اشخااص كثيير في حياتي ودي اشكرهم ، ممتنة لهم من صميم قلبي ، ودي اكافئهم على اللي قدموه لي، الله يقدرني يارب واسعدهم ، واقدم لهم رسالة شكري لهم واوصلهم اممتناني ، اذا مو كله ! بعضه ، الله يسعدهم فردا فردا يارب ويحقق لهم كل ما يتمنون ، اوقات كنت فعلا محتاجة احد يوقف جنبي ، سخرهم لي ربي ، ودفعهم المعنوي لي شجعني كثير اتخطى كم شغلة ، فالحمدلله اولا واخيرا ، والله لا يريهم مكروه فيمن يحبون ويرزقهم طول العمر مع العمل الصالح ، يا الله😭💗💗
حاولوا انكم تشكرون كل من قدم لكم مساعدة واسعدكم بشي اي كان هذا الشي ، فمن لم يشكر الناس لم يشكر الله ، وقال النبي عليه الصلاة والسلام ' تهادوا تحابوا '💌
والدعاء في ظهر الغيب هو اجمل هدية، لكن اذا تقدرون تقدمون هدايا مادية فأمر جمييل في حق من احسن في حقنا حتى لو شي بسييط ، 💗💗

في بعض الاقتباسات ، رهييبة وتجنن ،رغم انها جميلة عن اقوال الصحابة وكذا ، لكن المشكلة اني مو متؤكدة من صحتها لذلك احيانا اسويلها إعادة تحويل في الرسائل المحفوظة ، واكتفي!😢💗

ينتابني شعور الأسف لما اشوف ان الناس مازالت في موضوع الاستهبال والاستهزاء بالشخص اللي ينصح ، ومو اي نصيحة انما نصيحة متعلقة بالدين ، وكيفية ارضاء الله ، يعني بوضوح صارت الناس تشوف ان الشخص الفاشن هو اللي ماعليه في الدين ولا ينصح ومن هالكلام ، صرنا نشوف اننا نسوي الخطأ رغم اننا نعرف الصح وما نبالي ،متناسيين ان مجرد معرفتنا بالصح يقيم الحجة علينا يوم القيامة ، ما ادري ليه هالاستهتار ، هل هو جهل؟ او خوف من رفض الناس لنا في المجتمع؟ بالنسبة للجهل ما اتوقع في هذا الزمان في عوائق عن تعلم علوم الدين ، واللي قاعد يقرأ هالكلام بإمكانه يروح يبحث ويتعلم ويتثقف في الدين ويعرف الصح من الغلط، واذا كلنا نأمر بالمعروف وننهى عن المنكر ، وكل ماشفنا خطأ علمنا صاحب الخطأ بخطأه وتركنا مقولة ( هم يدرون انه حرام ويسوونه ) وتركنا الناس اللي فيها خير تنصح بدون ما نستهبل عليهم ونضايقهم واستمعنا للنصيحة بصدر رحب ! بننتفع جميعا بإذن الله ،،،واللي يخاف من المجتمع أحب اقوله ان هالمجتمع كله اللي تخاف منه هو لله ، وانت برضو لله ، وان شاء الله لخسف بنا الأرض وما صعب عليه الأمر ، واذا ربي امهلنا فهو ماراح يهملنا، اذا هو امهلنا مو معناتها نتمادى الين نندم ، الين يوم تبلغ الروح التراقي ! نقول ياليتني قدمت لحياتي ، ومين خسران هنا؟ احنا طبعا ، والله غني عن العالمين ، فيه من يعبده ويستاهل جنته ، امانة مو محزن هذا الشيء ، هذا شيء فوق الحزن ، خسارة والله خسارة ، اننا قاعدين نتعلق بالشي المؤقت، الدنيا الفانية اللي مافيها سعادة دائمة ولا شخص عزيز دائم ولا مال دائم ، كل شي في الدنيا الى فناء ، ونتساهل ونتجاهل الاخرة ؟ اللي فيها نعيم دائم لا ينقطع؟ الهداية بيد الله نعم ولكن انت اطرق باب الله ، حاول وجاهد نفسك توصل لربنا ، شوي شوي بتلقى نفسك تقول يارب... وتسكت!! ، مو قادر تعبر من شدة فرحتك ، من شدة احساسك بغفلتك اول ، واحساسك بطعم ولذة الحياة الدنيا بالقرب من الله ، اصدقائي واحبابي في الله ، مثل ما في نعيم الجنة، في الدنيا ايضا الحياة الطيبة ، للي عرف الله صح ومشى صح وكان شغله الشاغل رضى الله ، عيشوا لدنياكم واخرتكم ، والحياة مارح توقف اذا تركنا ما يغضب الله ، بالعكس راح تصير جميلة جمال ما تتخيلونه ، واللي يتذكر الموت دائما ، راح يحاسب على اعماله، فالموت خاطف ويأتي فجأة ، لما نتذكره بنحافظ على اننا مانكون الى على وجه يرضي ربنا ، يكون على حال لائق نبعث عليه يوم القيامة .
اسأل الله انه يهدينا الصراط المستقيم يارب ، أسأل الله حبه وحب ما يحبه ومن يحبه😢💗🔑

