#تراث

غدت ذيچ الخلگ عالظعن داره
تتفرج يويلي اعله اليساره
لمن طبت لعد گصر الاماره
ذليله او گابعه بالهظم والهم
ــــــــــــــــــــــــــــــــــــــ
وگفت والدمع يجري اعلى الخدود
او وياها العليل ابمهجته ايجود
شافت بيد ابن مرجان العود
يضرب من ابو اليمه المبسم
ــــــــــــــــــــــــــــــــــــــ
حنت زينب اوگامت تنادي
ميل العود من مرشف الهادي
سوطك صابني او ولم افادي
گبل ما لعد ثغر احسين ولم
ــــــــــــــــــــــــــــــــــــــ
غضب لمن سمع زينب حچيها
او شال السوط بيده اوهم عليها
نهض واحد اوصاح الحگ بديها
ماظل لا اخو عدها ولاعم
ــــــــــــــــــــــــــــــــــــــ
سمع حچيه او تغير علي السجاد
اوصاح ابصوت يبن ازياد بس عاد
تفكر ليه اوصاح اخذه يجلاد
اخذ راسه اولبوه احسين شتم
ــــــــــــــــــــــــــــــــــــــ
صاحت زينب او لزمت اذياله
يبن ازياد ارحم سگم حاله
عدل خليه وذبحني بداله
غيره الها الودايع بعد ماتم


الشاعر المرحوم
السيد عبدالحسين الشرع

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

ليش يازينب دمعتج سايله
وليش عصابه اعله راسج مايله
🔹🔹🔹🔹🔹🔹
شفت اخوي حسين نايم عالثره
وشفت جثته بالسيوف مطبره
شفت من حز الضبابي منحره
ياعضم هاي المصيبه الهايله 🔹🔹🔹🔹🔹🔹
شفت جتنه الخيل واحنه بﻻ كفيل
شفت تلهب نار صيوان العليل
حقي من احزن يضل دمعي يسيل
وﻻ ولي وعني اﻻهالي شايله 🔹🔹🔹🔹🔹🔹
وﻻشد واعضم وانه بنت النبي
وحيدر واصبح يسيره وانسبي
اكبال عيني سب ابوي اﻻجنبي
كبال عيني وعين كل العايله 🔹🔹🔹🔹🔹🔹
ﻻتكلي ليش واسمع حالتي
خل اخبرنك ابحالي وعلتي
مالت العصابه من شفت اخوتي
امطرحه وخيول اﻻعادي صايله🔹🔹🔹🔹🔹🔹
ابجي عالشبان البدور الكرام
اﻻكبر وجسام عالغبره نيام
وانه عني ابعاد اهلي والعمام واتكلفت بايتام ويه العايله 🔹🔹🔹🔹🔹🔹
اليوم شفت عله النهر طاح العلم
وابن ابوي شلون شك عينه السهم
شفت ضهر حسين لعضيده انجسم
شفت اﻻكبر يوم ابيه شايله 🔹🔹🔹🔹🔹🔹
السید عزیز الناجی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

خذت شمعة الزچيه بليلة الجمعه
إجت لحسين ابنهه وهلت الدمعه

إجت واعله الگبر گعدت تون يمه
وعليه نشرت قميصه الناگع ابدمه
هوت فوگه تشم وتصيح يايمه
ضلعهه المنكسر طاح وحضن ضلعه

ضلعهه يسيل منهه ويغسل ادموعه
ودمعهه يسيل منهه ويغسل ادمومه
هاجت بين ابنهه وبينهه اللوعه
يسمع حس بواچيهه وهي تسمعه

تگله عليك دمعي المن يهل دمعك
عله ضلعي تون يوليدي لو ضلعك
ياجرح الذي ماذيك وملوعك
جرح عبدالله لوعباس لوربعه

حچه من منحره المگطوع منه الراس
اوگلهه لارضيعي وصحبتي وعباس
بس زينب والمردچبدي حچايه الناس
سهم من الشماته بگلبي شي شلعه

ييمه من خذوهه امچتفه الايدين
نوب الجسمي نوب الراسي تربي العين
وشما تنضرب صاحت يخويه احسين
واشوف اللي ضربهه ومگدر امنعه

خذتني الغيره وانه اوصالي متگطعات
گمت واهويت عل حومه ثلث مرات
لن واحد يصيح حسين حي مامات
علي خيل وزلم فزعوا فرد فزعه

علي فزعوا ييمه وردوا من اردود
وهذه توله كل اعضاي بالعامود
وهذه برمحه صوب چبدي الممرود
وذاك بخنجره من چفي گص صبعه

سكت عن الحچي والطاهرة الزهره
من سمعت كلام المنگطع نحره
گامت صارخة وطاحت عله الغبره
وذابت روحهه من ذابت الشمعه



✍🏻 الشاعر المبدع حکیم قیم

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

#تراث

زينب ياعلي زينب الخيل من اوصلت حدها
ليك اتوجهت تتنخـاك وتحشــمــك يوالـدها
ـــــ
زينب ياعلي زينب مـــن گـــــوضـــــت ولياها
طلعت والمـــهـــــر عـــــــاري ياحيــدر تلگـاها
صاحت طاح اخوي احسين صاح المهر وياها

يزينب طاح ابو اليمه
يزينب ســابـح ابدمه
يزينب خل نصل يمه

وناخذ ماي ويانه چبدته العطش ماردها
ـــــ
زينب للمهر گـــــالـــت وهي على الهظم جمضه
يمهر حسين اروح وياك اخاف احسين مايرضه
ومنطلع خيالي ايصير لعيــــون الزلم عـــــرضه

اخــوي حسين مايقبل
وخافـن يالمهر يــزعـل
لاچن اوچب على التل

وانده وين أخوي حسين بلچن يسمع الندها
ـــــ
گال المهر يازينب اضنج ما بگالـــــچ راي
ابن امچ وگع ويصيح اريداً يالهوادم ماي
دجيبي الماي يازينب وانه الاخـذچ وياي

ويشرب والـــد سكينه
ومن يشرب يفك عينه
ونجعده ويحـــــاچينه

وبمعصبچ يازينب اجروح التكلف انشدها
ـــــ
زينب للمهــــر گالـــــت يمكــدر مـــــردت چبـدي
تكـــــول حسين يطلب ماي وانه الماي مو عندي
يمهر حسين وحدك روح خبره وانه اضل وحدي

يمهر حسين أضل اتناك
انچــان اتــريـدني وياك
اريد اتريض بمـمــشــاك

يمكدر حيل مابيه المثلي الله يساعدها
ـــــ
مشـت وي المهر زينب يهــد الحـيــل ممشـاها
تبچي والمهـر يبچي يبو الحمله اعلى مبچاها
دلاها اعلى خوها حسين شگول اشلون دلاها

