مقطع جميل للقارئ إسلام صبحي😢 ، هاليومين انام على هالمقطع ، بعد ما اصلي الوتر وأرطب جسمي اقرأ سورة الملك وأذكاري واشغله واتأمل الآيات بعمق لين انام ، بما اني حبيت المقطع وجدا ! اعتبروه هدية مني💗 ، سامحوا كل من اخطأ في حقكم قبل تنامون ،لعلكم بذلك تنالون الجنة ،احمدوا الله على يومكم هذا، على التفاصيل الحلوة والسيئة فيه، وتذكروا ايش الاشياء الحلوة اللي سويتوها اليوم؟ واشكروا الله ثم انفسكم عليها ، وايش الاشياء اللي مو حلوة سويتوها اليوم ؟ وقولوا بإذن الله بكرة ماراح نسويها ، وترا مرتين شيكت على المتابعين اشوف الصور ولقيت باقي في صور ما تغيرت 👀لا تعاندون امكم يا عيال !😂😭 غيروها يا حبايبي لأني احبكم وابغى لكم الخير ،والصور هاذي ماراح تنفعكم في الآخرة، استغنوا عنها لأنها ماتستاهل تخسرون ذنوبكم عشانها💗 ،كونوا متفائلين يا اصدقائي الحلوين وتصبحون على خير وسعادة 💗💗☁

مساء الخير اصدقائي: كيف حالكم💗؟
.
اليوم جدي صلى العصر وجاء جلس معنا ، وهو يسولف مع امي واعطى امي فلوس يقولها اعطيه عيالك وكذا ، فجأة قال لأمي وهو يأشر علي وعلى اختي اللي اصغر مني قال هذولا عيال مين ؟💔 لو تشوفون وجوهنا مدري نضحك ولا نبكي ولا ننصدم ولا ننجرح ، سؤال محزن بس يضحك ، وهو بعذره والله لأن من زماان ما شافنا كله من الغربة والله 😢 وياحليله وهو يرقع يوم شافنا انصدمنا ويقول لا انتو عيالي والله يحفظكم وانا عشان من زمان ماشفتكم من لما كنتوا صغار وو ، حبيبي ياجدي الله يعطيه الصحة والعافية ومايرجع يعيد هالسؤال وبعدين لما يجي ابوي بسأله بقوله يا بابا احنا عيال مين ؟😂💔 ،

ومازلت احب جدي الله يسعده ويعطيه الصحة والعافية وتوه من جانا له ثلاثة ايام فشكله ما حفظنا للآن ، حفظ اخواني الصغار ، وعلى قولت اختي بعد كذا بنجلس عنده وايدينا تحت خدودنا طول الوقت عشان لا عاد ينسانا 😂 ،المهم يلا يا حلوين الضيف جاء ، رتبوا جداولكم زين واستعدوا ولا تتكاسلون ، شدوا الهمة ، واعتبروه سباق بيننا طيب! قللوا القعدة في الجوال لأبعد حد ، حتى لو نص ساعة تذكرين غيرك بأشياء جميلة تكفي ، 30 يوم استغلوها جيدا يا اصدقائي ، ابلغوا عنان السماء بهمتكم وعزيمتكم ، ولا تشغلكم هواتفكم والمسلسلات والاغاني عن الله ، لاتكونون تحت وغيركم يتسابقون على الفردوس !حطوا النية وربي بيوفقكم ،والله يقدرنا على الطاعة ياارب 💗💗.

استودعناك يارب اخواننا في غزة ، اللهم احفظهم بحفظك يارب وارحم شهدائهم واربط على قلوب ذويهم ، اللهم عليك باليهود الظلمة المستبدين اللهم دمرهم وارنا فيهم عجائب قدرتك ، حسبنا الله ونعم الوكيل💔

اللهمَّ إنَّـا نستودعك أهلنا في غزةَ وإدلب كباراً وصغاراً ورجالاً وشيوخاً أطفالاً ونساء ، اللهمَّ اجعل حمم البراكين عليهم ماءاً طاهراً زمزماً واجعل صبرهم وأذاهم طريقاً يصلون بها إلى الجنان العالية ، اللهمَّ هون ثمَّ هون ثمَّ هون .."💗

ععندك سؤال ،فكره ،نصيحة؟أهلاً وحباً بك 💗.http://t.me/b9bot?start=NMx-SA

اصدقائي اللطيفين في قناتي ، مبارك عليكم الشهر الفضيل ، الله يعينا على الصيام والقيام وصالح الاعمال ويوفقنا فيه لما يحبه ويرضاه ، احلى 30 يوم يارب يبارك لنا فيها ويجعلنا من السابقين بالخيرات ويعوده علينا اعواما مديدة يارب ويرحم من كانوا معنا رمضان المضى وهم الان تحت التراب ، ويربط على قلب الفاقدين يارب ، 🌙💗

السنن الرواتب 🌙💗

اول سحور رمضان واول صيام ، تأكدوا انكم صايمين عن الشرب والاكل وايضا المعاصي ، اذكروا الله واقرؤوا القرآن واحفظوا جوارحكم جيدا ، استشعروا روحانية هذا الشهر الفضيل ،🌙💗.

