🔴 بتخاف لما تشوف #دم ؟!
ورفقاتك مستلمينك يا تشتوش ويا #ضعيف القلب ؟

اليوم رح نخبرك عن حجتك قدامهم ، قلهم أنا عندي #هيموفوبيا 😌

◀الهيموفوبيا هو ️الخوف المبالغ به وغير المنطقي من الدم (hemophobia أو فوبيا الدم) وتعد من الفوبيات #المحددة .

◀️يعني الشخص بهالحالة بكون عندو خوف شديد بكلشي بخص الدم سواء مشاهدته أو إجراء فحوص طبية ، أو لقطات بالأفلام بتتضمن مشاهد #دماء .

◀️الفوبيا ممكن تأثر عحياة الشخص بشكل جدي وفي منن بفوتوا مواعيد مع #الأطباء نتيجة لخوفن .

🔴شو أعراض الفوبيا ؟

بتتضمن أعراض #جسدية :

اضطرابات تنفس ،حس ألم بالصدر ، الرعاش ،شعور بالدوار، إحساس بالغثيان و تعرق .

وأعراض #شعورية :

شعور بقلق شديد و ذعر ، بحس الشخص إنو بحاجة للهروب من منظر الدم ، إحساس بفقدان السيطرة عالذات ، وإحساس إنو شخص عديم القوة .

🔴عوامل الخطر يلي بتخص هالفوبيا :

▫️عامل #وراثي .

▫️أهل قلقين : يعني مثلاً إذا #الطفل شاف أمو كتير خايفة من الدم ممكن يتطور عندو هيك فوبيا .

▫️أهل مبالغي #الحماية للطفل .

▫️رضوح نفسية متل #أحداث بتتضمن دماء أو بقاء بالمشفى لفترة أو إصابات خطيرة .

🔴 بالنسبة للعلاج فهو جدي وأنت بحاجة مراجعة طبيب
#إذا : الفوبيا سببتلك نوبات هلع أو #استمرت أكثر من 6 شهور .

والعلاج بيتضمن :

✅العلاج بالتعرض : هي جلسات تعرض #للمخاوف يلي بتعاني منها كتمارين مرئية لمناظر بتحتوي دماء

✅العلاج المعرفي : بحدد المعالج المشاعر المرافقة للقلق , هاد الشي بساعد الشخص #باستبدال القلق بمشاعر واقعية .

بتعرفوا حدا بخاف من الدم لدرجة الهيموفوبيا ؟! 🤔

◼المصدر : Healthline


🌐 تابعونا ع الانستغرام || https://bit.ly/2LNgb3E

#ميددوز_فوبيا
#رهاب_الدم

🔴 إحتشاء العضلة القلبية »» يَسرق اليوم فناناً #جديداً !

من ساعتين سمعنا خبر وفاة الممثل القدير #حسن_حسني الله يرحمو و يحسن إثر أزمة قلبية ...

كتار منكم لما سمعو الخبر تسائلوا شو يعني #احتشاء العضلة القلبية ؟!
لهيك رح نخبركم بشكل بسيط عن الحالة

⚫ احتشاء العضلة القلبية (MI) أو النوبة القلبية : هي حالة بصير فيها #تموت بعضلة القلب بسبب نقص #الأوكسجين الواصل إليها .

⚫ العلامات والأعراض ممكن تصير #قبل الاحتشاء بفترة أيام أو حتى أسابيع ، أو #فجأة وهي :

تعب ، شعور بالمرض ، احساس #بإنزعاج بالصدر وعدم الارتياح .

⚫️ وهون لازم ننتبه إنو الألم الصدري #بيتميز بصفات أساسية وهي :

ألم كثيف و #مستمر من نصف ساعة إلى ساعة .