حـرمـه ولفـت واليها
عدها هموم تشچيها
تحاچيه ما يحاچيها

لاچن قسمت اعلى حسين بمها وعودها وجدها
ـــــ
يخويه ابجاه جدي اعليك وجاه امك تحاچيني
يخــوي من عــگــب عيــنــاك لهلـي من يوديني
يخوي اگــعــد وباصــرنـي واعلى الــراي دليني

يخـويه عيالنا هجت
يخويه طفالنا سجت
يخويه خيامنا وجت

يخويه اگعد وطفي النار وخيول العده ردها
ـــــ
فك عينه ابوجه زينب شگول اشلون فك عينه
شـــــاف النــار وي الخيــل بمــوسـط صواوينه
وتهيج صــاحــب الغيـره على هضمت نساوينه

مــا چــــــانت علــى باله
حــي وتنـــــولي اعيــاله
اعلى ابو السجاد هالحاله

امر من العطش والحر وامر من الجتل وادها
ـــــ
التفت لخته يحاجيها يزينب گــالهـا اشجابچ
يختي العيلــتــچ ردي تتيه الحـــــرم بغيـابچ
ردت لاچن أشردت على بن امها الجنه شابچ

والله الفخر الها وبس
بيهــا حــيــل تتنـفس
تــتــجــلــد وتتحمس

تشوف اطفال مذعوره وتشوف الخيل تطردها
ـــــ
زينب ردت من حسين تعال وشوفها بيا حال
تكفكف بيد دمعتها وبـيــد أمــوســره الــدلال
الف عفرن على زينب وعفيه الها جدم ينشال

حــرمـه غـــــدر بيها البين
وافكرها انشده بين اثنين
مابين الــحــرم وحــسـين

شتدبر اوشتعبر وهي حرمه وحرم عدها
ـــــ
لخــوهـــا راحــت وردت وبخيمها تشب النار
رادت من يطفي النار شـافــت ما حصل نغار
صاحت لچن مغتاضه اضخر لا يحامي الجار

شنهي من صبر صــبرك
علي يا والدي اشبصـرك
يبويه بهــاي ما عـــذرك

بناتك صارت ابشده ونت حاظر شدايدها
ـــــ
علي يا والدي منته الحمـه ويوم الشــــدد منــدوب
يبـويــه الصــبـر فصلته ثـــوب وركــد هــذا الثوب
يبويه حسين أخوي اچتيل وعزي البالطنب منهوب

وهاي الحرم شيلمها
اوشبـت نـار بخيمها
وراح اللــي تــلزمــها

يبويه الليل لو هود ياهو الي يهودها


خادم اهل البيت
الحاج مُعين السباك

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

#تراث

يا شيال راس احسين گصر
ترى گلبي على افراگه تفطر

يشايل راس حامينا او ولينه
ريض خلي اتودعه اسكينه
ليش احسين ساچت من ونينه
گلي تعب يو جرحه تخدر

يا شيال راسه لا تلوحه
او هبط عن بگايا الروس رمحه
خاف ايفوت ريح الهوى ابجرحه
و اصوابه عليه ايگوم يسعر

يا شيال راس احسين سدره
رده الجثته او سده ابگبره
يخايب شفت هذي گبل نجره
ابگفره جثته او راسه امسير

يا شيال نعشه لا توجعه
أخافن تلچم اجروح البضلعه
د ريض لي أريد اسا أودعه
أو هذا افراگنا ما بعد مسدر

رفع بعنادها راسه او شاله
او خيب زينب او يتم اطفاله
بس ما شاله او شافوا عياله
إجت سكنه تصيح الله أكبر  

محمد بن نصار

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : بس عشگ
اداء : السيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

اتمنى اكتبك بس عشگ
لازم تضل بلا نعش
يطلع مثل وجهك سرح
وتموتكم وابن العطش
وانسى العطش وانسى الجرح

☆☆☆☆☆☆☆☆☆☆☆☆

بيت القصيدة الينكتب
يطلع مثل وجهك سرح
بس بوسط هذا الحچي
يعرفني راسك على الرمح
اكتبلي بيت ولو كمل
بالثاني لازم تنذبح
لازم تضل بلا نعش .. ياابا عبدالله

☆☆☆☆☆☆☆☆☆☆☆☆

نفرض كتبك مبتسم
بس الصدگ ما تنعقل
شمس الله لو كض طيحتك
لو ظهرك لما ينعدل
لو بل يسر حرمه وطفل
وبصفها هم حرمه وطفل
خاطر يطيحهم سوه
چتفهم بنفس الحبل
ذاك الركض ذاك انسحگ
والضل من الخيام احترگ

☆☆☆☆☆☆☆☆☆☆☆☆
جروحك ولا يتشابهن
يتشابهن بس بالنزف
جرح السهم گد السهم
جرح الرمح يملي شكد كلف
ذني وبعد ، سيف وبعد
خيل وبعد سبعين الف
بس الحوافر مو جرح
لا هم جرح بس منخزن
شتفيدك وروحك گضت
جرح بجرح گالوا تشد
هلبت تشد ايدك ردت
وخر الطفل لا ينمرد
يالميت صاحوا بعد
لحد يضم سيفه ويرد

☆☆☆☆☆☆☆☆☆☆☆☆

الله اكبر يا علي
علي ميت تهل
يتنافسون على الذبح
ياهو اليسوي اكبر جرح
عيش بكثر ما سولفوا
حس بطعم هذا العشگ
مو ضمه هيه وتنتفل
والزهره مامك منسفك
سحگوله حد ما هوسوا
تريد الصدگ هذا الصدگ
بالخيمة مو بس العبي
حتى الحرم شبعت حرگ
تعرف خواتك يا شهم
توجعهن عيون الزلم
ياابا عبدالله .. ياابا عبدالله

☆☆☆☆☆☆☆☆☆☆☆☆

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : سافر الماي
اداء : سيد فاقد الموسوي
كلـمات : حمزة الحسناوي

★★★★★★★★★★★★

حـسين .. يالرايح وعايف گلب خايف عليك من الهوى
من تنزل بحضن الشمس بعدك ولا اكومن ضوى
دخان صاير مو گلب گد ما بالفراگ انچوى
غير الدوه يطيب المرض ليش انه اغصن بالدوه

بالگلب صار جمر كون يضل ما يدگ
اليعرفون شني يصير اذا نحترگ
نار الدموع والخدود نهر من جرح
يا دوه يفيد اذا صار جرح على الحرگ
بيت وحشى وبابنه انسد .. الصبح لابس لون الاسود
امس هوسة اليوم محد .. ضال يمي
سافر الماي وانه وياي .. ضال دمعي

