Тўра СУЛАЙМОН

Излай-излай ҳориб бўлдим, сенсиз ёлғиз, ғариб бўлдим.
Энди босган изларингни тўрт томондан тополмасман.
Толиқиб ҳам толиб бўлдим, қирққа кирмай қариб бўлдим
Лайлу наҳор сени излаб ер-осмондин тополмасман.

Ажаб тақдир, ажаб қисмат бу бошда борга ўхшайдир.
Равон бўла келган йўлим узилган торга ўхшайдир.
Сенсиз қошим қабоғимда қурилган дорга ўхшайдир
Сенингдек бир гуландомни Гулистондин тополмасман.

Баҳор ўтиб ёз ҳам келди ҳамон сендин хабар йўқдир
Бесоҳиб боғ-роғларимда қумри, саъва, самар йўқдир
Гар хаёлот дарёсига ғарқ бўлсам бир қанор йўқдир.
Мағриб, Машриқ, Тушлик, Қут ё Кўҳистондин тополмасман.

Ҳали баргрез куз олдинда, не шўриш, не иш олдинда
Ҳеч ким имдод бера билмас қаҳри қаттиқ қиш олдинда.
Қатра-қатра қон ўрнида кўздин оқар ёш олдинда
Ҳаргиз сени излаб Хўтон, Чин, Мочиндин тополмасман.

Хазон фасли етиб келмай жудолик бу бошга тушмиш,
Йиғламоқдин ўзга чорам йўқдир оғу ошга тушмиш.
Мусибат бир бошга эрмас ер-кўк, тоғу тошга тушмиш
Энди сендек дилкушони Шом, Болқондин тополмасман.

ЮЗ ЭЛЛИК ЙИЛ ОТАНГНИ ОТГАННИ ОҒА САНАБ...

Кўк бўри кезган сарҳад итларга талош энди,
Кўтарилган бош эмас, биргина қуёш энди,
Учқун сочган кўзларнинг топингани ёш энди,
Туркий элнинг шиддати сўнганга ўхшаётир.

Сарбадорлар қонини селлар ювиб кетгандай,
Миллат учун жон берар алпни девлар ютгандай,
Ултонтозлар кун санаб, э воҳ, шуни кутгандай,
Элнинг куни номардга қолганга ўхшаётир.

Юз эллик йил отангни отганни оға санаб,
Дили бузуқ келганнинг қадамига гул қадаб,
Ё, ҳақ, дея ёнганнинг мозорига тош қалаб,
Саройингга қарғалар қўнганга ўхшаётир.

Элдан чиқиб элидан ирганганлар кўрингай,
Ўз тарихин ўзгадан ўрганганлар кўрингай,
Ғужури-ю забони ўзгарганлар кўрингай,
Ўз фарзандинг ўзингни сотганга ўхшаётир.

Кечанг заволга дўнди, ҳайкалдай қотиб бўлди,
Сенинг бор насибангни бекларинг тотиб бўлди,
Бугундан-ку айрилдинг, эртангни сотиб бўлди,
Йўл кўрсатар маёғинг ўчганга ўхшаётир.

Бургут учган зовларда қузғун базм этмоқда,
Илдизингни кавшабон тўнғиз ҳазм этмоқда,
Эртангни белгилашга ётлар жазм этмоқда,
Қошиқ бутун, қиличинг синганга ўхшаётир.

Кечаги ёвқир нигоҳ бугун ерга қадалган,
Ватан кутган жасорат нон топишга аталган,
Бўйин эгик, қўл қадоқ, тиззаларинг қаварган,
Умид кўзёш шўридан сўлганга ўхшаётир.

Уйғотай деб келган ул баҳорлар бекор кетар,
Ҳар тонгда қуёш туртиб, ҳар шомда безор кетар,
Бўғзин йиртиб шоирлар минг ҳайқириб, хор кетар,
Аллоҳ, бу халқ шу ҳолга кўнганга ўхшаётир.
Туркий элнинг шиддати сўнганга ўхшаётир.