موقع الألم في #منتصف الصدر أو بالناحية العلوية من البطن ، بكون حارق و واخز وبيشكي المريض من شعور أنو في متل بلاطة #ضاغطة على صدرو ، كمان ممكن يحس بألم عم #يمتد للعنق والكتف والفك والإيد اليسار

⚫ كيف ممكن نسعف مريض شاكين بتعرضو لنوبة إحتشاء ؟

- أول خطوة منقذة للحياة هي الإتصال #بالإسعاف .
- انزع أي ثياب ممكن تعيق #تنفس المريض متل ربطة العنق أو المجوهرات ، الحزام ، الثياب السميكة وأزرار القمصان .
- اعطي المريض حبة #نيتروغليسرين تحت اللسان مع 500-300 ملغ من الأسبرين #مضغاً
-راقب العلامات #الحياتية للمريض (التنفس ، النبض ) وفي حال توقفها لا تتردد بتطبيق الانعاش القلبي الرئوي CPR لحين وصول المساعدة الطبية .

⚫ كيف ممكن نوقي حالنا قدر الامكان من الإصابة بالاحتشاء ؟

التوقف عن التدخين والحد من تناول الكحول ، التغذية الجيدة والابتعاد عن الشحوم ومحاولة الوصول للوزن المثالي ، النشاط الرياضي المستمر ، والابتعاد عن مصادر القلق .

ختاماً منقدم تعازينا الحارة لأهل الفنان وكل محبينه ، ومندعي بالصحة والسلامة للجميع ❤
والرحمة لكل من فارقنا ..

◼المصدر: American heart association _ Medscape


🌐 تابعونا ع الانستغرام || https://bit.ly/2LNgb3E

🔺 قياس #الوزن بشكل يومي ❌

👈 لا تقيس وزنك كل يوم، لأن هالشي ممكن يسببلك إحباط أو تفاؤل بغير محلو وهالشي بيأثر على #شهيتك وتناولك للطعام.

🔰 الوزن يختلف يومياً حسب: توزع السوائل بالجسم - حركة الأمعاء - التبدلات الهرمونية.

⬅ ️لهيك لازم نقيس وزننا كل #أسبوع تقريباً لمراقبتو مو كل يوم!✔


🌐 تابعونا ع الانستغرام || https://bit.ly/2LNgb3E

كنا لابسين #كل_ملابس_الوقاية و بأقصى درجة من الجهوزية ضد كورونا ... ولكن كان أقوى من كلشي ؛ قدر يصيبنا !!

صديقتنا #طبيبة سورية ساكنة #السعودية » تواصلت معنا لتخبرنا بأن الاجراءات الوقائية الكتير كبيرة ما حمتها من الكورونا .

#وطلبت_منا نشر "شي مهم" لأهلنا بسورية :
" حاولنا نحمي حالنا كتير ؛ وعدة الوقاية كانت مثالية و بدرجة عالية من المتانة .. ولكن انصبنا من خلال #المصاري !

رغم تصريحات منظمة الصحة العالمية بأنو من النادر انتقال الفيروس من خلال #قطع_المصاري !!

#لـكن_للاسـف تحقق "هاد النادر" و تمت اصابة كل افراد المنزل بالكورونا و صار البيت معزول ممنوع حدا يطلع او يفوت عليه إلا المسعفين لي بيجو عالبيت كل يوم لتفقد المصابين .

حبيت وجه رسالة لأهلي السوريين بأنو اغسل ايديك منيح بعد اي تماس مع شي خارجي متل المصاري او غيرو ؛ الألم كبير كتير و اكبر من أي ألم عانيتو بحياتي .

الله يحميكن جميعاً ؛ و ياريت توصلوا رسالتي للجميع .

🌐 د. كندا قباني


🌐 تابعونا ع الانستغرام || https://bit.ly/2LNgb3E

" لا استطيع التنفس ، لا تقتلوني "

بينما يعمل الكثيرون للحفاظ على حياة من لا يستطيعون #التنفس بسبب وباء كورونا ..

هناك في #أميركا من يقوم #بقطع نفس أحدهم بسبب أنه مليء باللإنسانية و الحقد و التمييز العنصري .

