🔺 عدم تحريك أجفانك لفترة طويلة أثناء استخدام #الموبايل هو أحد أسباب شعورك بإجهاد عينيك؛ لأن هذه العملية هي المسؤولة عن ترطيب #العين.



🌐تابعونا ع الانستغرام || https://bit.ly/2LNgb3E

🔴أنت أجيت تحط أول لقمة بتمك بعد ما أدن المغرب ما بتلاقي غير سنانك #لمعو عليك ونزعولك كل المود !!

وبعدين مع هالحالة اسا كل ما بدك تاكل ساخن أو بارد بدك تتوجع وتدايق هيك ؟

نحنا رح نساعدك شوي ونخبرك شو هالشي وشو الحل تبعو 😌

يا سيدي هاد اسمو #حساسية الأسنان أو (فرط تحسس العاج) هي الحساسية بتصير من ورا أكتر من نوع من #المأكولات والمشروبات الحارة والباردة الحلوة والحامضة !

وأحياناً #الهوا والمي #الباردين بحسسونا بالوجع وبسببو الحساسية وحتى كيف #منفرشي أسناننا وشو منستخدم #غسولات فموية ممكن تأثر على حساسية الأسنان 😞

⚫طيب شو السبب ورا هالوجع ؟

السبب الأساسي بكون هو قلة #ثخانة الميناء يلي هي الطبقة #السطحية يلي بتغطي سنك وبتحميه .

⚫كيف بصير هيك ؟
والله يا صديقي هي القصة بتصير لعدة أسباب :

ممكن تكون موجودة بشكل #طبيعي بالأسنان ، بسبب #تنظيف الاسنان #بقوة متل لما تكون قاعد عم تفرشي سنانك بكل ما الله عطاك من طاقة 😂

استخدام #فرشاة أسنان قاسية ، صرير الاسنان الليلي يعني #بتكز سنانك ببعضن وأنت نايم ، أكل وشرب #الحمضيات المتكرر ، الارتجاع #المعدي وهو انو تطلع #حموضة معدتك والمري على تمك واسنانك .

التقيؤ #المستمر ، الشره #المرضي وهو مرض ما بيقدر الشخص فيه #يوقف عن الاكل ، تراجع اللثة ، تسوس الأسنان او الأسنان المكسورة والحشوات المتهدمة والتيجان #المتآكلة .

⚫طيب وضروري روح عند دكتور الأسنان ما فيني اشتغل شي بالبيت يخفف من هالوجع ؟

فينا نساعدك بحال كان الوجع عندك #خفيف أو متوسط وما في سبب رئيسي بيتطلب المراجعة للعيادة متل التسوس أو الكسور السنية .

⚫يا عين طيب شو العمل ؟

العمل كتير سهل والخطوات كتير سهلة كمان كل اللي عليك انك #تغير من :

🔺️ معجون اسنانك ، ولازم تجيب واحد يكون مصنع #خصيصاً للاسنان الحساسة .

🔺️ الغسول الفموي لازم يكون " خال من #الكحول" .

🔺️ استخدم فرشاة أسنان #ناعمة وفرشي سنانك بطريقة لطيفة .

وفي معلومة لازم تعرفها وهي أنو لازم تضل #تنظف اسنانك وتعمل غسول فموي وفق تعليمات طبيبك لمدة أسبوع اقل شي لحتى تبلش ترصد نتائج 😁

⚫طيب وإذا ما نجح هالشي وضليت عم حس بوجع بعد هالاجراءات كلها ؟

هون بقا لازم تحكي وتاخد موعد مع دكتورك مشان هو يعرف شو السبب الرئيسي للحساسية ويحطلك خطة العلاج اللي بتناسب حالتك ❤

مجرب لمعة السنان قبل هالمرة ؟ 🙄

◼د. عشتار نعامة
◼المصدر : Health line
◼ميددوز - منصة الصحة السورية

🌐تابعونا ع الانستغرام || https://bit.ly/2LNgb3E

#ميددوز_أسنان #حساسية #لمعة

#خلي_صيامك_صحي ❤

🔺 شوب كتير مو مصدقين يجي الافطار لنشرب كاسة مي #باردة❌❌

👈 نبدا فطورنا بماء #معتدل الحرارة✔✔

🔰 شرب الماء البارد (خصوصاً على معدة فارغة) ممكن يحرض #صداع عند بعض الأشخاص ويزيد ألم بعض الأمراض المتعلقة بالمري .