© Нажмиддинбек Эрматов

@mensevgansheriyat

Шуҳрат ДЕҲҚОН

Инна лиллаҳи ва инна илайҳи рожиъун!

Шодмонқул САЛОМ

Жоним мушкул сафардадир, йўл билмас содда роҳим бор,
Айланиб ўтиб бўлмайди – ўзим қазиган чоҳим бор.

Бошим хамдир, лойим хомдир, бенаводин бенавоман,
Овоз берсам, кўзи ёнгай – бир-икки хайрихоҳим бор.

Ёмғирни санар фаришта, адашгай субҳ савобидин,
Ул малак ҳисобдан йитгай – санаб бўлмас гуноҳим бор.

Бад нафасим теккан дунё, қатрон қилмай тоза бўлмас,
Юзтубан йиғлагайдурмен, кўкка етгудай оҳим бор.

Ичимга бир қуюн кирган, чиқиб кетмоққа излар йўл,
Анинг телба исёнидан вайрона бўлган боғим бор.

Ичимга зўр яшин тушган, ёқиб ёқмас, ўчиб ўчмас,
Куюклари бўғзимдадир, шундан кўзимда доғим бор.

Қирқ йил хазинабон бўлдим – сўрган, сўрмаганга бердим,
Охир қуруқ қўл-ла чиқдим – шундай шармисор чоғим бор.

Самода банди руҳлари, заминга етмас оҳлари,
Чирқираб турган бир ожиз, мунис, меҳрибон моҳим бор.

Аё, одам Меҳрибони, аё, оламлар Посбони!
Ўзинг раҳм эт, ёбонингда гуноҳдан бино тоғим бор.

Аё, фалаклар Сарбони, фалакларни Яратгоним!
Ўзинг азм эт: яхши бўл, деб, ҳамонки ёмон чоғим бор.

@mensevgansheriyat

Маҳтумқули

Дардим бордир диёримдан, давримдан,
Хайр қайси, эҳсон қайси – билинмас.
Золимларнинг жафосидан, жабридан
Ислом қайси, иймон қайси – билинмас.

Суҳбатларда Ҳақ каломин айтар йўқ,
Мажлисида бир насиҳат қилар йўқ,
Ҳалол қайси, ҳаром қайси – билар йўқ,
Фойда қайси, зиён қайси – билинмас.

Халойиқда ибрат хам йўқ, кўрим йўқ,
Бойларида саховат йўқ, берим йўқ,
Аёлида уят, қизида шарм йўқ,
Адаб қайси, аркон қайси – билинмас.

Кишининг молига кўзни солдилар,
Таассуб-ла дилга кийна тўлдирар,
Бир-бирини ноҳақ ҳолда ўлдирар,
Нажот қайси, омон қайси – билинмас.

Махтумқули, жон меҳмондир, гавда – лош,
Яхшига дўст кўп, ёмонга йўқ қардош,
Бу айёмда бош оёғдир, оёқ – бош,
Яхши қайси, ёмон қайси – билинмас.

@mensevgansheriyat

Хайрулла ҲАМИДОВ

Қачон ўз қўшиғинг айтасан, элим,
Қачон ўз аслингга қайтасан, элим?

Ўзинг Бухорийни туғасан, бироқ,
Умрининг сўнгида қиласан “талоқ”.

Яссавийни туғиб ёвнинг қасдида,
Яшашга бермайсан ернинг устида.

Куброни туғасан ҳолин билмакка –
Қарилик ҳолида шаҳид бўлмакка...

Ҳиндлар Бобурингни дуолар қилар,
Мирзо шоҳ кўксини айрилиқ тилар...

Давога кўмса-да бутун дунёни,
Фарқи йўқ, силтайсан ибни Синони.

Буюк Берунийни боққан ўзингсан
Ва мўъжаз асарин ёққан ўзингсан.

Термизийни эслаб йиғлайди араб,
“Йўқол юртдан”, дейсан сен унга қараб.

