إني خيرتك فاختاري مابين البيتزا والخيارِ 🥒

أغلبكن رح يختار البيتزا طبعاً ...
كلشي سهل وسريع وفيه منكهات رغبتكن فيه أكبر لذلك من واجبنا ننوه على أضرار الوجبات السريعة بشكل عام 🍔، وأغلب هي الأضرار بتصير اذا كان روتين الأكل #اليومي تبعكن هوي الأكل ^الجاهز^
ولمدة طويلة وكمية كبيرة مع قلة حركة .

🍕أغلب الأطعمة السريعة عالية الكربوهيدرات مع القليل او بدون ألياف وبالتالي نحنا عم ناخد سعرات حرارية لنغذي كرشنا وليس أجهزة جسمنا 🤗.

🌮وجدت الدراسات انه يلي بيتناولوا الأطعمة السريعة بشكل #متكرر متل ماحكينا بالبداية ممكن يتطور عندن مقاومة على الأنسولين وبالتالي تطور داء سكري نمط٢ .

🌭بترفع الكوليسترول السيء وبتنزل الكوليسترول الجيد وهاد الشي عامل خطر لتطور أمراض القلب.

🥓الملح الزيادة يلي فيها ممكن يسبب بارتفاع الضغط .

🍢دراسات بتقول انه ٥٠ % من يلي بياكلوا أكل جاهز بشكل شبه يومي تطور عندن اكتئاب ، ونسبة منهم تأثرت عندن الخصوبة كمان .

🥞 دراسة كمان قالت انه الطفل يلي تناول وجبات سريعة ٣ مرات أواكتر بالاسبوع كان بخطر أعلى لإصابته بالربو أو الأكزيما!

🌯فضلاً عن البدانة يلي بتسببا هي الوجبات والمشاكل العديدة الناجمة عن البدانة من سرطان لمشاكل بالجهاز الهضمي وحتى مشاكل عظمية .

وكل هي المشاكل وماخبرتكن لسا انه #قد تحرض حدوث حب الشباب🙂 .

كلشي باعتدال مابيضر خصوصاً اذا الرياضة هيي جزء من نمط حياتنا، مرة كل فترة مو غلط ونحاول مثلاً نلاقي الوجبة يلي فيا فائدة اكتر ، نخلي البيتزا بالخضار بدل اللحم الأحمر ، نحط صوص كتشب او خردل بدل المايونيز او صوص كريمي

مو قانون انه مع كل سندويشة شاورما لازم كولا لانه عم تزيد الضرر على حالك بس ، وفيك تشبع بوحدة برغر بدون كيلو بطاطا مقلية جنبا 🤗.

#حبك_عذاب 🍕

د.علياء حرب
المصدر : healthline






✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

لما يجي مريض عالاسعاف #مرتفع_ضغطو 🏥 بصيرو بنادو ساعدونا ساعدونا (Help)

وبدورن الإسعاف رح يعطوه أدوية خافضة للضغط💉 ويلي بتنعطى بالحالات الاسعافية مجموعة بكلمة (#help) 😌

H: Hydralazine
E: Esmolol
L: Labetalol
P: Phentolamine

#ميددوز_ستايل
آيات حسين 🌺

#ميددوز_والحرب_العالمية

1914_1918 الحرب العالمية الأولى 💥
اليوم ميددوز ح تخبركن عن جانب من هالحرب؛ و اللي كانت نقطة فاصلة بتاريخ الدول

ظهر بأحد سنين هالحرب حالة مرضية سُميت ب #قدم_الخنادق Trench foot

بترجع التسمية لظهور هي الحالة عند الجنود خلال وجودهن بالخنادق خلال المعارك..
وهي عدوى في القدمين ناجمة عن ظروف باردة ورطبة وغير صحية في الخنادق بحيث أن وقوف الرجال لساعات متتالية في خنادق بتغمرها المياه بدون ما يكونو قادرين على إزالة الجوارب أو الأحذية الرطبة، وبالتالي ممكن الاقدام تصير مخدّرة تدريجياً ويصبح الجلد أحمر أو أزرق ؛ و إذا لم يتم علاج الحالة يمكن أن تتحول قدم الخندق إلى الغرغرينا وتؤدي إلى بتر الأطراف 💔