مساء الخير اصدقائي ، كيف حالكم؟ الله يجعل ايامكم كلها سعادة يارب💗.
.
ابي اقولكم ابتعدوا كل البعد عن العبارات اليائسة والحزينة حتى وان كانت تمثلكم، حاربوا الحزن ولا تجعلوه يتلبسكم، ابتسموا رغم كل شي ، واشغلوا انفسكم بشي ينسيكم حزنكم، واذا كان حزنكم مشكلة ! واجهوها وحلوها ، مش ولابد تنحل بأي طريقة ، ماتسوى هالدنيا الواحد يعيشها كلها حزن وضيق ، ما احب الكلام السلبي ، اللي يغطيه اليأس ، وكأن الله مو موجود ، والله اننا نحزن صحيح ، بس لا نخلي الحزن هذا كأنه فرض او شي واجب وخلاص طالما انا حزينة ببقى حياتي كلها حزينة، ولاتخلون قنواتكم محزنة ، خلوها امل عشان الحزين يدخل ويطمئن ، اطمئنوا اصدقائي وعلقوا آمالكم بالله ، الحياة مرة وحدة لا تحزنون وتضيقون على انفسكم ، واذا تضايقتوا كرروا { ربي اني مسني الضر وانت ارحم الراحمين } وثقوا بالفرج ولو بعد حين ، الله يسعدكم ولا يجعل للضيقة مكان في قلوبكم 💗🔑.

كمان يا اصدقائي الجميلين في بعض الاحيان نكون متفائلين بأشياء كثيرة ومحسنين الظن بالله ان هذا الشيء راح يتم على خير ما يرام ومثل ما نبي ، لأن ربي قال ' انا عند حسن ظن عبدي بي' فإذا تفائلتوا واحسنتوا الظن بالله تكونون قضيتوا وقت ممتع مع الأمل واحسان الظن بالله ، بقولكم نقطة مهمة ، انه اذا كنتو متأملين في شي ، وصار عكس ماتبغون ! لا تيأسون ابدا وقولوا لعله خير ، وربي ماخلاه يصير كذا الا لأنه خير ، والاهم والاحلى من كذا ايش!! ! انكم تؤجرون بإذن الله حق ممارسة حسن الظن بالله ، يعني حتى اذا ما صار الشي مثل ما تبغون ! يكفي انكم نلتوا اجر ممارسة هذه العبادة الروحية ، وهذه الفكرة راح تأثر ايجابيا على نفس المؤمن بها ،!😭💗💗💗