★★★★★★★★★★★★

ارسم صوركم بالدمع هذا اليحب من يبتلي
واكتب رسايل بالعكس عود انتَ لموديها الي
كثرن ترا لخافن انسل وجروحي كلهن من هلي
واليختنگ يندب علي وانه اقرب الناس لعلي
اشبگ الگاع والاثار خفت تلبسه
وجرح العزاز يخليك تحب الجرح
يغفى بلكي الله بألف يا علي
بس الاحلام تراويك هلك ع الرمح
امس يمي اليوم هضمه
گمر عمي وماكو ضلمة
وزينب نصيحلها يمه .. شلون چلمه
سافر الماي وانه وياي .. ضال دمعي

★★★★★★★★★★★★

خل تذكر عيون الچنت وياهن مگضي الزمان
هم جبتوا طاريي ويانا كون بهل سفر
عبدالله هم يذكر گبل من جنت اشيلة على الظهر
گالولي يحجي وكيفت معناها عبدالله كبر
وانه بليل اذا نام احاجي الدمع
تغفى مرتاح اذا صوت اهلك ينسمع
ذني الجروح البروحي كلهن عرف
يحرك بروحه ثاري خيط الشمع

والله لو ماخذني يمك
اسمي راح يشيل همك
غاد من تشتاگ لأمك تصيح بأسمي
سافر الماي وانه وياي .. ضال دمعي

★★★★★★★★★★★★

شوف على دربك ما رضى واتذكر ايامك گمت
ليش من اشوفنك گبل جان الوكت
بحلامي اسافر للظعن واتخيل وياكم رحت
هم انعم الله على الحلل لو كاطع بعيني متت
اول تالي اموتن بالفراگ ترا
عود اضل ليش والعزاز مشو بالسره
همه يدرون يموتون والضعون مشت
حب الحسين بالعيون شفت ينقره
امس دهن حسين شارد للصبح خليته كاعد
خله يمهم ماي بارد .. ما فهمته
سافر الماي وانه وياي .. ضال دمعي

★★★★★★★★★★★★

يا مغرب لياخذني الك واكعد واسولفلك الاصل
وابچيلك بگد ما چنت اكتب رسايلكم واضل
ردتك تصبر للگلب مو گلبي منك ينحرم
هي انه بس ثوب وعظم وفراگك يدگ بالعظم
اخر اخبار للحسين بدت تنطرح
گاموا هواي يجيبولي طاري الرمح
عني ماريد يردون هلي من الحرب
بس ردت كون يموتون عدل مو ذبح
اخر اخبار ثگيله .. سولفولي عَ الهزيلة
والله لو ميته العليلة .. ارحملها
سافر الماي وانه وياي .. ضال دمعي

★★★★★★★★★★★★

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : سودة علية
اداء : سيد فاقد الموسوي
كلـمات : رفـعت الصافـي

✮✮✮✮✮✮✮✮✮✮✮✮

على حـسين ألوم العين الما تبچي على مصابة
على حـسين أجيب منين گلب يتحمل صوابـه

✮✮✮✮✮✮✮✮✮✮✮✮

سودة علـية حسين يوم العاشر
حافر يسلمة لحافر .. سودة علية
كلساع فتحه يسوي بين اسهامه
ويتنوع بين خيامه .. سودة علية
دارت علية الخيل والخياله
عمت عيني محد شالة .. سودة علية
سودة علية حسين خلوا عاري لا فاتحة ولا قاري

✮✮✮✮✮✮✮✮✮✮✮✮

واحد يحفر بصدره يدور سالفة تفيده
والآخر مثل المضيع ذهب ويفتش بجيده
واحد عطله المحبس وجر الخنصر من ايده
من ما لگوا شي ينباگ باگوا شبگه ايده
سودة علية حسين طلعت روحة
طشو رمل بجروحه .. سودة علية

✮✮✮✮✮✮✮✮✮✮✮✮

چـا وين هاشم هالله والعلوية مامش عمايم خضره بيهن جية من حشمن ما سمعن المگضيه .. سودة علية
خلص دور السيف مروا هواية هدت لسنها وصوتها لحدايه
كلساع زينب تسمعلها حچاية .. سودة علية

✮✮✮✮✮✮✮✮✮✮✮✮

سودة علية ام عون وجهه العافية عَ الگبر تركض حافية .. سودة علية
سودة علية گلوبهم عطابه والماي محد جابه .. سودة علية
سودة علية والحرم مچتوفه وتتناده سهل الكوفه .. سودة علية
سودة علية من طبن الديوان يضحك ابن مرجانه .. سودة علية
بالكوفه الازقه گصاف والحيطان شمتانه من تعثر النوگ تطيح عطشانه على عطشانه
والتمت عشايرها على ابن زياد زعلانه
ضلن بس خوات حسين كلمن اخذ نسوانه
سودة علية اخت الهواشم حايرة لا صايرة ولا دايرة
تلتفت فوگ الرماح اخوانها رادت عون محد عانها اهل المضايف قفلت بيبانها سودة علية
طبت الشام ومحد تلگاها طاحت من الناگه التعب هداها سبعين راس التفتن فوكاها سودة علية .

✮✮✮✮✮✮✮✮✮✮✮✮

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : قريت الفاتحة
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

عفـتوني ييمة وانه ام گلب الحنين
متگابله العلاوي وانـه مگابله الونين
ومتانية ليگلي ردوا ام يـم البنين
يچوي الگلب فرگاكم .. يچوي الگلب فرگاكم

♧♧♧♧♧♧♧♧♧♧♧♧

قريت الفاتحة من حمل حسين .. گلت بلكت يرد
غرفكم فارغة ويا وحشة البيت .. عليكم يالولد
يدگ بساع گلبي واعرف بساع .. ضعنكم يبتعد
گلت لو ناشده مرات الضعون يعبر عن نشد

♧♧♧♧♧♧♧♧♧♧♧♧

يناس الفاگده تريدلها نسوان .. تگابلها وتون
اجيب منين وحده تلطم وياي .. وابادلها الحزن
جفوني وگابلت اربع حياطين واحس روحي بسجن
انكسر گلبي عليكم هذا الفراگ مثل كسره غصن
لا گالوا خطية وانه الفاكده الزكيه
ما حنوا عليه ليل فراگهم طويل
وبيوت المدينه رادت مني تشيل

♧♧♧♧♧♧♧♧♧♧♧♧

فرشت فراشكم من صار الغروب .. گلت ردوا هلي
والف مره ييمه اندگت الباب نخيت .. اللّٰه و علي
يجون وما يجون وخلص الليل .. يروحي اتحملي
طلع وجه الصبح وانه على هل حال .. ولا ردوا الي
من يوم الجفوني وانه متانيه على نار
لا ليل الانامه ولا مرتاحه النهار
شو لاچمني گلبي بس لا يمة شي صار

♧♧♧♧♧♧♧♧♧♧♧♧

ولا مرة گلت لا يمي الحسين لچن .. هسه گلت
گلت من گالي تروحين وياي بچيت ودنگت
چبيره وروحتي تعطلك يالحسين .. واحس تاخذ وكت
خفت لا يلتهي العباس وياي لذلك ما رحت
ما اروحن كلت وانه اتمنيت اروح
ماريدن اچمله فوگ جروحه جروح
انه ادري من انوحن اشده باله من انوح