تخيل بس لمجرد فرق لون البشرة تكون الك حقوق #أقل أو تكون مضطهد ..

خلونا نشوف يا ترى مين #المسؤول عن لون البشرة إن كان فاتح أو غامق ؟

⚫ يختلف لون الجلد في درجات الألوان من البني الغامق حتى الوردي الفاتح أو الأبيض و المسؤول الرئيسي عن اللون هو كمية و نوع صباغ #الميلانين الذي ينتج من خلايا صباغية موجودة في البشرة .

مين #المسؤول عن كمية و نوع الميلانين بالبشرة ؟

- العوامل الجينية.
- البيئة المحيطة.

و هدول هنن سببين #متداخلين فيما بينهما حيث :

منذ آلاف السنين ، الأشخاص الذين يعيشون بالقرب من خط الاستواء تعرضوا لمزيد من #الأشعة فوق البنفسجية بينما الذين يعيشون بالقرب من القطبين تعرضوا لدرجات #أقل منها .

يستجيب الجلد للأشعة بإنتاج #المزيد من الميلانين لمساعدة البشرة على حماية نفسها من الآثار الضارة لتلك الأشعة.

زيادة إنتاج الميلانين ⬅زيادة الصبغة ⬅لون بشرة #أغمق .

و هنا نتحدث عن التأثير #البيولوجي.

⚠️ ولكن عندما نتكلم عن آلاف السنين من التعرض، هذا يؤدي لما يدعى بآلية #الإنتقاء للجينات حيث يتم الحفاظ على الجينات المسؤولة عن لون البشرة الأغمق و تنحية الجينات المسؤولة عن اللون الأفتح بخاصية #التكييف.

و هذا ما يفسر #توارث اللون الداكن أو الفاتح للبشرة عبر الأجيال ..

إذاً الموضوع مجرد كل التجرد عن كون الشخص مسؤول عن #تحديد لونه أو شكله..

#لا_للعنصرية التي تؤذي شعور أحد دون سبب سوى أن الشخص اختلف عنك باللون و الشكل ، فلتبنى الحياة على #الإحساس بالأخرين و تجنب ما يزعجهم و لنبتعد قدر المستطاع عن المظاهر و تقييم الناس حسب أشكالها ..

نيلسون مانديلا .. محمد علي كلاي و أخرون كثر رمز من رموز #النضال و الثبات و لم توقفهم نظرة مجتمع للونهم ليكونوا صناع المجد في حياتهم ❤

◼د. بشرى طاهر الأسعد
◼المصدر : ScienceDaily
◼ميددوز - منصة الصحة السورية

🌐 تابعونا ع الانستغرام || https://bit.ly/2LNgb3E

النساء أكثر #عرضة للإصابة بالتهاب المرارة.

◾#المصدر :healthline

قاعد بالسهرة ومقضيها كلا مسلسلات او لاب او موبايل كالعادة 😄 وإذ فجأة رفت عينك ب #قوة ، ضلت شوي وراحت يا ترى؟

شو تفسير هالحالة وهيي خطيرة😵 أو لأ

لتعرف أكتر تابع معنا هالمقال❤

🔴 #تشنج_الجفن عبارة عن تشنج متكرر لا إرادي لعضلات الجفن ، وعادة بيصير هالتشنج بالجفن #العلوي ، بس ممكن يصير كمان بالجفن السفلي .

🔸 بالنسبة لمعظم الناس هالتشنجات عم تكون خفيفة 👌وبتحسا متل شي عم يشدك ب #لطف😄

وبالعكس ممكن بعض الأشخاص يصير عندن تشنج قوي ، بيخلين يسكرو عيونن إجباري😢 .

🔸عادة بتصير هالتشنجات كل كم ثانية ولمدة دقيقة أو دقيقتين

وللأسف💔ما فينا نتوقع حدوث هالنوبات ، يعني ممكن نشوفا لكم يوم وبعدها بتختفي لأسابيع أو أشهر .