احب اتخيل الجنة ، ولما اتخيلها تصغر الدنيا في عيني كثير وتزداد همتي للطاعة ، تهون قدامي كل الهموم ، والحمدلله الف مرة هالفترة احس تعلمت اشياء كثييرة جدا ، كشغلات تغيرني للأفضل مثل ما ابي، والله لا يجعلنا نغتر بالطاعة وماعاد نزيد فيها ، الله يجعلنا دائما نبحث عن المزيد حتى نستحق الفردوس الاعلى من الجنة ، قبل شوي قريت كلام كثيير عن الجنة ان كان ارضها وترابها وثيابها ونسائها وطعامها وكل شي فيها ، وباقي ماخلصت ولكنه كلاام يوديك عالم ثاني ، الشي اللي اثارني اني قاعدة اقرأ واتخيل وتتلخبط مشاعري واحس كل اعضائي تقول يارب الجنة ، بس بالرغم من تخيل كل شي اتذكر " فيها ما لا عين رأت ولا اذن سمعت ولا خطر على قلب بشر" خطين تحت ولا خطر على قلب بشر!! ، يعني حتى ما تجي في بالنا..

وقت ماكنت اقرى قريت عنوان 'اقل الناس نعيما في الجنة ' حسيت حزنت ، يعني احساس اللي ليه ما اكون اكثر الناس نعيما في الجنة يعني ليه ما نجتهد ؟ بدال مااحنا منغمسيين في الدنيا هالقد ، نجتهد ونصلي صلواتنا في اوقاتها ونقرأ اذكار الصلاة ونستغفر كثيير، نحافظ على صلاة الضحى ونبر بوالدينا ، ونحسن خلقنا ونكون جبر خاطر للي حولنا ، لا نأذي احد ابدا حتى لو آذانا نقابله بإبتسامة ، نبينا صلى الله عليه وسلم تحمل اذى كبيير جدا 😢💗لو ماقدرنا نساعد احد في حياتنا مجرد الدعاء يكفي ،ندعي للمسلمين والمسلمات اجمع احيائهم وامواتهم ، اكيد كلنا فاقدين اعزاء نتصدق عنهم وندعي لهم ، واذا قرأتوا قرآن ' قولوا اللهم اجزي بمثل اجري لموتانا وموتى المسلمين '، نكون عون للاموات بعد موتهم عشان ربي يسخرلنا بعد موتنا، ناموا بدري عشان تصحون قبل الفجر تصلون قيام الليل والوتر وتجلسون تقرأون قرآن وتستغفرون لييين يأذن الفجر وتصلون وتقرأون وردكم من القرآن وناموا ، كثير اندم على الكسل اللي اتكاسله والتأجيل الكثير اللي كله من عمري لكن بإذن الله ماراح اطيع نفسي وراح اجاهدها ، واهم شي ندعي ربي يوفقنا للطاعة ويكره حب المعاصي في قلوبنا ، امانة مرة متححمسة لشي اسمه جنة حماس يخليني متفائلة بالحياة ومبسوطة ، احيانا اشوف صور جميلة للطبيعة الخلابة اللي ربي خلقها واتخيل انها الجنة ومافيه هموم ، ومو خايفين نموت او يموتون اللي نحبهم ، مو خايفين من اي شي ، قلوبنا صاافية ، وهذا الشي اللي نحتاجه ، لانحرم انفسنا منه بالمعاصي، والله لا يحرمنا يارب ويهدينا ويصلحنا ويجعل اعمالنا خالصة لوجهه الكريم ، وان يتقبلها منا يارب.
- لا يبدأ رمضان ولا يخلص الا واحنا متغيرين للأفضل💌🔑😢

لا تنسون سورة الكهف نور مابين الجمعتين وكثروا من الصلاة على حبيبنا صلى الله عليه وسلم💛

صباح الخير يا جميلين ، اذكار الصباح وكمان ابتسموا وتفائلوا بهذا اليوم الجديد ، الله يجعله يوم جميل وسعيد عليكم يارب💗💗.

