أتممتُ عمْرانًا فصاحَتْ لهفتي

‏وي! آخِـرَ القرآنِ !! .. فاضَتْ أدمعي

‏َألِفٌ ولامٌ ميمُ .. لا أستطيع أن

‏أصِلَ القراءة من تسلسلِ أدمعي ..

حتى ختمتُ كتابَهُ ووعيتُهُ

‏عن ظهرِ قلبٍ حزتُهُ في أضلعي

‏وسجدتُ أبكي فرحةً جيّاشةً

‏فالله أكبرُ ! كبِّروا فرحًا معي💗

‏

الله أكبرُ ثمَّ حمدًا لله للذي

‏يعطي برغم ذنوبنا لم يمنعِ

‏تشتاقُ روحي للقران يحثها:

‏هيا اقنتي ولتسجدي ولتركعي

ولوالديّ بأخذيَ القرآن يا

‏أكرمْ بتاجٍ بالوقارِ مرصّعِ! 😭

‏ولإخوتي وأحبتي وأقاربي

‏لاهمّ أشفعُ ، أنتَ أولى فاشفعِ

‏

مرحى ملائكة السماء تنزَّلي

‏واتلي القرانَ مع الأحبةِ واسمعي

‏قولي بآميـنٍ على دعواتِنا

‏فيضي بنوركِ يا ملائكُ شعشعي"💗!

امس وانا راجعة من السوق سمعت واحد يتناقش بصوت عالي جدا ، وياكرهي للصوت العالي خاصة بالنقاشات ، كأنه هو الصح والعالم كله غلط ، هو شخص يعني يمكن بعمر الخمسين، كان الموقف صار بالشارع ان واحد ماسك سكين بيطعن واحد عشان يسرق جواله وهو مو راضي يعطيه ، فهذا الرجال الخمسيني قال في نص النقاش ' الشرع حلل السرقة في بعض الاحيان ' !اختي طالعت فيني مستغربة ، وللأمانة ما فهمت وش سالفتهم من كثر ماهم صراخ !😩ولما واحد من الشباب الصغار بعمر العشرينات غالطه ، تحسينه شوي ويقوم يضربه بس لما واحد ثاني أيد كلام الشاب الصغير هدأ شوي وسكت.

، بغض النظر عن الازعاج اللي صار ، الواحد ما يكون متعصب لرأيه ويشوف نفسه هو الصح والعالم كله غلط بهالطريقة ،لأن كذا مابنتعلم ،وترا حتى اذا انا خالفتك بالرأي!تقدر تحاول تقنعني وتوضح لي ،المعرفة مايبغالها كبير وصغير ، عادي ممكن انت الكبير تتعلم من الصغير فخلوا دائما فرصة للناس تبدي رأيها ، والواحد مايتكلم في الدين قبل يتأكد ، لان ممكن واحد يسمعك ويطبق كلامك الغلط اللي انت قلته بدون ماتتأكد،الانفعال الشديد وقت النقاشات بيخلي رأيك غير قابل للقبول ، ف وش حلو الهداوة ، خلوا رأيكم يحتمل الخطأ ورأي غيركم يحتمل الصواب 💗🌿.

الحمدلله على عطاياه الحلوة ، عطايا الله كثيرة يعني والله ان لطف الله يحسسني بالأمان ، الدعاء شي جميل والاجمل لماتتحقق الدعوات قدامك ،في اي وقت ويمكن ماتكونين حاسبة حساب انها راح تتحقق الآن ، مرات اتخيل كذا يعني بكبر هالعالم الحمدلله اني انا الآن مسلمة وعلى الدين الحق ، يعني هذي اعظم نعمة والله ويمكن ما نستشعرها الا لما نتعمق ، يعني الحمدلله الحمدلله كثير اننا نقرأ القرآن ، واننا لليوم نحاول نصل لرضى الله ، ونلتمس لطفه بنا ومعيته فينا بحياتنا ،

الحمدلله على كل شي ، على الناس اللطيفة الحلوة اللي ربي جمعنا بها وعجيب الحب اللي ينبع من داخلنا لهم ، حتى اذا ما شفناهم ! لكن والله في ناس كثير اتوقع اذا ربي اكرمني بالجنة ! بدور عليهم هم اول شي قبل كثير ناس اعرفهم ، على كثر ذنوبي وتقصيري ، باقي ربي معاي وما صار وخذلني ودائما يحيط بي من جميع الجهات ، دائما لما ارفع راسي للسماء واتنفس بعمق احس براحة عجيبة واطمئن ، الحمدلله الحمدلله الحمدلله دائما وابدا 😭💗💗.

