🔔Чуораан тыаһынан чугдааран
Билии күнэ үүннэ!

Бүгүн, Билии күнүгэр, Сэмэн Данилов аатынан Бэрдьигэстээх орто оскуолата сибэкки дьөрбөлөөх үөрэнээччилэри, күндү төрөппүттэри, убаастабыллаах учууталлары уонна ытыктабыллаах ыалдьыттары үөрэ-көтө көрүстэ.

Быйылгы үөрэх дьылыттан оскуолабыт биирдиилээн предметтэри дириҥэтэн үөрэтии хайысхатынан үлэтин саҕалыаҕа диэн үөрүүлээх сонуммутун сырдатабыт.

Быйыл оскуолабытыгар маҥнайгы кылааска уопсайа 81 үөрэнээччини Лидия Алексеевна Максимова, Марианна Ивановна Николаева уонна Мария Александровна Дьяконова ааҕарга, суруйарга үөрэтиэхтэрэ-такайыахтара, кинилэргэ иккис ийэ кэриэтэ буолуохтара.

👇🏻👇🏻👇🏻

✨Үөрүүлээх быһыыга-майгыга ыҥырыылаах ыалдьыттарынан буоллулар улуус баһылыгын солбуйааччы Алгыс Иннокентьевич Стручков, улуус дьокутааттарын Сэбиэтин бэрэссэдээтэлэ Маргарита Гаврильевна Константинова, Бэрдьигэстээх нэһилиэгин баһылыга Алексей Григорьевич Аргунов уонна улуустааҕы үөрэх салалтатын начальнигын солбуйааччы Аина Егоровна Егорова.

👍Быйылгы үөрэх дьылыгар оскуолабытын 38 оҕо бүтэриэҕэ. Кинилэр бэйэлэрин баҕа санааларын кумааҕы сөмөлүөккэ тиһэннэр, оскуоланы аан маҥнай атыллыыр оҕолорго бэлэх быһыытынан туттардылар, биир тыынынан, биир хардыынан тэҥҥэ үҥкүүлээтилэр, дьону үөртүлэр.

🔔Маҥнайгы чуорааны тыаһатар чиэс бэрилиннэ 1 а кылаас үөрэнээччитигэр Орлосова Алисаҕа, 1 б кылаас үөрэнээччитигэр Антонова Софияҕа, 1 в кылаас үөрэнээччитигэр Федорова Миленаҕа, 11 а  кылаас үөрэнээччитигэр Андреев Алексейга, 11 б  кылаас үөрэнээччитигэр Андросов Арылхаҥҥа уонна 11 в  кылаас үөрэнээччитигэр,Тимофеев Дениска.

ℹ️Оскуолабыт дириэктэрэ Павел Алексеевич Петров саҥа үөрэх дьылыгар уларыйыылар тустарынан сырдатта уонна саҥа кэлбит учууталлары, педагогтары кытары билиһиннэрдэ. Кинилэр кимнээхтэрий?
- Танасова Мирослава Владимировна, математика учуутала,
- Софронова Анисия Петровна, математика учуутала,
- Иванов Николай Григорьевич, педагог организатор
- Винокурова Айыына Ильинична, психолог
- Петрова Лолита Александровна, социальнай педагог
- Мухоплева Алена Анатольевна, логопед
- Алексеев Константин Викторович, физкультура учуутала

🎉Быйылгы үөрэх дьыла барыбытыгар ситиһиилэрдээх, үрдүк дабайыылардаах уонна Чыпчааллардаах буоллун!

📎Хаартыскалары манна киирэн көрүөххүтүн сөп https://vk.com/album-228096262_308283970

📱https://t.me/mediacentrespd