1● رمضان 💗🌙
ربنا آتنا في الدنيا حسنة وفي الآخرة حسنة وقنا عذاب النار.

تعلمت من أمي الله يحفظها ان بعد كل ختمة للقرآن اقول ' اللهم اجزي بمثل اجري لموتانا وموتى المسلمين '💗☁

هالكم يوم حايسة مع جدولي شوي ، وباقي ما زبط زين لكنه ماشي كويس الحمدلله خبروني كيف حالكم هاليومين ،؟ عسى مجتهدين يارب🌙
.

اذا كل وحدة فينا اعتبرت ان هذا اخر رمضان لها! بتجتهد وتنجز واكيد ما راح تحب ان اخر رمضان لها يكون كله ملهيات ومعاصي، اكيد مافيه وحدة مننا 'ذات همة' تحب ان رمضانها يكون عبارة عن مسلسل واغنية وفيلم وسب وغيبة ونميمة ، لذلك اللي باقي للحين ما قامت برمضان واستعدت لاستقابله ، تقوم الحين وتتأهب ، عشان لما يجي العيد ! تحسون بطعم الفرحة الحقيقية ، وبإذن الله بتحسونه اجمل من اعيادكم المضت وانتو مقصرين في رمضان ، بنحس انه هذه هدية الله لنا لأننا احسنا استقبال رمضان ، وعظمنا شعيرة ربنا ، وضغطنا على انفسنا في البعد عن المعاصي ، كظمنا الغيظ ، وتجنبنا العصبية ، تركنا الفارغات ، بس عشاننا نبغى رضى الله وما نبغى يمر هذا الضيف الكريم اللي يجي مرة من بين 11 شهر بدون مانستغله ، حاربنا الكسل وماتركنا الملل يتخللنا جاهدنا واحنا واثقين ان ربي بيعينا، حافظنا على الضحى والسنن الراتبة ، وقمنا الليل واستغفرنا وسبحنا ، حافظنا انه مايخدش صيامنا شيء ، واذا زلينا ندمنا واستغفرنا ، هذا طعم رمضان!😢💗 ، قولوا بإذن الله بنطلع من رمضان اتقياء انقياء، بنطلع منه واحنا نقول انا فلانة الجديدة ، اللي الدنيا صغيرة في عينها والآخرة ماخذة الحيز الأكبر ، المشتاقة للجنة ولقاء ربها ، يارب اصلحنا واجعل رمضان هذا مغير لنا من حال الى حال افضل منه بكثير ، اجعلنا فيه من من صامه ايمانا واحتسابا فغفر له ماتقدم من ذنبه ، انا متؤكدة ان كل من هم في قناتي ، فيهم الخير ، ومتؤكدة انكم تبحثون عن ما يطهر نفوسكم ويهذبها ، انكم تبغون تكونون على الوجه اللي ربي يحبه ويرضاه ، فالله يملأ قلوبكم به وينور دربكم ويرزقكم طول العمر مع العمل الصالح ، وبإذن الله دائم ادعيلكم في صلواتي ، واسأل الله ان يجمعني بكم في اعالي الجنان قولوا امين😭💗🌿.

صباح الخير يا اصدقاء ، اذكاركم 💗
.
قبل شوي قريت مقالة للشيخ علي الطنطاوي من 28 صفحة ،اتمنى من كل قلبي انكم كلكم تقرؤونها ، اسمها 'يا بنتي'، هي عبارة عن نصيحة ، نصيحة لي ولكم وهو يقول ' يا بناتي ' ، وانه اب لبنات واللي مايرضاه لبناته ما يرضاه لنا ، نصحية عمييقة تصف واقعنا اللي احنا فيه ، واقعنا المحزن المؤلم ، واقع العلاقات بين النساء والرجال ،والإختلاط في الجامعات والمدارس، وحتى التعري المخيف اللي قاعدين نشوفه ، تدرون وش اكثر شي يوجعني ؟ انه لما نروح بلاد غير المسلمين بأوروبا وغيره ، اذا في بينهم مسلم ماتعرفين انه مسلم ، اذا ما قال بفمه انا مسلم' الا من رحم' وانا اتكلم عن الشائع 💔 يووجعني جدا والله يوجعني ، احس احنا صرنا السبب في انهم مايدخلون الاسلام ، اتخيل نفسي مكانهم ! واشوف واحدة تقولي انا مسلمة ، ولبسها متعري اكثر مني ، وعادي تسب نفس السب المقرف اللي نسبه واحس مافيها شي مختلف ، بس مجرد انها ما تاكل لحم خنزير وماتشرب خمر بس هاذي ! وش بيكون احساسي ؟ بحس انه اختلاف اسماء ديانات فقط ! لأن مافيه شيء يحمسني ، طيب خلينا منهم ، احنا مانخاف على انفسنا ؟، او طيب مانخاف ربنا؟ طيب ليه لا رحت اوروبا فصخت الحياء!! مين قال ان الحياة ما تمشي اذا ما تعرينا ، يالله ما اقولكم غير اقروا هالمقالة لعل منكم غافلة فتستيقظ من غفلتها قبل فوات الاوان ، اقرؤوها كلكم الله يسعدكم وهي قصيرة جدا عشان حتى نصلح الغافلات بإذن الله وننتبه اكثر على انفسنا ☁🌿.