✅مهم نعرف إنو هالتشنجات مانا مؤلمة ومانا ضارة كمان .
✅ نادرًا ما تكون إشارة لمشكلة خطيرة .
✅بتكون أشيع عند النساء .

🔴 بالنسبة للأسباب أو يلي ممكن يفاقم حالة التشنج فمنذكر تهيج العين أو إجهادا وكمان ما ننسى تعاطي #الكحول أو الدخان أو حتى شرب #الكافيين🍵 بكميات كبيرة .

🔶 وبحالات نادرة ، ممكن تكون تقلصات الجفن علامة #تحذير مبكر لاضطراب حركة #مزمن ، خاصة لما تكون مع تشنجات تانية بالوجه أو مع حركات مافيك تسيطر عليها ومن بين هالاضطرابات منذكر :

◾#شلل بل ، بيمثل حالة شلل بجانب واحد من وجهك نتيجة إصابة العصب الوجهي .
◾ خلل التوتر العضلي عبارة عن تشنجات عضلية غير متوقعة، وخاصة باللمنطقة المصابة بالالتواء متل تشنج الرقبة بشكل عشوائي وتشنج الرأس حتى ممكن تتحول لتشنج بجفن العين .

◾التصلب المتعدد ، بيصيب الجهاز العصبي المركزي وبيسبب مشاكل معرفية وحركية .

◾ باركنسون ، بيسبب ارتعاش في الأطراف وتيبس بالعضلات ومشاكل بالتوازن وصعوبة بالتحدث .

◾ متلازمة توريت يلي بتتميز بالحركة اللاإرادية وقول ألفاظ سيئة 😓.

◾ خدوش القرنية غير المشخصة (ويمكن إنا تسبب تلف دائم في البصر 😕) .

🔶وفي حال صارت التشنجات #مزمنة ، فممكن يكون عندك حالة "تشنج الجفن #الأساسي_الحميد" ، وهيي اضطراب حركي عصبي ، #بيتميز بتقلصات لا إرادية ومستمرة في العضلات حول العينين .
👌ممكن يفاقم تشنجات العين ؛ #التهاب_الجفن والتهاب الملتحمة وحتى جفاف العين ، و#مهيجات_بيئية متل الرياح🎑 أو الأضواء الساطعة أو الشمس🌞 أو تلوث الهواء ، ومع وجود هالأمور ⬅بتسوء الحالة وبتتحول الرؤية⬅ لرؤية ضبابية وبيصير في زيادة بالحساسية لتشنجات الوجه .

🚩 إيمت بتراجع الطبيب؟؟

🔸إذا كنت بتعاني من تقلصات جفن مزمنة مع أي من الأعراض التالية

◾احمرار العينين👀 أو تورما .
◾ وجود إفرازات غير عادية .
◾ #تدلي الجفن العلوي .
◾ #إغلاق_الجفن بكل مرة عم يصير فيها التشنج .
◾استمرار #الوخز لعدة أسابيع مع تأثيره عأجزاء تانية من الوجه .

🌟من المهم تعرف إنو أغلب تشنجات الجفن #بتختفي😍 من دون علاج خلال أيام أو أسابيع قليلة .

🔴وحتى تتخلص💪من الأسباب المحتملة للتشنج أو تقللها

◾ جرب تشرب كمية أقل⬇ من الكافيين 🍵وحتى إنك تقلل ⬇تدخين .

◾تنام لمدة كافية وتتجنب إنك تجهد عينك كتير (مثلا ما تستخدم اللابتوب أو الموبايل ليل مع نهار😂👌) .

◾حاول تخلي عيونك #رطبة من خلال استعمال قطرات عين للاستعمال دون وصفة طبيب .

◾جرب تحط #كمادة_دافية على عيونك لما يبلش التشنج .

