#Pathology ❤

🔬عيون البومة "Owl's eye appearance"

تطلق هذه التسمية على مظهر الأجسام الضمنية بداخل نواة و هيولى الخلية المصابة بالفيروس المضخم للخلايا CMV

#الصفحة_الطبية
#ميددوز 💜

#صورة❤️

👈صورة رائعة تظهر خلية بالعة (باللون الاخضر) وهي تلتهم العصية السلية المسببة لمرض السل(باللون الاصفر).

#الصفحة_الطبية
#ميددوز

#ميددوز_عصبية ❤️

✌️العلامات المميزة في التهاب السحايا :

👈علامة كيرنغ
👈علامة برودزنسكي
👈صلابة النقرة
👈علامة لازيك
👈علامة زناد البندقية

#الصفحة_الطبية
#الميددوز

#جراحة_أطفال ❤️

صورة فتق سري أمنيوسي ولادي exomphalos
والو اسم ثاني omphalocele

💢 هي الحالة ممكن يترافق حدوثها مع تشوهات ولادية أخرى مثل انعدام الدماغ ، عيوب القلب الخلقية ، استسقاء الدماغ ، الشوك المشقوق ( تشوه بالعمود الفقري )😑😔

💢بهي الحالة بتتواجد محتويات البطن خارج البطن مغطاة بغشاء مؤلف من 3 طبقات ويلي هيي :

1.البيرتوان ( غشاء مصلي يبطن جوف البطن

2.هلام وارتون (المادة الهلامية المكونة للحبل السري )

3. السلى (غشاء يعمل على تكوين الكيس السلوي الذي يحيط بالجنين ويحميه ).

💢 الإصلاح الجراحي أقل إلحاحا من غيرو بسبب أن الأمعاء محمية بهذه الأغشية 😀

لكن التحدي الأكبر يلي بواجه هي الجراحة هو أنو تتناسب المحتويات المعادة مع تجويف البطن الصغير نسبيا من غير إلحاق الضرر بالعود الوريدي والتهوية الرئوية 👌👌.

رنا السنيح 🌸

#الصفحة_الطبية ❤
#ميددوز 💕

#ميددوز_عينية ❤

بقعة بيتو

السبب: نقص فيتامين A
vitamin A deficiency

ريكاردا الواو 🌸

#الصفحة_الطبية❤
#ميددوز💕

#ميددوز_توعية ❤️

🔺كتير أحيان بتلجأ أمهات لشد الطفل من ايدو خاصة اذا رفض ابنها انو يتحرك.. بس هالشي أبداََ مو صحيح.. ممكن كتير (و خاصة اذا كان الطفل تحت عمر ال4 سنوات) انو يصير عندو خلع مفصل المرفق (الكوع)..

🔺 هالخلع بخلي عظم الكعبرة (من عظام الساعد) يطلع من محلو بالمفصل فبيعمل للطفل ألم شديد بعبر عنو ب:

👈الصراخ العاااالي.😭
👈تجنب الطفل استخدام يده و ما بخلي حدا يمسك ايدو.
👈عدم القدرة على ثني الساعد.

🔺#لهالسبب تجنبو بعض العادات السيئة لتحمو اطفالكن متل:

👈احملو اطفالكن من الابط.
👈لا تشدوهن بطريقة عصبية أو انفعالية.
👈ابتعدو عن الالعاب يلي بتتطلب رفع الطفل من ايدو.

لجين أكرم القطامي🌷

#الصفحة_الطبية❤
#ميددوز💕

#ميددوز_أشعة ❤

يظهر الفيديو تصوير بالرنين المغناطيسي عالي الدقة MRI لجنين بداخل رحم الأم.

#الصفحة_الطبية
#ميددوز 🌸

#ميددوز_نسائية ❤

💢الانتباذ البطاني الرحمي Endometriosis

هو تواجد غدد بطانة الرحم أو السدى "stroma" بمنطقة خارج الرحم؛ أو بداخل الطبقة العضلية للرحم.