💮 ولأنها كانت المرة الأولى اللي بتظهر فيها هالحالة كانت خيارات العلاج غير معروفة ولكن تم العلاج بأكتر من طريقة منها: هو أن يجفف الجنود أقدامهم ويغيرو جواربهن عدة مرات في اليوم ..بالإضافة إلى انو طُلب من الجنود تغطية أقدامهم بشحم مصنوع من زيت الحوت..و تُشير التقديرات إلى أن كتيبة وحدة في الجبهة استخدمت عشرة غالونات من زيت الحوت كل يوم

💮وبوصف لأحد الجنود عن مدى بؤس هي الحالة بقول : المظهر الها هو عبارة عن تضخم القدمين إلى ضعفين أو ثلاثة أضعاف حجمهما الطبيعي وفقدان الاحساس تماما بها بحيث إذا ضُربت بعصا ..ف الشخص ما بيشعر بشيء..
و بعض الجنود ومن شدة الألم كانو يصرخو ويضطرو بالنهاية لبتر أقدامهن بنفسن 💔

💚أما هلا ميددوز رح تخبركن رأي الطب بهالحالة بعد ظهورها الأول💁‍♀️
مابيختلف توصيف او سبب قدم الخندق عن الشي اللي ذكرناه قبل.. عُرفت أيضاً باسم #متلازمة_القدم_الغاطسة

متل متذكرنا حالة خطيرة ناتجة عن بقاء جلد القدمين رطب لفترة طويلة جداً
💚الأعراض:
◾بثور
◾احمرار الجلد
◾برودة القدمين مع خدر، حكة مستمرة، ألم عند التعرض للحرارة و تنميل

ممكن تأثر أعراض قدم الخندق فقط على جزء من القدمين، ولكن في أشد الحالات يمكن أن تمتد على كامل القدمين بما في ذلك الأصابع

💚العلاج بالتأكيد تطور عن الاجراءات المذكورة فوق خلال الحرب
اليوم بتم التعامل مع الحالة بطرق واضحة اكتر :

💮بدايةً انت بتحتاج إلى الراحة ورفع القدم المصابة لتشجيع الدورة الدموية هاد الشي بيمنع كمان ظهور بثور وجروح جديدة
💮يمكن للإيبوبروفين (أدفيل) أن يساعد في تخفيف الألم والتورم، إذا لم تتمكن من تناول الإيبوبروفين فقد يوصي طبيبك بالإسبرين أو الأسيتامينوفين (تايلينول) لتخفيف الألم "وليس التورّم"

💚عنصر الوقاية وهو الأهم ..
عدم الوقوف في الجوارب والأحذية الرطبة لفترة طويلة لان مع البرد المطول والرطوبة ممكن تفقد قدميك الدورة الدموية و وظيفة الأعصاب

وبحالات متقدمة وبمرور الوقت المضاعفات رح تزيد متل:
بثور شديدة
عدم القدرة على المشي على القدمين المتضررين
الغرغرينا أو فقدان الأنسجة
تلف العصب الدائم والأكثر سوء هو البتر 💔

◾منذكر انو #قدم_الخندق تسببت بوفاة نحو 2000 جندي أمريكي و 75000 جندي بريطاني لتترك هالحالة نقطة تاريخية طبية هامة ..

من ميددوز أطيب أمنياتنا الكن بالصحة والمحبة ويبعد الحرب عن كل أرض لنعيش بسلام ❤️

#ميددوز_قدم_الخنادق
#ميددوز_الحرب_العالمية

د. ريم الحموي
المصدر : Spartacus Educational & Healthline



✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

برومو اول حلقات برنامج MedDose الطبي 😍😍

البرنامج الطبي الأول من نوعو في سوريا و الوطن العربي ❤❤

رح يطلع حلو قولكن 🙊

«أنا ما بحب الحب».. بالحلقة الأولى من «E Q».. تابعونا بكرا الساعة 9 مساءً على #Q_media
#Q_media_2020

#في_حضرة_العبقرية:
البعض مننا شاف فلم A Beautiful Mind ل راسل كرو يلي بيحكي قصة العبقري جون ناش الحاصل على نوبل ..المصاب بالفصام وكيف أعراض المرض وتمكنو من مواجهتو

⬅️⬅️أول شي شو يعني #فصام؟؟

🔴الفصام او schizophrenia هي مفهوم شائع لحد ما ..لكن الأغلبية بتفهمو بشكل خاطئ فالبعض بقلك هاد يعني مجنون والبعض بيعتبرو شخص كل ساعة بعقل جديد وشخصية جديدة.