الدعاء يا اصدقائي ، نعمة من عظيم النعم اللي ربي انعم بها علينا ، وما ادري كيف كنا بنقدر نتخطى عثرات حياتنا بدون مانعرف الله ونستشعر وجوده معنا دائما ، كلنا اثقلتنا الذنوب وكلنا فينا اشياء سيئة بخاطرنا نصلحها ، الدعاء عنصر مهم في كل شي تسوينه ، مثلا بتختبرين؟ بتذاكرين وتدعين لأن ماتوفيقنا الا بالله والمذاكرة هي السبب اللي لازم نبذله ، طيب مثلا بتتزوجين ؟ اكيد بتحتارين لان قرارك راح يكون مصيري ، بس مجرد ماتدعين 'يارب اختر لي مافيه الخير ' تلقائيا اي شي يصير بتتذكرين دعوتك وبتطمئنين وتقولين بإذن الله هذا هو الخير اللي دعيت ربي يكتبه لي ،

الدعاء ممتع جدا ، واحيانا لاشعوريا تبكين ، يعني سبحان الله هنا تحسين ان فعلا الدعاء نعمة عظيمة ، فلاتملون من الدعاء ، دائما كرري دعواتك في سجودك بدون كلل ولا ملل ، واطمئني وتيقني بإن ربي راح يستجيب في الوقت المناسب ، واذا ماصار مثل مادعيتي؟ تأكدي ان ربي صرفه عنك لخير وقد يدفع به عنك بلاء؟ او تجيك جبال من الحسنات يوم القيامة ، تأكدي ان ربي لما يوعد ! فوعده ناجز وقوله صادق ، يعني لا تيأسين ابدا ،

والله يا اننا لو نجمع الرحمة واللطف اللي بقلوبنا حق العالم كله ! اننا ما نوصل ولا ربع لطف الله ، الله عظيم والله وحليم ، يمهلنا دائما يمهلنا ، مو بمجرد ما نخطئ على طول يعاقبنا ، وبمجرد ما نستغفر يفرح ويغغر لنا رغم انه غني عننا ،

استشعروا وانتوا تطالعون السماء ان ربي موجود ويحيط بكم ومو ناسيكم ابدا ، اذا جتك فترة مشقة وصعبت عليك ! ابتسمي وقولي' يارب انا صابرة ، يارب انا قد الامتحان بعونك ' علاقتك بالله بتقوى وانتي في كل شي تستشعرين وجوده وتوكلين امرك له وتدعينه بدون كلل ولا ملل وبكل يقين ،

طيب ممكن ربي اخر اجابة دعوتك بيشوف درجة اليقين والثقة به عندك ؟ وتخيلي تيأسين وقتها ؟ احنا بشر نعم واحيانا نتعب ويصيبنا فتور ، بس والله انه بيزول بمجرد ماتقولين ' اللهم اشرح صدري ، ربي اني مسني الضر وانت ارحم الراحمين ، تستغفرين ' ،

اليقين انك تشوفين انه مافي شي مستحيل في الكون بوجود الله ، بس في حاجة اسمها خير وشر وربي عارف اللي ممكن يترتب على كل شي ويختارلك دائما مافيه الخير ،

قبل كم يوم رحنا السوق و رجعنا وذاك اليوم ابوي عازم ضيوف في البيت ، رجعنا ورمينا الاكياس وانشغلنا ، اليوم الثاني لقينا كيس حق اختي مو موجود ، الظاهر تركناه بمحل ولا درينا ، وزعلت وبكت ومدري ايه ، فأنا واختي الصغيرة قلنالها بنشتريلك زيها ' وهقنا انفسنا بس ماعليه كله ولا تزعل '😂