♧♧♧♧♧♧♧♧♧♧♧♧

گلت لو رايحة ولا ضلت البيت واموت من الجفن
واخافن ضاله بگلبك يالحسين .. لراويك الوفه
اطب كدام زينب للدواوين .. وايديه مچتفه
بعد شيفيد وانتَ جروحك هواي ولا .. واحد شفه
لو رايحة سبية حالي حال البنات
يم ذيج الخرابة ويه العلوية ابات
ما صار الاريده ويه حسين كلشي مات

♧♧♧♧♧♧♧♧♧♧♧♧

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

☜ بـسمـه تعـالى ☞

الـقصـيدة : شدت لهـاشم شيله
اداء : سيد فاقد الموسوي
كلـمات : سيد محمود الموسوي

♧♧♧♧♧♧♧♧♧♧♧♧

أم البنين الليلة .. شدت لهاشم شيله
بدوية منها والنعم .. شدت لهاشم شيله
خيطت رايات الزلم .. شدت لهاشم شيله
صاحت يعباس الشهم .. شدت لهاشم شيله
طشرها يبني ولا تلم .. شدت لهاشم شيله
والرايه دگها على النجم .. شدت لهاشم شيله
عباس معروف حيله .. شدت لهاشم شيله

♧♧♧♧♧♧♧♧♧♧♧♧

حي الله زلمة كربلا .. شدت لهاشم شيله
عباس خير المرجله .. شدت لهاشم شيله
بالحرب طاريك حله .. شدت لهاشم شيله
من حيدر الثاني هلا .. شدت لهاشم شيله
خلفة خلفه معدلة .. شدت لهاشم شيله
وين اليعدل الميله .. شدت لهاشم شيله

♧♧♧♧♧♧♧♧♧♧♧♧

عباس بيك انه افتخر .. شدت لهاشم شيله
يبني يخيال الشگر .. شدت لهاشم شيله
يا هيبة طولك ع النهر .. شدت لهاشم شيله
يالتارس الشيله عطر .. شدت لهاشم شيله
يحسين تأمرني أمر .. شدت لهاشم شيله
فك صدرك وصليله .. شدت لهاشم شيله

♧♧♧♧♧♧♧♧♧♧♧♧

ام البنين الطاهره .. شدت لهاشم شيله
خلفة مثلج مره .. شدت لهاشم شيله
ولدج نشامة حيدره .. شدت لهاشم شيله
خلفتي سبع الگنطره .. شدت لهاشم شيله
شالع الباب بخيبره .. شدت لهاشم شيله
والده السبع نمشيله .. شدت لهاشم شيله

♧♧♧♧♧♧♧♧♧♧♧♧

يا رباي يا غيرة هلي .. شدت لهاشم شيله
بيكم مراجل من علي .. شدت لهاشم شيله
ولگابلاكم يبتلي .. شدت لهاشم شيله
بالحومة رفعوا الراس الي .. شدت لهاشم شيله
صيحوا ييمه تدللي .. شدت لهاشم شيله
عَ الراس اخونه نشيله .. شدت لهاشم شيله

♧♧♧♧♧♧♧♧♧♧♧♧

امك وتدعي من الگلب .. شدت لهاشم شيله
حي الله ابو ملگه الصعب .. شدت لهاشم شيله
عباس هيبة من يطب .. شدت لهاشم شيله
فرسان هاشم بالحرب .. شدت لهاشم شيله
تغلب وما تنغلب .. شدت لهاشم شيله
عياله گبل العيله .. شدت لهاشم شيله

♧♧♧♧♧♧♧♧♧♧♧♧

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: طلب واحد
🎤 أداء: مسلم الوائلي
🖋 كلمات: علي الأكبر الغرابي
~~
سامحني بس هيه المشاعر
للطف تريد وياك اسافر

واشوفك بالعيون
حلم كون حلم كون
للطف تريد وياك اسافر اسافر
~~
علمني احبك عالفطره 
عطشني يم باب الحضره
راويني من عندك نظره
... من اضيع

سويني لو رايد غيمه
وبديني ماي اعله الخيمه
حته اشعر بذيج الهيمه
... من اضيع

خلني بظهر عاشور بعيونك اكبر
خليني اصير افياي لو جاسك الحر

ومد روحي اعله گدك وصلت افياي
واجيب من الشريعه المنحرك ماي
.. وگلك هاك اشربه

واذا شح الفرات اعصرلك العين
وبلل ثغرك اليابس يالحسين
.. وگلك هاك اشربه

وين الله وحلامي البعيده
تتحقق بهاي القصيده

وتسويني مجنون
حلم كون حلم كون
~~~~
امنيتي ما اشوفك تذبل
امنيتي زينب مو عالتل
امنيتي ما اسمع مقتل
... عليك

امنيتي لو يمك حاضر
وفزعلك بذاك العاشر
وما اخلي يسحگ كل حافر
... عليك

ما اخلي كلشي يدوس يالغالي صدرك
ويتبده يا مولاي عمري اعله عمرك

مره وياك فازع مره لأم عون
وامسح دمك الجامد بالعيون
.. وشاگف ابقه دونك

اخذني شما ردت من هاي الأحلام
ودرع سويني بيدك عن الإسهام
.. وشاگف ابقه دونك

سويني بيدك كلشي رايد
بس عندي يمك طلب واحد

اصيرن عبد جون
حلم كون حلم كون
~~~~
هيه امنيات واتمنه
تسويني للقاسم حنه
تحسبها عالعاشگ منه
... أموت

جرح العشگ كلما خضر
امنيتي بعيونك اكبر
اتمنه من دون الأكبر
... أموت

وين الله اموت وياك والدم خضابي
وفدوه العلي وجسام عمري وشبابي

سالم كون الأكبر وانه مذبوح
ولا من ذيج روحك تطلع الروح
.. يم باب المخيم

وثوب العرس كون بطول جسام
وكون اتزفه لامه مو للسهام
.. يم باب المخيم

انه التمنه وراد مره
مذبوح بالطف كون نحره

واحامي اعله الضعون
حلم كون حلم كون
~
امنيتي اصير شما بيه
حارس خيام العلويه
ومره العليلك عوجيه
... أصير

وعبد الله من يعطش مره
اتبده ماي ابفي ثغره
خليني درعك عن نحره
... أصير

بدرب السبي يحسين كون انه حاضر
ما اخلي عين تلوح طول الحراير

حلم كون انسبي ويه اليروحون
وشاگف عن بناتك ذيج العيون
.. اخذني وياك اخذني

وعله ذيج السياط افزعلك امتون
وما تعثر الناگه وتوگع ام عون
.. اخذني وياك اخذني

بدرب السبي تصير النهايه
وانطگ واطگ دون السبايه

وشاگف عن ام عون
حلم كون حلم كون
~
هو العشگ لو ما انته
لو ما دمعتك راسمته
مذبوحه بالطف سالفته
... اشوف

