#معلومة💡

◀الفرق بين مصطلحي in vitro & in vivo :

🔶كلاهما مشتق من اللاتينية :
⏳in vitro: يعني في الزجاج

⏳in vivo : تعني في الكائن الحي

💠نطلق مصطلح in vitro : على التجارب والدراسات التي نقوم بها في المختبرات ( مثل الالقاح كما يتم في طفل الأنابيب) .

💠نطلق مصطلح in vivo :
على الدراسات والتجارب التي نقوم بها على الكائنات الحية من انسان ، نبات او حيوان ؛ وهي نوعين :

☝Clinical trials : تجارب سريرية على الانسان ، كما في اختبارات الأدوية وتأثيراتها.

✌Animal testing : باستخدام الحيوانات .

#الصفحة_الطبية

#ميددوز💕

سابينا منصور💜

#باطنة_غدية❤

التثدي #أحادي الجانب يجب اعتباره سرطانة في الثدي حتى يثبت العكس.

((التثدي : وجود نسيج غدي في الثدي عند الذكر)).

#الصفحة_الطبية ❤
#ميددوز.💕

علياء حرب 🌸

#باطنة_غدية❤
<< عم يشرب كحول فجأة لا من تمه ولا من كمه 😨 >>

هاد مريض السكري ☹.

✅يفضل ابتعاد مريض السكري عن تناول الكحول لعدة أسباب منها:

✔ يخفف الكحول فعالية الأنسولين وبعض أدوية السكري الفموية .

✔يؤدي إلى هبوط خطير في سكر الدم قد يُحدث #فقدان_وعي ، لأن الكبد سينشغل بتصفية الكحول من الدم بدلاً من المحافظة على استتباب سكر الدم وأيضاً يثبط الكحول أنزيمات استحداث السكر .

✔يسبب الكحول زيادة في الشهية ممايؤدي لتناول كميات أكبر من الطعام وبالتالي مستويات سكر أعلى في الدم .

وغيرها من التأثيرات على أجهزة الجسم جميعها .

✔لذلك يفضل للمريض الذي يريد تناول الكحول ولديه اضطراب في سكر الدم مراجعة الطبيب لتحديد المسموح والمقدار منه .

#الصفحة_الطبية ❤

#ميددوز💕

علياء حرب 🌸

#توعية❤

عنّا الأهل بيفرحوا كتير وما بيصدقوا لما يصير عمر ابنهن 6 أشهر.. ليش 🤔 لأنو اجا الوقت ليدخلوا أغذية جديدة لهالطفل👶👼😍

بتجي الأم ما بتخلي خضرا وفواكه بالسوق إلا وبتجيبا وبتسلقا سوا مشان تطعميه لأنو بتفكر انو كل ما نوعت أكتر بتزيد القيمة الغذائية 😉
هلأ هالشي صح انو كل ما نوعنا بتزيد القيمة الغذائية👌

🔶️طيب لكن شو الخطأ بهالحالة؟
🔸️️الخطأ انو نخلط للطفل كل شي سوا ومن البداية ....المفروض لما بدنا نبلش ندخل أغذية للطفل ندخل صنف صنف وما نعمل خليط سوا ✌
مشان إذا صار تحسس 😓 نعرف من أي نوع تحسس هالطفل ونلغيلو ياه 👍

انتبهي لصحة طفلك ❤ مافي أحلى منن ❤

رنيم صالح الحسن🌸

#الصفحة_الطبية❤

#ميددوز💕

#صورة ❤

وحمة الفريز Strawberry nevus ❤

#لصحة_طفلك ❤👶
#توعية 💜

((يمنع منعا باتا🚫🚫 اعطاء العسل ومركباته للاطفال مادون عمر السنة 👌))

☆ السبب :
الجملة الانزيمية لديهم غير مكتملة ، ومن المعروف ان العسل مصدر لجراثيم المطثية الوشيقية 😨😵

هذه البكتريا تفرز ذيفانا ساما يمكن ان يسبب نوع من الانسمام الغذائي ؛ وان كان نادرا فقد يكون مميتا وذلك بثأثيره المثبط للجهاز العصبي التنفسي 😎

غالب غسان الحلبي
#ميددوز ❤

#Pathology ❤

🔬رؤية مجهرية تظهر مقاطع لورم غدي "Adenoma" في سياق الإصابة بداء البوليبات الغدي العائلي (FAP).