الفصام #علميا يعني :اضطراب عقلي شديد بتم فيه تفسير الواقع بشكل غير طبيعي.. السبب الحقيقي لا زال #مجهول لكن الدراسات بترجح وجود عاملي خطر وراثي وشخصي وأسباب محيطية متعلقة ببيئة الشخص.

🔴نسبة الإصابة عالميا بتصل ل 1% وهو يعد مرض الشباب فأغلب المصابين بآواخر المراهقة والثلاثينيات ..تعد النسبة تقريبا متساوية بين الجنسين علما أن إصابة الذكور تعد أسوأ نوعا ما

❌❌عوامل #الخطر والأسباب المقترحة:"عوامل الخطر هي لأمور يلي بتزيد نسبة الإصابة "

↩️بتزداد نسبة الخطر بوجود ٌأقارب مصابين مثلا إذا الوالدين فصاميين بتوصل النسبة ل 40 % وتبلغ حوالي 10 % بحال إصابة أقارب درجة أولى
↩️ولا تزال الدراسات الجينية قائمة لتحديد الطفرة المتهمة بإحداث المرض ..
↩️تناول الماريجوانا أثناء المراهقة
↩️وجود خلل في الدوبامين بالجسم فرضية قوية على إنها سبب للفصام
↩️الأمهات سيئات التغذية المصابات بأمراض خلال الحمل بكون خطر تطور الفصام لدى أولادهن أعلى

🔍#الأعراض :
بيشكي الشخص الفصامي من اضطرابات بالادراك والتفكير والسلوك
لنترجم
الفصامي عندو #أوهام يعني:بذهنو في اعتقاد خاااطئ تماما مبني على محاكمة خاطئة للوافع لكنه مقتنع فيه بشكل شديد حتى لو جابولوا أدلة إنو حكيو غير صحيح .."مثلا بالفلم كان ناش عندو وهم بإنو حدا عم يتأمر ع بلدو وانو لازم يفك شيفرات بالجرائد لينتصر عالعدو "

🖊الهلوسات:الهلوسة هي إنك تشوف أو تسمع شغلات ماااا موجودة .." أحيانا بتصير للشخص الطبيعي بظروف معينة" ...بيتفاعل المريض الفصامي مع هالهلوسات على إنها واقع مثلا بالفلم كانت في هلوسة بصرية واضحة يشوف أشخاص غير حقيقيين ويسمع أصوات علما إن الهلوسة #السمعية هي أشيع أنواع الهلوسات بالفصام

🖊تفكير المريض غير سليم ومختل :بتعرف هالشي من خلال حديثو بيحكي شغلات غير مترابطة أو برد ببطء شديد أو يرد عليك كلمتين ويسكت في كتير أعراض بتخص هالبند
وبما إنو التفكير غير طبيعي رح ينتج عنو
🖊سلوك غير طبيعي : يعني ممكن تلاقي المريض عم يتصرف متل أطفال بعد شوي يصير منزوي وما بدو يحكي حدا وقد يكون عندو سلوكيات خطيرة بتهدد حياتو وحياة غيرو بحال عدم العلاج"خطر الانتحار يرتفع عند مرضى الفصام"

🖊أعراض سلبية:الشخص العادي بيهتم بنظافتو الشخصية وبيتواصل مع الاخرين وبشارك بنشاطات ضمن المجتمع ..كل هالأمور بتكون غير موجودة عند مرضى الفصام لهيك منسميا أعراض سلبية "ممكن تكون هالاعراض السلبية هي أعراض مرض الاكتئاب " :بالفلم كان الشخص مهمل لنفسو ورغم مركزو المرموق ترك شغلو وأصدقائو بالبداية ..وبس يهمل صحتو وبصير مدمن تدخين أو كحول هاد الشي بيأثر على حياتو "بقصرلو عمرو"

⏺⏺#التشخيص : بيعتمد على وجود عرضين من هدول لمدة 6 شهور مع وجود هلوسات أو أوهام لشهر عالقليلة

💊💊#العلاج:
مداخلة من علاج دوائي ونفسي
مضادات الذهان كلها بوصفة و اشراف طبيب مختص
صدمات كهربائية عند الحاجة لكن سلبيتها بإنها قد تسيء لذاكرة المريض
علاج سلوكي خارج الهجمات الحادة
دعم أسري للمريض

❤️تذكر بالأخير إنو الفصامي انسان متلك متلو وليس مجنون ,لكن عندو ظرف معين لازم مراعاتو وعدم إهمالو لأن أي شخص بغض نظر عن ذكائو وعيلتو معرض للإصابة
ومتل ما قال ناش بالتكريم ل زوجتو يلي آمنت فيه وما تخلت عنو "you are all my reasons" " بوجود أشخاص هيك بالحياة بتدعم الفصاميين ممكن يوصلوا لشي كتير عالي وفعلا قد تكون أنثاك بيوم ما جيشك الوحيد

#ميددوز_نفسي.