ولو ما هواك الأشتمه
وخوفك علي يا ابو اليمه
ما عايش بهاي الخدمه
... اشوف

انه ادري لو ما جان خوفك عليه
جا گتلي گوم وياي للغاضريه

يامه ويامه يم بابك تمنيت
وانته الخاطري جم باب سديت
.. تخاف عليه اشوفك

ما رايدني اموت وياك عطشان
تسترني بثيابك وانته عريان
.. تخاف عليه اشوفك

يم بابك بذيج امنياتي
تخلص ردت بالطف حياتي

وانه بهايه ممنون
حلم كون حلم كون
°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: وين الضعن هاليله
🎤 أداء: مسلم الوائلي
🖋 كلمات: ابو حميده الشويلي
~
حسين آه ... حسين آه
~~~~
يا گلب .. انعه الحسين وحاله
يا گلب .. للغربه شد ارحاله
بس غصب .. من گاعه شال

بالضعن .. عباس اخوه وولاده
بالضعن .. بيرغ يرف للساده
من الوطن .. يمشي الدلال

ونين ... ليلة ونين
طلع ... ضعن الحسين
مشه ... ضعنه جروح

نزح ... من البلاد
گصد ... لأرض السواد
وترك ... طفله تنوح

عاف العليله بظهره تناهد
تومي بديها ويعله ونين
يا بويه وين بضعنك رايد
ارجع دخيلك بويه حسين

رفعت اديها وصيحت
نيتها وين ضعونك
والناس لا حظ لا بخت
خافنهم يذبحونك
~~~~
يا حسين .. وين الضعن هاليله
يا حسين .. متوكل ارد امشيله
وأرد اصيح .. اهلاً حسين

الديره جاي .. ما بيها يتلگونك
الديره جاي .. كل همهم يذبحونك
للسلب .. متحضرين

أبد ... ما تلگه أبد
نصير ... بهالبلد
ولا ... گطرة ماي

غيور ... ماكو غيور
تدور ... دنيه تدور
عليك ... يا مولاي

محد يرحمك وانته رحمه
وياهو الخواتك من اطيح
اگبالك يركضن كلهن حشمه
وادركنه خويه كلها تصيح

بهالديره لو تعطش
ولا واحد يرف دلاله
ولمن تطيح بكربله
تركضلك الخياله
~~~
يا ضعن .. هسه شحلات اللمه
يا ضعن .. عطر الكفاله يشمه
برايته .. يحوم الكفيل

والخيام .. ماظن يظلن باجر
والخيام .. حدهن صباح العاشر
والنياگ .. يصيرن هزيل

علم ... عالي العلم
وخيم ... عدهم خيم
وأخو ... رايح راد

حرام ... والله حرام
تطيح ... هاي الخيام
تصير ... كلها رماد

عدهم كفيل وعدهم رايه
وفوگ الضعينه يرف الطير
باجر تسلبهم غزايه
وبالهيمه تگعد بت الخير

الگضت عمرها مدلله
ومن تحجي توگف كلها
باجر تميل بكربله
ومحد يجي يعدلها
~~~~
كربله .. ما تلگه ناصر بيها
كربله .. بس الهظم تاليها
والحمل .. كله عليك

اعتذر .. ما اگلك ارجع لكن
اعتذر .. هذا البلد مو آمن
لو طحت .. ياهو يجيك

حرگ ... صار الحرگ
وصرت ... جوه السحگ
وتون ... من الخيل

وبجن ... ياهن بجن
بنات ... ام الحسن
الولا ... شافن ويل

طلعهن من الخيمه افراگك
رادن يشوفن حاله شلون
تلاگن خواته شلون ملاگه
ويه الغرب والدنيه عيون

الما طلعن بهذا العمر
من طاح طلعن كلهن
ومن يمه راحن للقصر
ومحد لحگ رجعهن
°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: يالشايلين من الوطن
🎤 أداء: مسلم الوائلي
🖋 كلمات: علي الأكبر الغرابي
~
ياهو اليطمن گلبي لو صار
.. ينشدني عنكم
ما عندي هدهد حته الأخبار
.. توصلي منكم
~~~
يالشايلين من الوطن وبهاي الضعون
.. وشهل المسيره
غرب ضعنكم وبتعد عن شوف العيون
.. وانوه المصيره
ما وجدت ياهو البگوا من اليروحون
.. حته استشيره
فرفحت روحي ولا وگف لا دار العيون
.. شيخ العشيره

فوگ الهوادج اشوف امجاني خالي
ظليت اباري وعسه يگلي تعالي

وتتبده من عيوني الأعذار
.. لو ردت اگلكم
ما عندي هدهد حته الأخبار
.. توصلي منكم
~
ريض صحتله وما وگف حداي الضعون
.. واشتد رحيله
وياكم اخذوني صحت يولاد عدنان
.. واهل الثجيله
وآه يا ضعنكم من مشه وشماخذ وياه
.. دون العليله
وين الگبل لو سيروا عالگلب خطار
.. يبرد غليله

رفن دليلي وبيارغكم سويه
وهالروحه جنها بعد ما بيها جيه

ها يا هلي العفتوني بالدار
.. ناگص حملكم
ما عندي هدهد حته الأخبار
.. توصلي منكم
~
مو حلوه كلكم يا هلي غفله وتشيلون
.. من المدينه
معقوله كل هذا البجي وما جاس الگلوب
.. شوگ الحنينه
يستانس ابيش الگلب لو ما تردون
.. ويهجع ونينه
ما حاسبه حسابي گبل يهجرني ويروح
.. الأغفه اعله ادينه

وشنهي الرسايل تطمني عنكم
ما تشبع عيوني إلا بنظره منكم

تاخذني وترد بيه الأفكار
.. وابقه ابأملكم
ما عندي هدهد حته الأخبار
.. توصلي منكم
~~~~
مكسور گلبي الما كسر فد يوم الگلوب
.. وعشت انكساري
جا هجي صارت من هلي يبردني مكتوب
.. وانه اعله ناري
تعصرني روحي شما كسر بعيوني الغروب
.. واگعد وباري
ثاري اليفارگ كل هله يگضيها متعوب
.. بالدنيه ثاري

