#قلبية ❤️

رح نحكي شوي عن خناق الصدر 😫
الذي يعرف بالذبحة الصدرية
angina pectoris

🔺بتتميز هي الحالة بألف صدري ضاغط شديد ومفاجئ عند المصاب وممكن ينتشر هالألم للعنق ، الفك ، الظهر ، الذراعين 😲

🔺بتصير هي الحالة نتيجة نقص الجريان الدموي الإكليلي (نقص تروية) يلي بأمن حاجة العضلة القلبية من الأوكسجين 😮

✨وفي عدد من الأسباب الأخرى : ممكن بسبب نقص التروية متل : زيادة بالجهد الفيزيائي (القلب ما عاد عم يلحق يأمن التروية اللازمة للجهد المبذول) ، تشنج بالعضلات الملساء الوعائية ، انسداد بالأوعية الدموية .

رنا نبيل السنيح ❤

#الصفحة_الطبية
#ميددوز 💕

#توعية_سرطان 💔

راجعت عدة تقارير العلاقة بين النظام الغذائي والنشاط الفيزيائي والاصابة بالسرطان.😊
والتي اكدت على وجود علاقة قوية بين الاصابة بالمرض ونمط الحياة المتبع ✌..وبالتالي قد قامت باعطاء دلائل مستندة على توصيات لتقليل خطر الاصابة .👍

هذه التوصيات blueprint العملية والقابلة للتحقيق كان الهدف منها العيش الصحي السليم و تقليل خطر الاصابة ، حيث ان كل شخص قادر على ذلك مثلها مثل اي خطوة صغيرة لنفس الهدف ❤
(على قدر القرب منها على قدر البعد عن المرض 😎)

⬅ الحفاظ على وزن مثالي : دليل قوي بان الجسم ذو الدهون الكثيرة معرض للاصابة بشكل اكبر .

⬅ الرياضة والنشاط البدني 💃

⬅ استهلاك نظام غذائي غني بالخضار والفواكه والحبوب 🍎🍏🍊🍋🍄🍅🍉🍍🌾

⬅ تقليل استهلاك الطعام الجاهز fast food 🍕🍟🍗 والاغذية الغنية بالدسم والسكر - اللحوم الحمراء - المشروبات المحلاة - وتناول الكحول 🍻

⬅ عدم استخدام مكملات غذائية بجرعات عالية للوقاية من السرطان بدلاً من ذلك ؛ ينبغي أن يكون تأمين الحاجات الغذائية من خلال الحمية وحدها

⬅ واخيرا ...لا ننسى دور التوعية السكانية من اجل الحصول على مجتع صحي اكثر ❤😊

غالب الحلبي 🌺🌺

#الصفحة_الطبية ❤
#ميددوز 💕

#جراحة_عظمية ❤

《سمعانين بشي اسمو الخشكريشا 》

♧ شو هي الخشكريشا أو قرحة الفراش ؟؟

✔ هي عبارة عن قرحات اضطجاعية ،، من اسمها واضح أنها ناتجة عن الاضطجاع الطويل في السرير ، وهي من الاختلاطات التي قد تحدث بعد الكسور والخلوع ، أو عند المصابين بالشلل نتيجة ملازمة الفراش أو استخدام الكرسي المتحرك لفترات طويلة .

✔ شائعة وخصوصا" عند كبار السن ، وكلما كان المريض بدينا" ..كلما كان الوضع أسوأ .

♧ ما سبب هذه القرحات ،، وأين تظهر ؟؟
✔ السبب الرئيسي لظهور القرحة هو تعرض الجلد لضغط من سطح غير مرن كالسرير أو الكرسي وعدم تحرك المريض لفترة طويلة وبقاءه على نفس الوضعية دون تغيير ،، مما يعيق تدفق الدم بشكل سليم للجلد ويمنع وصول الأوكسجين لخلايا الجلد فيؤدي إلى تموت تدريجي لطبقات الجلد وظهور القرحات .