⚪يعد المبيض أكثر المناطق شيوعا لتواجد الانتباذ البطاني

⚪غالبا تراجع المريضات بشكوى عقم، آلام مترافقة مع الطمث (عسرة طمث)

⚪ حدوث نزف متكرر من البطانة الهاجرة يمكن أن يغطي المبيض ليشكل كيسة تسمى "الكيسة الشوكولاتية"؛ و التي تظهر بلون بني ناجم عن تغير لون الدم المتجمع بالكيسة.

🔷الصورة لكيسة شوكولاتية بالمبيض

#الصفحة_الطبية
#ميددوز 🌺

#صورة ❤

أحد الاستخدامات الذكية للقفازات الطبية😍 حيث يمكن الطبيب من تسجيل القيم الحيوية للمريض عليه👩🏻‍⚕

لبنى أبوراس🌼

#ميددوز_صيدلة. 👩♥

《هيبارين:H 👨💔 وارفارين:W》.

🔅 من عيلة دوائية تؤثر على عوامل التخثر الداخلية
بتضل صواتهن طالعة 🗣وعم يتخانقو ⚔
فجبناهن اليوم وحطيناهن عطاولة الحوار

خلونو نسمع شو عم يحكو👂🏻🤫.

W 🕵🏻‍: أنا الوارفارين شغلتي على مستوى الكبد
وبثبط عملية(y-carboxylation)
المعتمدة ع الفيتامينk فبقضي على عوامل التخثر {2/7/9/10} والبروتيناتsو c.

H👨‍💼: وأنا بشتغل بالدم دغري وبفعل عميل إلي
( antithrombin III)
فبعطل عاملين سوااااا وهنن{2/10}.

W🕵🏻‍: بنعطى عن طريق الفم.

H👨‍💼: و أنا عن طريق الحقن الوريدي أو تحت الجلد.

W🕵🏻‍: أنا منيح للوقاية
و أحيانا لازم تكون معي يا أخي من 4 أيام لأسبوع لتخلص كل عوامل التخثر الموجودة بالبلازما بشكل طبيعي وببلش شغلي يعني للحالات المزمنة أنا.

H👨‍💼 : يا أخي أنا بفيدك وبفيد غيرك وتأثيري خلال ثواني يعني للحالات الإسعافية.

W🕵🏻‍: وأنا بسبب النزف
ومراقب منPT والINR.
وإذا سببتلك شي مرة تحسس جلدي لاعاد تقرب عليي أبدااا
وعندي شغلة مميزة كتير وهي متلازمة الإصبع الإرجواني☝🏻.
وما بنعطى للحامل أبدا🤰🏻.

H👨‍💼:وانا متلك يا أخي بعمل نزف
ومراقب منPPT.
وممكن سبب قلة بالصفيحات.
وهشاشية عظام كمان لاتزعل☹...
بس تراا ها بنعطى للحامل🤰🏻 وياريت تاخد معي فيتامين د لتحمي نفسها من هالمشكلة العظمية.

W🕵🏻‍ : تعا لقلك سر عني
اذا شفت الINR عالي بسببي وبدك تنزلو اعطي فيتامينk وريدي أو فموي.

☝بس لما بتكون الحالة مهددة للحياة وفي نزف خطير اعطي فيتامينk وريدي مع بلازما مجمدة طازجة .

H👨‍💼 : وأنا لما بسبب نزف كبير وخطير ما إلك إلا توقفني وتعطي ترياق بالتسريب الوريدي البطىء
ويلي هو(Protamine sulfate).

W🕵🏻‍:
أنا مشاكلي كتيرة والله😭
☝ بستقلب بالكبد لهيك الفايت والطالع بأثر فيني اذا كان محرض للأنزيمات بنزلني ⬇..
وإذا مثبط للأنزيمات بطالعني⬆..
☝يلي عم ياخدني رح ينحرم من الورق الأخضر الغني بالفيتامينk متل السبانخ🍀☘..
☝مرضى الكبد والكلى يبعدو عني.

H👨‍💼: طول بالك ماحدا فينا كامل
أما انا خجلان من حالي فوق مابغار منك بغار من اخونا التالت كتيييير
يلي هو ......
💂‍♀: هيبارين منخفض الوزن الجزيئي:
بيقضي على العامل العاشر
وبينعطى تحت الجلد
بس محبوب اكتر مني
تأثيرو أطول يعني جرعة أقل وبينعطى بالمشفى وبالبيت
وحتى إذا صار وسبب نزف فأقل مني بكتيييير.