لجمه اعله لجمه ومصيبه بسد مصيبه
وراحوا الجانوا دوه جروح الغريبه

يلي مشيتوا ازغار واكبار
.. مشتاگتلكم
ما عندي هدهد حته الأخبار
.. توصلي منكم
~~~
يولاد هاشم ما بگه منكم ولا حيد
.. والدار خالي
ولسه بسوالفكم طعم وانساهن شلون
.. حلو الليالي
مو بس عله وجهي انرسم لون التجاعيد
.. حته بخيالي
وتشيط كلما سولفت روحي اعله العزاز
.. والعدها غالي

عيني بدمعها والأخره اتباري بيكم
مشتاگتلكم هلي المالح حجيكم

المن ادير عيوني واندار
.. عفتوني كلكم
ما عندي هدهد حته الأخبار
.. توصلي منكم
~~~~
فارغ مجاني بمحملي دون المحاميل
.. وتنخه بيكم
وياكم اخذوني انجتف وانطگ بالسياط
.. وامشي بسبيكم
من هسه اشوف مراكض الما عدها الحسين
.. فزعت عليكم
من هسه اشوف بكربله كلكم مجاتيل
.. ومسلبيكم

من هسه اشوف الخيم محروگه كلها
من هسه زينب ترد بلايه اهلها

ومن هسه اشوف مراكض النار
.. بخيام اختكم
ما عندي هدهد حته الأخبار
.. توصلي منكم 
°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: عاشور گرب يا ناس
🎤 أداء: مسلم الوائلي
🖋 كلمات: محمود الموسوي
~~~~
خدام الك يابن علي وعله العهد وفايه
راية محرم تعتلي واحنه النعلگ الرايه
~~~~
عاشور اجانه
وگرب عزانه
حبنه وهوانه
يحسين مجلس فاطمة

حسين شحلاته
يلمنه بعباته
ترهب صفاته
تسمي السمه بحروفه

شوگ اللطم مشتاگين
صيحوا يخدام حسين
... حياهم

عاشور گرب يا ناس
والليله راية عباس
... فوگاهم

خدامك وعشرة عمر ويه المجالس هايه
راية محرم تعتلي واحنه النعلگ الرايه
~~~
حسين اغله غالي
ودوم اعله بالي
خدمه وصالي
حسين عاشگ مجلسه

الخادم اريده
خل يرفع ايده
بهاي القصيده
حبه وهواه يتنفسه

عيش العشگ لو حبيت
والخدمه بس لاهل البيت
... مضمونه

حسين العشگ ما عفناه
لو بالطف انموت وياه
... لعيونه

عشنه بهواك من الزغر يحسين وانته الغايه
راية محرم تعتلي واحنه النعلگ الرايه
~
الخادم شعاره
تبقه الزياره
الشاف المناره
عاش الغرام بگبته

العاشگ اميره
قمر العشيره
البعيونه غيره
هو النلوذ برايته

يا ناس صيحوا وياي
بس ابو فاضل وفاي
... لحسينه

بس هو للحب شراي
لحسين ذب اعله الماي
... جفينه

تعلمنه من زود الگمر بالوفه ننطي حجايه
راية محرم تعتلي واحنه النعلگ الرايه
~
ضعنه ولگينه
حسين السفينه
عشنه بحنينه
ربانه الحسين ونعم

كل احنه عابس
نحضر مجالس
خدمتنه واهس
وحسين طلعنه زلم

حي الله زلم الحسين
وفايه بالخدمه سنين
... نتباها

كل خادم عگال الراس
والرايه بسم العباس
... شلناها

من سنه انتانيها السنه بس توصل المشايه
راية محرم تعتلي واحنه النعلگ الرايه
~
تدعي اديه
بداعة رقيه
الخدمه هويه
وانه اخدم وياك العمر

حبك خذاني
وما عندي ثاني
حسين الگاني
امنيتي لطمه اعله الصدر

يحسين يا سر الكون
خيمه انته لليخدمون
... تحمينه

يا هيبه يبن الكرار
يالخدمتك كلها أسرار
... تنطينه

يحسين انته اول عشگ وأسرار دربه هوايه
راية محرم تعتلي واحنه النعلگ الرايه
°°°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: سبط النبي سافر
🎤 أداء: مسلم الوائلي
🖋 كلمات: المرحوم ملا عطيه الجمري وعلي الأكبر الغرابي
~~~
سبط النبي سافر وعاف اوطانه
.. نور المدينه
بيت المجد متضعضعات اركانه
.. نور المدينه
~~
ودع گبر جده وطلع برجاله
.. واغلق دياره
گاصد لأرض مكه بجميع اعياله
.. ودمعه ايتجاره
وعباس شد محمل الحره وشاله
.. وشعت انواره
وگلها يزينب شد اخوج اضعانه
.. نور المدينه
~
ضلن خوالي ديار اهل بيت النبوه
.. لمن جفوها
وجبوا عله النوگ ومشوا بس العليله
.. ما صعدوها
مره اعله زينب تلتفت ويهل دمعها
.. مره اعله ابوها
ومدري شرسم فوگ الوجن بفراگ اهلها
.. دمع الحنينه
~~
صاح ولزم بيده الشفيه افاده
.. والطم الهامه
الله يعوده واخوته وأولاده
.. وفال السلامه
بيت المجد ما تنگطع وفاده
.. وملجأ ايامه
متحير وموحش عليه مجانه
.. نور المدينه
~~
محمد بگت عينه ترف واشتد دمعها
.. ويلهب دليله
ساعه اعله ديوان السبط مشدوده عينه
.. ساعه الرحيله
من شافهم كلهم مشوا ومودعينه
.. ما بيده حيله
طلعوا ليوث الغانمه وربات هاشم
.. ومحاوطينه
°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: شهر حسين
🎤 أداء: مسلم الوائلي
🖋 كلمات: كرار حسين الكربلائي
~
يا شهر حسين ..
انته بكل عام تبجيني
يا شهر حسين ..
رديت وما رد حسيني

هاي امنية دنياي
اشوفه يشرب ماي
حبيبي .. حبيبي
~
يا شهر الأخذت حسين
اجيت بيا وجه للناس
هلالك بالسمه عالي
يسولف عن رمح بي راس
فوگ الگاع كون تطيح
مثل عمامة العباس
يالمبجي الحجر والطين
والما يبجي ماله احساس

يمبجي الماي ..
علما شارب ماي وميت
يمبجي الماي ..
يا عين من تشوفك تسكت

گلي شوكت مولاي
اشوفه يشرب ماي
حبيبي .. حبيبي
~~~
محرم ترجع بكل عام
وهلالك تشوفه العين
وانته بكل سنه انشوفك
لكن ما نشوف حسين
هلالك ما تلوحه الخيل
وحسين انسحگ مرتين
هلالك يوم عاشر ضاع
واحنه خنصر مضيعين

الخنصر مگطوع ..
وانته تشوفه وعينك صلفه
الخنصر مگطوع ..
لو منك جا صرت بجفه

بالطف حلم عيناي
اشوفه يشرب ماي
حبيبي .. حبيبي
~~~
تكمل يا هلال النوح
ونشوفك گمر كامل
انته وكل ضواك البيك
فدوه تروح للكافل
حسين بطيحت العباس
رد اعله الخيم مايل
وتخوصر وصاح بصوت
يزينب راح ابو فاضل