✔ أماكن ظهورها : مناطق الانضغاط أو الارتكاز وهي :
1⃣ لوح الكتف
2⃣ المدور الكبير
3⃣ العقب ( يعني كعب رجلك )
4⃣ الرأس
❇وأشيع مكان هو منطقة العجز ( يعني منطقة أسفل الظهر ) ❇

✅ طبعا" هي القرحة ألها درجات ، بتبلش باحمرار على الجلد وبتتطور تدريجيا" لتشمل منطقة تحت الجلد ثم العضلات وقد تصل للعظم في حال الإهمال .

✅ ودائما" نقول ✨الوقاية خير من قنطار علاج ✨
يمكن الوقاية بخطوات بسيطة :
1⃣ في حال كانت هالقرحة اختلاط لكسر ما ،، يجب الاستعجال بالعلاج (رد وتثبيت الكسر)
2⃣ تشجيع المريض على الحركة وتقليبه بشكل دائم
3⃣ مسح المنطقة بالكحول الممدد بالماء
4⃣ استخدام بعض المراهم والضمادات عند بداية حدوث القرحات ( بس أكيد بعد استشارة الطبيب 😉 )
5⃣ استخدام أسرة مائية أو هوائية ( تحرك الماء أو الهواء بشكل دائم لكيلا تتعرض المنطقة للضغط )
6⃣ استعمال قوالب اسفنجية لتخفيف الضغط ، وبالتالي الوقاية من الركودة وحدوث القرحة .

* دمتم بخير 🙂 *

زينب السلوم 🌸

#الصفحة_الطبية
#ميددوز💕

#هل تعلم ؟ ❤

لجين أكرم القطامي 🌸

#الصفحة_الطبية
#ميددوز💕

#دواء ❤❤

《 نسبة الإصابة بداء باركنسون عند الذكور🙎 ضعف الإناث👭😊😊 وبيزداد خطر الإصابة فوق عمر ال65سنة 🙄》

❤L-DOPA
-من الأدوية المستخدمة لعلاج داء باركنسون ..

•طيب شو هاد داء باركنسون؟!🤔

- بالمختصر هو مرض بيصيب الجملة العصبية بتتخرب فيه العصبونات الدوبامينية بالمادة السوداء بالدماغ لسبب مجهول⁉
بالتالي بيصير عندي نقص بعمل وتأثيرات الدوبامين ..☺

•لازم ننوه أنو علاج داء باركنسون هو علاج عرضي وليس سببي!!
وعلاج تعويضي أيضاً يعتمد على تعويض النقص في الدوبامين 🤗

•طيب كيف منعطي هالدوا🤔؟

- لازم تنبه المريض أنو ياخد الدوا قبل الطعام 60-45 دقيقة (ساعة تقريباً) لأنو امتصاص الدوا بيتناقص بوجود الطعام وخاصة الطعام الغني بالبروتينات "يعني إذا أخدتو بعد وجبة مشاوي راحت عليك 😅😅"

•طيب ليش قبل الطعام🤔؟

-لأنو امتصاصو من المعي الدقيق بيكون بشكل تنافسي مع الحموض الأمينية يلي منحصل على الأساسية منها من الغذاء😊😊 إذا أكلنا زادات الحموض وزاد التنافس وقل امتصاصو 😇..

••كمان بدنا ننبه أنو البيريدوكسين (V -B6) بينشط تحويل ال-دوبا الى دوبامين محيطياً يعني قبل ما يوصل لمكان التأثير وهو CNS والدوبامين ما بيعبر الحاجز الدماغي الدموي لهيك ما منعطين سوا🤗🤗 ..." بعض الأدوية بتحويV-B6"

•مالو آثار جانبية هالدوا😥؟

-طبعاً.. وأهمها الاضطرابات الحركية.. بيصير عند المريض حركات إيقاعية بالرأس والجذع 👴..منشوفا عند أغلب المرضى المعالجين عالمدى الطويل ومنتوقع أنو هي من أعراض المرض ..

•طيب أحياناً بيتشارك L-DOPAمع Carbidopa ليش 🤔؟

- صح في من هالمشاركة دواء 🌸دوبال🌸
منعمل هي المشاركة بهدف زيادة العمر النصفي لL-DOPA لأنو بيحميه من التخرب قبل وصولو لمكان التأثير وهو الCNS ..