Қодирий куйлайди ўтган кунингни,
Ўлса чиқармайсан аммо унингни.

Сен дея тушади Чўлпон йўлига,
Сибирь деб тутасан чипта қўлига.

Майли-ку, уларни оқлай олмайсан,
Гўдак Усмонни ҳам сақлай олмайсан...

Бир боланг йиғлайди Фурқатман дея,
Сен учун бу ҳолат оддий воқеа!

Соғуний қанчалар чирмашса сенга,
Уни итарасан шунчалар Чинга.

Тарихингга сиғмас даҳоларинг бор,
Ажаб, сенинг фақат жафоларинг бор.

@mensevgansheriyat

Гулжамол АСҚАРОВА

Саҳролардан келдим, чўллардан келдим,
Кўп узоқ, кўп қадим йўллардан келдим,
Ҳайдашди, дилингга диллардан келдим,
Менга меҳр кўргаз, меҳрибонлик қил.
Бунча ҳам бераҳм, золим одамлар,
Бунча ҳам залворли, оғир қадамлар,
Жудаям кераксан, жоним, шу дамлар,
Менга меҳр кўргаз, меҳрибонлик қил.
Бу иссиқ ёзларда совқотдим жуда,
Наҳотки ҳаммаси бекор, беҳуда,
Ўзингни уйғотгин ғафлат, уйқудан,
Менга меҳр кўргаз, меҳрибонлик қил.
Ўттиз йилки йўлим тугамади ҳеч,
Минг ўлдим, бу ўлим тугамади ҳеч,
Бугун эрта, эрта бўлмасидан кеч,
Менга меҳр кўргаз, меҳрибонлик қил.
Илоҳий суралар ўқиб келганман,
Тиллодан занжирлар тўқиб келганман,
Сени деб жаннатдан чиқиб келганман,
Менга меҳр кўргаз, меҳрибонлик қил!

@mensevgansheriyat

Абдували ҚУТБИДДИН (1960-2019)
ЧИҚСАНГ – ЧИҚ, КЕТСАНГ – КЕТ, ЭНДИ, ЖОН

ГИНА

Негадир сен мени йўқламай қўйдинг,
Эс-ҳушинг қайтадан қайтди жойига.
Эрталаб, туш пайти, оқшомда тўйдинг,
Қайроқлар сайрамас қалбинг сойида.

Негадир менсиз ҳам яшашинг мумкин,
Кўзинг қармоғида тинди ҳавасим.
Аслида кўксингни тебратган тўлқин,
Фаҳминг етармикан...
Рашку аразим.

Сен гўё бахтлисан, топгандай нурни,
Муғамбир ошёнда юпанчинг бордай...
Шунда ҳам юзингда (очай бир сирни)
Тиламчи кўзларим сўзлари бордай.

Бешбаттар бўлмайди... бундан зиёда,
Ҳаприқиб кетаман...
Сочларинг иси –
Димоққа урилар иффор, зиёдай,
Уйилиб, юракка тақалиб, тўзиб...

Севгилим, сен мени йўқламай қўйдинг...

* * *
Чарх, ўткир қилиб қўй болтангни,
Чуғурчуқ, йигиргин сим, арқон,
Юзини ўгирди
Ахир ёр –
Чиқсанг – чиқ,
Кетсанг – кет, энди, жон.

Хазонинг тўпла, кўм мени, боғ,
Терингни кафан эт, эй илон,
Юзини ўгирди
Ахир ёр –
Чиқсанг – чиқ,
Кетсанг – кет, энди, жон.

Дарё, сен мурувват қил бир бор,
Йўлингга қўшиб ол лахта қон.
Юзини ўгирди
Ахир ёр –
Чиқсанг – чиқ,
Кетсанг – кет, энди, жон.

Кеча, ўғирликка чиққил, кел,
Бошимни синдиргин, уз, армон.
Юзини ўгирди
Ахир ёр –
Чиқсанг – чиқ,
Кетсанг – кет, энди, жон.