راح العباس ..
وشفت بعينك سهم بعينه
راح العباس ..
ومثل هلالك محني حسينه

امنيتي جانت هاي
اشوفه يشرب ماي
حبيبي .. حبيبي
~
هلالك لو طلع باليل
اذكر ليل هاظمني
حرمه بنص زلم وتصيح
الحگني يخال ابني
وكتي من رحت يحسين
بعيون الغرب ذبني
الما عاثر جدمها بگاع
عثرت والظهر محني

هاي اخت حسين ..
تشوف حسين يدوسه الحافر
هاي اخت حسين ..
ما شربت ماي من العاشر

صاحت اريده وياي
اشوفه يشرب ماي
حبيبي .. حبيبي
~~~~
هلالك عيد عند الشام
يالغربة صفر منك
زينب وگفت بديوان
ما عندك علم جنك
اخوها بلا صدر بس راس
تگله شلون اشبگنك
آخر محنه بهلاله
رقيه تموت من حزنك

احا يالشام ..
زينب مجتوفه يشوفوها
احا يالشام ..
بحجار ونار يشمروها

انطيني حل وراي
اشوفه يشرب ماي
حبيبي .. حبيبي
°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: حياك
🎤 أداء: مسلم الوائلي
🖋 كلمات: علي أكبر الغرابي
~~
هله بالجايني وتبرك بنوره
حياك .. حياك
هله يالراد بيه يصير عاشوره
حياك .. حياك

وكون بحجيك الحار
تحسبني من الأنصار
حياك .. حياك
~~~~
بيك اتشرفت گاعي
وهذا الشرف بس بيه
صار سنين يا مولاي
عطشانه اعله هالجيه
لبسني الخيم يحسين
لجل العفه بوشيه
التسحگها العقيله اتصير
هاي الگاع علويه

البيه من الشرف ما صاير اثنين
نصب خيمته اعله اترابي الحسين
هله يالبيك حگ من تكشخ العين

هاي ولايتك ونصب خيم بيها
حياك .. حياك
غير بدم رضيعك انته شاريها
حياك .. حياك

وانته بكيفك اختار
تحسبني من الأنصار
حياك .. حياك
~~~
يكفي من الفخر يحسين
گاعي اليوم شايلتك
وهنياله التراب الصار
حدر اجدام عايلتك
حط بيه اعله گد الشوف
گد الهله الواصلتك
وانه وكلشي يا مولاي
شويه اگبال منزلتك

موش تراب جدمك دوه الخطار
تراب الدايساته الخيل ينزار
جايب خوش ناس وياك وانصار

يمشرف الگاع بربعك وناسك
حياك .. حياك
تحله التنسحگ بجدام عباسك
حياك .. حياك

موسم للشرف صار
تحسبني من الأنصار
حياك .. حياك
~~
يالخطار ما محسوب
نازل سيدي بدارك
انه وكل شبر بالگاع
محسوبين خطارك
لا تحتار يا مولاي
انه البير لأسرارك
هو الله اعلمودك غير
سواني لزوارك

انه وكل شبر بالگاع والماي
فدوه الخيط من اخيامكم هاي
يا راي اليعيش بشحت الراي

هله بالجايني وحط النزل بيه
حياك .. حياك
صار سنين وانه امتانيه الجيه
حياك .. حياك

وبركان الدمع ثار
تحسبني من الأنصار
حياك .. حياك
~
يا مية هله وحياك
يالگاصدني بضعونك
ما تسواش صم اتراب
هاي الگاع من دونك
من يا باب ارحب بيك
واقره شضام بعيونك
تنصب خيم لو تاريخ
باجر لليريدونك

يمكحل العيون بجيتك هاي
باجر يكتب التاريخ مولاي
حي باقي الحسين وميت الماي

كلما ردت اگلك سيدي شلونك
حياك .. حياك
ياخذني الجمال التارس عيونك
حياك .. حياك

وارجع يمك احتار
تحسبني من الأنصار
حياك .. حياك
~~
هاي امنيتي يا مولاي
وربك حقق امنيتي
كون ادوسني الخدام
ونطاني اعله گد نيتي
وكلما تكثر الزوار
تكثر بيه عافيتي
ولو ما صيتكم يحسين
ما جان انعرف صيتي

احلم يا عزيز الزهره كل عام
تندگ فوگ گاعي احبال الخيام
حد ما الله حقق هاي الأحلام

هله يالبيك اسولف جنت واتمنه
حياك .. حياك
باجر كربلائك للعشگ جنه
حياك .. حياك

وأخر حلم يندار
تحسبني من الأنصار
حياك .. حياك
°°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: انتظر منكم جواب
🎤 أداء: مسلم الوائلي
🖋 كلمات: أحمد سعد
~~
خلصت حروف العتاب
وانتظر منكم جواب

وحدي عفتوني عليله
رحتوا والغيبه طويله
وانتظر منكم جواب
وانتظر منكم جواب
~
ليش عفتوني ومشيتوا
عفتوا دمعاتي تسيل
وين گوطرتوا بضعنكم
وين شديتوا الرحيل
هدمت حيلي المصيبه
بعد ما ظل عندي حيل
مستحيل عيوني تغمض
من بعدكم مستحيل

ناطرت ليل ونهار
صحت طال الأنتظار

بعد ما عندي وسيله
رحتوا والغيبه طويله
وانتظر منكم جواب
وانتظر منكم جواب
~~
يا هلي سهرت الليالي
وعيني ذوبها السهر
يوم يوم وساعه ساعه
احسب ايام السفر
شاخصه عيوني الدربكم
وانتظر منكم خبر
صابره وروحي اعله جمره
احسب اليوم بشهر

انتظر طارش يعود
دمعي يحفر بالخدود

دمعي ما ينشف مسيله
رحتوا والغيبه طويله
وانتظر منكم جواب
وانتظر منكم جواب
~~
نزلت استار المنايه
لاحت اشباح الأجل
لا خبر منكم اجاني
لا ابشاره يالأهل
ايست ونگطع ضني
ونگطع حبل الأمل
صرت مركز لنوايب
والمصايب والعلل

شنهو يهل الشيم صار
خاليه و وحشه الديار

خلت من كل القبيله
رحتوا والغيبه طويله
وانتظر منكم جواب
وانتظر منكم جواب
~
من بعد ذيج السعاده
ومن بعد ذاك الحنان
لني ما بين المصايب
وبين صفوات الزمان
الدنيه معروفه بطبعها
دنيا ما بيها أمان
وين اتوجه عگبكم
وين اروح اليا مكان

الحزن ما خلالي روح
تحيرت لاوين أروح

المن اگعد وشتكيله
رحتوا والغيبه طويله
وانتظر منكم جواب
وانتظر منكم جواب
~~~
طفله من اول حياتي
صافحت جفي المشيب
زرعت الونه بدليلي
وحصدت هموم ونحيب
بالعلل مصيوبه روحي
والجبد ينثر لهيب
اعتب وهالعتب ادري
لا يودي ولا يجيب