حلا ميلاد 🌸🌸

#الصفحة_الطبية ❤
#ميددوز ❤

#باطنة_قلبية ❤
#ارتفاع_التوتر_الشرياني

بتكون الأم عم تعلم ابنها وهو ماعم يسمع منا ويحوص وينط ويروح ويتركا وبتفقع منو وبتقلو لك رفعتلي ضغطي😡😡

⭕بالبداية شو هو الضغط؟
هو عبارة عن تأثير الدم المقذوف من القلب على جدران الاوعية ..
هاد بيعني انو الضغط بيتعلق بعاملين هنن الحصيل القلبي والمقاومة الوعائية المحيطية..
يعني انو اذا صار اي خلل بهالعاملين بيختل الضغط مثلا اذا زاد الحصيل القلبي⬆ بزيد الضغط⬆ وهكذا..

<الضغط الشرياني الطبيعي هو 120/80>

مرضنا اللي رح نحكي عنو هو ارتفاع التوتر الشرياني❗
بهالحالة بيرتفع الضغط عن القيمة الطبيعية ..

كلنا منعرف انو لتشخيص مريض ارتفاع توتر شرياني لازم يكون الضغط الانقباضي 140 على الاقل أو الضغط الانبساطي 90 على الاقل، ولكن حسب اجتماع الجمعية الاميركية لأمراض القلب و الأوعية بعام 2017 تم تغيير تعريف ارتفاع التوتر الشرياني المرضي وتصنيف الضغط بشكل عام إلى التالي :

🔺الضغط الدموي الطبيعي : أقل من 120 انقباضي #و أقل من 80 انبساطي
🔺الضغط الدموي المرتفع : من 120 ل129 انقباضي #و أقل من 80 انبساطي

🔺مرض ارتفاع التوتر الشرياني المرحلة الأولى : من 130 ل139 انقباضي #أو من 80 ل 89 انبساطي
🔺مرض ارتفاع التوتر الشرياني المرحلة التانية : 140 انقباضي على الاقل #أو 90 انبساطي على الأقل .

💢شو اسبابو الكتيرة كتير🤔؟
بأغلب الحالات بكون مجهول السبب وهو منسميه ارتفاع التوتر الشرياني الأساسي..🤷🏻‍♀
أما الثانوي فممكن يكون:
☝ كلوي المنشأ متل تضيق الشريان الكلوي والتهاب الكبب والكلية والكلية عديدة الكيسات.
✌ غدي المنشأ:😓 متل
▫ورم القواتم (ورم في لب الكظر يسبب زيادة⬆
الكاتيكولامينات)
▫داء كون (زيادة ⬆الألدوسترون البدئية)
▫فرط نشاط الدرق (بسبب تسرع القلب⬆)
▫كوشينغ (زيادة ⬆ الكورتيزول)
▫الداء السكري (بسبب إحداثه لاعتلال الكلية السكري)

❗طيب شو أعراضو؟
أغلب المرضى لا عرضيين🤷🏻‍♀
ممكن يسبب صداع قفوي وتشوش رؤيا وطنين وتعدد بيلات ... 😰

❗كيف منشخصو؟
☝ بالفحص السريري وقياس الضغط.
✌ بتخطيط القلب : منشوف ضخامة بطين أيسر ومشعر ساكولوف إيجابي .
👌 بالإيكو دوبلر و إيكو القلب .

❗شو اختلاطاتو؟🚑🚨
ممكن يسبب قصور قلب او احتشاء💔
ممكن يسبب نزوف دماغية وشلل وفالج🧠
ممكن يسبب أذيات عينية👁
وممكن يسبب قصور كلوي😰

❗علاجو؟👩🏻‍⚕
بعرف مليتو 😴لهيك اتركولنا علاجو لبوست تاني🤓🧐

جودي سليمان 🌻

#الصفحة_الطبية
#ميددوز 😍

#دواء ❤
#معلومات_هامة 😍😍

أكتر دوا بيجذبنا #لونو..أدوية حب #الحديد 💊💊 المستخدمة لعلاج #فقر الدم الناتج عن #عوز الحديد.