Лахча сеп, тонггинам, тўяйин.
Юракда қолмасин пушаймон.
Юзини ўгирди
Ахир ёр –
Чиқсанг – чиқ,
Кетсанг – кет, энди, жон.

ХАБАР

Осима,
Лайлаклар элчи – у ердан,
Ҳув ана мезонлар, хабар олайлик.
Паға-паға ёлқин, томчи-томчи ранг,
Ёғар бир ўлка бор, борақолайлик.

Кўнгил аросида фарёд тилкаси,
Армонлар тўсибди тиғ бахтимизни.
Қуш йўқ работларда кимнинг кўлкаси,
Эшитди мунграган суҳбатимизни.

Сен юлдуз париси тўфон буржида,
Мен қора туйнукда улоққан балки.
Уммондай оғриқдан синган гурзидай
Осмондай кенгликка сиғмайди шаклим.

Ўқишни билсанг гар Тақдир китобин,
Билиб бер, ишқ борми ўлмасдан бурун.
Сўраб бер, севгининг манзил туробин,
Жой борми, юзпора иккимиз учун.

Осима,
Лайлаклар қайтдилар ортга,
Адирлар қатига яшринди баҳор.
Тинмай ёғаяпти, биз йўқ ўлкада,
Паға-паға ёмғир, томчи-томчи қор.

* * *
Сирли бандаргоҳда қуюқ туман,
Олмос лангар,
Биллур кема.
Зарбоф кўйлак кийган дарға мендирман,
Эй гул, кетасанми мен билан.

Кумуш тўлқинлар тебранишда,
Шаффоф манзилларнинг бешиги ишонч.
Сенга кечалари ривоят айтиб,
Тонглари бошингдан сепаман қувонч.

Бўрон томоғидан омон чиқамиз,
Саболар шаҳрига етамиз албат.
Вафо арқонини сувдан тортамиз,
Ўлжамиз муҳаббат.

Кўзингни юмгину қучоғимга кир,
Юрагим мушкидан бўйланар юзинг.
Бу уй атиргулнинг тушиникидир,
Ёп-ёруғ, чироғи – булбулнинг кўзи.

Эй гул, кетасанми мен билан?!

* * *
Ҳарна ёмғир ёғар, ювар айбимиз,
Кеча сир сақлайди, очилмас сира.
Не бўлди, куйдими охиратимиз,
Ширин дийдор кечди,
Бокирам.

Тарози кўтариб келган фаришта,
Иқрор этса этар, ғам ема, жоним.
Топарман мен сени ўша гардишда,
Яна бир қучарман,
Тоза армоним.

Итлар қопсалар ҳам ёнғин кунларда,
Самоларда исминг айтгум чирқиллаб.
Руҳим йиртсалар-да халқоб тунларда,
Яна бир лабингга
Қўяжакман лаб.

Кўзлардан қўрқаман, дема, мен ўзим
Юрагимни бергум, тўйиб чўқирлар.
Эзилма, бир куни чумчуқдай учиб,
Бағрингда ухларман
Яна чуғурлаб.

Ҳарна ёмғир ёғар, ювар айбимиз,
Кечиб кечирмайди ғанимат дайр.
Ёмғирпўшни очдинг, ожиз қайсимиз,
Хайр, хайр, хайр...

* * *
Дағи довонларга ханжар кўтариб
Дағи кокилига дилдор ғарқ этган,
Дағи ишқ шароби жон жоми ичра,
Дағи ҳубоб қонда, шўх азоб қонда.

Марҳаматлар ёққан олтин кечада
Лайлатулқадрни айладик меҳмон.
Дағи мижгон очиб қўйган дарчадан
Баднафс қийноғин обкирди ҳижрон.

Дағи айролиғнинг айролиғида
Қайрилган қошингдай довонлар тушди.
Дағи довонларга ханжар кўтариб
Бизни ёмон кўрган ёмонлар тушди.

