#دواء ❤

《 نزل مطر و اخدت برد و #احتقن_انفك ؟ 😉😉 》
رح نحكي عن دوا من الشائع استخدامو ك OTC يعني بدون وصفة طبية 😉 وفوراً وقت منرشح ركض عالصيدلية لنجيب مستحضر بيدخل بتركيبو غالباً ..

بسودو ايفيدرين
PSEUDO EPHEDRINE
من زمرة مضادات الاحتقان 👃👌

*الاستطبابات:

•مقلد ودي يعطى في حالات الاحتقان الانفي 😪
•المستحضرات ذات التأثير الموضعي منه أكثر فعالية من التأثير الجهازي .."لكن" يجب الانتباه لموضوع الاحتقان المعاود "أقصى حد لاستعمال القطرة او البخاخ الانفي الحاوية على مضاد احتقان 5-6 أيام"
•هو من أدوية الOTC متل ما حكينا فوق 👆يعطى بدون وصفة 🤗

*التحذيرات :

•المستحضرات جهازية التأثير تؤخذ بحذر بالنسبة لمرضى الضغط..السكري..فرط نشاط الدرق..الزرق..مرضى البروستات...
•يتداخل مع مثبطات أنزيم الMAO (أدوية مضادة للإكتئاب)

•أيضاً يستخدم بحذر بحالة القصور الكبدي والكلوي

*الحمل:

•سجلت حالات نادرة من انشقاق البطن الخلقي بعد استعمال البسودو خلال الثلت الاول من الحمل.
•قد يسبب احتباس للحليب لذا لايستخدم في بداية الارضاع او في حال قلة الحليب.
*الآثار الجانبية:

غثيان اقياء صداع لانظميات ارتفاع ضغط

*الجرعة:

🚫لا يعطى للأطفال تحت 6 سنوات..رغم أنه يدخل في أشكال صيدلانية موجهة للشريحة العمرية تحت 6 سنوات كالشرابات..

•البالغين حتى 4 حبات يومياً عيار 60 ملغ مع مراعاة الادوية المتواجدة في حال المشاركات..

#الصفحة_الطبية
#ميددوز 🌸

#أطفال ❤

#انتبه 👌

🎈اليوم رح نحكي عن حالة مهمة جداً و ممكن تصادف أي دكتور منّا 👍

وأنت قاعد بعيادتك رح تجي أم ومعها ابنها 👩‍👦الولد حالتو صعبة كتير 😣 مبين عليه تعبان وحرارتو مرتفعة ، وقالتلك الأم انو بلشت معو هالأعراض فجأةً 😱

🔸️لما بلشت تستجوب بالتأمل شفت أنو الولد تعبان وعندو صرير ( ⬅️صوت عالي النبرة ناتج عن اضطراب مرور الهواء بالحنجرة )، وعم يسيل اللعاب من تمو والولد آخد وضعية الاستناد الثلاثي (موضحة بالصورة) 👇
《جلوس مع انحناء للأمام 》

🔴للأسف في دكاترة بتفكر هالأعراض أعراض التهاب بلعوم بس طبعاً الطبيب الشاطر رح ينتبه انو هي مو أعراض التهاب بلعوم عادي 😉💡

《حالة فجأةً + صرير + إلعاب +وضعية استناد ثلاثي》
كل هالعلامات بتدل على ⬅️

#التهاب_لسان_مزمار_حاد
🔹️المرض سببه جرثومي وللأسف يعد حالة مهددة للحياة😓

🔥لازم نعرف أنو في أخطاء ممكن تكون قاتلة بهالحالة:

✅انتبه أنك تحاول تفحص حلق الولد بخافض اللسان لانو هالشي رح بسبب تشنج حنجرة ويختنق الطفل ويموت😢

✅لا تحاول تعطيه إبر مسكنات لانو إذا خاف الولد واتضايق ممكن كمان تتشنج حنجرتو و يختنق😢

🔵طيب شو التدبير بهالحالة ؟؟
🔹️الحالة إسعافية 🚑 لازم تاخد الطفل ع المشفى مباشرةً و ما لازم ينفحص إلا بغرفة عمليات وبوجود طبيب قادر على التنبيب وخزع الرغامى إذا لزم الأمر ويتم الفحص بالمنظار المرن 👌