🔬العينة مأخوذة من مخاطية كولون طبيعية "أغوار ليبركون" متواجدة بين البوليبات التنشؤية.

#الصفحة_الطبية
#ميددوز🌸

#فيديو ❤

《آلية حدوث المخاض و الولادة》

#عصبية ❤
#باركنسون 👏

الملاكم العالمي المشهور "محمد علي كلاي " 💪👊🏋انصاب بعمر ال 42 بمرض عصبي يلي هو "باركنسون "😐 🔚قضى عليه بالتدريج...لحد ما توفى من كم سنة ..💔💔

❔شو هاد باركنسون؟

👊باركنسون مرض عصبي مترقي⏪ "يعني كل فترة ح تظهر أعراض جديدة وتسوء حالة المريض " بيأثر عالجهاز العصبي والحركي للانسان...

❔شو أعراض هالمرض؟؟

🔴رعاش "رجفان لا ارادي" ⬅عادة بيبدأ بالاطراف والأشيع يبدا باليد والاصابع👋 ومع الوقت بقلل قدرة الانسان على القيام بأبسط اعمالو اليومية 🙄"عادة هالرعاش بالراحة "

🔴صمل عضلي "تصلب عضلات"⬅بتصير حركة العضلات محدودة وبتسوء مع الوقت

🔴مشاكل بالتفكير 🤔🤔

🔴حركات لا إرادية ❕

❔طيب شو بصير خلال هالمرض ؟؟
👊بصير فقدان تدريجي مترقي لخلايا عصبية بتفرز مادة "الدوبامين "👈يلي هي مرسال كيميائي عصبي ف بصير عنا الأعراض السابقة ⬆

❔مين الناس المعرضة للإصابه فيه ؟؟

🔴العمر ⬅مع تقدم العمر بتزداد نسبة الاصابة 👴"نادر بالشباب "
🔴الوراثة ⬅وجود اصابات متعددة بالعائلة بتزيد خطورة الاصابة
🔴الرجال أكثر عرضة للاصابه من نساء 👨👦

❔شو علاج هالمرض؟؟

👊للأسف ما في علاج شافي للمرض💔💔إنما بيعطوا أدوية للتخفيف من شدة الأعراض ....

💣السبب الحقيقي للمرض لا زال مجهول ❔❔يعتقد علماء سببو وجود طفرات بمورثات معينة

💣تشاهد أجسام "ليوي "بالدماغ عند المصابين 👀

💣في دراسات بتقترح انو الكافيين...الشاي الأخضر☕..تمارين الايروبيك "قد" تقلل خطرالإصابة ⬇⬇

مي حسنة 🌼

#الصفحة_الطبية
#ميددوز 💙

#جلدية ❤

¤تظهر الصورة إصابة بالحلأ النطاقي Herpes zoster (أو ما يسمى لدى العوام ب زنار النار)
شملت الإصابة الفيروسية كلٍ من الضفيرة العصبية الرقبية و العضدية.