دمتم بصحة وسلامة💙

مرح معن محمود🌻

#الصفحة_الطبية.😍😍
#ميددوز.💜

#ميددوز_جلدية ❤

الأظافر مرآة لداخل الجسم (متلا متل العيون واللسان 😏)

الجسم بيبعت إشارات لاضافركن لتفهمو شو ناقصكن أو شو صاير جوا😌👌
امثلة😍😍👇

هشاشة الأظافر ⬅ عوز الفيتامينات والمعادن 💔

تقعر الأظافر ⬅ عوز الحديد 💔

حثل الأظافر ⬅ صداف ، حاصة بقعية ، حزاز 💔

الشرائط البيضاء بالظفر ⬅ نفروز 💔

خطوط Meels ⬅ قصور كلوي مزمن ، انسمام بالمعادن الثقيلة💔

أظافر زرقاء ⬅ انسمام بالفضة أو داء ويلسون 💔

أظافر سوداء ⬅ ميلانوما ، داء اديسون ، مضادات الملاريا 💔


جودي سليمان 🌻

#الصفحة_الطبية
#ميددوز ❤

#ميددوز_غدد❤

<< عمو أبو كعب 😅 >>

👈اليوم رح نحكيلكن عن مرض كتير منسمع فيه من اهلنا لأن كتير كان انتشارو واسع سابقا أما حاليا و بفضل الله و الطب من بعدو طبعا😅صار فينا نقول انو من الأمراض القليلة أو النادرة حتى.

🙌 النكاف (أبو كعب) mumps :
هو مرض فيروسي يسببه فيروس النكاف
و كان من أشيع الاخماج عند الأطفال سابقا قبل انتشار اللقاح.

🙋-العدوى بالمرض:
العدوى تتم عن طريق الإنسان المصاب حيث ينتقل الفيروس عن طريق الرذاذ بالسعال أو العطاس.

🙋 -مدة الحضانة لهذا الفيروس :تتراوح بين ال15 وال 20 يوم.

🙋-الأعراض والعلامات الأولية :
حرارة و صداع و ألم بعضلات العنق و إحساس بالوهن و التعب😦 يتبعها تورم ب إحدى الغدد النكفية او الأثنين معا (الغدة النكفية تقع بالمنطقة بين الأذن و الفك).

🙋- المضاعفات:
1-انتفاخ خصية مؤلم ممكن أن يتطور إلى عقم
2- التهاب سحايا
3-التهاب الغدد اللعابية
4 التهاب بنكرياس حاد
5-الإجهاض عند الحوامل
6- في بعض الحالات ممكن أن يسبب الصمم.

🙋-التشخيص : تشخيص النكاف غالبا سريري حيث نعتمد بالتشخيص على الأعراض و العلامات المميزة للمرض و في حال لم يكن التشخيص مؤكدا نلجأ إلى فحص اللعاب او تحليل الدم .

🙋- الوقاية: إعطاء لقاح الMMR ( لقاح الحصبة و النكاف و الحصبة الالمانية).

🙋-العلاج :
لا يوجد علاج محدد شافي و إنما يجب توفير الراحة والعمل على تخفيف الأعراض
-مثلا وضع كمادات ثلج او ماء فاتر على المناطق المنتفخة المتورمة بالعنق والخصية.
-إعطاء اسيتامينوفين ل تسكين الألم .
كما يجب عزل المريض خلال الأيام الأولى من ظهور الأعراض(اول 5 ايام تقريبا) .

#الصفحة_الطبية
#الميددوز ❤️

#ميددوز_ستايل❤

كيف بدنا نحفظ أنه الصبغي الشاذ "فيلادلفيا" موجود عند 95% من مرضى ال "CML" الابيضاض النقوي المزمن حصراً :

"Philadelphia" "C"rea"M" "L"asagna cheese.

فيلادلفيا جبنة كريمة للازانيا 😌😋

علياء حرب .