🌐تابعونا ع الانستغرام || https://bit.ly/2LNgb3E

#عاجل ‼️

تسجيل 7 إصابات جديدة بفايروس كورونا

الأشخاص قادمون من خارج البلاد !

#منصة_الصحة_السورية - #ميددوز .

🚨#حالة_عاجلة_جداً_جداً ‼- ارفعوا البوست سريعا

مريض تحت جراحة كلية اسعافية و لديه نزيف حاد مهدد للحياة !!

يرجى التبرع من قبل متبرعين (( زمرة -O سلبي ))

المريض بوضعية #حرجة_جداً ⚠️

اسم : اياد قشلان
الرقم : ٠٩٣٣٤٦٥٨٤٦
التبرع : بنك الدم _ مزة فيلات متصلة _ جانب السيتي مول ( كوين سنتر )

ارفعوا المنشور سريعاً و شاركوه لنوصل لمتبرعين باسرع وقت

🔴إن التحدث عن #مشكلاتنا ومشاركة مشاعرنا السلبية مع شخص #نثق به يساعدنا على تقليل الضغط والإضطرابات الجسدية والعاطفية !

نحنا دائماً محتاجين نحكي أسوأ أفكارنا ومشاعرنا لأشخاص بتفهمنا❤

◼المصدر : Psychology Today

🔴 بعد ما تقرأ هاد البوست 👈🏻 #طفي النت، و #اقعد مع نفسك شوي :

- حدد #هدف_صغير توصل الو كل يوم
( تلعب ساعة رياضة، تقرأ فصل من كتاب، تاخد درس موسيقا، تخلص محاضرة )

- حدد #هدف_مرحلي على نطاق السنة
( تنجح السنة بكل موادك، تكون تعلمت على آلة موسيقية، تاخد شهادة بشي معين )

- الهدف #البعيد لا تفكر فيه كتير .. التفكير #الزايد ممكن يسبب #كآبة لأنو الظروف كل يوم عن يوم عم تختلف و يمكن هالهدف يتغير أو يصير غير مناسب !!.

- حاول تتعلم #لغة .

- أتقن #الفرع اللي أنت فيه، بغض النظر عن علاماتك، بس حاول تفهم فرعك و تكون #قدير فيه .

يمكن الحياة صعبة .. بس ما تخليها تهزمك ❤️

#أنت_أقوى

#ميددوز_الصحة_النفسية .
#منصة_الصحة_السورية - #ميددوز .

🔴شوب و كورونا وحظر ومافي كهربا
أي والله شي #بفقع_المرارة !! 😠

إذا حاسين أنو رح تفقع مرارتكم من هالوضع ، تعالوا نحكيلكم عن هالمرارة يلي شو بدها تتحمل لتتحمل !

⚫ إلتهاب المرارة cholecystitis

بالبداية المرارة هي عضو موجود #تحت الكبد و بتساعد الجسم على هضم #الدهون .

والمرارة عرضة للإلتهاب #الحاد يلي بيتطلب عناية طبية فورية.

⚫ طيب شو اسباب إلتهاب المرارة ⁉️

السبب الأكثر #شيوعاً هو #حصوات المرارة ، هي الحصوات بتسبب #سدّ القنوات الصفرواية بالمرارة و تراكم الصفراء (الصفراء عصارة بتحررها المرارة بالأمعاء مسؤولة عن هضم الدهون) ضمنها و بالتالي #التهاب المرارة .