جودي سليمان 🌸

#الصفحة_الطبية
#ميددوز

#أعشاب_طبية 🌿🌿💜💜
#الحلبة

( رح نحكي اليوم عن عشبة متوفرة كتير بس يمكن مامنعرف أنو في إلها هالفوائد العظيمة )

✔ الاستعمالات الداخلية :
1. تخفض ⬇⬇ سكر الدم
2. تخفض⬇⬇ الكوليسترول والشحوم الثلاثية
3. مغلي بذور الحلبة يفتح الشهية ويزيد الوزن وفينا نخلط معاه عسل
4. منقوع الحلبة على الريق طارد للديدان المعوية
5. مدرة للحليب
6. تخفيف آلام الطمث
7. علاج الامساك

✔الاستعمالات الخارجية :
1. علاج مشاكل الشعر : طحن بذور الحلبة + الألوفيرا يفيد في منع تساقط الشعر
2. علاج مشاكل البشرة : تفيد في التخلص من الرؤوس السوداء وحب الشباب
3. معالجة الخراجات والداحس

❌تحذيرات :
1⃣لاتعطى للاطفال تحت السنتين
2⃣لا تعطى للحامل لانها منبهة للرحم وبتسبب اجهاض
3⃣لاااا تعطى مع مضادات تخثر الدم ( وارفارين و الاسبرين... )
4⃣لا تعطى مع الادوية الهرمونية ( التيروكسين...)

* ممكن تسبب تغير رائحة البول العرق

#ميددوز 💜 💜

#أطفال ❤
#الصرير

🔷التشخيص التفريقي:

🔹خانوق (سعال نباحي وبحة صوت، يسبق بأعراض انفلونزا)
🔹التهاب الرغامى الجرثومي :(حرارة، حالة سيئة)
🔹التهاب لسان المزمار (حرارة ، حالة سيئة جدا، ألم حلق شديد ،سيلان لعاب ،الطفل فاتح فمه )
🔹تشوهات خلقية : صرير متكرر أو مستمر منذ الولادة .
🔹استنشاق جسم أجنبي :(يترافق مع سعال شديد بالمرحلة الحادة ، اختفاء الوزيز وتكرر ذات الرئة يوجه....)

🔶التدبير :

🔸#لا تفحص الحلق
🔸ابحث عن علامات نقص الأكسجة ،تدهور العلامات الحيوية .
🔸إذا كان الصرير شديد 👈🏻 #ابنفرين عن طريق الإرذاذ واستدعي طبيب تخدير .
🔸إذا تطور قصور تنفسي ، ازداد الانسداد أو ازدادت المفرزات 👈🏻#تنبيب_رغامى.
🔸عند وجود قصة جسم اجنبي 👈🏻 #مناورة_دفع_البطن_لهايمليش.

أنور الجزاع 🌼

#الصفحة_الطبية
#ميددوز 💙

#جراحة_عظمية ❤

<<كسر الحب😍>>

●كسر العقب: أو مايعرف بكسر الحب 😎

●ينجم عن السقوط من شاهق
{بكون على الأسطوح عم يشوف حبيبتو😜،بيجي بيطلع أبوها من هون و هو بنط من هون 🤐😂}

●يسبب تشوه في القوس الطولانية للقدم=قدم مسطحة=صعوبات في المشي و ارتداء الأحذية .

ريكاردا الواو 🏵

#الصفحة_الطبية ❤

#ميددوز 💕

#دواء ❤

《 نزل مطر و اخدت برد و #احتقن_انفك ؟ 😉😉 》
رح نحكي عن دوا من الشائع استخدامو ك OTC يعني بدون وصفة طبية 😉 وفوراً وقت منرشح ركض عالصيدلية لنجيب مستحضر بيدخل بتركيبو غالباً ..

بسودو ايفيدرين
PSEUDO EPHEDRINE
من زمرة مضادات الاحتقان 👃👌

*الاستطبابات:

•مقلد ودي يعطى في حالات الاحتقان الانفي 😪
•المستحضرات ذات التأثير الموضعي منه أكثر فعالية من التأثير الجهازي .."لكن" يجب الانتباه لموضوع الاحتقان المعاود "أقصى حد لاستعمال القطرة او البخاخ الانفي الحاوية على مضاد احتقان 5-6 أيام"
•هو من أدوية الOTC متل ما حكينا فوق 👆يعطى بدون وصفة 🤗

