حتى لو ماكنتي انسانة جيدة لاتقولين كذا ، وكونك تدعين الله هذي خطوة كويسة ، كل شي تبغونه يتغير فيكم ادعوا الله به ، وراح يسعد برغبتكم في التغيير ورغبتكم الملحة في ارضاءه ، خلاصة الكلام ادعوا بدون ماتملون وانتبهوا تفوتكم لحظات رمضان وساعاته ، اجتهدوا مابقى الكثير💗☁.

مقتطفات من الكتاب ، بدأت فيه وفعلا يساعدك على التدبر الله يجزاء من دلتني عليه خير يارب💗💗

السلام عليكم ورحمة الله وبركاته💗 ، اغتناما لما تبقى من الوقت ولأنه الجوال يأخذ من وقتي الكثير وان كنت استفيد منه فإحتمال اقطع خلال العشر، فبما ان العشر الاواخر على وشك عندكم هالأيام قضوا فيها للعيد واخلصو ونظفوا بيوتكم عشان ليلة العيد يبقى لكم ترتيبات واشياء خفيفة ، مسرع مرت الايام ويارب كل منكم يكون تعلم شيء جديد واصلح شيئ فيه ، يارب ان علاقتكم بالله متحسنة وصايرين حلوين ، من قصر بداية رمضان واجتهد اخره ! افضل ممن اجتهد اوله وقصر اخره

، آخر عشر ايام من رمضان فضلها عظيم وتذكروا انه كل يوم ترفع اسماء في صفحة المعتوقين من النار ، بتمر سريعة هالايام ، والذكي فيكم بيغتنمها جيدا ، وقال صلى الله عليه وسلم ' رغم انف 'كررها ثلاث مرات ' قيل من يارسول الله؟ قال: من ادرك رمضان ولم يغفر له ' فاللي مقصر يجتهد بالايام الجاية واللي مجتهد يزداد ، انتبهوا تضيعون الوقت انتبهوا ،

ومن الحين خلصوا اشيائكم لان العشر الاواخر مو عشان نطلع السوق و نضيعها! ، العشر الاواخر لك عشان ترتوي روحك عشان تدعين بما في داخلك ، لك عشان تتصلحين وتتقربين من ربك اكثر ، اذا تكاسلنا عن الطاعة في رمضان والشياطين مصفدة ،فمتى؟؟

قد لاندرك رمضان القادم ، لذلك اجتهدوا واجعلوه مليئ بالذكر والطاعات ، خلوها مثل مايقال 'ختامها مسك'💗 ، ابذلوا مابوسعكم فيما تبقى ، وتذكروا ان في هذه العشر ليلة خير من ألف شهر ، وهي ليلة القدر ، الله يجعلنا ممن يدركها ويقومها ايمانا واحتسابا ،ممن يسمع الله دعائهم فيجيبه ويجعلنا ممن تغيرت اقدارهم للأجمل،

لذلك في هالايام خلوا لكم ركعات تصلونها في الثلث الاخير من الليل ، وبثوا امنياتكم لرب العالمين ، علنا ندرك ليلة القدر فتنشرح صدورنا وتستجاب دعواتنا ، والعيد له طعم مختلف بالنسبة للي بذل واجتهد في رمضان ، وياحسرة المقصر وقت يسمع ' ايام معدودات ' ويأجل ويضيع وقته في المسلسلات ،

بقولكم بعد ان الاعمال الصغيرة حطوا فيها النية الطيبة 'فالأعمال بالنيات' مثلا قولي لطفل كلمة حلوة ! واحتسبي اجر فرحته ، وقت ترتبين البيت استغفري وسبحي واجعلي لسانك رطب بذكر الله ،

بري بأمك وابوك ، حفظي طفل سورة الاخلاص او اي سورة صغيرة ، لاتنفعلين وخليك هادئة وهذي وصية لي اول لأني انفعل من الاطفال فهذا تحدي لنفسي ، يعلم الله اني من جاء رمضان وانا امسك نفسي لا اعصب من تصرفاتهم ، تراني كيوت بس هم يطلعوني من طوري👀💔 ،

كثري من قراءة القرآن وقلتها قبل لما تخلصين ! قولي ' اللهم اجزي بمثل اجري لموتانا وموتى المسلمين ' ، لأنهم فعلا محتاجين هالشي ،ابتسمي لمن حولك ، وفعلا لما تبتسمين للناس ! تطمئن وترتاح لك 💗كل يوم قولي لا اله الا الله وحده لا شريك له لك الملك وله الحمد وهو على كل شيء قدير 100 مرة فضلها عظييم عظيم ، احفظي اسماء الله الحسنى 'من احصاها دخل الجنة '، اقترح عليكم كتاب من وصفه واضح انه حلو وانا ناوية اقرأه بإذن الله 'اول مرة اتدبر القرآن' يساعد على تدبر القرآن وبنزله لكم بإذن الله ،

تابعي مقاطع دينية بنية انك تستفيدين وتغيرين نفسك للأفضل ، احفظي جوارحك كويس ، واللي ماقد جلست من صلاة الفجر لين الشروق تستغفر وتسبح وتقرأ قرآن وقامت صلت ركعتين ! لاتفوتين عليك اجر حجة وعمرة تامة مثل ماقال نبينا صلى الله عليه وسلم ، واخيرا لاتنسوني من دعائكم ،💗💗🌿

في سورة البقرة ، فيه آية الدين صفحة كاملة ، امرنا الله فيها بكتابة الديون المؤجلة ، وفعلا كل شي امرنا الله به في القرآن له حكمته ، فالديون هذه افضل شي نكتبها حتى اذا كان شي بسيط ، لأنك ممكن تنسينه ، او تنسين عددها ، فلما تكتبينها ، كذا تحفظين مقدارها وتعرفين ان عليك دين ، وبادروا بسداد الديون متى سنحت لكم الفرصة ،وسمحت ظروفكم

وقال صلى الله عليه وسلم ان الميت محبوس بدينه حتى يقضى عنه ، يعني ربي ممكن يغفر لك شيء في حقه لكن زي الديون هي اموال ناس الا اذا هم تنازلوا وسامحوك عليها ، فإذا مثلا قضى الله وانتهى اجلك ، تكونين قد اعطيتي خبر لاحد امك مثلا او اختك ، عشان تقضيه عنك، والديون مو شرط تكون اموال ! قد تكون اي شيء اخذه منك على وعد اني اردلك مثله ، ونبينا قال:' من اخذ اموال الناس يريد ادائها ادى الله عنه ومن اخذها يريد اتلافها اتلفه الله' ، لذلك الواحد يبادر بأنه يخلص نفسه من التزاماتها 💗

صَلُّوا عَلَى سَيِّدَ الكَوْنَيْنِ وَاغْتَنِمُوا،
فَضْلَ الصَّلَاةِ مِنَ الرَّحْمَنِ ذِي المِنَنِ..

صَلَّىٰ الإِلَهُ عَلَى المُخْتَارِ سَيِّدنَا،
مَا أَمْطَر الغَيْمُ فِي شَامٍ وَفِي يَمَنِ .💕