◼د. مي حسنة .
◼المصادر: Medscape/ Mayo clinic

#ميددوز #فصام #توهمات







✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

🔴-انت من حمص؟
-لا لا أنا من حلب خيو.😌

🚩كل منطقة بتتميز بلهجة أو لكنة خاصة فيها ، وبتعطي طابع خاص للأشخاص الجايين من هاد المكان وهاد الشي مو بس بينطبق عاللهجة السورية أو اللغة العربية ، هاد شي بينطبق عاللغات عموماً حول العالم .

🚩ولهجتك بتكتسبا بسبب الموروث الثقافي بالمنطقة الي بتربى فيها وغالباً بتتكون بالطفولة بشكل غير واعي وصعب لاحقاً تغيرها لأنك بهي الحالة بتكون عم تتخلى عن جزء من هويتك .

🚩بس يا ترى هل سبق وتساءلتو .. معقول الواحد ينام اليوم وهوي عم يحكي شامي يفيق تاني نهار عم يحكي بلهجة أهل دير الزور مثلاً؟
العلم بيقلكن انو اي!
وهاد ما يعرف ب#متلازمة_اللكنة_الغريبة :
#foregin_accent_syndrome
هي المتلازمة على الرغم من ندرتها الشديدة إلا انو في أكتر من 100 حالة مسجلة بالأدب الطبي عنها حول العالم، من أول مرة تم اكتشاف هي المتلازمة فيه الي هوي عام 1907.

🚩طيب شو المسبب لهي المتلازمة يا ترى؟
على ما يبدو هي المتلازمة مرتبطة بالحالات الي بتسبب أذية بباحة #بروكا، الموجودة على الجانب الايسر من الدماغ وهي الباحة مسؤولة عن توليد الكلام عادة .
أيا ضرر فيها سواء ناجم عن سكتة دماغية ، رض ، تمزق أم دم وعائية أو التصلب المتعدد MS ممكن يسبب هي المتلازمة.

🚩كيف بتتظاهر هي المتلازمة؟
ضروري نفهم انو عملية توليد الكلام هيي عملية معقدة وبتحتاج تناسق عالي بين المراكز العصبية العليا بالدماغ والسيالات العصبية المنتقلة بالأعصاب وتناسق عمل الحبال الصوتية والحنجرة .. فأيا خلل خلال هاد الطريق حينجم عنو اختلاف بطريقة التصويت ، يعني رح تختلف مخارج الحروف ، والأحرف الي كنت بتلفظها بطريقة ما حتصير تلفظها بشكل مختلف .

🚩هي المتلازمة بتستدعي الخوف؟
صراحة مو هيي المتلازمة الي بتخوف أد ما الأسباب الي بتخيفها ، لذلك عند ملاحظة أيا تغيير بطريقة تصويتنا لاسيما بشكل مفاجئ من الضروري نستشير أخصائي عصبية.

دمتم بصحة وخير.❤

◼د. سابينا منصور💜
◾مصدر المقال :HealthLine


#ميددوز #عصبية






✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

كلنا بحياتنا منمر بفترة مين ما سألنا شبك؟؟
بيجي الجواب :تركني بحالي مكتئب مدري شو صايرلي 💔😰( تماما متل فترة #فحوصات اللي عم تمر فيها غالبا انت هلا
او فترة ضغط عمل فترة التزامات وغيرها) ...

و رغم كل هاد لازم تعرف انو هدول المشاعر السيئة كلهن مانن اكتئاب 😌😎
انت فقط بمرحلة فيها ضغط و بس يروح هالضغط بترجع مبسوط ومزهزه و خصوصاً إذا خلصت عملك ع اكمل وجه 😇

🔵طيب لكن شو هو #الاكتئاب!! 🤔🤔

🔹الاكتئاب هو اضطراب بالمزاج بسبب شعور بخلي الواحد دائم الحزن 💔
🔹والو اسم تاني 🙃اضطراب اكتئابي رئيسي أو اكتئاب سريري ،
🔹 وهالمرض بأثر على الشعور والتفكير و السلوك ويمكن يعمل مشاكل عاطفية وجسدية.

