أركيرا | Archira
قناة لطالبة معمارية شغوفة بالتصميم والإبداع، مهتمة بنشر محتوى معماري تعليمي ملهم يساعدك على تطوير مهاراتك وفهم العمارة بأسلوب بسيط وممتع ✨

https://www.youtube.com/@iarchira

اول نفق بالشرق الاوسط بالعرااااق😱😱👇👇👇👇👇👇👇👇

https://youtube.com/shorts/WJP_UxW-PAw?si=d44-svdjdF5Jij3-

معلومات عن المرحلة الاولى

رح تكون المواد الخاصة بيها هي :
(التصميم_كرافك(رسم معماري)_رسم يدوي_تركيب مباني_COMPUTER_ رياضيات_اللغة الانكليزية_مبادىءفن وعمارة_لغة عربية)

اول ماتبلش دراسة المرحلة الاولى
#الكورس_الاول
ينطوكم بمادة التصميم موضوع (التكوينات او التجريد) حسب الجامعة.
تختار فد موضوع وتبدي تسوي تجريد للشكل الي اختاريته بأشكال هندسية
او تختار موضوع وتبدي تسوي علية تكوينات باشكال هندسية ويكون رسم على ورقة 2d
بعدها تسوي كولاج او ( مودل) فلين وفذر بورد رح يصير على شكل 3d
نماذج للطلاع حط اصبعك هنا

#الكورس_الثاني
تاخذون مشروع مطعم او كافتيرا او اي مشروع بهذا الحجم الصغير وبما انك انت طالب مرحلة اولى وماتعرف شنو الافكار الي لازم تستعمله للمشروع
فأكو جامعات تكلك نفس التكوين او التجريد النهائي الي سويته بالكورس الاول رح يكون شكل المطعم ماتك 👍
يعني نكدر نكول ( عصفورين بحجر)
وهنا الطالب تبدي شطارته اذا انت قوي بالكيفرات والاشكال المنحية ميوكف عدك شي... واذا موقوي فمن بداية المشروع من تريد تختار موضوع للتجريد او التكوين خلي يبتعد عن الاشكال المنحنية ويتضمن فقط اشكال مربعة او مستطيلة

#السبب_في_اختيار_اشكال_بسيطة
حتى من تبدي بمشروع المطعم وتوزع فضائات اله وتسوي واجهة بسيطة وتسوي شكل ايزو وكل هذا رسم بالأيد تكون العملية عليك سهلة ومو معقدة مثل المنحنيات َولازم فرجال وكلساع تخطأ ووقت يروح عليك..

#اما_اذا_كان_المشروع_يطلب_فكرة_تصميمية فهنا انت يابطل لازم شوية تكون عندك خلفية عن مفهوم الفكرة التصميمية
شلون تجيبها ومنين وبشنو رح تفيدني وشلون رح تتحول من فكرة لرسم على الورق
وهذا كله اني شرحتة بمثال على الفكرة التصميمية اضغط هنا

#اما_بقية_المواد

#گرافك وال #الرسم_اليدوي

ترسم لوحات او صورة الاستاذ يحطها كدامك او اشكال موجودة بالمرسم وانت ترسمها او يطلعوكم على بنايات خارج الكلية وترسموها وتكون الرسمات بقلم الرصاص والاصباغ الخشبية وبعض الجامعات من الاولى يخلوك ترسم مائي هم...
#Computer
تاخذ بيها نظام الحاسوب... المايكروسوفت وهلمور يعني اشياء اساسية ماله دخل ببرامج المعماري

#تركيب_مباني
تدرسون انواع المنشآت والانشاء الهيكلي
وعن مواد البناء وانواعها والجدران وهلمور.. يعني مادة نضرية تكون فقط
ع عكس بقية المراحل تكون نضرية وعملية يعني بيها رسم
كتاب تركيب مباني👉

#الرياضيات
تدرسون بيها موضوع Limit
والدوال المثلثية
والتكامل وقاعدة السلسلة وهلمور.
كتاب الرياضيات 👉

#مبادئ_فن_وعمارة
تدرسون التكوينات وانواعها
المدارس المعمارية
الدادائية السريالية والتجريدية والباوهاوس
وبعض المراحل التطويرية والمستقبلية
والتعبيرية وهلمور...
كتاب مبادئ فن وعمارة 👉

#كل_المواد_نضرية_عدا
التصميم و الگرافك والرسم اليدوي

#المواد_الاساسية مثل التصميم والگرافك والرسم اليدوي عبارة عن مواد تقيم سنويا ترسب بمادة تعيد سنة ماكو دور ثاني بيهن

نماذج مطعم او كافتيريا 👉

الكتب_الخاصة_بالمرحلة_الاولى👉

هذا كل مايتعلق بالمرحلة الاولى
شارك المنشور فضلا وليس امرا

#المهندس_نجاح_شوقي

السلام عليكم طلاب

شرح بسيط عن الفكرة التصميمة 😍

شلون اكدر استنبط فكرة لمشروعي؟
شلون اختار فكرة قوية ؟
شلون رح احولها من عقلي للواقع؟

قبل كلشي سوي Subscribe للقناة ليصلك ماهو جديد 😂

اول شي افكر بالمشروع اني عندي مشروع بيت او ڤيلا او اي مصطلح اخر ع مشروعكم شون احصل فكرة او شون ابدي؟؟!! 🥺

