، اهم شي في هذا كله تنظيم الوقت اهم شي اهم شي مثلا انا بنشر شي في القناة ، بحدد لي عشر دقائق بالكثير واول ماتخلص اقفله ، وكل شغلة تسوونها اذكروا الله وانتو تسوونها ، عشان ايش! تستفيدون من كل لحظة وتستحقون عليها الاجر بإذن الله ،لا للكسل كل ماجيتي تتكاسلين استعيذي بالله وارجعي اقوى، كل عمل تسوينه حطي فيه النية الطيبة والاجر، وممكن تصلين اقاربك برسائل تطمئنين عليهم او تزورينهم ساعة مثلا وترجعين وفي الطريق اذكري الله وانتي رايحة وانت راجعة بعد ،ولا تتلفظين الفاظ سيئة ولا تغتابين احد،وابتعدوا عن مجالس الغيبة حتى في جمعاتكم ، يلا هذا جدولي تقريبا وبإذن الله ، احتاج استفيد منكم بالمزيد واحتسبوا الاجر في ذلك☁🌿💗.
جعلنا الله من الصالحات المصلحات يارب ووفقنا في رمضان للطاعات🌜💗.

لاتنسون الوتر قبل تنامون ، واذكاركم وسورة الملك ، وتصبحون على خير وسعادة💌.

على قد ما كنت اكره اللون الأخضر ! انا صايرة اكثر وحده تحبه ، تأسر قلبي الطبيعة الخلابة ، الله لا يحرمنا جنته يارب يارب، كنت بقولكم استمعوا للقرآن كثيير وانا اعني كلمة' كثير'، سماع القرآن يرقق القلب ويلينه ، يخليك تحبين الحياة ، وتنشطين للطاعة ، يخليك تصلين بخشوع وتلذذ ، يتقشعر بدنك وانتي تتأملين الآيات ، يشرح صدرك ويزيل همك ، ويصغر الدنيا بعينك عشان تكون الآخرة اكبر همك ، يالله على الشعور الحلو اللي فيني الحمدلله!💗☁ ، الله يبلغنا جنته يارب ويجمعني بكم على سرر متقابلين ، خلوكم مزهرين مهما حاولت الحياة تضيق عليكم ، خلوكم قويين ودائما مشرقين وواجهوا مواقفكم بإبتسامه ،وروا الحياة انها ماتقدر تزعلكم طول مافي قلبكم ايمان وطول ما الله معكم وانتو تحبونه وتثقون فيه ،الله يجعلنا من اصحاب هالآيات الجميلة من سورة الواقعة ، وسورة الواقعة من السور اللي قريبة لقلبي جدا جدا تأملوا هذه الآيات جيدا واستشعروها في مكان هادئ💗💗🌿☁.

زينب نايف في امس الحاجة للدعاء ادعوا لها الله يسعدكم: اللهم اشفها شفاء لا يغدر سقما،💔.

زينب مريضة يا اصدقائي ، ادعوا لها من كل قلبكم ان ربي يشفيها ويعافيها وتقوم بصحة وعافية ، ادعوا لها بالوتر الله يسعدكم..💔

مساء الخير يا حلوين ، كيف حالكم؟ اتمنى يكون يومكم كان خفيف ولطيف يارب، والحمدلله على كل شي💗.
.
كلنا نعرف حكم النمص ووصل الشعر ، وكلنا حافظين الحديث حق ' لعن الله النامصة والمتنمصة و الواصلة والمستوصلة والواشمة والمستوشمة ' وللأسف الشديد ، صار عادي النمص والوصل ، واكثرها شيوعا نمص الحواجب ، اسوء شي ممكن يحصل انك تعرف ان الشيء محرم وتستهين فيه وتمارسه وكأنه شيء'عادي' ، حتى ماصار يجينا تأنيب ضمير من الحرام تدرون ليه؟ لأننا نموه للحرام في بالنا حتى يصير كأنه حلال ! ونصير مطمئنين واحنا نسويه ، وحدة تنمص وتقول والله ما انمص بس انظف حواجبي ! او توصل شعرها وتقول بس في الزواج! ، الحلال واضح جدا والحرام واضح ، عدم الاعتراف بالخطأ يدمر كل ذرة احساس فينا ببشاعة الحرام وبإنتهاك حرمة الله ، لما تغلطين وتقنعين نفسك او بمعنى اصح ' تخدعينها ' بإنك ماغلطتي وتحطين اعذار لنفسك ! ابدا مارح تتصلحين لأن كل شي بيصير عندك عادي ، وكذا بتصيرين تتبعين هواك وتسوين كل شي تبغينه ،

