التصميم العمراني وأهميته في التقليل من استخدام العوازل الحرارية

كتاب الاسكتش في العمارة
( تجسيد الافكار الى خطوط)

315ص
المحتوى

انواع الخطوط (فلسفة الخط المعماري) النسبة الذهبية (النسبة الالهية)
الزخارف والنقوش الاسلامية
منظومة الشيكات المعمارية (Grid) الفكرة التصميمة

٠نسأل بقى الأسئلة المهمة
و بالراحة كده هنحكي حكاية تصميم طويلة شوية عمرها 20 سنة !
وسط ما الكل فرحان بحفل افتتاح المتحف المصري الكبير، بس اللي يعرف حكاية الأرض اللي اتبنى عليها و قصة التصميم ، هيفرح أكتر و يعرف أكتر

الأرض دي كانت زمان جزء من الظهير الصحراوي لقريتين صغيرتين اسمهم كفر غطاطي وكفر نصار، تابعين لحي الهرم في الجيزة. من حوالي 35 سنة كانت المنطقة دي مجرد صحراء وجبال، مفيش فيها غير أراضي زراعية متناثرة على حدود القرى، وكانوا زمان بيسموها “جحر الديب” لأنها كانت مأوى للذئاب اللي بتنزل من هضبة الهرم. مع الوقت الاسم اتغير وبقت “غطاطي”، والناس هناك عاشوا حكايات طويلة مع الأرض دي — من زمن الإنجليز والباشوات، لحد ما بقوا هم ملاكها بعد ثورة يوليو 1952

في التسعينات بدأت فكرة المتحف تظهر رسميًا، وبدأت الدولة تنزع أول جزء من الأرض علشان المشروع. نفس الأرض اللي كانت يومًا ملعب أطفال القرية، أو مكان لمعسكرات صيفية بسيطة، اتقفلت بسور كبير سنة 2002 تمهيدًا لولادة حلم ضخم… حلم «المتحف المصري الكبير».

في نفس السنة اتطلقت مسابقة عالمية شارك فيها 1557 مكتب معماري من 83 دولة، و دي كانت سابقة لأول مرة في التاريخ المعماري ! , لحد ما فاز المكتب الأيرلندي Heneghan Peng Architects. ومن اللحظة دي بدأت واحدة من أعظم القصص في تاريخ العمارة الحديثة !
و خلال 3 سنوات من العرض و التقييم المشروعات المقدمة و مناقشات طويلة تم الاستقرار اخيرا على الفكرة اللي استفادت بأفضل شكل ممكن من امكانيات الموقع

و الحقيقة الموقع نفسه عبقري تم اختياره داخل ما يُعرف بـ "مثلث الرؤية الكبرى"، وده معناه إنك لو رسمت خطوط وهمية بين قمم الأهرامات التلاتة، هتتقاطع كلها في نقطة واحدة… والنقطة دي هي بالظبط مكان المتحف !
يعني تخيل إنك ترسم خطوط من قمم الأهرامات الثلاثة… هذه الخطوط بتتقابل في نقطة واحدة والنقطة دي هي المكان اللي تم اختياره ليكون موقع المتحف, وهتشوفوا بنفسكم من اللحظة اللي تدخل فيها المتحف انك داخل محور بصري يؤدي مباشرة للاهرامات

يعني من أول لحظة تدخل فيها هتحس إنك ماشي في محور بصري بيقودك ناحيتهم، كأن المبنى نفسه بينحني احترامًا لهم و ده باين في توجيه كتلة المتحف المصمته ناحيتهم

وهنا بقى تيجي الخبطة المعمارية الحقيقية :
العلاقة بين الخطوط البصرية للمتحف وبين الأهرامات هي علاقة صعود للسماء!

المحاور دي مش مجرد اتجاهات معمارية، دي محاور ضوء ورؤية وروح، بترتفع تدريجيًا في امتداد بصري بيقود عين الزائر نحو قمم الأهرامات، وكأنك بتتبع أثر أوزوريس – أو أوريون الصياد في السماء

المصريين القدماء كانوا شايفين إن نجوم كوكبة أوريون (اللي فيها نجم الجبار) بتمثل جسد أوزوريس، إله البعث والخلود، والأهرامات التلاتة نفسها اتبنت على نفس المحاذاة الفلكية دي.
المتحف الجديد بيكمّل الحكاية دي بعد آلاف السنين، بخطوطه، وضوءه، وواجهته المثلثة اللي بتمسك أشعة الشمس كأنها جزء من هندسة كونية واحدة

ولما تيجي لحظة غروب الشمس، هتفهم المعنى كله — الإضاءة اللي بتسقط على واجهة المتحف بزاوية خفيفة، بتتلاقى مع ضوء مركب الشمس اللي بيتسلل من بعيد عند الأهرامات.
المشهد كله بيتحوّل لقصيدة ضوئية عن البعث، النور، والاستمرارية… كأن المتحف مش مبني على الأرض، لكن واقف ما بين الأرض والنجوم