🔶️طبعاً هدفنا الأول هو الحفاظ على الطريق الهوائي وأكييد بعدها منعطي الطفل الصادات الوريدية المناسبة والمسكنات✌

🔥انتبه تطلب صورة شعاعية للتشخيص لأنو رح تأخر التشخيص وممكن تتشنج الحنجرة بهالوقت 😣 بس إذا صار وعملنا الصورة رح نشوف علامة انطباع الإبهام (موضحة بالصورة) 👇

صحتكن غالية كتير 💜

رنيم صالح الحسن 🌸

#الصفحة_الطبية ❤
#ميددوز💕

#تذكر ❤

★أن الستيروئيدات لا تزيد الوزن، إنما تزيد الشهية
(وبالتالي يمكن ضبط الوزن من خلال ممارسة الرياضة و اتباع حمية مناسبة)😉 .

★ضرورة الانتباه لوارد الكلس عند العلاج بالستيروئيدات:

●مريض بياكل بيض و حليب و تغذيته جيدة=لا داعي لإعطاء الكلس و فيتامين D.

●مريض سيء التغذية=يجب إضافة الكلس وفيتامين D مع العلاج.

●مريضة بعد سن اليأس=إضافة فيتامين D و الكلس و البيفوسفونات.

#لا_تنسَ الستيروئيدات سلاحٌ ذو حدين...

ع قد ما بتتعامل معا بحكمة ، ع قد ما بتعطيك شغلات حلوة ❤

ريكاردا الواو 🌸

#الصفحة_الطبية ❤
#ميددوز 💕

#مشكلة_شائعة ❤

《حرارة اليدين 》

✅رح نتعرف على أهم أسباب حرارة الكفين :

✔ حرارة الجو المرتفعة ☀️.

✔ ممارسة تمارين رياضية فهي تزيد تدفق الدم . 🏌️‍♀️

✔ ارتفاع ضغط الدم ⬆️.

✔ التهاب نسيج خلوي بعد إصابة أدت إلى دخول الجراثيم عبر الجلد #ويرافق الحرارة هنا تورم وألم واحمرار .

✔ التهاب مفاصل روماتوئيدي #يرافقه ألم وضعف وصعوبة في أداء بعض حركات اليدين .

✔ متلازمة نفق الرسغ التي تتضمن أذية العصب الناصف لعدة أسباب منها مشاكل في الغدة الدرقية أو إصابة رضية أو انضغاطية #وتترافق بشعور خدر ونمل في اليدين.

✔ أذية الأعصاب المحيطية جراء الإصابة بمرض مثل السكري #وتترافق بشعور وخز باليدين .

✅في حال لم تتراجع حرارة الكفين بشكل عفوي يفضل مراجعة الطبيب #خصوصاً إذا ترافقت مع حمى عالية أو أعراض مرافقة أخرى .

علياء حرب 🌺

#الصفحة_الطبية 💕

#ميددوز ❤

#هضمية ❤

<رأس الميدوسا> 🐾🐾

توسع أوردة شديد في سياق حالة متقدمة لفرط توتر وريد الباب 🙄 portal hypertenion.

الميدوسا: شخصية قبيحة جداً، يقال أنها الدمية المستخدمة لإبعاد الغراب و الطيور{الفزاعة يعني😜}.

ريكاردا الواو 🌸

#الصفحة_الطبية ❤
#ميددوز💕

#دواء 💙💊

اليوم موضوعنا عن "أشيع الأدوية المتداولة من قبل الجميع، والآمن بنظر المجتمع للصغير والكبير".👈🏻 عن #السيتامول☺
⁉يا ترى هل السيتامول آمن بالفعل! وهل يتداخل مع الأدوية!!
⁉ هل يعطى للحامل!! وما هي آثاره الجانبية؟؟ 🤔

🔍السيتامول/ أو باراسيتامول/ أو أسيتامينوفين (ممكن ينكتب على علبة الدواء أحد هذه الأسماء)⬅ يستخدم كخافض حرارة ومسكن ألم.😇
_ متواجد بعدة جرعات وأشكال صيدلانية مختلفة(شراب، مضغوطات، تحاميل...) مما يجعل استخدامه ممكن من قبل جميع الفئات العمرية.😍