امي يوم نجلس نتقهوى ، دائما نكون نسولف وعلى اساس السوالف تقدم لنا نصائح ، كأي ام تتمنى الخير لأبنائها وتحرص! انها تقدم واجبها على اتم وجه، والأهم تورينا الصح من الغلط وتعلمنا الصبر وقوة التحمل ، قال صلى الله عليه وسلم ' كلكم راع وكلكم مسؤول عن رعيته'، الأم نعمة لا تقدر بثمن ، والله يغفر لنا تقصيرنا تجاه امهاتنا ويحفظهم لنا ويطول بأعمارهم مع العمل الصالح ويرحم المتوفين يارب، والله يجعلنا قرة عين لوالدينا وفخر وذخر لهم ويجعلنا من الصالحين المصلحين يارب، بروا بآبائكم وامهاتكم وهالنصيحة اوجهها لنفسي اولا واتمنى ربي يهدينا ويصلحنا ويعينا على برهم ، والمتوفين ايضا بروا بهم بالدعاء والصدقة يا احبابي ، وبروهم في اهاليهم ادعوا لهم دائما في كل فرض واكثروا من قول ' ربي اغفر لي ولوالدي'💗💗

السوشيال ميديا يا اصدقائي سلاح ذو حدين ، اما تستخدمه صح ،ويكون حجة لك يوم القيامة ، او تستخدمه عكس الصح ، ويكون حجة عليك ، بالله وش علينا من التعليق على الناس بتعاليق بذيئة وسيئة ، والسخرية في العلن ، يا اما ارسل فيديو واعلق عليه تعليق سيء ، يا اما صورة وكمان اعلق فيها تعاليق سيئة ، او تحت منشورات الناس برضو اعلق تعليق سيء!! وايش النتيجة ،؟؟ ذنوب جاارية
والتعاليق الواحد يستحي يقراها ، اعوذ بالله ، نسأل الله العافية ، ما احد مجبور يتابع احد ، والمشاهير احنا اللي نتابعهم ونخليهم مشاهير، لذلك اذا ماعجبك المحتوى ألغي المتابعة واطلع ، كافي خيرك وشرك ، مافي شي يستاهل تحط عليه ذنب جاري وتروح وتخليه ، تبي تنصح انصح بأسلوب ، لكن لا تقذف بالأعراض وتكتب تعليق جارح وتروح تتركه ، انت بتنساه بس ربي ما ينساه ولا صاحب الحساب يمكن ينساه ، بيجي يوم القيامة في قنطرة المظالم يسترد حقه منك وتذكروا هالكلام ' ليس المؤمن بالطعان ولا اللعان ولا الفاحش ولا البذيء' يساعدنا هالكلام على اننا نتخلق بالخلق الجميل ونعف نفسنا عن بذيء الكلام ، والنصيحة لما تكون بأسلوب تنقبل برحابة ويمكن ربي يهديه في يوم ، لكن انت جاي تتهجم عليه معقولة ياخذ نصيحتك؟ ارتقوا يا اصدقاء ارتقوا
سووا اللي عليكم من الامر بالمعروف والنهي عن المنكر بأسلوب راقي بالكلام الطيب ، اذا استمع لك كان بها والا! قال تعالى ' ولا تزر وازرة وزر اخرى ' والله الهادي.
انتبهوا لأنفسكم ولجوارحكم انتبهوا من حق الناس ترا ربي يغفر كل شي بإذنه الا حق المظلوم.💌

اصدقائي الجدد اهلا فيكم ،والله يجعلكم شاهدين لي يوم القيامة ويجمعني بكم في جنته وشكرا لكل من تعنى ونشر رابط القناة ، الله يسعدكم فردا فردا 💗.