أشيع #أثر جانبي ناتج عن تناوله الغثيان و الإقياء😩😩😷😷

أشهر #تداخل دوائي لأدوية الحديد مع مضادات الحموضة(الحاوية على شوارد الكالسيوم والمغنيزيوم) أو متممات الكلس

أنسب #وأوفر عصير ينصح بتناوله #مع أدوية الحديد عصير البرتقال 🍋🍋 لاحتوائه على فيتامين C

💚 ندى حمدان 🌹

#الصفحة_الطبية❤💚
#ميددوز 💚

#قلبية ❤
#اعتلال_قلب_ضخامي ❤

الشب بضل كم شهر بالنادي🏋 بيتضخموا عضلاتو 😏💪 بس يا ترى ممكن يصير شي يضخم القلب؟🤔

للأسف أي 😐😔 ...

💓ليش للاسف؟؟😮 ما لازم يكون هالشي منيح ويشتغل القلب احسن؟؟😮😐⁉

لا ولله..لأن هالحالة الها كتير مضار متل

⬅بيرتفع ضغط الدم 🔝🔝
⬅لا نظمية بالقلب "شغلو ما بصير تمام متل اول" ❎
⬅بصير عند المريض زلة تنفسية "بضيق نفسو "😵
⬅ألم خناقي ☹

💓يعني بالضبط شو بصير بهالمرض؟😮

بتتضخم خلايا عضلية بجدار القلب🙄"الاشيع بالبطين الايسر"↪ وبتصير سماكة جدار هالبطين اكبر⬆⬆..

طبعا ممكن بحالات يصير سماكه جدار بين البطينين سوا..وهون وقتا بصير بارز بالبطين الايسر وبساويلو مشاكل وبصعب عليه شغلو بدفع الدم للابهر 😢

💓ولله باينتو شغله كبيرة هالمرض طيب شو سببو؟؟

☜بحالات كتير وراثي 👴👨👶
☜بتقدم العمر 👴واستمرار ارتفاع ضغط الدم 🔼🔼
☜مرضى سكري 🍰🍫

💡💡في كتير مرضى عندن هالحالة وما عندن أعراض ❌

💡💡ممكن هالحالة تسبب توقف قلب بالشباب 🆘 وبما فين الرياضيين 🏋⛹⛷

مي حسنة 🌼

#الصفحة_الطبية
#ميددوز 💙

#أعراض ❤
#علامة_مميزة

الصلبة الزرقاء المرافقة لتكون العظم الناقص

جودي سليمان 🌻
#ميددوز 😍💙

#ميددوز_أذنية ❤

<<جدرة الصيوان>>

ولي عهالمنظر شو هاد 🤯 و من شو ؟!😰
يا سيدي هالمنظر بصير بسبب رد فعل غير طبيعي من الجلد عالرض😵
و الرض ممكن يكون بسبب عمل جراحي أو ثقب بالأذن👂🏻مثل تركيب الاقراط🤓

🔴الجلد بس بيشفى الجرح اللي فيه بيتندب ، بالعادة الندبة لازم تكون مش مرتفعة عن سطح الجلد و خطية😇
بس بحالتنا هي الجلد بيتندب بهي الطريقة البشعة 😣 و بتكون الندبة مرتفعة بشكل كبير.😢

🔴منجي لعلاجها 🧐:
الندبة هي ما بيسوا نعالجها جراحي عالحل لأنها هي أساساً ناجمة عن رض جراحي🤥
فشو منعمل؟!
🔷منحقنها بكورتيزون تحت الجلد و بعدين منستأصلها و بعد الاستئصال منرجع نحقنها كورتيزون عدة مرات لمنع تشكل الجدرة😌😇👌

🔷و اذا كان حجمها كبييير كثييير منلجأ للعلاج الشعاعي لنتخلص منها💪

💭اه صحيح و هي اشيع عند العرق الأسود🧔🏿👩🏿 او الاسمر بشدة🧔🏾👩🏾.