#الصفحة_الطبية❤
#ميددوز💕

#ميددوز_جراحة_تجميلية ♥

《داء دوبيتران dupuytrenو 》

⚪هي الحالة بصير فيها انكماش وتليف بالصفاق الراحي لليد ( رباط المعصم المستعرض ، فبصير انكماشات بوضعية العطف من دون القدرة على بسط راحة اليد والأصابع :(

⚪ سببه مجهول غالبا ، لكن يشاهد حوالي 10% من الحالات عائلية ، وممكن يترافق مع الصرع والسكري وبعض الأمراض الوعائية المحيطية وتعاطي الكحول .

🔴بالإضافة أنو بشيع بين أصحاب المهن اليدوية :(

⚪ المعالجة الفعالة هي استئصال العقد الليفية أو استئصال الصفاق الراحي كله وهون بصير لازم نرمم بطعم جلدي 😊.

رنا السنيح 🌷

#الصفحة_الطبية
#ميددوز

#ميددوز_صيدلة. 👩🔬♥

《ابنك عم يبكي 👶 😭 وما بتعرفي شو صايرلو 🤷🏻‍
شبعان ومو مرضان 😞😭》

بتقلك حماتك افردي هالصبي لنشوفو ..
بيطلع يا قلبي متحسس وعم يعاني من السماط ☹

حماتك بتقلك هاد من تقصيرك😟😡
وامك بتقلك هاد من إهتمامك الزايد 🤨
👩‍🔬 : كلامن صح
🤱🏻: معقول 😢🤔😳

👩‍🔬: اسمعينا لنساعدك😍♥

🔅بشرة الطفل رقيقة وحساسة
لهيك في شغلات لازم نعملا ونهتم فيها وفي شغلات زيادة بلاها...

🔅خلي ابنك بلا حفاض لفترة خلال النهار .
🔅لا تستخدمي المحارم المعطرة وبكفي صابون مناسب لبشرة طفلك
وأهم شي هون التنشيف الجيد.
🔅البودرة بتنحط مرة وحدة بس خلال النهار والزيادة مو دلال بتعمل اكزيما وبتجفف بشرة طفلك.
🔅انتبهي لأكل طفلك ..
ممكن تكون سنونات طفلك عم تطلع وعم يحط بتمو أي شي بشوفو ليخفف وجعو
فرح يصير معو إسهال
والإسهال ممكن يعمل سماط.

👩‍🔬: هلا صار لازم نعالج طفلك..

🌸اذا التحسس عبارة عن احمرار بسيط بيكفي نستخدم أي كريم (أكسيد الزنك ) أو مرطب بانتينول أو بيبي سيت هامول يلي ريحتو بتشهي😍

🌸لما منشوف حبوب صغيرة مع الإحمرار فبهي الحالة غالبا السبب فطور
ولازم نستخدم كريم مضاد فطري ( تلت مرات باليوم لمدة اسبوعين)

🌸لما بيوصل الطفل نتيجة الإهمال لحالة التسلخات وظهور الدم
هون ضروري نراجع طبيب

ولازم نعقم بالبوفيدون ونستخدم كريم مضاد جرثومي ( مرتين باليوم لمدة اسبوعين).

🌸فيكي تستخدمي غسول سيتيال (بحل ملعقة كبيرة بلتر من الماء)
او ايوزين مائي بالحالات البسيطة.

🌸كتير منشوف حالات لإستخدام كريمات حاوية على كورتيزون للطفل
واحيانا الأم بتستخدمو لوحدها او بتكرر الإستخدام كذا مرة

هون انتبهي 👌🏻
⭕ماتستخدميه أكتر من 5 أيام تفاديا" لترقق الجلد .

⭕واستخدامو أخر مرحلة منوصل الها بعد ما نجرب كل شي قبل وبالحالات المعندة بس

فهون منلجأ لكريم حاوي ع كورتيزون متل ديكساميتازون
ويطبق من عمر 3 شهور للبيبي.

دمتم بصحة وسلامة💙

مرح معن محمود🌻

#الصفحة_الطبية 🌹
#ميددوز 💜