امس ارسلت لصديقتي اسأل عنها وتفاجأت انها متضايقة جدا جدا ، ولما توصف لي حالها وشكثر كرهت كل شي حزنت جدا 😢وهنا بقولكم انه لازم لازم ننتبه لمشاعر الناس اللي حولنا خصوصا اذا كانوا ناس نحبهم ، هي متضايقة لأنها تتحفظ بمشاعرها اللي تضايقها من تصرفات الناس اللي تحبهم ، ولا تقدر تصارحهم لانها خايفة تخسرهم ، ويمكن هنا في نقطة مهمة قد ماننتبه لها كثير ، راعوا مشاعر الناس وخصوصا اللي تحبونهم مثل ما تهتمون لمشاعركم واكثر
والشي اللي يزعجك حطي احتمال انه ممكن يزعج غيرك وابتعدي عنه، عاملوا الناس مثل ما تحبون يعاملونكم ، كونوا انيقين في اختيار كلماتكم ، وفي تصرفاتكم ، راح يسألنا الله عن الشعور السيء اللي نتركه في قلوب من حولنا ، الكلمة اللي نطلعها بدون لانحسب حسابها ، ممكن تجرح اللي قدامنا ألف جرح مايبرى ، وتذكروا ان اللي نحبهم يحتاجون مننا احتواء ، حتى لو كان بكلمة وحدة تسعدهم ، تعودوا بينكم وبين اللي تحبونهم تتصارحون ، يعني اذا شي يضايقك في الشخص المقابل اوتصرف منه ماعجبك ! بادر وصارحه عشان لايرجع يخطأ في حقك ، ممكن الواحد يتحمل ويكتم داخله مرة واثنين وثلاثة ! لكن تراكم المشاعر السلبية ممكن يولد برود في علاقاتكم باللي تحبونهم ، وراح تحسونهم ثقيلين عليكم ، بالتالي ممكن تنهار علاقتكم وقتها ! وشي جميل ان صديقي يصارحني بشغلة مني له ضايقته ، عشان ما ارجع مره ثانية اعيدها وانتبه اكثر ، كذا نحافظ على علاقتنا صافية ونقية بإذن الله 💗.

حمااسي لرمضان ألف والله ، عاد انا دايم اذا تحمست حماس مبالغ افكر داخلي اقول شكلي بموت قبل اوصله😂😭، بس جد احس كل رمضان اكون متحمسة اكثر من اللي قبله ، الله يجعلنا فيه من السابقين بالخيرات يارب ويوفقنا للطاعة ، لما يكون الصباح كله صلاة وقراءة قرآن وذكر ، والعصر تجهيز الفطور والحوسة حقته ويالله تخلصين عشان تسرعين تقرين ورد العصر من القرآن ، عشان لايتراكم مع حق المغرب ، بعدين نفطر ونستعد للصلاة ، ونروح نصلي في المسجد، ترجعون تغسلون المواعين وتداركون وضع البيت ، تجلسون مع اهل البيت امك وابوك واخوانك وتجيبون مصاحفكم تجهزون ختمة للقرآن لكم مع بعض ، كل واحد يقرأ جزئية بالدوور ، مثلا كل يوم جزئين او ثلاثة، يارب بلغنا ياارب😭، رمضان شهر اعتبره هديه من الله عشان نرجع نطمئن بعد 11 شهر من العام ، نجتهد كثيير فيه عشان نترك الاشياء اللي ماترضي الله ، كثير يقولون نفاق انهم يخلون المعاصي في رمضان بس لا انا اقولكم ' ومن يعظم شعائر الله فإنها من تقوى القلوب' الله راح يحب اجتهادك وتعظيمك لهذا الشهر الفضيل ومجاهدة نفسك فيه على ترك المعصية ، بس لا تحطين بقلبك انك تتركين مثلا سماع الاغاني بس في رمضان ! لا انوي بقلبك انك بتتركين المعصية ومارح ترجعين لها واسألي الله يثبتك على الحق ، واحذركم من تضييع الوقت في رمضان في المسلسلات والافلام ، احذرككم بقوة ، دايم افكر اقول الحين انا جالسة كذا اكيد في ناس ماتوقف ذكر وسعي للجنة 💗💗 استغرب من اللي يقول جا رمضان شهر المسلسلات! ، رمضان شهر الطاعة يا أصدقاء، شهر القرآن ، فيه سكيينة وروحانية التراويح ، شهر العتق من النيران ، فيه الشياطين تكون مصفدة، اصدقائي الله يبلغنا اياه واحنا ومن نحب والمسلمين بخير ، والله يرحم من كانوا معنا رمضان المضى وهم الآن في باطن الأرض ، اللهم انهم كانوا يشهدون لك بالوحدانية ويعظمون هذا الشهر الفضيل ، الله يرحمهم ويغفر لهم يارب ويتقبلهم بقبول حسن ، الله يجعلهم يتقلبون في نعيم الجنة الذي لايفنى ياارب😢💗.

