#ميددوز_عينية ❤

《 لامس الكلور عيني👀 فماذا أفعل 🤔 》

🎈متل ما منعرف مافي بيت ما فيو من #منتجات_الكلور بأنواعها المتعددة سواء للتنظيف 💫 أو لتبييض الملابس 👕أو لغيرها من الاستخدامات الأخرى وممكن أي حدا منّا يتعرض لدخول متل هيك مواد للعين 😣

🎈وكلنا منعرف أنو #العين أكثر عضو حساس في جسم الإنسان 💜
🔶️ لهيك خلونا نشوف شو هي أهم خطوة لازم نعملها بهيك حالة 🤔 ؟

✔ من المهم جداً عدم التريث ولو لثانية واحدة عند ملامسة أي مادة كيميائية للعين 👁ويجب فور ملامسة المادة للعين ...غسل العين المصابة بأكبر كمية من الماء الباردة 🚿💦

✔ إبقاء العين مفتوحة عند غسلها بالماء والاستمرار على غسيل العين لمدة 15دقيقة 👍

✔ تغطية العين بضمادة نظيفة لمنع حك العين ✌

✔ بعد اتباع الخطوات السابقة لابد من اللجوء إلى الطبيب 👨‍⚕️فوراً لفحص العين وخاصةً في حال 👇
🔸️استمرار التهيج ..
🔸️كان هناك احمرار و ألم بالعين ..
🔸️إذا كانت هناك مشكلة في الرؤية...

💡الحذر واجب💡 لهيك يفضل الابتعاد قدر الإمكان عن هالمواد عند استخدامها و يفضل ارتداء الأقنعة أو النظارات الوقائية ..😎

صحتكن أغلى شي 💜
دمتم بخير 🌸

رنيم صالح الحسن⚘

#الصفحة_الطبية🌺
#ميددوز

#ميددوز_كلية ❤️

🔺كتير منسمع عن ناس انو عم يغسلو كلاوي شو يعني؟!

✋ المصطلح العلمي المرادف هو : التحال

🔹الكلية هي عضو مهم جداََ ❤
هي يلي بتخلص الجسم من الفضلات و السموم عن طريق وظائف التصفية و الاطراح..

🔹و لما تعجز الكلية عن أداء وظائفها و تصير شبه عاجزة بتتراكم السموم و الفضلات بالجسم و بيضطرب الجسم شاردياََ (يعني ما عاد في توازن بين العناصر الموجودة) و منصير بحاجة لوسيلة مساعدة لنخلص الجسم من هالعناء😪😓

👌غسيل الكلية هو العلاج المثالي للقصور الكلوي الحاد لكن لما يصير القصور مزمن بكون الغسيل بس لتأخير زرع الكلية و الموت.. 😢

👌غسيل الكلية (التحال) منعملو لما منلاحظ :

⬅️ارتفاع البولة لأكتر من 200ملغ/دل.
⬅️حماض استقلابي شديد(يعني البيكربونات بالجسم اقل من 10).
⬅️بحالات التسمم المائي (يعني الصوديوم اقل من 120)
⬅️ارتفاع البوتاسيوم بالدم لأكتر من 6.5.

لجين اكرم القطامي🌷

#الصفحة_الطبية❤
#ميددوز💕

#ميددوز_أورام ❤

《 كارسينوما شائكة الخلايا بالرئة 》
Squamous Cell Carcinoma

⭕يعد السرطان الشائك الخلايا أحد أورام الرئة الخبيثة ذات الارتباط القوي بالتدخين

⚪يتوضع عادة بشكل مركزي (قريب لسرة الرئة) في قصبة رئيسية أو فصية.
⚪ممكن أن يتشكل الورم داخل القصبة و من ثم يرتشح للبرانشيم الرئوي.
⚪الانسداد في لمعة القصبة قد يسبب انخماص رئوي، ذات رئة قصبية، توسع قصبي...
⚪يعتبر ال SCC الورم "الخبيث" الأسلم إنذارا نسبة لباقي أورام الرئة.

🔷 الصورة لجزء من رئة تظهر فيها إصابة ب SCC، يبدو الورم ككتلة ذات سطح أبيض رمادي مع وجود بقع سوداء فحمية (لها علاقة بداء السحار الفحمي).

#الصفحة_الطبية
#ميددوز 💙

#ميددوز_أشعة ❤
#صورة_صدر_بسيطة

《Invasive Aspergillosis داء الرشاشيات الغازي》

💢مريض لديه قصة تناول أدوية مثبطة للمناعة تالية لعملية زرع كلية.
🔺تبدي الصورة ارتشاحات رئوية منتشرة في كلتا الرئتين.
🔺تشخيص الحالة هي داء الرشاشيات الغازي، و الذي ينجم عن انتشار العدوى بفطور الرشاشيات إلى الجريان الدموي .

⚪تنتشر هذه الفطور بكثرة في الطبيعة، و تصيب عادة الجهاز التنفسي، ممكن ببعض الحالات أن تسبب إصابات خطيرة لدى مضعفي المناعة أو مرضى الربو.