🔺️ ممكن يتحول التهاب المرارة من حاد #لمزمن إذا استمرت الحالة فترة طويلة أو لما بعاني المريض من أعراض #متكررة للالتهاب .

🔺️ النساء #أكثر عرضة للإصابة بالتهاب المرارة ، بالإضافة إلى أنو المخاطر بتزداد مع #التقدم بالعمر .

⚫ وبالنسبة للأعراض⁉️

العرض الأهم هو ألم #بطني شديد بيستمر لعدة #ساعات
و الألم بيتوضع بالجزء #العلوي للبطن بالجانب الأوسط إلى اليمين وممكن #ينتشر للكتف أو الظهر .

طبعاً في أعراض أخرى متل: تقيؤ، غثيان، حمى، #اصفرار بالبشرة، ألم #بعد وجبة الطعام خصوصاً الغنية بالدهون .

⚫ وكيف بتم التشخيص⁉️

بتم التشخيص بشكل أساسي من خلال #الإيكو للبطن.

وبعد التشخيص منعمل تحليل #لوظائف الكبد و اختبار تعداد الدم الكامل CBC

⭕ أما بالنسبة للعلاج :

العلاج لازم يكون فوري بزيارة الطبيب يلي بحدد إما استشفاء بالبداية من خلال #الصيام و إعطاء سيروم لمنع التجفاف
بالإضافة لمسكنات ألم و مضادات حيوية لتقليل الألم و مكافحة العدوى .

أما إذا استمر الالتهاب بالتكرار بتم #استئصال المرارة إما ع طريق التنظير أو من خلال الجراحة المفتوحة .

❕ هضم الطعام بعد استئصال المرارة بتم بشكل طبيعي من خلال #إعادة توجيه الصفراء إلى الأمعاء الدقيقة (التي كانت تتدفق عادة إلى المرارة) .

⚫ للوقاية من التهاب المرارة

الأهم هو #نظام غذائي صحي وإنقاص الوزن (إذا كان زايد) بشكل تدريجي ، مع تجنب الأطعمة اللي بتزيد نسبة الكوليسترول كونه بساهم بتشكيل حصوات المرارة .

⚠️ كنتوا ناطرين نقلكم إنو #العصبية بتفقع المرارة ؟
للأسف الدراسات بتقول إنو مافي أي رابط بين الحالة النفسية وإلتهاب المرارة !

لكن في #سر حلو رح نخبركم عنو ويلي هو إنو عبارة " فقعت مرارتي " بعود أصلها للعصر #الفرعوني وهنن أول مين استخدم هاد التعبير !

شكلنا عايشين نفس أيام الفراعنة 😁

◼د. نايا بايزيد
◼ المصدر : Healthline
◼ميددوز - منصة الصحة السورية

🌐 تابعونا ع الانستغرام || https://bit.ly/2LNgb3E

#ميددوز_هضمية #إلتهاب #مرارة

🔴#غولدوفوبيا ( رُهاب الذهب ) : هي حالة تصيب الشعب السوري #فقط وتتميز بالخوف الشديد من أسعار #الذهب !

مما يؤدي لتفعيل الجهاز #الودي وإفراز هرمونات #الأدرينالين و #الكورتيزول ⬅️ ارتفاع الضغط والسكر وتسرع القلب وجفاف الفم !

لهالسبب بيرتفع ضغطك وبينشف ريقك لما تشوف #الأسعار 💸

🔴العلاج: #تجنب متابعة أخبار الذهب 😁

🌐تابعونا ع الانستغرام || https://bit.ly/2LNgb3E

⭕ يجب إيقاف التدخين قبل #شهرين من إجراء أي عمل جراحي مخطط له ، رغم أن مايتم بشكل عملي هو الإيقاف قبل #بيوم واحد .

وضح NCBI ماسبق بأن :

الاقلاع قبل #يوم ⏪ يُخفض لدرجة كبيرة نسبة CO المرتبط بالدم و يرفع نسبة أكسجة الدم .

