كونوا حريصين على الوتر لدرجة انكم تحسونها فرض وماترتاحون بدون ما تصلونها ، صلاة الوتر عظيمة وراح تحسون بالراحة وانتو تصلونها ، وادعوا فيها كثر ماتبغون ، استشعروا بعمق كونكم مع الله ،💕.

احب الصفحات الفلسطينية ، شعب قوي وصامد ، ربي اختارلهم الجهاد ، ربي اختار شبابهم للشهادة ، الله يثبت هالشعب بثبات من عنده ، وما اشوف صمود مثل صمود هالشعب ، طال بهم البلاء واشتد ،نيال اهلها الشهادة ، والاقصى اقصانا ، ومابيدنا حيلة غير الدعاء ، اتمنى منكم كلكم ما تنسون اهلنا في فلسطين من الدعاء ، كل ماتتذكروهم اشملوهم بدعائكم ، ان الله يفرج عنهم ويفك اسراهم ويداوي جرحاهم ويرحم شهدائهم ، الله ينصرهم ويثبتهم حتى ميعاد النصر ، ويارب يربط على قلوب امهاتهم وعلى قلوبهم جميعهم بالصبر والسلوان ياارب . قلبي يبكيهم وعيني تدمع لهم ، وافخر بهم وبقوتهم ، الله لهم 💗.

تحبون أحد؟ احسنوا له
وخذوه معاكم للطريق الصح وللجنة
مو تأخذونه للمعاصي
المحبة انك تقربين احد لله أكثر وأكثر
وتتحاسبون مع بعض على اغلاطكم وتتناصحون وترا ما ينصحكم الا اللي يحبكم.

راح اسعى بهذه القناة اترك اثر جميل واصلح لو القليل فيني وفيكم ، نشوف تقصيرنا في حق ربنا ونفسنا ونحاول نصلح ، نبغى نكون كلنا في الجنة مع بعض ، وتكون هالقناة طريق للجنة بإذن الله ،💌🔑

"‏إنَّ السماءَ عن الأنامِ بعيدةٌ، لـٰكنَّ مَنْ فـوقَ السماءِ قـريبُ"
.
الوتر💗

طول ما انتو موجودين تذكروا ان حول هالارض اخوان لنا يعانون فلا تنسون تذكرونهم كل يوم بهذه الدعوة " اللهم انصر اخواننا المستضعفين في كل مكان" :(

متحمسة جدا لرمضان والاجواء الرمضانية حاولوا تستعدون لرمضان من الحين وتعودون نفسكم ، اغسلوا سجاداتكم وعطروا مصاحفكم ، استعدوا للشهر الفضيل بكل ما تملكون💗💗.
اسأل الله ان يبلغنا اياه لافاقدين ولا مفقودين .

لما تواجهكم مصاعب في حياتكم ، حطوا في بالكم انها اختبار من الله ليعلم هل راح تصبرون؟ ولا راح تجزعون ؟ استشعروا مراقبة الله لكم في جميع لحظات حياتكم ، وقبل لا تقدمون على اي خطوة تأكدوا هل هي تسعد الله ولا تغضبة ، الله يسعدكم جددوا توبتكم كل يوم وتذكروا ان النبي صلى الله عليه وسلم قال " يا ايها الناس توبوا الى الله فإني اتوب اليه كل يوم مئة مرة"🔑💕.

احتسبوا الأجر في كل شي ،حتى غسل المواعين ، تنظيف البيت ، الابتسامة ، مقابلة السيئة بالحسنة ، كل شي احتسبوه لوجه الله وضعوا فيه النية الطيبة ، كونوا انقياء وان قل الانقياء في هذا الزمان ، سووا الصح حتى وان كان الجميع ضدكم ، والخطأ يبقى خطأ حتى لو الكل يسويه ، حضور الحفلات اللي يعقد فيه الغناء وان كان زواج اقرب القريبين ، الجنة مبتغانا يا احبابي وطريقها ليس مفروشا بالورود😢💖.

لما نقول ان الغناء يريحنا احنا قاعدين نكذب على انفسنا ، عمر الغناء ما كان مريح للي عرف الله صح ومشى في الطريق الصح لا نخدع انفسنا ونطلع من هالغفلة اللي احنا فيها ، الغناء ما كان راحة للكافر ، شلون يكون راحة المسلم؟ راحتكم في القرآن يا احبابي في الله ، غذاء روحكم هو القرآن ، اسمعوه وتغنوا بالقرآن ، لا تخلون حب القرآن مجرد شي حاطينه في بالنا بس عشان اسلامنا ، انما اعملوا مايثبت هذا الحب ، استمعوا له ، اقرؤوه ، افهموه ، ماودي نندم لما تنتهي فرصتنا ، ماودي لما ينتهي الوقت ، نجي نتحسر لأن وقتها مارح تنفعنا الحسرة ، والقرآن والموسيقى ما يجتمعون ، كفاية غفلة ، من وقت ما نزل قوله تعالى " اقترب للناس حسابهم وهم في غفلة معرضون " هالاية كم لها من نزلت؟ كم سنة وكم قرن ؟ وللحين احنا في غفلتنا ، حتى وان عجزت ادعي ربي كثيير ابذلوا جهدكم ادعوا وابكوا ادعوا ربي يبعد حب الأغاني والمعاصي كلها عن قلوبكم ، ادعوه ! اسأل الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه ياارب😢🔑💌

بداية كل يوم ونهايته احمدوا الله على نعمه عليكم ، نعمة الحياة ، نعمة الصحة ، نعمة الامن والامان ، نعمة المال، نعمة الطعام والشراب نعمة النوم ونعمة الاسلام والصباح والليل و...الخ نعم كثيرة لاتعد ولا تحصى ولو دققنا بنلقى ان كل شي بدون مبالغة هو نعمة انعم الله بها علينا ، عود نفسك على انك تحمد الله على ادق التفاصيل ، حتى لو نملة مرت من جنبك وما قرصتك ! قول الحمدلله ، وبالحمد تدوم النعم يا اصدقائي💖.

شعور السعادة اللي غمر قلبي هاليوم من اصبحت كان جميل جدا واحمد الله الف مرره على هاليوم ، الله يجعل هذا اليوم نهاية كل سوء وبداية الخير والازدهار يارب، لاتنسوا تختمون يومكم بالحمد على هاليوم حتى لو على موقف صغير فرحتوا فيه ، ففضل الله علينا يستحق الحمد والشكر مدى العمر💖

ولا تنسون الوتر ، واذكار نومكم ، ناموا على طهارة وتصبحون على خير ماتتمنون بإذن الله💖