فكري عايش بالخيال
وذكر ايام الدلال

احسبلكم ليله ليله
رحتوا والغيبه طويله
وانتظر منكم جواب
وانتظر منكم جواب
~
هالدهر فرق شملنه
بالگلب حزني انجمع
رحتوا روحه بلايه رجعه
ولا خبر منكم رجع
منهو شايف مثلي طفله
مدوهنه ومنهو سمع
بالصخر لو جان همي
الصخر جا مل وجزع

هذي جمرات الونين
ذوبت گلبي الحنين

گلبي ما يبرد غليله
رحتوا والغيبه طويله
وانتظر منكم جواب
وانتظر منكم جواب
~~~
بعد داري ما تلمني
وجزعت من الحياة
هذي دار الأهل جانت
صفت دار النايبات
ريت نسمه لا تمرني
ريت يلفيني الممات
عصفت بوجهي المصايب
والمحن والموحشات

عمري اكدار وهموم
ريته يفنه ولا يدوم

جف الهموم الثگيله
رحتوا والغيبه طويله
وانتظر منكم جواب
وانتظر منكم جواب
°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: ابجي اعله حالي
🎤 أداء: مسلم الوائلي
🖋 كلمات: سعد شميل
~~~
ابجي اعله حالي
محد بجالي
يا روحي اطلعي
صاحولي ارجعي

وظل بيتي خالي
وظل بيتي خالي
~~~
توادعنه وبجينه وگتله فدوه حسين
اريد وياك اسولف والله ما أخرك
اذا هسه وعليله بدونك بيا حال
موش انته التعوف ابنيتك بظهرك
انه اتمنيت بويه محبسك ناسي
اعوفك تروح بدون ما اذكرك
اخذني وياك فدوه هناك صلفه الخيل
حته انه انسحگ يحسين مو صدرك

دموع بلحيته
من ودعيته
وغرب دلالي
وظل بيتي خالي
~~~
انه معوده كل ليله گبل النوم
ابوس جفوف ابوي واغفه بحضانه
أمس يهل الرحم من كلش شتاگيت
طلعت القميص وبسته بردانه
انه اكبر من رقيه بس عباها اليوم
تكفيني بكثر ما صرت نحلانه
شلت الماي بيدي وطاح مني الماي
بس لا من خواتي وحده عطشانه

يدرون اخوتي
سبگلي موتي
بهاي الليالي
وظل بيتي خالي
~~~
اليروحلها واحد ساعه ما ترتاح
وما تنشف عليه سنين دمعتها
حاجوني يهلنه المثل حالي شلون
تشيل بساعه وحده كل عشيرتها
جا هيه البنيه بمرض من اطيح
اول ما ادير العين لخوتها
انه الما عدها ابو يسكتها من تنوح
ولا يمها اخت عالضيم واستها

هيه المصيبه
ابيتي وغريبه
ياهو البقالي
ظل بيتي خالي
~~~
حاجيني برقيه شلونها بيا حال
طاحت لو بعدها من عله الناگه
حاجيني الرضيع هناك ضاگ الماي
لو لمعت رگبته والسهم ضاگه
جم يا خويه صحت بطيحت العباس
اضن حسين ظهره انكسر بفراگه
تخيلت الحنين بشيبه دم وتراب
تخيلت المهر من ياخذه بساگه

تخيلته وحده
تبعده وترده
الخيل اعله بالي
ظل بيتي خالي
~~~
عليه ام البنين اتسير بكل يوم
وتصبرني ساعه وساعه اصبرها
وتسميني يا بت العزيز حسين
تجبر خاطري المكسور خاطرها
وين الله الحسين يرد علينه اتگول
فدوه الأربعه من ازغرها لكبرها
ما جابتلي طاري الكل عمامي هناك
سيرة والدي كل ساع تذكرها

اولادي فدوه
للعينه تسوه
شگد عدها غالي
ظل بيتي خالي
°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*

📜 القصيدة: جفين وعين
🎤 أداء: مسلم الوائلي
🖋 كلمات: علي أكبر الغرابي
~
لو ما اربعتهم فدوه لزهره
ما جان انعرف صيت الوفه وقدره

ونطيتي حسين .. جفين وعين
فدوه اربعتهم .. فدوه اربعتهم
~~~~
مقياس ابنادم بالموقف
مو طول الشارب مقياس
صح ما جنتي وياهم بالطف
بس الطف كله ام عباس
وعندي اثبات اعله السولفته
ما اسولف من جيب الناس
الهاي الساعه جفوف وليدج
تنطي مراد شما تنباس

صوره من الوفه ومحد صل يمها
جان بريشته العباس راسمها

صارت نهرين .. جفين وعين
فدوه اربعتهم .. فدوه اربعتهم
~
رف اسمج والبيرغ بالطف
يم عباس اگبال حسين
وتوضوا ولدج بالغيره
وصلولج عين وجفين
وبيوم الحيهم والفزعه
ما صاروا ما بين وبين
واحد لازم ظهر الخوه
وفيِ اعله حسين الباقين

الهدوا بالحرب واللبوا النخوه
ذوله البس عليهم لاگت الخوه

ما گالوا وين .. جفين وعين
فدوه اربعتهم .. فدوه اربعتهم
~
ندري الماي اليحيي الميت
بس بالطف ما صارت هاي
شال الماي وذبه الكافل
من عدهه وشو مات الماي
يمكن مر طيفج بعيونه
ورد عباس النفس الرآي
شلون اشرب ماي واتهنه
وامي الوصتني بمولاي

ذب جفوف ادينه الخاطر العشره
باجر بيها تطلع فاطمه الزهره

مو بس جفين .. جفين وعين
فدوه اربعتهم .. فدوه اربعتهم
~~~~
جم موقف بالطف سجلتي
والشاهد اربع آيات
رفعوا راسج يم حسينج
نفس الروس المرفوعات
صح بالطف ما جنتي وياهم
بس خطواتج محسوبات
روس اولادج صارن خيمه
من الكوفه الباب الساعات

مثل آية وفائج ما تصح آيه
يم نهر الفرات ترتل الرايه

ما بين وبين .. جفين وعين
فدوه اربعتهم .. فدوه اربعتهم
~~~
ما رحتي وياهم من راحوا
بس گلبج وياهم راح
وصيتيهم واحد واحد
حد ما دمع عيونج طاح
اليرجع سالم دون حسينه
وما جايس نحره الذباح
لا يرجع ما اقبل عذره
ويزعل گلبي الما مرتاح

قانون الوفه والدمعه والغيره
لايگ بس عليج بكل تفاسيره

وفيتي الدين .. جفين وعين
فدوه اربعتهم .. فدوه اربعتهم
°°°°°°°°°°°°°°°°°°°°°°°°°°°°

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://t.me/mehdialkabii


📲Whatsapp
00989336054731🇮🇷
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*