), епископа Орловского, Иоанна (Бояршинова) и Алексия (Наумова) пресвитеров, Пермских (1918); Феодора (Смирнова), епископа Пензенского и с ним Василия (Смирнова) и Гавриила (Архангельского) пресвитеров, Пензенских (1937); Иоанна (Троянского), епископа Великолукского, Алексия (Орлова), архиепископа Омского, Александра (Ратьковского), Михаила (Люберцева) пресвитеров, Тверских (1937); Феодора (Маляровского) пресвитера, преподобномучеников Илариона (Цурикова), Иоанна (Лабы) и Иерофея (Глазкова) иеромонахов, Чимкентских (1937). Священномученика Горазда, епископа Богемского, Сербского (1942).
Иконы Божией Матери Грузинской (1650).

5 сентября. Мученик Лупп Солунский

Тропарь, глас 4
Му́ченик Твой, Го́споди, Луппе / во страда́нии свое́м вене́ц прия́т нетле́нный от Тебе́, Бо́га на́шего, / име́яй бо кре́пость Твою́, / мучи́телей низложи́, / сокруши́ и де́монов немощны́я де́рзости. / Того́ моли́твами // спаси́ ду́ши на́ша.

Кондак, глас 2
Звезда́ све́тлая яви́лся еси́, / непреле́стная ми́рови, / Со́лнца Христа́ возвеща́ющи, / заря́ми Твои́ми, страстоте́рпче Луппе, / и пре́лесть погаси́л еси́ всю, / нам же подае́ши свет, // моля́ся непреста́нно о всех нас.

Величание
Велича́ем тя, / страстоте́рпче святы́й Лу́ппе, / и чтим честна́я страда́ния твоя́, / я́же за Христа́ // претерпе́л еси́.

Страдания св. мученика

Тропарь, глас 4
Днесь проро́чество святи́теля Петра́ / пред оча́ми на́шими сбыва́ется, / се́рдце бо Росси́и град Москва́ / свы́ше сла́ву ве́лию прие́млет, / украша́ем, я́ко би́сером честны́м, / мно́гим со́нмом Бо́жиих уго́дников; / к ни́мже мы любо́вию возопии́м: / о, пречу́днии святи́телие, / испове́дницы и му́ченицы но́вии, / благове́рнии кня́зие, преподо́бнии отцы́, / и прему́дрии юро́дивии, / и вси святи́и, зна́емии и незна́емии, / я́ко благоче́стия сто́лпи, / моли́те Христа́ Бо́га // стране́ на́шей в ми́ре спасти́ся.

Кондак, глас 3
Возвели́чися ны́не, гра́де Москво́, / ве́лиих даро́в ду́ховных сподобля́ющися, / я́ко сокро́вищница пречестна́я / святы́ням и моще́м уго́дник Бо́жиих / и оте́чество возлю́бленное мно́гим святы́м, / к их же по́мощи усе́рдно прибега́ем: / о святы́х Моско́вских ди́вный со́нме, / ва́шими уче́ньми и дея́ньми / вку́пе и страда́ньми за Христа́, / ду́ши на́ша просвети́те // и спасе́ния нам при́сно бу́дите хода́таи.

Величание
Велича́ем вас, / святи́и чудотво́рцы Моско́встии, / и чтим святу́ю па́мять ва́шу, / вы бо мо́лите о нас // Христа́ Бо́га на́шего.

Служба Собору Московских святых

Молитва О Соборе

В этот день святая Церковь также празднует память:

Священномучеников Пофина (177) и Иринея (202), епископов Лионских.
Преподобных Евтихия (ок. 540) и Флорентия (547) Италийских.
Святителя Каллиника, патриарха Константинопольского (705).
Святой Елисаветы. Священномучеников Ефрема, епископа Селенгинского, Иоанна пресвитера и мученика Николая (1918).
Священномучеников Павла и Иоанна пресвитеров (1937).