🔅ما ع أذانيكن شر😇

لبنى أبوراس🌸

#الصفحة_الطبية
#ميددوز❤️

#اطفال❤

#حيويات الوليد:

سرعة القلب💖:120-160ضربة/د
الضغط الانقباضي😍:60-80ملم ز
معدل التنفس :30-60مرة/د

صافيا عبدالله 🌺

#الصفحة_الطبية 💕
#ميددوز ❤

#ميددوز_قلبية ⁦❤️⁩

《متلازمة سرقة الشرايين الأكليلية💔》

⭕نلاحظها عند مرضى نقص التروية القلبية نتيجة التصلب العصيدي، وذلك عند توسع الأوعية السليمة فيزداد الجريان الدموي فيها فتقوم بأخذ الدم من الأوعية المتضيقة »» تفاقم نقص التروية »» قد تسبب احتشاء عضلة قلبية

من الأدوية المسببة لهذه المتلازمة هو المخدر الانشاقي #الإيزوفلوران الموسع للأوعية الاكليلية ⁦

مارينا ديب 🌺

#الصفحة_الطبية
#ميددوز ❤

#ميددوز_أطفال ❤
《 علامة منقار اللقلق 》

✅تشاهد هذه العلامة عند 30 _50 % من الولدان.

✅هي عبارة عن تلون #وردي على النقرة ، الأجفان ، المقطب (المنطقة بين الحاجبين) .

✅هي علامة #لا تمتلك أهمية طبية ، تصبح واضحة بشكل أكبر عندما يبكي الطفل.

✅تزول عندما يكبر الطفل لذلك علاجها أمر غير ضروري فهي #سليمة وتزول لوحدها.

علياء حرب 🌺

#الصفحة_الطبية❤
#ميددوز💕

#ميددوز_جراحة_أوعية ❤️

كلنا سمعانين عن دوالي الساقين او منعرف حدا صايرة معو 😧
شو يعني دوالي و كيف بتصير؟؟
هي أوعية دموية (أوردة) متسعة بتعطي منظر شبيه بالحبال تحت الجلد.. سببها :
متل ما منعرف الاوردة فيها صمامات و هي الصمامات وظيفتها معاكسة الجاذبية الارضية بحيث تخلي الدم يرجع عالقلب ( و ما يخضع لقوة الجاذبية 😎) ف لما تنصاب هالصمامات بفشل او ضعف بيتراكم الدم فوق مكان الصمام المعطل ⬅️ جزء من الوريد الموجود فوق هالصمام بينتفخ و مع الزمن بصير واضح و مجسوس فوق الجلد.

◀️شو اسبابو؟ ؟
⏺️السبب المعروف بالنسبة للكل هو الوقوف لفترات طويلة.
⏺️الوزن الزائد.
⏺️الحمل.
⏺️التقدم بالعمر.
⏺️ممكن بسبب عيوب وراثية ببنية الاوردة و صماماتها.

◀️كيف المريض بيوصف حالتو؟؟
بحس بألم و حس ثقل و تورم بالساق بزيد ع الوقوف المديد.
ممكن مع مرور الزمن يتغير لون الجلد فوق الدوالي.

🌼حتى نعالج الحالة لازم نعاكس الخلل يعني نسيطر ع تراكم الدم بالطرفين السفليين.
🌼تستخدم جوارب ضاغطة طبية مرنة خاصة تصل لفوق الركبة تدعم وظيفة الاوردة و تساعد على دفع الدم للقلب.
🌼محاولة رفع الطرفين فوق مستوى القلب (ع الاقل مرتين يومياََ و بمدة لا تقل عن ربع ساعة).
🌼لا ننسى اهمية ممارسة تمارين رياضية منتظمة.

◀️العلاجات الجراحية : يستخدم الليزر... اذا كان الوريد المصاب كبير و مسبب اعراض خطيرة نلجأ لاستئصاله..

دايماََ استشر طبيبك ليوجهك للإجراء المناسب 💙

لجين أكرم القطامي 🌼

#الصفحة_الطبية
#ميددوز ❤️