قلت لكم في مرة من المرات ان 'طريق الجنة ماهو مفروش بالورود ' يعني ايش؟ يعني ان الوصول للجنة مو سهل ، بتتعبين كثير ، تطيحين وتقومين ، بتجاهدين نفسك كثير في ترك الحرام ، ويا كثر المحرمات اللي تغرينا ، ونميل عن الطريق الحق بسببها واحنا ما ندري ، تبين ترتبين حواجبك بالنمص ! لا ترتبينها لأنه حرام وهذا شي ربي مايرضاه ، نفسك تبي تنمص وربي يقول ما ارضاه ! هل بتتبعين هوى نفسك؟ ، معناه تفضلين رضا هوى نفسك على رضى الله ولا! ، اجتهدوا في الوصول للجنة عشان تنالونها ، ولا تأجلون التوبة لأن محد يضمن عمره متى ينتهي ، ارضي بقسمتك اللي ربي قسمها لك ، واحنا كلنا حلوين لو نرضى باللي ربي قسمه لنا ، حبي حواجبك وحبي شعرك على ما خلقتي عليه ، صدقوني اللي يسوي الحرام مو مثل اللي مايسويه ، الاول تبع هوى نفسه وعصى ربه وحصاده ايش؟' رضى نفسه وغضب الله وذنوب' ، والثاني ترك اللي يحبه لوجه الله وربي بيعوضه خير مما تركه لوجهه ويحبه ويرفع درجته ، وبيكون مطمئن وراضي عن نفسه وماهو خايف يموت وهو يرتكب معصيه ، اسعوا لأنكم تكونون الافضل عند الله ، ربي خلقنا حلوين عشان كذا احنا نحب حواجبنا وشعورنا على ماهي عليه ؟كذا ولا مو كذا!💗

ربي قال { ولقد خلقنا الانسان في احسن تقويم } ، وتدلعي ياقلبي بماسكات ومقشرات واشياء حلوة، رأي الناس فينا ما يهمنا ، رضاك عن نفسك هو اللي بيخلي اللي حولك حابينك ومتقبلينك على ما انتي عليه ، وغايتنا الاولى والاخيرة رضى الله مو احد سواه ، وتخلي عن اي شي نفسك تبغاه وربي ما يرضاه ، ومن ترك شيئا لوجه الله عوضه الله خيرا منه ،
واخيرا ؛ حبوا انفسكم يا اصدقائي ، لا تسوين شي يضرك وماينفعك لمجرد ان نفسك تبغاه او لمجرد انك ترضين الناس ، والله يجعلكم صالحات مصلحات راضيات مرضيات يارب💗☁.
.
وادعوا لزينب بالشفاء لعل دعوة احدكم تستجاب 🌿💗💗.

ترددت في اني اكتب هالكلام او لا ، لكن بقوله لعل وعسى يكون له اثر طيب وتشجيع لكم💗☁.
.
اليوم بعد العشاء تقريبا واحنا نشرب الشاي فرحت لما امي قالت انه كانوا مسويين اليوم محاضرة حق افتتاح مسجد وهي حزينة لأنها ماراحت ، وهذا المسجد ساهموا فيه اهل الخير الله يسعدهم عشان يبنوه للنساء وكله من فضل الله وان شاء الله بنصلي فيه ونقرأ فيه قرآن برمضان ، والله يتقبله خالص لوجهه يارب ويكتب اجر من ساهم في بناءه يارب ، اللي بقوله لكم تسابقوا للأعمال الخيرية ، اذا سمعتوا ان في بئر بينحفر او مسجد بينبنى او افطار صائم او اي شي يكون صدقة جارية لكم وعندكم قدرة حتى لو ريال واحد ! لاتبخلون ابدا ، يمكن هو الشي اللي به ربي يحرم وجوهكم عن النار ، وفكرة حلوة كمان تخلين في اللي بتساهمين به نية لك ولصديقاتك ووالدينك وموتانا وموتى المسلمين ، محتسبة بذلك الاجر من الله ، تخيلوا صديقتي تدخل من فلوسها بنيتي في بناء مسجد واجي يوم القيامة انصدم بالأجر وجبال الحسنات !!خير الوفااء والله 😭💗💗 واكيد هذا الشي بيسعد الموتى في قبورهم ، واللي يعين الناس ربي بيعينه بإذن الله حتى بعد موته بيسخر له اهل الخير اللي يدعون له وما ينسونه ، خلوا لكم اثر طيب في الحياة ، مصحف او سجادة او سبحة تهدونها احد، دراهم تدخلونها في عمل خيري، نصيحة تنصحونها لأحد فتغيره للأفضل بإذن ربي ،كلمة طيبة ' فالكلمة الطيبة صدقة'، تذكير بالاستغفار والذكر في مواقع التواصل ، كونوا نبيهين ولاتضيعون فرصتكم في الحياة واسألوا الله الهداية والصلاح احبتي في الله 💗🌿.

صباح اخر جمعة في شعبان لهذا العام 💗 لا تنسون سورة الكهف والاكثار من الصلاة على النبي ، والدعاء بين العصر والمغرب💗☁

كيفني بس وانا كل فترة احطلكم صور حلوة💗🙈اتمنى بعدين امر المشتركين عندي ما اشوف صور نساء ، رجاء غيروها عشان الجنة ، ممكن؟💗☁