#الصفحة_الطبية
#ميددوز 💙

#فيديو ❤
《علامة مطرقة الماء 》

▫تعد إحدى علامات قصور الصمام الأبهري، و تسمى أيضا Corrigan pulse
▫تتصف بأنها ارتفاع سريع بالنبض يليه انخماص سريع

#الصفحة_الطبية
#ميددوز 🌺

#Pathology ❤

🔬عيون البومة "Owl's eye appearance"

تطلق هذه التسمية على مظهر الأجسام الضمنية بداخل نواة و هيولى الخلية المصابة بالفيروس المضخم للخلايا CMV

#الصفحة_الطبية
#ميددوز 💜

#صورة❤️

👈صورة رائعة تظهر خلية بالعة (باللون الاخضر) وهي تلتهم العصية السلية المسببة لمرض السل(باللون الاصفر).

#الصفحة_الطبية
#ميددوز

#ميددوز_عصبية ❤️

✌️العلامات المميزة في التهاب السحايا :

👈علامة كيرنغ
👈علامة برودزنسكي
👈صلابة النقرة
👈علامة لازيك
👈علامة زناد البندقية

#الصفحة_الطبية
#الميددوز

#جراحة_أطفال ❤️

صورة فتق سري أمنيوسي ولادي exomphalos
والو اسم ثاني omphalocele

💢 هي الحالة ممكن يترافق حدوثها مع تشوهات ولادية أخرى مثل انعدام الدماغ ، عيوب القلب الخلقية ، استسقاء الدماغ ، الشوك المشقوق ( تشوه بالعمود الفقري )😑😔

💢بهي الحالة بتتواجد محتويات البطن خارج البطن مغطاة بغشاء مؤلف من 3 طبقات ويلي هيي :

1.البيرتوان ( غشاء مصلي يبطن جوف البطن

2.هلام وارتون (المادة الهلامية المكونة للحبل السري )

3. السلى (غشاء يعمل على تكوين الكيس السلوي الذي يحيط بالجنين ويحميه ).

💢 الإصلاح الجراحي أقل إلحاحا من غيرو بسبب أن الأمعاء محمية بهذه الأغشية 😀

لكن التحدي الأكبر يلي بواجه هي الجراحة هو أنو تتناسب المحتويات المعادة مع تجويف البطن الصغير نسبيا من غير إلحاق الضرر بالعود الوريدي والتهوية الرئوية 👌👌.

رنا السنيح 🌸

#الصفحة_الطبية ❤
#ميددوز 💕

#ميددوز_عينية ❤

بقعة بيتو

السبب: نقص فيتامين A
vitamin A deficiency

ريكاردا الواو 🌸

#الصفحة_الطبية❤
#ميددوز💕

#ميددوز_توعية ❤️

🔺كتير أحيان بتلجأ أمهات لشد الطفل من ايدو خاصة اذا رفض ابنها انو يتحرك.. بس هالشي أبداََ مو صحيح.. ممكن كتير (و خاصة اذا كان الطفل تحت عمر ال4 سنوات) انو يصير عندو خلع مفصل المرفق (الكوع)..

🔺 هالخلع بخلي عظم الكعبرة (من عظام الساعد) يطلع من محلو بالمفصل فبيعمل للطفل ألم شديد بعبر عنو ب:

👈الصراخ العاااالي.😭
👈تجنب الطفل استخدام يده و ما بخلي حدا يمسك ايدو.
👈عدم القدرة على ثني الساعد.

🔺#لهالسبب تجنبو بعض العادات السيئة لتحمو اطفالكن متل:

👈احملو اطفالكن من الابط.
👈لا تشدوهن بطريقة عصبية أو انفعالية.
👈ابتعدو عن الالعاب يلي بتتطلب رفع الطفل من ايدو.

لجين أكرم القطامي🌷

#الصفحة_الطبية❤
#ميددوز💕

#ميددوز_أشعة ❤

يظهر الفيديو تصوير بالرنين المغناطيسي عالي الدقة MRI لجنين بداخل رحم الأم.

#الصفحة_الطبية
#ميددوز 🌸

#ميددوز_نسائية ❤

💢الانتباذ البطاني الرحمي Endometriosis

هو تواجد غدد بطانة الرحم أو السدى "stroma" بمنطقة خارج الرحم؛ أو بداخل الطبقة العضلية للرحم.

⚪يعد المبيض أكثر المناطق شيوعا لتواجد الانتباذ البطاني

⚪غالبا تراجع المريضات بشكوى عقم، آلام مترافقة مع الطمث (عسرة طمث)

⚪ حدوث نزف متكرر من البطانة الهاجرة يمكن أن يغطي المبيض ليشكل كيسة تسمى "الكيسة الشوكولاتية"؛ و التي تظهر بلون بني ناجم عن تغير لون الدم المتجمع بالكيسة.

