يقولكم يا حلوين انه ' من لايتألم لا يتعلم '
ايش يعني يعني المواقف الصعبة اللي نتألم منها تعلمنا، اي كان الحزن والالم اللي تسببه لنا ، موقف عن موقف يخليك انضج مما انتي عليه وقادرة تتعاملين مع مواقفك بعقلانية ، لما اقولكم لا تيأسون مو معناته لا تحزنون ! لكن اقصد كونوا ايجابيين وابحثوا عن الجوانب الجيدة في الاشياء اللي تستصعبونها ، والاكيد احتسبوا كل اللي تمرون به عند رب العالمين اللي يحب الصابرين ، ومش ولابد في اشياء تنغص علينا وفترة وتمر فلا تخلين الحزن يتلبسك وحاولي ترجعين توقفين ،

وترا الحياة حلوة اذا عرفنا نعيشها ،بنزعل فيها ونضحك ونبكي ونفرح وكل شي لأنها دنيا واذا ما تضايقنا فيها بتكون جنة مو دنيا ! المواقف الصعبة زي موقف كل واحدة تقرأ الحين هذا بيخليك ناضجة اكثر وقادرة تفهمين موقفك وتعرفين تتصرفين واللي دائما يتعمق في مشاكله بيحس انها قاعدة تغيره كثير وبيحمد الله على الموقف اللي اوجعه ومر ، لكن حتى لما مر ترك شي جميل في شخصيته، الله يملأ ايامكم كلها سعادة يارب 💗 💗☁.

أتممتُ عمْرانًا فصاحَتْ لهفتي

‏وي! آخِـرَ القرآنِ !! .. فاضَتْ أدمعي

‏َألِفٌ ولامٌ ميمُ .. لا أستطيع أن

‏أصِلَ القراءة من تسلسلِ أدمعي ..

حتى ختمتُ كتابَهُ ووعيتُهُ

‏عن ظهرِ قلبٍ حزتُهُ في أضلعي

‏وسجدتُ أبكي فرحةً جيّاشةً

‏فالله أكبرُ ! كبِّروا فرحًا معي💗

‏

الله أكبرُ ثمَّ حمدًا لله للذي

‏يعطي برغم ذنوبنا لم يمنعِ

‏تشتاقُ روحي للقران يحثها:

‏هيا اقنتي ولتسجدي ولتركعي

ولوالديّ بأخذيَ القرآن يا

‏أكرمْ بتاجٍ بالوقارِ مرصّعِ! 😭

‏ولإخوتي وأحبتي وأقاربي

‏لاهمّ أشفعُ ، أنتَ أولى فاشفعِ

‏

مرحى ملائكة السماء تنزَّلي

‏واتلي القرانَ مع الأحبةِ واسمعي

‏قولي بآميـنٍ على دعواتِنا

‏فيضي بنوركِ يا ملائكُ شعشعي"💗!

امس وانا راجعة من السوق سمعت واحد يتناقش بصوت عالي جدا ، وياكرهي للصوت العالي خاصة بالنقاشات ، كأنه هو الصح والعالم كله غلط ، هو شخص يعني يمكن بعمر الخمسين، كان الموقف صار بالشارع ان واحد ماسك سكين بيطعن واحد عشان يسرق جواله وهو مو راضي يعطيه ، فهذا الرجال الخمسيني قال في نص النقاش ' الشرع حلل السرقة في بعض الاحيان ' !اختي طالعت فيني مستغربة ، وللأمانة ما فهمت وش سالفتهم من كثر ماهم صراخ !😩ولما واحد من الشباب الصغار بعمر العشرينات غالطه ، تحسينه شوي ويقوم يضربه بس لما واحد ثاني أيد كلام الشاب الصغير هدأ شوي وسكت.

، بغض النظر عن الازعاج اللي صار ، الواحد ما يكون متعصب لرأيه ويشوف نفسه هو الصح والعالم كله غلط بهالطريقة ،لأن كذا مابنتعلم ،وترا حتى اذا انا خالفتك بالرأي!تقدر تحاول تقنعني وتوضح لي ،المعرفة مايبغالها كبير وصغير ، عادي ممكن انت الكبير تتعلم من الصغير فخلوا دائما فرصة للناس تبدي رأيها ، والواحد مايتكلم في الدين قبل يتأكد ، لان ممكن واحد يسمعك ويطبق كلامك الغلط اللي انت قلته بدون ماتتأكد،الانفعال الشديد وقت النقاشات بيخلي رأيك غير قابل للقبول ، ف وش حلو الهداوة ، خلوا رأيكم يحتمل الخطأ ورأي غيركم يحتمل الصواب 💗🌿.

الحمدلله على عطاياه الحلوة ، عطايا الله كثيرة يعني والله ان لطف الله يحسسني بالأمان ، الدعاء شي جميل والاجمل لماتتحقق الدعوات قدامك ،في اي وقت ويمكن ماتكونين حاسبة حساب انها راح تتحقق الآن ، مرات اتخيل كذا يعني بكبر هالعالم الحمدلله اني انا الآن مسلمة وعلى الدين الحق ، يعني هذي اعظم نعمة والله ويمكن ما نستشعرها الا لما نتعمق ، يعني الحمدلله الحمدلله كثير اننا نقرأ القرآن ، واننا لليوم نحاول نصل لرضى الله ، ونلتمس لطفه بنا ومعيته فينا بحياتنا ،

الحمدلله على كل شي ، على الناس اللطيفة الحلوة اللي ربي جمعنا بها وعجيب الحب اللي ينبع من داخلنا لهم ، حتى اذا ما شفناهم ! لكن والله في ناس كثير اتوقع اذا ربي اكرمني بالجنة ! بدور عليهم هم اول شي قبل كثير ناس اعرفهم ، على كثر ذنوبي وتقصيري ، باقي ربي معاي وما صار وخذلني ودائما يحيط بي من جميع الجهات ، دائما لما ارفع راسي للسماء واتنفس بعمق احس براحة عجيبة واطمئن ، الحمدلله الحمدلله الحمدلله دائما وابدا 😭💗💗.