◾حقن 💉 #توكسين_البوتولينوم (البوتوكس) لعلاج تشنج الجفن الأساسي الحميد ، ممكن #يخفف⬇من التقلصات الشديدة لعدة شهور ؛ بس مع هيك إنت بحاجة لحقنة جديدة لما بينتهي مفعول القديمة .

◾ #المصدر : healthline
◾ د.روزين ونوس
◾#ميددوز_عينية

🌐 تابعونا ع الانستغرام || https://bit.ly/2LNgb3E

🔴30 أيار #اليوم_العالمي للتصلب اللويحي المتعدد (التصلب المتعددMS ) Multiple seclerosis

بالبداية الله يعافي ويشغي كل مريض❤️
ومريض التصلب اللويحي بحاجة الدعم النفسي والمعنوي قبل مايكون بحاجة العلاج الطبي

⚫️ #التصلب_المتعدد للأسف هو أحد الأسباب الأكثر شيوعا #للإعاقة عند البالغين الاصغر سنا

وهو حالة مناعية ذاتية ، يعني لما يصير في خطأ بالجهاز المناعي وبهاجم عن طريق الخطأ جزء من الجسم

وبحالة التصلب المتعدد المستهدف هو الدماغ او الحبل الشوكي في الجهاز العصبي وبالاخص الطبقة يلي بتحيط بالاعصاب التي تسمى #غمد_النخاعين

⬅️ هالشي يؤدي لضرر الأعصاب وبالتالي السيالة العصبية رح تصير أبطأ او تتعطل

⚫️ شو يلي عم يخلي الجهاز المناعي يتصرف بهالشكل طيب⁉️
للأسف ما في شي واضح تماما ، بس معظم الخبراء قالوا انو مزيج العوامل البيئية والوراثية إلها الدور الأكبر بالإضافة لبعض عوامل الخطر متل:

▫️التهابات معينة : قال مجموعة متنوعة من الفيروسات ومن أهمها فيروس #ابشتاين_بار

▫️وايضا أكثر شيوعا في البلدان ذات المناخ المعتدل

▫️ #فيتامين_د : انخفاض مستوياتو وقلة التعرض للشمس #يزيد من خطر الإصابة بالتصلب اللويحي

▫️بعض أمراض المناعة الذاتية متل أمراض الغدة الدرقية أو السكري من النمط الأول

▫️التدخين : #المدخنين يلي بيعانوا من أعراض مبدئية قد تشير إلى مرض التصلب المتعدد

⚫️ أهم #أعراض المرض :
بتختلف بشكل كبير من شخص لآخر ويمكن أن تؤثر على اي جزء من الجسم تشمل:

مشاكل في الرؤية أوحركة الذراع او الساق او الإحساس او التوازن ، اعياء، مشاكل في التحكم في المثانة والوظيفة الجنسية والأمعاء ، خدر ووخز في أجزاء مختلفة من الجسم ، مشاكل في التعلم والتخطيط اعتمادا على نوع التصلب

وممكن تظهر الأعراض او تذهب على مراحل او تزداد سوءا بمرور الوقت ويمكن أن تسبب #إعاقة خطيرة وفي كثير من الحالات يمكن علاج الأعراض

⚫️ غالبا بيتم تشخيصو عند الأشخاص الاصغر سنا وأكثر شيوعا بال 20-30 من العمر
ويمكن يتطور بأي عمر وأكثر شيوعا بنسبة 2 إلى 3 مرات عند #النساء من الرجال
والأهم من هيك عند ظهور هي الأعراض الأفضل مراجعة طبيب #أعصاب بأسرع وقت وممكن يقترح اختبارات متل فحص التصوير بالرنين المغناطيسي

⚫️ # علاج التصلب المتعدد :
للأسف لا يوجد علاج لمرض التصلب المتعدد حاليا ، بس ممكن بعض العلاجات تساعد بالتحكم بالحالة ويعتمد العلاج على #الأعراض
اهم العلاجات :