_أكثر دواء آمن للرضع والأطفال، وكمان للمرضع وللحامل عند الضرورة( لأنه هناك دراسات حديثة تقول بأن تناوله خلال الحمل قد يسبب عند الطفل متلازمة فرط النشاط وقلة الانتباه ADHD)، ولكن كمسكن السيتامول أفضل من جميع الأدوية.🤓

_ أما بالنسبة للتداخلات والآثار الجانبية، لا يوجد دواء آمن تماماً،🤨
_ أشيع تداخلاته مع(الوارفارين، المهدئات،أدوية الصرع، الكحول).

_وأهم أثر جانبي هو #الفشل_الكبدي وذلك عند تجاوز الجرعة المحددة😱، فيمنع إعطاؤه عند المرضى الذين لديهم مشاكل كبدية، مرضى الفوال(عوز G6PD) ،وعند الكحوليين🍻.

_تكرر جرعة السيتامول كل 4-6 ساعات حسب الحالة المرضية وحسب توصيات الطبيب😊.

_ الأسماء التجارية:
▪تيمبرا / بين-و-رون (شراب أطفال)
▪بانادول /بارادرين / سيتامول تاميكو (مضغوطات)

آخر شي أعزائي..رجاءً ما تاخذو السيتامول بشكل عشوائي لحتى يظل يأثر بجسمنا، وكمان ما تاخذوه مع أي دوا ثاني بدون علم الطبيب والصيدلاني.😉

مروة أكرم واكد.

#الصفحة_الطبية
#ميددوز❤

#تغذية ❤

《ليش البنات بيحبوا اليالنجي كتير 》

✔ يحتوي على أوميغا ٣ (مشان تركزي بدراستك 🙇‍♀️) .

✔ يحتوي على ألياف (مفيد بالريجيم يلي ع أساس عم تطبقيه😉 ) .

✔ يحتوي على حديد ( لوقايتك من حدوث فقر دم ) .

✔ يحتوي على فيتامين C (بيدعم جهازك المناعي وبخلي بشرتك مشرقة 🌞) .

✔ يحتوي على فيتامين A (بيحافظ على صحة عيونك 👀 ).

✔يحتوي على كالسيوم ( مشان عظمك يضل قوي ) 💪👊.

✅ومن عندي مضاد اكتئاب لانه لذيذ ومافيه سعرات حرارية كتيرة ، وبيمرّن عضلات ايديكي أثناء اللف 😌.

✌ يالنجي علاجي 😌 ✌

علياء حرب 🌺

#الصفحة_الطبية 💕
#ميددوز ❤

#طب_نفسي ❤

<<الانخداعات>>

●تُعرَّف الانخداعات : بأنها إدراك خاطئ لمنبه حسي موجود أصلاً
(هذا ما يميزها عن الإهلاسات التي هي إدراك دون وجود منبه خارجي).

●قد تأتي الانخداعات عند أناس أسوياء دون مرض نفسي
{نفرقها عن الحالة المرضية بأن الشخص هنا يعرف أن ما يرى ليس بواقع...وهذا ما يُمارس بألعاب السيرك و الخفة}.

●أما الانخداعات المرضِيّة عند :
1-المرضى النفسيين كالفصام.

2-بعد العمليات الجراحية : بسبب نقص الأكسجة الدماغية، و هي حالة مؤقتة سرعان ما تزول(مو الكل بتصير عندن 😇).

...كأن يظن المريض أن الممرضة التي تعطيه الإبرة مثلاً شخص قادم ليقتله 🙄.

ريكاردا الواو 🌸

#الصفحة_الطبية ❤
#ميددوز 💕

#مشكلة_شائعة ❤

《 بتاكل أكتر منك وجسما أحلى منك 》

شو السر برأيكن🤔 ؟!

✅ عدة أسباب لعدم كسب الوزن #رغم تناول الطعام بشكل طبيعي :

١. تناول العديد من الأطعمة التي تُشعر بالشبع ولكن ذات سعرات حرارية قليلة مثل الشوربات والسلطات والفواكه .

٢. ممارسة جهد عنيف أو رياضات عديدة بحيث تخسري حريرات أكثر مما بتكتسبي من الطعام .