💗
كلنا نبحث عن الطمئنينة والسكينة والسعادة ،وانا قلتلكم قبل اني جدا احزن من الصفحات البائسة ، اللي تبعث طاقة سلبية في قلوب من يمر بها ، كل انسان ممكن يمر بظروف تضعفه وتحزنه ، لكن لما يكون ايمانك قوي بتقدرين تتخطين المحن ، واللي يكون مع الله في الرخاء ، بيجد الرضا والصبر حتى في اشد المواقف ، بيعظم الله الرضا واليقين في قلبك حتى الامور الشديدة تصير عندك هينة ! الله هو خير انيس وونيس ، كنت احس بالضعف متى ؟ لما احس ودي اختلي بربي والبيت مليان ضيوف ! او مافي مكان فاضي اجلس فيه وحدي افضفض لربي فيه ، احيانا ما اكون متضايقة او شي ! بس كذا احب احساس الهدوء والسكينة وانا مع ربي ، احب لما اشكر ربي على موقف حلو واسعدني .
لا تظهرون حزنكم لأي مخلوق لا تفضفون غير لله لأنه هو اللي ينزل البلاء وبيده يرفعه ، لأنه ابتلاك عشان يقربك له اكثر رغم انه غني عنك !
كل اللي نبحث عنه هو الله ، اللي يطمئنا ويريح قلوبنا ، هو اللي خلقنا معقولة يعجز يتولانا ويدبر امرنا ويصلح افئدتنا ؟؟😢
اعتبروا رمضان هو بدايتكم لجنة الحياة الدنيا ، اصلحوا مابينكم وبين الله ، اذهبوا له وانتم نادمين تائبين عن ما مضى فإنه يحب التوابين ، رمضان فرصتكم في تهذيب انفسكم ،في زرع بغض المعاصي ، وسيكون حصادكم سريعا بإذن الله ، اسألوا الله الثبات على هذا الدين واسألوه ألايزيغ قلوبكم بعد ان هداكم 💗💗

السلام عليكم ورحمة الله وبركاته ، كيف حالكم اصدقائي ؟ الله يملأ ايامكم سعادة يارب💗☁.
.
كل واحد فيكم الحين يمر بذاكرته على اصدقائه مثل الشريط ، ويسأل نفسه هل اصدقائه صالحين ولا لا ، هل هم قاعدين ياخذون بإيده للجنة؟،ولا هل راح اكون انا وهم من اصحاب قوله تعالى ' الأخلاء يومئذ بعضهم لبعض عدو ' ولا من الاستثناء في قوله 'الا المتقين '؟ هذا سؤال مصيري يستاهل اننا نسأله انفسنا ، الصديق هو اكثر عامل ممكن يأثر عليك وانت مو مركز ، قد تكون صالح والحمدلله وتقول انه اصدقائك مارح يأثرون عليك ، وتدريجيا تلقى نفسك تغيرت ، ماراح اقولكم اتركوا اصدقائكم ! لكن راح اقولكم انتبهوا على انفسكم من رفقاء السوء، واذا كنت واحد منهم فأسرع وانتشل نفسك ، لا تستحي ابدا من انك تقول ان هذا صح وهذا غلط ، ولا تجامل على حساب اخرتك ، لا تسخر من احد عشان تضحك مع اصحابك ، ولا تسمع اغنية صديقك يقولك 'حلوة اسمعها ' ، وش فيها اذا قلت لصاحبي :' انا ما اسمع اغاني ولاعاد تقولي اسمعها وانت بعد لا تسمعها'؟؟، .

انتبهوا من الاصدقاء اللي تخجلون تسوون الطاعة قدامهم ، وعاشروا اصدقاء تخجلون تسوون المعصية قدامهم ، اكرر واعيد اصلحوا انفسكم قبل فوات الأوان ، ولا تجاملون في مسألة المعاصي مع الاصحاب ، فوالله ان يوم تموت !مابيدخلون معك القبر عشان يدافعون عنك ، ووالله ما بيقولون يارب اغفر له وسامحنا احنا اللي اغويناه ، بيتركونك بعتمتك لحالك ، وماراح ينفعك غير عملك ، لما تجتهدون في اصلاح انفسكم بتحتاحون وجدا انكم تبتعدون عن اصدقائكم السيئين ، وفي هالمرحلة انصحوهم واذا قالك شوف هالمسلسل ، او شوف فلان وش يسوي وفلانة كيف لابسة وضحك وطقطقة على الناس ، هنا وقفوهم وقولوا لهم انه مايجوز نضحك على الناس ، ممكن ربي يبتلينا بيوم لأننا ضحكنا على احد ! وتدرون اللي يغتاب احد قيل عنه' انه كمن يأكل لحم اخيه ميتا ' يرضيكم ؟ ، اذا حسيتوا انهم ما يستجيبون لكم ، لاتترددون في انتشال انفسكم منهم ،