🔹و الشخص المكتئب ح يكون عندو صعوبة ليقوم بالأنشطة اليومية العادية و بيوصل لمرحلة بيشعر فيها انو #الحياة ما فيها شي بيستحق نعيش مشانو☹️ و فقدان #الاهتمام بكل شي. 💔

🔹يعني بالمختصر هوي مانو بس نوبة من حالة مزاجية سيئة🙁وللأسف صعب الخروج منو ببساطة.. و علاجو بدو وقت و #طويل 😰

ومع هيك ما لازم نستسلم لأنو فينا نوصل للعلاج و التحسن (طويل بس بيتعالج😌) بالأدوية او بالعلاج النفسي او بالتنين✌

🔘بداية و وأغلب الأحيان ببلش الاكتئاب بفترة #المراهقة، أو خلال مرحلة العشرينات والثلاثينات من حياة الشخص، بس ممكن يبين و يظهر بأي فترةٍ عمرية.

يتم تشخيص #النساء بالاكتئاب أكثر من الرجال، لكن ربما سبب هالشي أنو النساء أكثر بحثًا عن العلاج.💊
(الرجال بتعرفو فيه بيعمل و بحل كلشي😂🤦‍♂️)

🔴الحلو فيه أنو بصير مرة وحدة بالعمر (يا الله شو حلو 🤣) بس المريضين فيه للاسف بصيبهن نوبات متعددة باليوم وبتجي كل يوم 💔 وأعراض هالنوبة بتتضمن:

🔺نوبة من مشاعر الحزن، أو البكاء، أو الفراغ ، أو اليأس
او نوبات غضب أو الاحباط حتى من الأمور البسيطة(بيعمل مشكلة من ولاشي بالشغل او بالمدرسة....)
و برافقها الشعور بانعدام القيمة أو الذنب، مع التركيز على إخفاقات الماضي أو لوم النفس.

🔺اضطرابات النوم، بما في ذلك #الأرق أو النوم أكثر من اللازم
و هاد بسبب الإرهاق والافتقار إلى الطاقة، فحتى المهام الصغيرة تستغرق مزيدًا من المجهود.

🔺فقد الشهية وفقدان الوزن، أو الرغبة الشديدة في تناول الطعام وزيادة الوزن.
🔺المشاكل الجسدية غير المبررة، مثل ألم الظهر أو حالات الصداع.

🔺تباطؤ التفكير و مواجهة مشكلة في ذلك و و الصعوبة التركيز واتخاذ القرارات وتذكّر الأشياء.

🔺 و العرض الأكثر #خطورة أفكار متكررة أو مستمرة عن الموت و الانتحار، أو محاولات الانتحار، أو الانتحار.

⚫كيف الشخص بيوصل لهالحالة شو الأسباب الي وصلتو لهالمرض💔
كسبب محدد مافيه متل العديد من الاضطرابات النفسية😰 ممكن تشترك العديد من العوامل مع بعضها :

▪️كيمياء #الدماغ: شو يعني 🤗
في شي بالدماغ اسمو ناقلات عصبية متواجدة بشكل طبيعي و الخلل بهالنواقل إلو دور كبير بالإصابة بالاكتئاب😫.

▪️#الهرمونات.
التغيرات بتوازن الهرمونات بالجسم الو علاقة بالتسبب بالاكتئاب او بتحفز حدوثو😶 متل التغيرات الي بتصير نتيجة #الحمل خلال الأسابيع او الاشهر بعد الولادة أو مشكلات بالغدة الدرقية أو انقطاع الطمث أو عدد من حالات أخرى بتعمل خلل بالتوازن.