بقولكم حاجة الحين نبي نجهز قائمة اشياء حلووة نسويها برمضان ، او انتو تسوونها دائما كل رمضان ، او حتى ناويين تسوونها ، ونتشارك الفائدة ونتذكرها بعدين في الجنة بإذن الله ، المهم ارسلولي الأشياء اللي حابين تسوونها في رمضان وارتبها في قائمة وانزلها في القناة وبإذن الله نطبقها ونتشارك الأجر ، 💗 http://t.me/b9bot?start=NMx-SA

تغذية سمعية ، القارئ: عمير شميم🌿💗.

بما ان الشهر الفضيل على وشك انه يقبل علينا ، نعتبره ضيف وبنستقبله ولا!💗 اكيد كلنا نفكر شلون نستغل الشهر ومايخلص الا واحنا متغيرين ، فمن الحين خلصوا كل شي يلهيكم ، نظافة ، سوق ، خرجات ، ' حاولوا بعد تستبدلوون الكتب اللي تقرؤونها زي الروايات بكتب مفيدة ونافعة مثل' لأنك الله، او علم نفس قرآني،صور وخواطر لعلي الطنطاوي ، مواعظ الصحابة ، يوم نبوي ' والتمسوا الفائدة في هذه الكتب وبإذن الله راح تخرجون منها بفوائد كثيرة تغيركم للأفضل ولاتملون من القراءة، وانا تقريبا اخترت علم نفس قرآني واذا قدرت اخلصه بدري اخذت بعده مواعظ الصحابة بإذن الله ، شي ثاني تعودوا على صلاة الضحى من الحين صلوها عشان ماتستثقلونها في رمضان ، وجهزوا سبحكم عشان تذكرون الله بها ، وذكرت السبحة بالذات لأن من تجربتي احسها افضل وتخليني اذكر وقت طويل ، الشي الثاني جوالكم استخدموه في التذكير لغيركم مبتغيين بذلك الاجر بإذن الله ولاتخلوه يلهيكم ويضيع وقتكم ، والشي الاكيد كلنا مجهزين انفسنا للختم في رمضان ، حاولوا تختمون مرتين وثلاثة ولو قدرتوا اربع ، خلي لك من الحين سورة او سورتين تحفظينهم في رمضان كل يوم جزء مثلا ' البقرة' و ' آل عمران '! للي مو حافظتهم عشان تجيك كغمامتين' تظلك في ارض المحشر يوم لاظل الا ظله وحتى اذا ماخلصتيهم قبل رمضان تكملينها بعده💗☁ ،

