السلام عليكم طلاب

شرح بسيط عن الفكرة التصميمة 😍

شلون اكدر استنبط فكرة لمشروعي؟
شلون اختار فكرة قوية ؟
شلون رح احولها من عقلي للواقع؟

قبل كلشي سوي Subscribe للقناة ليصلك ماهو جديد 😂

اول شي افكر بالمشروع اني عندي مشروع بيت او ڤيلا او اي مصطلح اخر ع مشروعكم شون احصل فكرة او شون ابدي؟؟!! 🥺

#ملاحضة/
رح يكون شرحنه عن( البيت) لأن نكدر نكول اكثر مشروع المعماري رح يشتغله بالمستقبل

#ملاحضة 2 /
خلي قرائتك بطيئة وبتمعن

اني اكدر اخذ الفكرة من عدة شغلات
#اولاً / من وظيفة المشروع
#ثانياً/ من موقع المشروع كأن يوجد بي محددات مهمة ك النهر وماشابه او مجاورات اكدر استفاد منهن
#ثالثاً/ من الاشخاص الي ساكنين البيت ولذلك حددنالكم منو يسكن بالبيت كل شخص ساكن بالبيت وعندة وظيفة انة اكدر اربط الفكرة بوظيفة اي احد منهم

فأول شي تقررة وتكول فكرتي تكون مرتبطة بشنو؟ ج/بوظيفة البيت المعنوية ( الاحتواء - الامان - المأوى - الاستقرار - التربية - التعليم.. الخ) او الموقع ومحدداتة او الساكنين بالبيت


بعدها من احصل ع هالشي ابدي ابحث عن قوة لفكرتي يعني بين قوسين ( فلسفة للفكرة ) مالتي لان فكرة بدون فلسفة يعتبر شي ضعيف بالعمارة وهاي الفلسفة قد تكون بيت شعري او اية قرانية او نص من كتاب معين او حتى فكر


هسا تكولون كل هذا كلام شون احصل شكل يعني شي ملموس.. 🥺

من الفلسفة راح يتكون عندكم المفهوم الفكري يعني هاي الاية او النص او البيت الشعري او حتى لو كان مجرد فكر الخصهم بكلمة وحدة او اثنين

اجي ادخل هالكلمة الي حصلتها يعني المفهوم بالگوگل عمود الاگي مرجع فكري يعني صورة شي ملموس لكل الي فكرت بي

والمرجع اسكج علي عمود اوصل للشكل المطلوب


الملخص 😁او الي احتاجة شنو

1- فلسفة للفكرة ( اية قرانية او نص شعري او نص نثري او فكر او قصة او او او هواي شغلات )

2- مفهوم فكري وقد يتكون من كلمة واحدة او يكون مفهوم ثنائي يجمع بين متضادات مثل الحياة و الموت
الارادة والضعف
وهكذا

3- مرجع فكري واقصد بيها الصورة او الشكل الي احصلة من النت ومرتبط بمفهومي وملاحظة اكدر اخذ اكثر من مرجع ولكن لنفس المفهوم

4 مجموعة سكيجات

5 الشكل النهائي



مثال //

عندي مشروع مثلا #مركز_ثقافي في. السماوة.
الفلسفة مالتي ولانو السماوة فقيرة بالثقافة فأني شبهت المركز هذا بعين الماء المتفجرة بارض قاحلة وهي ارض السماوة ( هاي فلسفة للفكرة اعتمدت ع فِكر معين ) اروح ابحث بالكوكل عن مفهومي واخذ صورة عبارة عن ماء 💧 متفجر بارض يعني عين ماء ببساطة
اخذ اشكال الماء الانسيابية مع تكسرات الارض الناتجة عن انفجار الماء واسكج لحد ميطلعلي شكل ناضج


مثال2
#عندي_مشروع_روضة_اطفال
فكرت انو الطفل يروح للروضة بالدرجة الاولى عمود سعادتة وساعات يفرح بيها مع اصدقاءة لان باعتبار الروضة فد بدايات للطفل للاختلاط واللعب والتعلم هاي فلسفة ايظا اعتمدت ع فكر فلازم عندي مفهوم فكري وكأن ( الابتسامة) يعني لخصت الساعات الي يقضيها الطفل بالروضة ويشعر بيها بالفرح بكلمة وحدة
وهسا لازم مرجع فكري فشون اكدر اربط الابتسامة بشي ملموس اخذت السمايل المبتسم 🙂 ابسط تعبير عن الابتسامة بس هذا مااكدر اسكج علي ويطلعلي شكل كامل لازم فد شي اعمق فاخذت عالم مدهش الشخصية الكارتونية المبتسمة باللون الاصفر وتبدي السكيجات لحد ميطلع الشكل


وهذا كل الي اكدر اوصله الكم وشكرا
#شارك_البوست_وي_زملائك_للاستفادة_وتحفيزا_النه_لنشر_المزيد...

#المهندس_نجاح_شوقي



لتجد كل ماتحتاجه انضم للقناة 👇
@najah_01 @najah_02

كتاب المستثمر الذكي
من الكتب التي يجب ع كل مهندس قرائته 📙


====================❤
لتجد كل ماتحتاجه انضم للقناة 👇
@najah_01 @najah_02

أجــمل ما قــيل عن الــهندســة

قول المهندس فرانسيس وزنياك :

"الهندسة هي أرقى مستويات الأهمية التي يمكن أن تصل إليها في هذا العالم , فهي تنقل المجتمع إلى مستوى جديد "

وقـول المهندس تيودور فن كامان :

(العلماء يدرسون العالم كما هو، بينما المهندسون يخلقون عالما لم يكن موجود)

لكافة المهندسين بالقناه أسعد الله مساءكم خاصة المعماريون رواد الخياال والعالم الجديد📏❤️

#المهندس_نجاح_شوقي

الكتاب بصيغة pdf 👇

دراسة المشاريع المعمارية 📙


====================❤
لتجد كل ماتحتاجه انضم للقناة 👇
@najah_01 @najah_02

الكتاب بصيغة pdf 👇

كتاب تعليم التصميم المعماري قضايا وقناعات 108 ص 📙


====================❤
لتجد كل ماتحتاجه انضم للقناة 👇
@najah_01 @najah_02