الواجهة الأصلية للمتحف نفسها ( و اللي تختلف عن الواجهة الحالية ) كانت مصممة بشبكة ضخمة من المثلثات، كل مثلث بيتقسم لمثلثات أصغر — نفس منطق بناء الهرم عند المصري القديم. الفكرة مش بس شكل هندسي، لكنها رمز للخلود: التكرار، والنظام، والانسجام
كأن المعماريين قرروا يخاطبوا المصريين القدماء بلغتهم، بس بأدوات العصر الحديث

العمل بدأ فعليًا بعد فوز التصميم في 2003، و اتعطل 8 سنين او اكتر واستمر عبر مراحل طويلة لحد الافتتاح الكامل سنة 2025. , و النهارده بنتكلم عن أكبر متحف في العالم مخصص لحضارة واحدة — نص مليون متر مربع من الخرسانه والضوء والذاكرة

بيضم أكتر من 100 ألف قطعة أثرية، منها مقتنيات الملك توت عنخ آمون كاملة لأول مرة في التاريخ

اقام مرعبة لكن الحقيقة الأجمل مش في الأرقام، ولا في الحجم…
هي في الفكرة نفسها:
إن الأرض اللي كانت يومًا صحراء خالية، واللي عاش عليها ناس بسيطين من كفر غطاطي، بقت النهارده منصة بتحتفي بالخلود، وبالحضارة، وبنور الشمس اللي بيكمّل رحلته من الهرم للمتحف.

المتحف المصري الكبير مش مجرد مبنى…
ده نقطة التقاء بين أوزوريس في السماء والأرض اللي استردت نفسها.
حكاية عن مصر… من التراب، للنور، وللأبد
عشان كده الخط السردي للمتحف ( و كل متحف في العالم ليه حكاية سردية ) هي : الأبدية

و دي هنحكي عنها في بوست منفصل

#Grand_Egyptian_Museum #GEM #HeneghanPengArchitects #Cairo_Urban_Studio #architectureoflight

٠دوامة ساحرة من اللون والضوء - نافذة المجد في كنيسة ساحة الشكر في دالاس، تكساس.
هذا الزجاج الملون من تصميم الفنان الفرنسي غابرييل لوار يرمز إلى الصعود الروحي للبشرية من الظلام إلى النور.

٠من أين نبدأ البحث عن الفكرة التصميمية؟!

سؤال قد يسأله الكثيرين، وببساطة يمكن البحث عن الفكرة التصميمية لمشروع تخرجك أو أي مشروع من خلال:
1) الهدف: ما الهدف والغاية من المشروع؟ وهذا السؤال هو انعكاس للمشكلة التصميمية. وعليك البحث فيه عن الفكرة التصميمية. على سبيل المثال: مشروع مدرسة هدفه الريادة والتميز وتحفيز الطلبة على الإبداع والتفاعل الإيجابي مع المعرفة العملية والنظرية.. من غير التسطيح أن افكر في عمل كتلة المدرسة على شكل "ميكرسكوب".
من النضج أن تبحث "نظريا" عن العلاقة بين الطالب والبيئة التعليمية، وعما يمكن أن يحفز الطالب على الاستكشاف والتخيل والتأمل.. بالتالي: #الكتل_لابد_أن_تكون_ديناميكية، وبالتالي سنثري التكوين بالعناصر (شكلية -لونية -ملمس -وعلاقات). في نفس الوقت لابد وان يكون التصميم مبني على البساطة كانعكاس للعلم.. فالتعقيد بالعلم سيعقد الطلاب.. وبالتالي نحن نبحث عن السهل الممتنع.

2) الاحتياج: ما الذي يحتاجه المالك في المثال السابق؟ ما الذي يحتاجه الطلبة؟ ما الذي يحتاجه المدرسين لتحفيزهم واخراج طاقتهم؟
المالك يحتاج التميز. الطلاب يحتاجون المحفزات ببساطة عميقة متنوعة. المدرسين يحتاجون بيئة مريحة تفتح نفسهم للتدريس. من المفيد جدا البحث عن الاساليب التعليمية الحديثة.. وتوظيفها كعناصر مادية تصميمية.
بالتالي نحتاج لتكوين متميز بتكلفة معقولة، ينفذ بتقنيات متاحة، وتصميم منفتح وسهل الانتقال والوصول، تتداخل البيئة الطبيعية مع الفراغات بما يحفز الطلاب والمدرسين على التعلم والتعليم. وعلاقات تعزز التشارك والتحاور والتعبير.
كما لا ننسى احتياج المنطقة والمدينة؟ مثلا لتعلم معاصر يربط النظرية بالطبيعية والبيئة المادية حولنا.. " في فلندا يتعلم الطلاب في المراحل الأساسية في البيئة الخارجية .. تحت الاشجار ، وأثناء التنزه مع المعلم" هل يمكن ان تلهمك هذه المعلومة لفكرة تصميمية..؟!

3) الرغبة: والمرتبطة بنظرة بعيدة المدى حول ايقونة تعليمية تغير للأفضل نظرة الآخرين للتعلم.
كما أن المصمم لديه رغبة في الإبداع والابتكار وفق المتاح وبأقل امكانيات..

بسيطة وذكية 🌿 ☕