#ملاحضة/
رح يكون شرحنه عن( البيت) لأن نكدر نكول اكثر مشروع المعماري رح يشتغله بالمستقبل

#ملاحضة 2 /
خلي قرائتك بطيئة وبتمعن

اني اكدر اخذ الفكرة من عدة شغلات
#اولاً / من وظيفة المشروع
#ثانياً/ من موقع المشروع كأن يوجد بي محددات مهمة ك النهر وماشابه او مجاورات اكدر استفاد منهن
#ثالثاً/ من الاشخاص الي ساكنين البيت ولذلك حددنالكم منو يسكن بالبيت كل شخص ساكن بالبيت وعندة وظيفة انة اكدر اربط الفكرة بوظيفة اي احد منهم

فأول شي تقررة وتكول فكرتي تكون مرتبطة بشنو؟ ج/بوظيفة البيت المعنوية ( الاحتواء - الامان - المأوى - الاستقرار - التربية - التعليم.. الخ) او الموقع ومحدداتة او الساكنين بالبيت


بعدها من احصل ع هالشي ابدي ابحث عن قوة لفكرتي يعني بين قوسين ( فلسفة للفكرة ) مالتي لان فكرة بدون فلسفة يعتبر شي ضعيف بالعمارة وهاي الفلسفة قد تكون بيت شعري او اية قرانية او نص من كتاب معين او حتى فكر


هسا تكولون كل هذا كلام شون احصل شكل يعني شي ملموس.. 🥺

من الفلسفة راح يتكون عندكم المفهوم الفكري يعني هاي الاية او النص او البيت الشعري او حتى لو كان مجرد فكر الخصهم بكلمة وحدة او اثنين

اجي ادخل هالكلمة الي حصلتها يعني المفهوم بالگوگل عمود الاگي مرجع فكري يعني صورة شي ملموس لكل الي فكرت بي

والمرجع اسكج علي عمود اوصل للشكل المطلوب


الملخص 😁او الي احتاجة شنو

1- فلسفة للفكرة ( اية قرانية او نص شعري او نص نثري او فكر او قصة او او او هواي شغلات )

2- مفهوم فكري وقد يتكون من كلمة واحدة او يكون مفهوم ثنائي يجمع بين متضادات مثل الحياة و الموت
الارادة والضعف
وهكذا

3- مرجع فكري واقصد بيها الصورة او الشكل الي احصلة من النت ومرتبط بمفهومي وملاحظة اكدر اخذ اكثر من مرجع ولكن لنفس المفهوم

4 مجموعة سكيجات

5 الشكل النهائي



مثال //

عندي مشروع مثلا #مركز_ثقافي في. السماوة.
الفلسفة مالتي ولانو السماوة فقيرة بالثقافة فأني شبهت المركز هذا بعين الماء المتفجرة بارض قاحلة وهي ارض السماوة ( هاي فلسفة للفكرة اعتمدت ع فِكر معين ) اروح ابحث بالكوكل عن مفهومي واخذ صورة عبارة عن ماء 💧 متفجر بارض يعني عين ماء ببساطة
اخذ اشكال الماء الانسيابية مع تكسرات الارض الناتجة عن انفجار الماء واسكج لحد ميطلعلي شكل ناضج


مثال2
#عندي_مشروع_روضة_اطفال
فكرت انو الطفل يروح للروضة بالدرجة الاولى عمود سعادتة وساعات يفرح بيها مع اصدقاءة لان باعتبار الروضة فد بدايات للطفل للاختلاط واللعب والتعلم هاي فلسفة ايظا اعتمدت ع فكر فلازم عندي مفهوم فكري وكأن ( الابتسامة) يعني لخصت الساعات الي يقضيها الطفل بالروضة ويشعر بيها بالفرح بكلمة وحدة
وهسا لازم مرجع فكري فشون اكدر اربط الابتسامة بشي ملموس اخذت السمايل المبتسم 🙂 ابسط تعبير عن الابتسامة بس هذا مااكدر اسكج علي ويطلعلي شكل كامل لازم فد شي اعمق فاخذت عالم مدهش الشخصية الكارتونية المبتسمة باللون الاصفر وتبدي السكيجات لحد ميطلع الشكل


وهذا كل الي اكدر اوصله الكم وشكرا
#شارك_البوست_وي_زملائك_للاستفادة_وتحفيزا_النه_لنشر_المزيد...
#ست_رباب
#المهندس_نجاح_شوقي



لتجد كل ماتحتاجه انضم للقناة 👇
@najah_01 @najah_02

📢 انضموا إلى
Arab Architecture Academy | Community

مجتمع تفاعلي لطلاب ومعماريي العالم العربي
لطرح الأسئلة، مناقشة المشاكل المعمارية، تبادل الخبرات، والتعلم في بيئة محترفة.

💬 نقاشات • استفسارات • برامج معمارية • خبرات عملية

🔗 رابط الانضمام:
https://t.me/+MtKdK38u8PJkYTE6

مرحبًا بالجميع 🤝🏛

من هو الجندي المجهول وشنو فكرته ؟؟!!
شوف الفيديوو 👇👇👇👇👇
https://vt.tiktok.com/ZSaSoBPsU/

معلومات عن كل المراحل للهندسة المعمارية

معلومات عن المرحلة الاولى

معلومات عن المرحلة الثانية

معلومات عن المرحلة الثالثة

معلومات عن المرحلة الرابعة

معلومات عن المرحلة الخامسة
الجزء الاول
الجزء الثاني