الاقلاع قبل #شهرين⏪ كفيل بأن يحمي من #الركودة التي تحصل في الرئتين بعد العمل الجراحي ، و تخفيض تأثير #النيكوتين على رفع ضغط الدم و تسريع القلب .

◼د. بشرى طاهر الأسعد
◼المصدر : NCBI

🌐 تابعونا ع الانستغرام || https://bit.ly/2LNgb3E

🔴#نصائح_رمضانية 🌙

أغلب العادات عند شعبنا هو انو يبلش بكاسة #التمر_الهندي عالفطور
هالعادة صح ياترى ؟

❎ انك تبلش فيه على معدة #فاضية بتكون عم تأذي معدتك وممكن تسبب #تخريش لبطانة المعدة بسبب المواد #الحامضة يلي فيه

✅ الصح انك تستفيد من هالمشروب المميز ومن فوائدو وتشربو على معدة مليانة .

وبعد هالنصيحة تعو نحكي شوي عن التمر الهندي

🍁 كان يستخدم في الطب #التقليدي لعلاج الإسهال والإمساك والحمى
وكانوا يستخدموا اللحاء والأوراق لتعزيز #التئام الجروح .

🍁 يحتوي على البوليفينيول يلي الو خصائص مضادة #للأكسدة ⬅️ بتحمي من أمراض القلب والسكري وبتنظم مستويات الكوليسترول وبتقي من السرطان .

🍁 مستخلص #البذور بيساعد بخفض نسبة السكر بالدم ، أما مستخلص #اللب بيساعد على #فقدان_الوزن ومرض الكبد الدهني

🍁 بيحتوي كمان على مغنيزيوم وبوتاسيوم وحديد وكاالسيوم وفوسفور وفيتامينات B1,B2,B3
وكمية #قليلة من فيتامين C وفيتامين K وB6 وحمض الفوليك و B5 والنحاس والسيلينيوم .

🍁 وغير هيك كمان بيحتوي على مركبات طبيعية الها تأثير مضاد #للميكروبات ( مضاد فطري وفيروسي وبكتيري)
واستخدموه بالطب التقليدي لعلاج أمراض مثل #الملاريا

🍁 أما استخداماتو المنزلية : لاقوا انو #لب التمر الهندي بيحتوي على حمض الطرطريك يلي بيساعد بازالة #البقع من النحاس والبرونز .

بتحبوا التمر الهندي وأيمت بتشربوه ؟ 😋

◼️الصيدلانية آيات حسين
◼️المصدر :healthline
◼ميددوز - منصة الصحة السورية

🌐 تابعونا ع الانستغرام || https://bit.ly/2LNgb3E

#ميددوز_تغذية #رمضان #تمر_هندي

⭕ #متلازمة »» " #فـرط_نـشاط_الـذاكرة " ⚠

هي حالة #مرضية يستطيع من خلالها الشخص تذكر الأحداث التي مر بها في حياته بكافة #التفاصيل !

⚡أكثر من 60 شخصا" مصابون بها حول العالم ⚡

عندكون بالعيلة في هاد #الشخص اللي بيتذكر حتى شو كان لابس بالموقف اللي عم يحكي؟ الأغلب انو ما وصل لمرحلة هي المتلازمة 😌

◾#المصدر :health line .
◾ د. رهام يحيى شروف .

للمزيد من المعلومات المهمة 👈👈 MedDose - Tweet .

تعب و #لعية_نفس و وحام ما بتوقف معاناة المرأة الحامل هون الشي المهم يلي بيزعجها وبينزع بشرتها #الجميلة ..

🔴 #الكلف

يلي بكون بشكل #بقع رمادية أو بنية بتغطي الوجه وخاصة الانف والخدين والجبهة والشفة ( عند المرأة الحامل بهي الحالة منسميه #قناع_الحمل )

وممكن كمان يكون #الكلف موجود عالرقبة أو الكتاف

🔴 شو العوامل يلي بتزيد من احتمالية حدوث الكلف ؟؟

أصحاب البشرة #الداكنة بصير عندهم بشكل أكبر ..