▪️علاج الانتكاسات ؛ هو #الكورتيكوستيروئيدات_القشرية لتسريع الشفاء مثل بريدنيزون وميتيل بريدنيزولون
هي العلاجات لتقليل #عدد الانتكاسات

▪️حقن البلازما ممكن يكون ألو دور كبير بتخفيف حدة المرض عن طريق خلطو مع الالبومين واعادتو للجسم

▪️وفي علاجات لتقليل #تقدم المرض
متل الانترفيرون بيتا و ocrelizumab بالإضافة للعديد من الأدوية الفموية وأدوية عن طريق التسريب الوريدي

▪️وكمان العلاج الفيزيائي كتير مهم بالإضافة لتناول المرخيات العضلية في حال التشنج العضلي وايضا بعض الأدوية لعلاج الاكتئاب والأرق والألم والخلل الجنسي ومشاكل السيطرة على المثانة..

ووزارة الصحة عم تأمن العلاجات مجاناً ❤️

ممكن يكون التعايش مع مرض التصلب المتعدد صعب جدا وخاصة انو عم يصيب أكتر من 2.3 مليون حول العالم
بس العلاجات الجديدة على مدى العشرين عام الماضيين حسنت بشكل كبير من جودة حياة الأشخاص المصابين

..نادرا ما يكون التصلب العصبي المتعدد نفسه مميتا، بس عم تصير مضاعفات شديدة متل التهاب الصدر او المثانة او صعوبات البلع ، فمتوسط العمر المتوقع للمصابين أقل من المتوسط ب 5 ل 10 سنوات ولكن هالشي عم يتضاءل مع الوقت

وبالنهاية الدعم النفسي والمعنوي والنظام الصحي المتوازن والاهتمام بمريض التصلب العصبي المتعدد هنن عامل مهم لحتى يعيش فترة أطول ❤️

وتبقو دائماً بخير

◼الصيدلانية آيات حسين
◼ المصدر: NHS/Mayoclinic
◼ميددوز - منصة الصحة السورية

🌐 تابعونا ع الانستغرام || https://bit.ly/2LNgb3E

🔴الشبح .. ممكن يكون #جزء منك !

هالمرة مصطلح الشبح رح يكون مختلف ونتعرف عليه من ناحية طبية ؛ وهالمرة القصة رح تكون #حزينة عكس قصص الأشباح المخيفة ..

بقصتنا حتى الشبح مختلف ، رح يكون #طرف مفقود من الجسد !

جاهزين تسمعوا عن #الطرف_الشبح ؟

⚫هي الحالة بتحدث بعد #بتر أحد الأطراف ، والشخص اللي تعرض لبتر أحد أطرافو بيشعى بالطرف المبتور !

كيف يعني ؟ مثلاً هالشخص فقد إيدو اليمين ، لكن لسا #حاسس بأنو عندو إيد يمين ، حاسس بشكل حقيقي مو مجرد تخيل !

وهاد الإحساس بيتراوح من إحساس وخز، حكة، خدر، الحرارة أو البرودة بأصابع أو كامل الطرف المبتور ، وأحياناً بيوصل لإحساس #الألم بالطرف المبتور !

#غريب كتير صح ؛ وغريب جداً كمان
لكن كالعادة العلم عندو الجواب الشافي لفضولنا ..

⚫أسباب هي الحالة متعددة ومنها :

🔺النشاط غير المنتظم #للأعصاب الموجودة في نهاية الطرف المبتور ، وهون منقصد نهاية الجزء السليم يلي ماتم بتره .

🔺تداخلات من الجهاز العصبي #الودي بين أجزاء من الدماغ مع الأعصاب المحيطية والألياف #الحسية المتواجدة بنهاية الطرف المبتور

بشكل أبسط : الجزء من الدماغ المسؤول عن الطرف المبتور لسا موجود #وسليم ومتوقع يستقبل إشارات حسية من هالطرف وعم يتعامل مع الوضع على إنو لسا الطرف #موجود وماصار عنا أي أذية !