٣. السبب الجميل😍 له علاقة بمورثاتك ، وجدوا بعدة تجارب قارنت بين شخصين تناولوا نفس الطعام ومارسوا نفس التمارين، لكن أحد الشخصين ضل نحيف لانه جسمه كان بيستهلك حريرات أكثر .

٤. السبب الغير جميل 😥 هو السبب المرضي يلي بيتضمن فرط نشاط درق ، سكري غير مشخص ، أمراض هضمية مزمنة ، أخماج ، أورام وأي مشاكل تانية بترفع معدل الاستقلاب بالجسم بحيث يصير كسب الوزن صعب .

✅ بنصحك تشوفي طبيب ليقرر سبب حالتك ويتخذ العلاج المناسب ، #ثم اتباع بعض النصائح يلي بتساعدك لتكسبي وزن مثل :

✔ تخطي وجبة من الوجبات الرئيسية بتبطئ معدل الاستقلاب بالجسم ،لانه بصير الجسم بوضعية حفظ الطاقة بدلاً من صرفها بالإضافة انه بخليكي تاكلي اكتر .

✔حاولي بالوجبة الوحدة يكون في إضافات عديدة مثلاً معكرونة مع دجاج وخضار وصوص وجبنة كاملة الدسم ، مع القهوة سكر ومبيض وحليب وهكذا 😏.

✔ لاتشربي ماء قبل الوجبات حتى ماتتعبى معدتك .

✔ وجبات إضافية أكثر من تفتيحة عيونك لوقت يلي بتنامي.

✔كبري الصحن يلي عم تاكلي فيه .

✔عدم التدخين .

✅بالنسبة للمتممات الغذائية الدوائية #لا تؤخذ دون وصفة طبيب ليحددلك اذا فيكي تاخديها وكم المقدار اللازم لتحصلي على الفائدة القصوى.

علياء حرب 🌺

#الصفحة_الطبية 💕
#ميددوز 💕

#طفيليات ❤

اسم المرض يلي بالصورة ⏪ #داء_الفيل 🐘🐘

سببه⬅دودة اسمها #الفخرية البنكروفتية 🐉 #wuchereria_bancrofti

الانتشار ⬅الأشيع في المناطق الاستوائية..🌞🌝

مي حسنة 🌻

#الصفحة_الطبية
#ميددوز 💙

#أشعة ❤
#صورة_صدر_بسيطة

⭕تظهر على الصورة العديد من العقيدات nodules في كلتا الجهتين من الصدر .
🔺توزع متناظر "تقريبا" Symmetrical distribution.
🔺تواجد للعقيدات بشكل أكبر عند قاعدة الرئة.

◀المعلومات السريرية:
مريض يعاني من زلة تنفسية + نقص وزن

⚪التشخيص: نقائل سرطانية للرئة Metastases

#الصفحة_الطبية
#ميددوز 🌺

#حالة_إسعافية 🚑🚑

🙍 ابني ارتفعت حرارتو كتيرررر 😰 وانا خايفة كتير يادكتور شو ممكن تعمل الحرارة المرتفعه فيه😥😭

👨 الحرارة المرتفعه لطفل رضيع ممكن تأذي الدماغ وتسببب أذيات عصبيه غير عكوسه

😱 دكتور قول غيرها شو فيني اعمل

👨 بسيطه يا اختي ما تخافي الحل كتييير سهل بتعملي مغطس مي دافيه وبتصيري بتزيدي مي باردة شوي شوي حتى المي تصير كلا باردة وتسحب الحرارة من جسمو😉
مافي ارخص من المي كتري منا ودددللي ابنك بتعالجي وهو عم يلعب ويضحك 👼🏻🤱🏼

🙍طيب دكتور ليش ماحطيت فورا مي باردة 🤔

👨الجسم بتصيبو صدمة من الانتقال من الجو الدافئ جدا للبارد جدا فنضيفها بشكل تدريجي

اللله يحميلك ياه قمر ماشاللله 😚 👼🏻

ولادنا امانه برقبتنا تعلمنا لكم حركة صغيرة ما بخسرنا شي😍

طيف الحولي...🌸🌸

#ميددوز

#معلومة ❤
《 رائحة الفم الكريهة 》

👈أسبابها:

1- بقايا الطعام المتفسخة ضمن الفم ويأتي هذا السبب بالمرتبة الأولى .
2-أمراض اللثة ..
3- التهاب بالجيوب الأنفية ..
4-القلس المعدي المريئي..(مثل ارتداد مواد متعفنة)..
5-مشاكل كبدية..
6-الفشل الكلوي..
7-السكري..
8-خلل في عمليات الاستقلاب.
9-التدخين وجفاف الفم وتناول بعض الادوية.
وتوجد أسباب أخرى أقل شيوعا.