Энасиз кулундай аланглаб кун-тун,
Хатар жарларидан изладик рукн,
Дағи тилмочликка тил урди хазон.
Бир жумла тушундик, дағи биз хазон,
Биз хазон...
Биз хазон...

* * *
Мен жуда ёлғизман,
Гўё қудуқда
Қовурғамгача сув, баданим – оғу,
Билагим увушиб типирчилайди –
Мисли сўнгги нола, охирги ёҳу.

Мен жуда ёлғизман –
Қудуқдир жойим,
Безиллар, яшринар мендан чувалчанг,
Қурбақа, сен балки малаксан асли,
Не бўлар аслингга қайта олсанг.

Мен жуда ёлғизман –
Қўлимда нина
Тиламан, қазийман чуқурдан-чуқур.
Тепадан тош тўла пақир ташларлар,
Сўрарлар қилиб бер дея жавоҳир.

Мен жуда ёлғизман,
Азобим чексиз,
Қўлимда занглаган қадимий тақа.
Бўйнимга ёпишиб этар тавалло,
Аслига қайтолмай ётган қурбақа.

Мен жуда ёлғизман,
Тепадагилар
Кенгликда от суриб овлашар гуноҳ.
Мени тушунмаслар (фаҳм шарт эмас).
Аждарман
Ва исмим “Оҳ”дир менинг
“Оҳ”.

* * *
Ҳеч ким суйган эмас мени сенчалик,
Қақнус тумшуғида ёнган аланга.
Азизам, азизам, ғамгин азизам,
Саодат олмоққа етурми тангам.
Захоб ютиб кетган
Олучча барги,
Темир дубулғада ўсган чиннигул.
Нотинч изтиробим ва соғинчларим
Сенсиз этмакдаман ёлғиз танаввул.
Ҳамал қафасида ҳарир, ғаройиб
Зиндон топиб берар кофар ҳаяжон.
Бўёқлар яралган симий ҳовузда
Қунишиб, жунжикар серталваса жон.
Ҳеч ким севган эмас мени сенчалик,
Ҳеч ким бўлолмаган сендай фидо тан.
Денгизни сапчитиб отган қийқириқ,
Гўё сен,
Денгиздай таажжубланаман.
Оғир лангар бўлиб қўлларим чўкар,
Тубсиз қучоғингга карахт, беозор,
Ҳайронман,
Узугинг ютган наҳанглар,
Сени қуршаётир ишорангга зор.
Ҳеч ким суйган эмас мени сенчалик,
Ҳеч ким суйган эмас мени юракдан.
Ҳеч ким тўкилмаган сендек эланиб,
Ҳеч ким тўкилмаган сендек элакдан.
На тақдир битувчи,
На қаттол рақиб,
Бермаган саодат олмоққа танга.
Ҳеч ким ёндирмаган мени сенчалик,
Қақнус тумшуғида ёнган аланга.
Ҳеч ким суйган эмас мени сенчалик…

@mensevgansheriyat

Зебо МИРЗО

Шавкат РАҲМОН

ХОНАДОН

Бунда ҳамма ўзини севар,
тағин севар нозик гулларни...
Чақмоқ кўзли болалар эмас.
ўстиришар фақат қулларни.

Бу шўрликлар хонадонида
ғараз, фосиқ ниятлар тунар,
ҳалок бўлар қанча даҳолар,
муттаҳамлар, ўғрилар унар.

Ҳалиям кўз очмаган халқ-да,
ҳали камдир имон, эътиқод,
яшайдилар бир-бирин алдаб,
бир-бирининг мотамидан шод.

Нафас олмай ўтаман ҳар гал,
уф-ф, нақадар ўткир анқийди
ириб кетган орзу-хаёллар,
чириб ётган туйғулар ҳиди.