▪️الصفات #الموروثة.
يشيع الاكتئاب أكثر بين الأشخاص الذين يعاني أقربائهم بالدم هذه الحالة (او مثلا حالة ثنائي قطب، ادمان كحوليات، انتحار) ويحاول الباحثون العثور على الجينات التي قد تتسبب في الاكتئاب.😵

⚪ أما عوامل الخطر الي بس تشوف حالك صرت قريب منها حاول حلها أو تخلص منها و بعد عنها قد ما بتقدر 😌

وهالعوامل هيي:

▫️بعض السمات الشخصية، متل تراجع #الثقة بالنفس والاعتماد على الآخرين بشكلٍ كبير و #النقد الذاتي أو التشاؤم. 😰

▫️الأحداث الصادمة أو المسببة للإجهاد النفسي كالانتهاك الجسدي أو الجنسي، وموت أو فراق شخص عزيز، والمشاكل #المالية. 💔⚰️

▫️أن تكون لديك إحدى السمات التالية في محيط غير داعم :

المثلية الجنسية
ازدواج الميول الجنسية
التحول الجنسي
اختلافٌ في نمو الأعضاء التناسلية يجعلك غير واضح الجنس (ثُنائية الجنس)

▫️لديك تاريخٌ مرتبطٌ باضطراباتٍ عقليةٍ أخرى، مثل اضطراب القلق، واضطراب الشهية، أو اضطراب الكرب التالي للصدمة.

▫️إساءة استخدام الكحول أو المخدرات الموهِمة بالترفيه.🍻

🔶وبالاخير بدنا نحكي عن العلاج الي لازم نكون دوماً واعيين لإلو وما نخجل منو وخصوصاً يمجتمعنا الي بيعتبر انو الي بروح لدكتور نفسي هوي مجنون وهالشي ما بيعمل غير زيادة الحل #صعوبة😪
العلاج نوعين دوائي من قبل الطبيب المختص و #نفسي.

💠إن الأدوية والعلاج النفسي فعال بالنسبة لمعظم الأشخاص المصابين بالاكتئاب.

💠يمكن لطبيبك أن يصف أدوية لتخفيف الأعراض.

💠ومع هيك كتير من الأشخاص المصابين بالاكتئاب بيستفيدو كمان من زيارة طبيب نفسي أو اخصائي علم النفس أو متخصص متمرس في حالات الصحة العقلية.

وبحال كان

المريض بعاني من اكتئاب #حاد، هون بيحتاج ليضل بالمستشفى او عيادة #متخصصة.

بالنهاية مننصح و منقول مافي حياة بلا زعل و مشاكل❤️... و مافي مشكلة أو موقف ما فينا نتخطاه كلو بيمرق❤️.. مارح نحكي تنمية بشرية ونقول نحنا قادرين ونحنا عايشين دوماً بالبيئة المثالية ... لا الحياة فيها صعاب و نحنا لازم نعرف نختار الشي الي قادرين نكون قدو و نعملو بأحسن وجه❤️.. و اذا وصلت لهالمرحلة ومرضت لاتخجل من زيارة الطبيب المختص👨‍⚕️👩‍⚕️

#ميددوز_نفسي.

◼الصيدلاني: حيدرة عادل أحمد.
◼المصدر : Mayoclinic.

#ميددوز #اكتئاب #حزن #زعل








✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

🔲شي مرة شميت ريحة عطر بالصدفة وابتسمت ابتسامة عريضة؟☺
🔲او شي مرة شميت قطعة تياب وغمضت ودمعت عيونك؟😪

إذا صار معك هيك موقف بحياتك كمل البوست للآخر👇 ..

مناطق الدماغ بلي بتندمج فيها الروائح والذكريات والعواطف #متشابكة لحد كبير .

لما تشم #ريحة معينة بتدخل هي الرائحة لأنفك وبتروح عالبصلة الشمية بالدماغ لتتفسر على شكل معلومات بتاخد خلايا الدماغ هالمعلومات وبتمشيها بمسار معين لتنتهي فيها بمنطقة #الحصين المنطقة يلي بتتشكل فيها #الذكريات بدماغنا .

والرائحة هيي الإحساس الوحيد يلي بيمشي بهاد الطريق مباشرة لمناطق الذاكرة، لذلك تعتبر الروائح هيي الذكريات الأكثر عاطفية 💔.

وبرائحة معينة ممكن تستعيد ذكرى ماكنت متخيل أبدا انك ترجع تتذكرا !
اول ماتشم شي انت شامه من قبل بتصير عندك استجابة #عاطفية يمكن تبكي ويمكن تبتسم وبعدين بتستحضر هالذكرى والموقف المتعلقة بالريحة هي ،واحتمال ماتتذكر هالريحة بشو كانت متعلقة بس رح تثير عندك نفس العاطفة يلي حسيتا بالماضي.