🔺بالإضافة للحالة #النفسية والعاطفية التالية لعملية البتر .

غالباً #بتبدأ هي الحالة خلال الأسابيع الثلاث الأولى التالية للجراحة ، بينما 8% من الحلات بتبدأ بعد 1-12 شهر من الجراحة .

بمعظم الحالات بيخف هالإحساس #تدريجياً لحتى يزول تماماً خلال 2-3 سنوات ، بينما بحالات قليلة ممكن #يستمر أكتر وممكن يستمر مدى الحياة !

⚫كما أنو هاد الإحساس بيكون أوضح بالطرف #المسيطر بحال بتر الطرفين معاً

شو القصد ؟ يعني شخص فقد الطرفين العلويين ، رح يكون شعورو بإيدو اليمين #أقوى من اليسار في حال كان يمناوي #والعكس صحيح لما يكون يسراوي .

⚫الجدير بالذكر إنو إحساس المريض بالطرف بيكون أقوى وبيشتد لما بيتعرض #لضغوطات نفسية من نوع ما (وفاة شخص عزيز، صدمة عاطفية، خسارة مادية، خسارة الوظيفة، التقاعد.. )

وببعض الأحيان بيترافق الألم مع #آلام بمناطق أخرى من الجسم متل آلام الرأس والمفاصل ، آلام في الحلق ، آلام في البطن و الظهر .

⚫وطبعاً في العديد من العلاجات #المساعدة يلي ممكن تخفف من هالحالة متل :

تحفيز الأعصاب #كهربائياً عبر الجلد ، العلاج بالطب البديل عن طريق #الوخز بالأبر الصينية الاسترخاء والمساج و التمارين الرياضية
الأربطة #الضاغطة وتناول #المسكنات .

⚫من المهم نوعي المريض لهاد الأمر بطريقة مناسبة لتجنب #حوادث معينة متل حالات السقوط ليلاً لما بيفيق الشخص من نومو وبيتوقع أنو الطرف المبتور رح يؤدي #وظيفتو بشكل طبيعي بسبب إحساسو بوجودو .

ختاماً منتمنى الصحة والسلامة لأي شخص مر بهالحالة ، أنتو أقوى من هي الأشباح ❤

◼الصيدلانية : حنان حريز
◼المصدر : science direct
◼ميددوز - منصة الصحة السورية

🌐 تابعونا ع الانستغرام || https://bit.ly/2LNgb3E

منحاول كتير نعمل #دايت و نخفف وزن و منخترع طرق من تحت الأرض.
و بمرحلة معينة عند بعض الناس بيصير الاكل و #الوزن و الجسم المثالي مرض و وسواس

و اليوم رح نحكي عن احد هالاضطرابات بما يخص الأكل

#البوليميا bulimia nervosa او ما يسمى الشره العصبي

🔴 بشكل بسيط هو انك تاكل كميات #كبيرة من الأكل بفترة قصيرة و بعدين بتجبر حالك ع #الإقياء بهدف الحفاظ ع الوزن.

🔴 الضغوط و معايير الجمال عند المجتمع و السعي نحو #الكمالية و الجسم المثالي تعتبر عوامل مؤهبة للإصابة بالشره العصبي.

🔴 هالإضطراب بيصيب كلا الجنسين لكن أكثر #شيوعاً عند الاناث.

🔴 البوليميا ممكن تأثر ع كتير من اجهزة و وظائف الجسم و بتسبب مشاكل صحية.

👈 الجهاز #العصبي_المركزي:

الشره العصبي هو اضطراب #عقلي يؤثر عالصحة العقلية و بيسبب اكتئاب و قلق و وسواس بإنقاص الوزن بشكل دائم فالصبية المصابة بالشره بتعاني من عدم الثقة بالجسم و بتخاف من #زيادة الوزن و نظرة الغير لإلها فبيصير عندها تقلب شديد بالمزاج و ممكن تصل الحالة لتعاطي المخدرات و تنتهي ب#الانتحار.