@mensevgansheriyat

ЎЗБЕК ЁЗУВЧИ ВА ШОИРЛАРНИНГ ТЕЛЕГРАМДАГИ КАНАЛЛАРИ РЎЙХАТИ:

Аъзам Ўктам - @azam_uktam_ijodi
Абдулазиз Аҳмад - @ijoddardi
Азиз Нур - @dilistoon
Азиз Саид - @vaqt_manzili
Акром Малик - @akrom_malik_rasmiy
Алишер Файзуллаев - @perezagruzka_2021
Алия Темурийзода - @umidimsendan
Анвар Ботир - @seningdirman
Анвар Обиджон - @anvar_Obidjon
Аржумандбегим - @arjumandbegim
Аҳмад Али - @ahmadali_writer
Бахтиёр Омон - @omon_ilmi @baxtiyor_omon_kutubxonasi
Бахтинисо Маҳмудова - @baxtiniso
Башорат Отажонова - @bashorat_otajonova
Беҳзод Фазлиддин - @behzod_fazliddin
Бобур Элмурод - @bobur_elmurod
Гулжамол Асқарова - @guljamol_asqarova
Гули Нигор Авазова - @guliinigor
Гулноз Мўминова - @dil_siniqlari
Гулрух Худоёрова - @gulrux_xudoyorova_ijodi
Дадахон Муҳаммадиев - @dadaxonmuhammadiy
Дилмурод Дўст - @dil_dost
Дилора Холиқова - @aytolmagan_dilim
Дилфуза Қосимова - @ohujon
Дурдона Бобомурода - @durdona_bobomurodova
Дўстбек Сулаймонов - @nasr_uz
Жавлон Жовлиев - @javlonjovliyev
Жонтемир - @jontemir_t
Жуманазар Йўлдош - @jumanazar_yuldash
Замира Иброҳимова - @zamirabuvi
Зулхумор Орифжонова - @zulxumor_orifjonova
Зебо Мирзо - @zebo_mirzo
Икром Искандар - @ikrom_iskandar_ijodi
Ирода Умарова - @garashalikungil
Ирода Холбекова - @gullayotganyurak
Иқбол Мирзо - @iqbol_mirzo_ijodi
Кимсан Муслим - @kimsanmuslim
Комил Мажид Турон - @komil_majid_turon
Кумуш Ўсарова - @oykumushingiz
Кумуш Абдусаломова - @kumush_abdusalomova
Лайло Собир қизи - @meningquyoshlidunyoyim
Лобар Хайруллаева - @xayrliuz
Мадина Норчаева - @madina_norchayeva
Манзура Абдуллаева - @sayhunqizi
Мансур Жумаев - @mansur_jumayev
Матназар Абдулҳаким - @m_abdulhakim
Маъруфжон Йўлдошев -
@hayot_deganlari
Маҳлиё Умурзоқова - @mahliyoxon_umurzoqova
Меҳриноз Аббосова - @abbosova_mehrinoz
Мирзо Кенжабек - @m_kenjabek
Моҳира Эшпўлатова - @altruistning_qizi
Муслимбек Мусаллам - @qalbic
Муфаррида - @mufarridaa
Муҳаббат Йўлдошева - @muhabbatyuldashevaijodi
Муҳаммад Сиддиқ  - @muhammad_siddiq
Муҳаммад Солиҳ - @muhammad_solih_ijod
Муҳаммад Ҳодиев - @hodi_muhammad
Муҳтарама Розиқова - @macxar
Наврўза - @navroza_m
Нажмиддин Эрматов - @najmiddin_ermatov
Наргиза Асадова - @nargiza_asad
Наргиза Одинаева - @nargiza_odinayeva_ijodi
Нафиса Омон - @nafisaomon
Назар Шукур - @nazar_shukur
Нигора Ғаниева - @shunchaki_kayfiyat_uchun
Нилуфар Умарова - @nilufar_umarova_ijodi
Ниятулло Элбек- @qalb_yoli
Нодира Назар - @nodiranazar