*التحذيرات :

•المستحضرات جهازية التأثير تؤخذ بحذر بالنسبة لمرضى الضغط..السكري..فرط نشاط الدرق..الزرق..مرضى البروستات...
•يتداخل مع مثبطات أنزيم الMAO (أدوية مضادة للإكتئاب)

•أيضاً يستخدم بحذر بحالة القصور الكبدي والكلوي

*الحمل:

•سجلت حالات نادرة من انشقاق البطن الخلقي بعد استعمال البسودو خلال الثلت الاول من الحمل.
•قد يسبب احتباس للحليب لذا لايستخدم في بداية الارضاع او في حال قلة الحليب.
*الآثار الجانبية:

غثيان اقياء صداع لانظميات ارتفاع ضغط

*الجرعة:

🚫لا يعطى للأطفال تحت 6 سنوات..رغم أنه يدخل في أشكال صيدلانية موجهة للشريحة العمرية تحت 6 سنوات كالشرابات..

•البالغين حتى 4 حبات يومياً عيار 60 ملغ مع مراعاة الادوية المتواجدة في حال المشاركات..

#الصفحة_الطبية
#ميددوز 🌸

#أطفال ❤

#انتبه 👌

🎈اليوم رح نحكي عن حالة مهمة جداً و ممكن تصادف أي دكتور منّا 👍

وأنت قاعد بعيادتك رح تجي أم ومعها ابنها 👩‍👦الولد حالتو صعبة كتير 😣 مبين عليه تعبان وحرارتو مرتفعة ، وقالتلك الأم انو بلشت معو هالأعراض فجأةً 😱

🔸️لما بلشت تستجوب بالتأمل شفت أنو الولد تعبان وعندو صرير ( ⬅️صوت عالي النبرة ناتج عن اضطراب مرور الهواء بالحنجرة )، وعم يسيل اللعاب من تمو والولد آخد وضعية الاستناد الثلاثي (موضحة بالصورة) 👇
《جلوس مع انحناء للأمام 》

🔴للأسف في دكاترة بتفكر هالأعراض أعراض التهاب بلعوم بس طبعاً الطبيب الشاطر رح ينتبه انو هي مو أعراض التهاب بلعوم عادي 😉💡

《حالة فجأةً + صرير + إلعاب +وضعية استناد ثلاثي》
كل هالعلامات بتدل على ⬅️

#التهاب_لسان_مزمار_حاد
🔹️المرض سببه جرثومي وللأسف يعد حالة مهددة للحياة😓

🔥لازم نعرف أنو في أخطاء ممكن تكون قاتلة بهالحالة:

✅انتبه أنك تحاول تفحص حلق الولد بخافض اللسان لانو هالشي رح بسبب تشنج حنجرة ويختنق الطفل ويموت😢

✅لا تحاول تعطيه إبر مسكنات لانو إذا خاف الولد واتضايق ممكن كمان تتشنج حنجرتو و يختنق😢

🔵طيب شو التدبير بهالحالة ؟؟
🔹️الحالة إسعافية 🚑 لازم تاخد الطفل ع المشفى مباشرةً و ما لازم ينفحص إلا بغرفة عمليات وبوجود طبيب قادر على التنبيب وخزع الرغامى إذا لزم الأمر ويتم الفحص بالمنظار المرن 👌

🔶️طبعاً هدفنا الأول هو الحفاظ على الطريق الهوائي وأكييد بعدها منعطي الطفل الصادات الوريدية المناسبة والمسكنات✌

🔥انتبه تطلب صورة شعاعية للتشخيص لأنو رح تأخر التشخيص وممكن تتشنج الحنجرة بهالوقت 😣 بس إذا صار وعملنا الصورة رح نشوف علامة انطباع الإبهام (موضحة بالصورة) 👇

صحتكن غالية كتير 💜

رنيم صالح الحسن 🌸

#الصفحة_الطبية ❤
#ميددوز💕