👈 الجهاز #الهضمي :

هو أكثر الاجهزة تضرراً ، بالبداية بيصير عند المريض #التهاب حلق و آلام معدة و حرقة و سوء تغذية، و مع استمرار القيء و المحتوى العالي من #الحموض يلي عم تنطرح رح يسبب تلف بالأسنان و تآكل طبقة المينا و تورم الغدد اللعابية.

بالإضافة إلى التهاب المري و احتمال تمزقه و خروج قيء #مدمى.

و عندما يلجأ المريض لتناول الادوية #المسهلة لحركة الأمعاء بكثرة رح ينتج تلف بالأمعاء و الاصابة #بالبواسير بالإضافة لمدرات البول يلي رح تخرب الكلية.

👈 الجهاز #القلبي_الوعائي :

القيء المستمر رح يسبب تجفاف و #اضطرابات الشوارد أهمها الصوديوم و المغنزيوم و البوتاسيوم.
و اضطراب بنظمية القلب بتتمثل ب #انخفاض عدد ضربات القلب و انخفاض الضغط و النبض و فقر دم.

👈 الجهاز #التناسلي:

سوء التغذية عند المريض رح يعمل #خلل هرمونات يلي بتأثر ع الدورة الشهرية عند المرأة و يمكن توقفها.

بالإضافة لتأثيرها عالحمل فبتسبب اجهاضات #متكررة، ولادة مبكرة، عيوب خلقية و انخفاض وزن الرضيع، و أهمها #اكتئاب_ما_بعد_الولادة.

🔴 بالنسبة #للعلاج لاضطراب الشره العصبي :

📌 مضادات #الاكتئاب رح تعطي مفعول ايجابي لنفسية المريض مثل الفلوكستين.
📌 العلاج النفسي #المعرفي_السلوكي و التواصل بالكلام مع المريض.
📌 اللجوء إلى اختصاصيي التغذية و تشكيل خطة وجبات مغذية لتعويض النقص الشديد بالغذاء.

بالختام : خلي ثقتك بنفسك و بجمسك عالية و انتي حددي معايير الجمال الخاصة فيكي و ما تخلي أي شي يسببلك الإحباط بأي ناحية من نواحي حياتك.

تضلوا بألف خير. ❤

◼ المصدر: healthline
◼ د. رغد فهد الحلبي
◾#ميددوز_طب_نفسي
#ميددوز_تغذية

🌐 تابعونا ع الانستغرام || https://bit.ly/2LNgb3E

إجراءات الوقاية » ضحك عاللحى .. !!

بعد ما بدأ دوام اليوم ؛ يمكن الجزم بالمطلق انو من هون ل 14 يوم منأعلن انو سوريا كانت خالية من كورونا #او بدنا نشهد انفجار كوروني رهيب!

من المفارقات الغير منطقية على الإطلاق :

1- تم إلغاء #آلة_البصم بالتوقيع » ولكن الجميع عم يستخدموا نفس القلم!

2- تم فحص الحرارة لطلاب الجامعات » بعز دين الحرارة شو فائدة فحص الحرارة ؟!

3- انتظار آلاف من الطلاب عالأبواب » أول و أهم سبب للتجمعات!

4- التجمع تحت هالحرارة كان كفيل بوجود عشرات الحالات لي وصلتنا عالمشافي بضربات شمس و رعاف .

و هلق #فعلاً - خلال 14 يوم رح يكون إما انتشار أو انحسار .


🌐 تابعونا ع الانستغرام || https://bit.ly/2LNgb3E

⭕ مشاعر #الحب تؤدي لإفراز هرمون #الدوبامين وتنشيط مناطق الدماغ ذاتها التي تنشط في حال تعاطي المخدرات مثل #الكوكائين !!

ومن الحُب ما سبب الإدمان 😌

◼المصدر : Healthline