حددي لك ساعة او ساعتين تكون ذكر انتي وعائلتك او لوحدك اذا ما اتفقت اوقاتكم ، هالساعة او الساعتين كلها تستغفرين وتكثرين من الباقيات الصالحات ' سبحان الله والحمدلله ولا اله الا الله والله اكبر ' ، الصلوات في اوقاتها وبتأني وتقريبا ورد القرآن بعد كل صلاة تقرئين جزئية حسب تقسيمك وعدد ختماتك اللي ناوية تختمينها ، لما تطبخون للإفطار حاولوا تطلعون لجيرانكم شوي من اللي طبختوه حتى لو مو كل يوم ، العزائم في العشر الاولخر يفضل انه مايكون فيه عشان نتفرغ للطاعات وماتاخذ من وقتنا ، تجنبوا الاسراف في طبخ الاكل الكثير عشان ما ينكب بعدين ، وممكن تعطون العمال اللي يشتغلون في الاماكن اللي جنبكم ' ومارح اقولكم شكثر راح ينبسطون '،،، كل صباح خذي لك علبة صغيرة حطي فيها ماء وارفعيها سطح بيتكم او في الحوش عشان الطيور ، الاطفال الصغار دايم يقولون 'نبي نصوم' واهاليهم قد يرفضون ، فلا تمنعونهم بالعكس شجعوهم ، صلاة التراويح اكثر شي فيه روحانية حافظوا عليها حتى اذا مو في المسجد صليها في البيت ' والمسجد يشجعك اكثر عشان لا تتكاسلين'،اختاروا قراءات جميلة لمشايخ تحبونهم وانا راح اضع لكم فيما بعد اصوات بعض القراء اللي احب اسمع لهم وخلوا صوت القرآن يصدح في بيتكم بالطمأنينة والسكينة ، في الليل خذي مساحة لنفسك ساعة او نص ساعة اذا بتعتنين بنفسك او تتابعين محاضرات دينية او اي شغله بتسوينها اهم شي ماتكون معصية ، اهم شي حاولوا تبتعدون عن المسلسلات لأنها مجرد ضياع وقت واغلب المسلسلات الحين حتى المحتوى فيها غير لائق ، فحاولوا قدر الامكان تبتعدون عنها خصوصا واحنا في رمضان ، هو شهر واحد بس ، لا تضيعونه 💗

تصدقي بعد حتى اذا ما قدرتي تطلعين من البيت اعطي اخوك او ابوك يعطي اي مسكين يلاقيه ، واكثروا من الدعاء في كل حين ، فالدعاء في رمضان مستجاب بإذن الله ادعوا للموتى وابائكم واخوانكم ولكل من تحبون ولاتنسون اخوانا المستضعفين في بلاد المسلمين ، وترقبوا ليلة القدر في العشر الاواخر ، ليلة خير من الف شهر💗💗 الله يبلغنا اياها، لازم لازم يكون لكم في بيتكم ختمة جماعية 'انتي وامك وابوك واخوانك واذا جدك او جدتك معكم' هالختمة بيكون مثلا كل يوم جزء او جزئين ، تاخذون مصاحفكم وتجلسون كأنها حلقة وكل واحد يقرأ جزئية لين تختمون' ، وتسحروا فإن في السحور بركة ، بعد ماتتسحرون وتخلصون اجلسي استغفري واذكري الله لين يأذن الفجر عشان تصلين وتجلسين في سجادتك تقرأين قرآن الين يجي وقت الشروق صلي ركعتين واذا بتنامين ! نامي💗💗 ،،، الشي الاخير قيام الليل قيام الليل ، اجمل شي وقت صلاة الليل وقت تكونين فيه انتي مع الله وبس ، تبوحين وتفضفضين وتدعين ربك بكل مافيك ' لا تضيعون هالصلاة ابدا ابدا واختموها بالوتر ، جنة القلوب 💗

، اهم شي في هذا كله تنظيم الوقت اهم شي اهم شي مثلا انا بنشر شي في القناة ، بحدد لي عشر دقائق بالكثير واول ماتخلص اقفله ، وكل شغلة تسوونها اذكروا الله وانتو تسوونها ، عشان ايش! تستفيدون من كل لحظة وتستحقون عليها الاجر بإذن الله ،لا للكسل كل ماجيتي تتكاسلين استعيذي بالله وارجعي اقوى، كل عمل تسوينه حطي فيه النية الطيبة والاجر، وممكن تصلين اقاربك برسائل تطمئنين عليهم او تزورينهم ساعة مثلا وترجعين وفي الطريق اذكري الله وانتي رايحة وانت راجعة بعد ،ولا تتلفظين الفاظ سيئة ولا تغتابين احد،وابتعدوا عن مجالس الغيبة حتى في جمعاتكم ، يلا هذا جدولي تقريبا وبإذن الله ، احتاج استفيد منكم بالمزيد واحتسبوا الاجر في ذلك☁🌿💗.
جعلنا الله من الصالحات المصلحات يارب ووفقنا في رمضان للطاعات🌜💗.