روزين ونوس💖

#الصفحة_الطبية
#ميددوز❤️

#حالة_شائعة❤

👸يا دكتور دخيلك ابني ما بعرف شو صرلو تقول شيطان وراكبو😳 شي اقياءات وشي هلوسة وشي بصير يرجف حاسه انو راح ابني من ايديي😣😣

👨وكلي الله يا خالتي شبك روقي شوي وفهمينا القصة ابنك بيشرب شي ؟

👸 كان يشرب كثير بس عرف انو زعلت منو تركو فورا ومبارح صار هالحكي 😕

#خلينا_نشوف_شو_صاير_مع_هالبطل😌

#متلازمة_السحب_الكحولي💙

_هي عبارة عن مجموعه من الأعراض اللي تحدث عند الشخص المدمن على الكحول وانقطع فجأة عن شربه وهذه الاعراض ممكن تحدث بعد 6 ل 24 ساعه من الانقطاع وقد تشاهد بعد ساعتين في حالات التعود الشديد 😯

#الأعراض
اكتر شي منشوف التأثيرات على الحهاز العصبي المركزي وتتراوح شدة هذه الأعراض من شديدة أو متوسطه أو خفيفه حسب درجة التعود والمدة و هذه الأعراض هي :
- ارتعاش في اليد👋
-أرق😣
-غثيان وتقيؤ😷
-هلوسات عابرة😱
- اهتياج نفسي حركي💃
- توتر😒
- النوبات التوترية الرمعية 😣
-خلل الوظائف المستقلة😩
-حالة من زيادة الإفرازات الأدرينالينية(أعراض ودية)😔
- ارتباك، ارتعاش، تعرق غزير😓
-ضعف في التركيز والوعي،😵
-هلوسة سمعية وبصرية 💀👻
#العلاج:
الحل الجذري هو بالابتعاد عن الكحول😜 وعدم الاكثار منه و تجنب الإدمان عليه من الاساس 😀
طيب صار اللي صار وابن الخالة تعود😅هون لازم يخفف تدريجيا مو يبطل فجأة ويعملي فيها البطل المغوار اللي صرلو مدري قديش بيشرب وبدو بيطل بين يوم وليلة 😂
واذا صار هيك و انقطع المريض فجأةعن الشرب وصارت معه الأعراض السابقة يفضل نقله الي المشفى فورأ لتقديم العلاجات المناسبة ❤

#ملاحظة:
ظاهرة التعود تشمل بعض الأدويه واهمها المشتمله على المورفينات ومشتقاتها وتظهر ايضا عند تعاطي المخدرات(الحشيش).

#دمتم_سالمين❤

رأفت وليد بحصاص❤

#الصفحة_الطبية
#ميددوز 💖

#جلدية❤

《 الحاصة الأنثوية الأندروجينية 》

🔻تحدث خفة أشعار منتشرة، عادة بين 20_40 سنة من العمر لا سيما في منطقة الإكليل (التاج) من الفروة.

🔻خسارة شعر مترقية باتجاه الحافة الجبهية لتعطي منظر شبيه ب #شجرة_الميلاد .

🔻هذه الحالة لا تستدعي القلق لأنها غالبا ما تكون وراثية وارتفاع الاندروجين معتدل.

🔻المرأة تصاب وراثيا ب #خفة_أشعار أما الذكر ب #الصلع

🔻إذا أصيبت النساء بالنمط الذكري فغالبا ما تعاني من : متلازمة كظرية تناسلية، أورام منتجة للأندروجين، بالإضافة للإستعداد الوراثي.

أنور الجزاع 🌺

#الصفحة_الطبية
#ميددوز ❤