تغير الهرمونات بالجسم نتيجة #الحمل

أو وقت تتناول المرأة حبوب لمنع الحمل بالإضافة للتعرض لأشعة الشمس

وجماعة العناية بالبشرة لازم ننتبه انو في انواع من المستحضرات بتهيج البشرة وبتأدي للكلف ..

وممكن #العامل_الوراثي يكون الو دور ( منلاقي بالعيلة الأم وبناتها مثلاً عندهم كلف )

🔴 والعلاج؟

بحال كان السبب هو الحمل 👈 رح يختفي بعد الولادة

وبحال السبب هو حبوب منع الحمل 👈 فبتوقيفها رح يختفي

ممكن هالشي ياخد أشهر وممكن يضل طول العمر!

وهون ممكن تستخدم السيدة علاج #دوائي بيوصفو طبيبها المختص قد يكون بشكل كريمات أو غسول ..

🔴 لهيك وحفاظاً على جمال بشرتك مننصحك للوقاية من ظهور بقع الكلف باستخدام #الواقي_الشمسي وقت التعرض للشمس أو وضع الطاقية

🔴 ما مننسى انو الكلف #مانو_مؤذي أو مخيف من الناحية الصحية بس مزعج كونو بأثر عالناحية الجمالية ..

ودمتم بألف خير وصحة 💚

▪️ د . هدى البخيتان
▪️ #ميددوز_جلدية
▪️ #المصدر: Medical News Today

🌐 تابعونا ع الانستغرام || https://bit.ly/2LNgb3E

🔴 #كورونا_إلى_أين؟ 👈🏻 #أخبار_سارة ‼️

لقاح يتم تجريبه بدئياً على البشر ضد فايروس #كورونا و يظهر نتائج #إيجابية و مستويات من #الأجسام المضادة القابلة للرصد !!.

🌐تابعونا ع الانستغرام || https://bit.ly/2LNgb3E

دخلتي ع المطبخ لتبلشي تحضير ل #الإفطار
فتحتي كيس #البطاطا و لقيتي طبقة خضرا عليها 🤔

شو هي الطبقة و من وين اجت؟
بتستعمليها و بتكملي #طبختك؟ أو بتكبيها؟

🔴 معنا اليوم فيكي تعرفي #الجواب

👈 عند تعرض البطاطا للضوء ، يتم انتاج صبغة الكلوروفيل يلي بتحول لون البطاطا للأخضر و بتحفز تشكل مركبات سامة من أهمها مادة #السولانين.

👈 تعتبر الثمار #سامة ازا وصل تركيز السولانين فيها 1.25-2ملغ/كغ.

👈 السمة المميزة للتسمم بالسولانين هي #الغثيان و الإقياء ، الاسهال، التعرق، الصداع و آلام المعدة.

👈 بالحالات #القصوى ممكن يصير عنا شلل و صعوبة بالتنفس و غيبوبة تنتهي بالموت.

🔴 ازا #قشرت البطاطا و بشيل الطبقة الخضرا بحمي حالي من هالمادة ؟

👈 مستويات السولانين بتكون عالية بالقشرة لهيك تقشير البطاطا #يقلل من مستويات السولانين بشكل كبير

👈 في دراسات بتقول إنو تقشير البطاطا يزيل ما لا يقل عن 30% من المركبات النباتية السامة.

👈 بالمقابل، الشوي أو القلي ما بيقلل من مستويات السولانين.

⚡ #حاولي ما تعرضي البطاطا للضوء او درجات الحرارة المنخفضة او المرتفعة، و خزنيها بمكان جاف و معتدل الحرارة و مظلم .

⚡ و ازا كانت حبة البطاطا خضرا كتير و طعمها مر من الافضل التخلص منها و عوضك ع الله 😅

تضلوا بخير ❤

◼ #المصدر : hralthline
◼رغد فهد الحلبي
◼️ #ميددوز_تغذية

🌐تابعونا ع الانستغرام || https://bit.ly/2LNgb3E