لكن اذا استمريت بشم هي الرائحة رح #تتفكك العلاقة بينها وبين الذكرى الوحيدة المرتبطة فيها .

ونتيجة عدة دراسات وجدوا انه بتمتد العلاقة بين الرائحة والذاكرة كمان لمشاكل صحية فمثلا الإحساس بانخفاض الشم هوي عرض #مبكر لمرض متعلق بالذاكرة وهوي ألزهايمر .

وهلأ بعد ماعرفتوا السبب اذا حابين تسترجعوا ذكرى معينة فيكن تشموا نفس الريحة يلي كانت بوقتا ❤
في حدا بيسترجع ذكريات طفولته اذا شم خبزة عالنار 🔥،
وحدا بيسترجع ذكرى شخص بيحبه بريحة عطر 🔮،

وحدا بيسترجع موقف حلو عاشه بريحة مطر🌧 ،

واذا مانك حابب تسترجع ذكرى معينة كرر شم هي الرائحة المرتبطة فيا ومع الوقت رح تخدع دماغك ويبطل يتذكر ايمت أول مرة شم هالريحة .

◼المصدر : livescience
◼د. علياء حرب .


#ميددوز #ذكريات #شم #رائحة #عطر






✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

إحدى التعليقات لي وصلتنا على اول حلقة من برنامجنا #EQ !

من القلب ... شكراً محمد ❤❤

#تنويه_صغير :
بأول حلقة كتبنا بالكابشن تبعها كلمة ( #عوانس ) و حسينا انو هي الكلمة اثرت ببعض الصديقات و ما حبوها ... !!

نحنا ومتل ما بتعرفو منحكي المواضيع باللهجة البسيطة متل ما كلنا منحكي مع بعض بالبيت و بالجامعة و بمكان العمل ؛ و كان هي الكلمة هيك ...

و لكن و بكل الاحوال #منعتذر عنها من كل حدا اتدايق منها ❤

شو هاد #فوبيا_الموت؟
كتير مننا منشوف بحياتنا ناس بتخاف من الموت وكل ما انفتحت سيرة الموت بيغيروها! بس مو دائماً منقول إنو هالشخص عندو فوبيا الموت لإن حتى الانسان الطبيعي ممكن يخاف من موضوع الموت، لكن ⛔ايمت منقول عن الشخص إنو عندو فوبيا الموت؟

اذا بدنا نعرّف الفوبيا فهي حالة نفسيّة بيسيطر فيها القلق الشديد والخوف غير الطبيعي من موضوع معيّن، بتنشأ غالباً على أثر حدث حصل بالماضي.
أمّا فوبيا الموت فهي حالة قلق شديد وخوف بتصير مع الشخص كلّما فكر بالموت أو الحياة بعد الموت..

وايمت منعتبر الشخص يلي بيخاف من الموت إنو عندو #فوبيا_الموت ؟
حتى نقول عن الشخص انو عندو فوبيا الموت لازم #الأعراض يلي رح نذكرها هلأ تصير معو كلما فكّر بالموت أو انذكرت قدامو سيرة الموت.. بحيث تحدث هالحالة عندو على مدى أكثر من #٦_أشهر..

وشو ممكن يصير مع هالشخص بهي الحالة؟
◀️هجمة هلع يلي بتتظاهر على شكل #دوار و #احمرار بالوجه و #تعرّق و #عدم_انتظام بسرعة القلب.

◀️إحساس الشخص بالمرض أو #الاكتئاب أو ممكن يشعر #بألم_بالبطن أو غيره كلما فكّر بالموت.

◀️انعزال الشخص عن العائلة والأصدقاء، وبيصير يتجنب كل الاماكن يلي بتنذكر فيها سيرة الموت.

هي الأعراض مو دائمة طبعاً ولكن بتجي وبتروح، وببعض الحالات ممكن تشتدّ هالأعراض وتأدّي لقلق شديد لمّا يفكر المصاب بموتو أو موت حدا بيحبو أو حتى اذا مرض شخص مقرب منه..وبالحالات الأشد ممكن تأثر على نشاطات الشخص اليومية وتجعله يغادر منزله!☹️

طيب عرفنا شو بيصير مع الشخص المصاب بفوبيا الموت، ممكن نعرف شو #السبب يلي بيأدي لهالحالة؟
متل ما حكينا الفوبيا غالباً بتنشأ على أثر حدث معيّن حصل بالماضي، بالرغم أنه مو دائماً بيتذكر الإنسان شو كان هالحدث! وبالنسبة لفوبيا الموت السبب غالباً بينتج عن خبر صادم بوفاة مفاجئة لشخص مقرّب، أو ممكن يكون نتيجة مرض شديد حلّ بشخص هو أساساً بيخاف من الموت.