Нодирабегим Иброҳимова - @mittihaqiqatlar
Нозима Хабибуллаева - @nozima_habibullayeva
Носиржон Жўраев - @nosirjon_jorayev
Нуриддин Зиё - @ijoduyi
Нурияхоним Улуғбек қизи - @nuriyaxonim_uz
Ориф Толиб - @oriftolib
Ориф Тўхташ - @orif_toxtash_ijodi
Отабек Бакиров - @otabekbaxtiyor
Паризода Рўзибоева - @parizodaruziboyeva
Рауф Парфи - @rauf_parfi
Рахшона Аҳмедова  - @raxshonaahmedova
Раҳимжон Раҳмат - @rahimjon_rahmat
Раҳмат Бобожон - @rahmat_bobojon
Рустам Мирвоҳид - @rustam_mirvokhid
Рустамжон Умматов - @maktub_gazeta
Сабина Расулова - @sabinarasulova_ijodi
Ситорабону Шомуродова - @sitorabonu_audiolar
Ситора Шамсиддин - @sitorashamsiddin
Суҳроб Зиё - @suhrob_ziyo1
Тилланисо - @tillanisoen
Усмон Азим - @usmon_azim
Фарида Афрўз - @farida_afroz
Фарҳод Эшон - @literaman
Фаҳриёр (Фаҳриддин Низомов) - @fahriyor_poet
Феруза Хайруллаева  - @feruzaxayrullayeva
Фурқат Алимардон - @mezonlar
Фуруғ Фаррухзод - @farruxzod
Хосият Рустамова - @xosiyat_rustamova
Хуршид Абдурашид - @xurshidabdurashid
Хуршид Даврон - @xurshiddavronkutubxonasi
Хушнудбек  - @xushnudbek_kutubxonasi
Ҳалима Худойбердиева - @halima_xudoyberdiyeva_ijodi
Ҳасан ва Ҳусан Карвонли - @karvonli
Чори Аваз - @choriavaz
Чўлпон Эргаш - @cholpon_ergash
Шабнам Қувонч - @mavhumf
Шавкат Дўстмуҳаммад - @katarsis_kundalik
Шаҳзод Эргашалиев - @ilhomlar
Шаҳриёр Шавкат - @shahriyor_shavkat
Шерзод Комил Халил - @sherzodkomilkhalil
Шодмонқул Салом - @shodmonqul_salom
Шоҳрух Даврон - @sezimlarim
Шоҳрух Усмонов - @usmonosphere
Шоҳсанам Нишонова - @shohsanam_nishonova
Шуҳрат Ориф - @shomuz
Эркин Ҳожимуҳаммад - @ehojimuhammad
Эъзоза Обиджонова - @ezoza_obidjonova
Юлдуз Ўрмонова - @yulduz_ormanova

(янгиланган сана: 18 июль, 2023 йил)

@yozuvchiuz

Ҳалима ХУДОЙБЕРДИЕВА

БЕРАР БЎЛСАНГ…

Тўқни кияр тўни бор,
Берар бўлсанг очга бер.
Даланг машоқларини
Терар бўлсанг очга бер.
Қизни берсанг, хор қилмай,
Жондан суйганига бер.
Шу қиздан бошқасидан
Ўзин тийганига бер.
Қизни берсанг, қўрғони
Бўладиганига бер.
Мабодо бермас бўлсанг,
Ўладиганига бер.
Юртни берсанг осмонин
Кўтаргич қанотга бер.
Ўлса, ерни аёлдай
Қучиб ётар зотга бер.

@mensevgansheriyat

Шодмонқул САЛОМ

“O‘QIMAGAN BOLALAR”

Muallif:
Shodmonqul Salom

Kompozitor:
Muinzoda

Ijrochi:
Erkin Bozorov

Ijodiy hamkorlarimiz:
Najottalim, Cambridj, Orbital Education o’quv markazlari.

✍Эркин Воҳидов

🎙Ҳожиакбар Нурматов
Римма Аҳмедова

🎵Айрилиш

@mensevgansheriyat