الحين برمضان من الاشياء الحلوة اني صرت اعلم نفسي كيف اتنازل ، الحين انا الناس اللي غير اهلي عادي جدا عندي اتنازل عن بعض المواقف برحابة ، لكن في البيت هواش ونرفزة الاخوات 😂

شعور صعب لما اكتمها داخلي يا الله ، حتى قبل شوي كنت واقفة واقشر ثوم ،قشرت اثنين او ثلاثة وطاحت عيني على ثوم جاهز ومطحون بعد ، احترت وش اسوي ؟ اطحن اللي قشرته وازيده عليه ؟ بس الكمية كافية وصراحة اعتبر مبذرة جدا اذا زدت زيادة ، طيب تخيلوا وش سويت جيت بخبيها تحت عشان اختي ماتشوفها يوم تجي تطبخ وكذا عشان تتعب وتقشر لانها استفزتني قبل شوي ورفعت ضغطي ،

بعدين قلت لا وش ذا ما قلت بتغير؟ رجعت تركتها فوق ظاهرة بكرة او بعده بتشوفها جاهزة ماعليه بحتسب الاجر في الاشياء الصغيرة 😂💔💗💗 والله شي ممتع وثقيل شوي يعني صدق انه صراع مع النفس ، يارب اصير مؤدبة واتعلم اتنازل عن اختي ، والله يهديها هي من الاستفزاز يارب🌚😂💗

- لعل أمنيتك تُجاب في هذه الساعة؛ ساعة إستجابة،لاتنسوني من خالص الدعوات،💗

يقولكم يا حلوين انه ' من لايتألم لا يتعلم '
ايش يعني يعني المواقف الصعبة اللي نتألم منها تعلمنا، اي كان الحزن والالم اللي تسببه لنا ، موقف عن موقف يخليك انضج مما انتي عليه وقادرة تتعاملين مع مواقفك بعقلانية ، لما اقولكم لا تيأسون مو معناته لا تحزنون ! لكن اقصد كونوا ايجابيين وابحثوا عن الجوانب الجيدة في الاشياء اللي تستصعبونها ، والاكيد احتسبوا كل اللي تمرون به عند رب العالمين اللي يحب الصابرين ، ومش ولابد في اشياء تنغص علينا وفترة وتمر فلا تخلين الحزن يتلبسك وحاولي ترجعين توقفين ،

وترا الحياة حلوة اذا عرفنا نعيشها ،بنزعل فيها ونضحك ونبكي ونفرح وكل شي لأنها دنيا واذا ما تضايقنا فيها بتكون جنة مو دنيا ! المواقف الصعبة زي موقف كل واحدة تقرأ الحين هذا بيخليك ناضجة اكثر وقادرة تفهمين موقفك وتعرفين تتصرفين واللي دائما يتعمق في مشاكله بيحس انها قاعدة تغيره كثير وبيحمد الله على الموقف اللي اوجعه ومر ، لكن حتى لما مر ترك شي جميل في شخصيته، الله يملأ ايامكم كلها سعادة يارب 💗 💗☁.

أتممتُ عمْرانًا فصاحَتْ لهفتي

‏وي! آخِـرَ القرآنِ !! .. فاضَتْ أدمعي

‏َألِفٌ ولامٌ ميمُ .. لا أستطيع أن

‏أصِلَ القراءة من تسلسلِ أدمعي ..

حتى ختمتُ كتابَهُ ووعيتُهُ

‏عن ظهرِ قلبٍ حزتُهُ في أضلعي

‏وسجدتُ أبكي فرحةً جيّاشةً

‏فالله أكبرُ ! كبِّروا فرحًا معي💗

‏

الله أكبرُ ثمَّ حمدًا لله للذي

‏يعطي برغم ذنوبنا لم يمنعِ

‏تشتاقُ روحي للقران يحثها:

‏هيا اقنتي ولتسجدي ولتركعي

ولوالديّ بأخذيَ القرآن يا

‏أكرمْ بتاجٍ بالوقارِ مرصّعِ! 😭

‏ولإخوتي وأحبتي وأقاربي

‏لاهمّ أشفعُ ، أنتَ أولى فاشفعِ

‏