🔷الصورة لكيسة شوكولاتية بالمبيض

#الصفحة_الطبية
#ميددوز 🌺

#صورة ❤

أحد الاستخدامات الذكية للقفازات الطبية😍 حيث يمكن الطبيب من تسجيل القيم الحيوية للمريض عليه👩🏻‍⚕

لبنى أبوراس🌼

#ميددوز_صيدلة. 👩♥

《هيبارين:H 👨💔 وارفارين:W》.

🔅 من عيلة دوائية تؤثر على عوامل التخثر الداخلية
بتضل صواتهن طالعة 🗣وعم يتخانقو ⚔
فجبناهن اليوم وحطيناهن عطاولة الحوار

خلونو نسمع شو عم يحكو👂🏻🤫.

W 🕵🏻‍: أنا الوارفارين شغلتي على مستوى الكبد
وبثبط عملية(y-carboxylation)
المعتمدة ع الفيتامينk فبقضي على عوامل التخثر {2/7/9/10} والبروتيناتsو c.

H👨‍💼: وأنا بشتغل بالدم دغري وبفعل عميل إلي
( antithrombin III)
فبعطل عاملين سوااااا وهنن{2/10}.

W🕵🏻‍: بنعطى عن طريق الفم.

H👨‍💼: و أنا عن طريق الحقن الوريدي أو تحت الجلد.

W🕵🏻‍: أنا منيح للوقاية
و أحيانا لازم تكون معي يا أخي من 4 أيام لأسبوع لتخلص كل عوامل التخثر الموجودة بالبلازما بشكل طبيعي وببلش شغلي يعني للحالات المزمنة أنا.

H👨‍💼 : يا أخي أنا بفيدك وبفيد غيرك وتأثيري خلال ثواني يعني للحالات الإسعافية.

W🕵🏻‍: وأنا بسبب النزف
ومراقب منPT والINR.
وإذا سببتلك شي مرة تحسس جلدي لاعاد تقرب عليي أبدااا
وعندي شغلة مميزة كتير وهي متلازمة الإصبع الإرجواني☝🏻.
وما بنعطى للحامل أبدا🤰🏻.

H👨‍💼:وانا متلك يا أخي بعمل نزف
ومراقب منPPT.
وممكن سبب قلة بالصفيحات.
وهشاشية عظام كمان لاتزعل☹...
بس تراا ها بنعطى للحامل🤰🏻 وياريت تاخد معي فيتامين د لتحمي نفسها من هالمشكلة العظمية.

W🕵🏻‍ : تعا لقلك سر عني
اذا شفت الINR عالي بسببي وبدك تنزلو اعطي فيتامينk وريدي أو فموي.

☝بس لما بتكون الحالة مهددة للحياة وفي نزف خطير اعطي فيتامينk وريدي مع بلازما مجمدة طازجة .

H👨‍💼 : وأنا لما بسبب نزف كبير وخطير ما إلك إلا توقفني وتعطي ترياق بالتسريب الوريدي البطىء
ويلي هو(Protamine sulfate).

W🕵🏻‍:
أنا مشاكلي كتيرة والله😭
☝ بستقلب بالكبد لهيك الفايت والطالع بأثر فيني اذا كان محرض للأنزيمات بنزلني ⬇..
وإذا مثبط للأنزيمات بطالعني⬆..
☝يلي عم ياخدني رح ينحرم من الورق الأخضر الغني بالفيتامينk متل السبانخ🍀☘..
☝مرضى الكبد والكلى يبعدو عني.

H👨‍💼: طول بالك ماحدا فينا كامل
أما انا خجلان من حالي فوق مابغار منك بغار من اخونا التالت كتيييير
يلي هو ......
💂‍♀: هيبارين منخفض الوزن الجزيئي:
بيقضي على العامل العاشر
وبينعطى تحت الجلد
بس محبوب اكتر مني
تأثيرو أطول يعني جرعة أقل وبينعطى بالمشفى وبالبيت
وحتى إذا صار وسبب نزف فأقل مني بكتيييير.

دمتم بصحة وسلامة💙

مرح معن محمود🌻

#الصفحة_الطبية.😍😍
#ميددوز.💜

#ميددوز_جلدية ❤

الأظافر مرآة لداخل الجسم (متلا متل العيون واللسان 😏)

الجسم بيبعت إشارات لاضافركن لتفهمو شو ناقصكن أو شو صاير جوا😌👌
امثلة😍😍👇

هشاشة الأظافر ⬅ عوز الفيتامينات والمعادن 💔

تقعر الأظافر ⬅ عوز الحديد 💔

حثل الأظافر ⬅ صداف ، حاصة بقعية ، حزاز 💔

الشرائط البيضاء بالظفر ⬅ نفروز 💔

خطوط Meels ⬅ قصور كلوي مزمن ، انسمام بالمعادن الثقيلة💔

أظافر زرقاء ⬅ انسمام بالفضة أو داء ويلسون 💔

أظافر سوداء ⬅ ميلانوما ، داء اديسون ، مضادات الملاريا 💔


جودي سليمان 🌻

#الصفحة_الطبية
#ميددوز ❤