وجدت الدراسات أنه فوبيا الموت بتختلف بين الأشخاص حسب #العمر و #الجنس حيث أثبتت دراسة عام ٢٠١٧ أن البالغين #الكبار بيخافوا من فعل الموت والحياة بعد الموت بينما #الأصغر سنّاً بيخافوا من موضوع الموت بحد ذاته.
وحسب دراسة عام ٢٠١٢ بتقول أن #النساء بتخاف من موت الأقارب والأحباب أكثر ما يخاف الرجال 😏

لقينا كمان ببحثنا أنه المصابين بفوبيا الموت غالباً ما يكون لديهم فوبيا من أي شي بيأدّي للموت مثل فوبيا #الأفعى أو #الطائرات أو #المرتفعات.. كما أنّ مخاوفهم بتتركّز على الأشياء يلي بتتعلّق بالموت مثل التلوّث أو المرض لهيك منلاقيهم عطول خايفين إنو يمرضوا وكلما مرضوا بيحسّوا إنو رح يموتوا وبيزيدوا الطين بلّة 🤦🏻‍♀️

اي وشو الحل مع هالحالة؟
لما نلاحظ على الشخص أنه بيعاني من فوبيا الموت مننصحه يتوجه لخبير الصحة النفسية يلي رح يساعدو بالتخلص من هالحالة إمّا بـ #العلاج_السلوكي يلي بيساعد بالتغلّب على مشاعر القلق عبر استراتيجيات متطورة بتسمح للمريض بالهدوء والسيطرة على القلق أثناء الحديث أو التفكير بالموت، أو بـ #العلاج_النفسي القائم على الحديث مع المريض ومواجهة مخاوفه وبهالطريقة ممكن نسمح للمريض -بالكلام فقط- أن يتغلّب على القلق ويسيطر على مشاعر الخوف، أو بـ #العلاج_الدوائي يلّي بيتضّمن #حاصرات_بيتا و #مضادات_الاكتئاب الموصوفة من قبل الطبيب النفسي طبعاً، ولكن العلاج الدوائي هون بيعمل عالمدى القصير كعلاج عرضي وليس حل نهائي للحالة يعني ممكن يتناوله الشخص لمّا بتصير معو الأعراض ولكن العلاج السلوكي أو النفسي هو الحل الأفضل على المدى الطويل.

دمتم بخير 🌸
#ميددوز_نفسي .

◼د.رُدينا المصري
◼المصدر: Medical News Today


#ميددوز #خوف #فوبيا #موت #قلق





✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E

قاعد بالغرفة ولابس كل عتاد الشتوية ، الصوبيا شاعلة وحاطط قدامك فنجان النسكافيه 🍵وماسك محاضرة وعم تدرس فيا 👓 ؛ بس مانك قادر تركز وعم تحس حالك رح تنام ! معقول من مفعول😂 المحاضرة ؟!

♦الميل للنوم بالشتاء

كتير من الأحيان منحس بالخمول بالشتوية وإنو جاي عبالنا ننام مع إنو منكون نايمين قبل عدد ساعات منيح يا ترى ليش هالشي عم يصير ؟؟

🔴عنا بالجسم غدة موجودة أسفل الدماغ وخلف الغدة النخامية( pituitary gland) اسما الغدة الصنوبرية (Pineal gland) هي الغدة بتفرز هرمون الميلاتونين (Melatonin)
هالهرمون بيساعد عالنوم 😴؛ وبيزيد إفرازو بالظلام 🌑 وبالشتوية متل ما منعرف بيكون الجو مليان غيوم والليل أطول من النهار ⬅يعني بيزيد إفراز هالهرمون ⬅بيزيد معو الميل للنوم

◾#ميددوز_فزيولوجيا
◾د . روزين ونوس
◾ المصدر : غايتن



#ميددوز #النوم #فزيولوجيا #الغدة_الصنوبرية #ميلاتونين








✅ لمتابعة جميع فيديوهات و صور العمليات و المعلومات الطبية
تابعونا على موقع انستاغرام على الرابط التالي👇🏻

https://bit.ly/2LNgb3E