#جلدية ❤
《 الحاصَّة البقعية Alopecia areata: #الثعلبة 》

🔹بقعة أو عدة بقع دائرية أو بيضوية خالية من الأشعار
غير ندبية ، واضحة الحدود ، الجلد فيها سليم
🔹 تظهر بسرعة وتصيب أية منطقة مشعرة في الجسم
🔹كثيرا ما تحيط بالثعلبة أشعار متقصفة على شكل #إشارة_التعجب

أنور الجزاع 🌺
#ميددوز 💙

#أطفال

《الصرع الكبير 'النموذجي' عند الأطفال!!》

💮أكتر من نوبة وحدة 👈صرع
(يعني مسموح نوبة وحدة )

اختلاج أكثر من مرة⬅صرع

نوبة!! يا ترى شو هيي هالنوبة😢

لتتعرفو عليها ..خليكن معنا😜

💮النوبة هي عبارة عن حدوث عدة اشياء:

1-السقوط ..وفقد الوعي

2-فترة (التشنج )شو هي 😞 هي بيصير الطفل جامد بمحلو مابيعمل شي..وكتير ماسك حالو

3- فترة الحركات الرمعية !!شويعني😣 هي بيصير الطفل ينفض بكل جسمو وبيطالع الزبد من تمو😢

4-فترة النوم ..ممكن لثواني ممكن تطول..

💮طيب شو الأسباب يلي ممكن تخلي هالطفل البريء يصير معو هيك !!

✌في أسباب كتيرة منها:

1-ارتفاع الحرارة(فرط استثارية بالجملة العصبية المركزية ⬅اختلاجات..)وهنا ينبغي الحذر من قبل الأهل من عدم تكرارها ففي حال تكراراها قد تؤدي لصرع يكون مدى الحياة ..فقط استخدمو خافضات الحرارة بحال ارتفاعها ..

2- نقص الغلوكوز : يؤدي لاختلاجات..اذا طالت فترة النقص السكر لدى الطفل..لتصحيح ذلك* يعطى طعام يحوي سكر الغلوكوز.

3-اضطراب الشوارد: مثل نقص صوديوم يؤدي لاختلاجات..

4-ارتفاع البولة

5- ممكن لالتهاب السحايا أن يسبب اختلاجات..

💮التشخيص : اولا يرجى مراجعة طبيب عصبية

و يتم التشخيص بناءا على الفحص السريري و القصة المرضية و يعتبر إجراء تخطيط دماغ كهربائي إجراء ضروري ومؤكد للتشخيص.

ممكن نعمل بزل قطني لنقرر وجود التهاب سحايا أو لا. ولكن قل اللجوء إليه .

💮المعالجة بتكون بمعالجة الأسباب..(ممكن نعطي دوا واحد ونزيد الجرعة حسب الاستفادة مثل..كاربامازيبين)

الأهم من كل هاد وبرجع بذكر فيه ..إنو لا تسمحو بأكتر من نوبة وحدة دغري عند أول نوبة راجعو الطبيب ..مشان الأسباب يلي انذكرت فوق🔝

روزين ونوس 💖

#ميددوز

#عصبية❤
#Alien_hand_syndrome🧐
<<سمعتو شي مرة عن ايد بتحرك من دون علم صاحبها و من دون ما يحس 😱🤯>>
ياا ويلي شو هالحالة!!!🤯
هالحالة اسمها متلازمة اليد الغريبة 😈

🔴هي حالة مزمنة بعاني فيها المصاب من عدم القدرة على التحكم بحركات اليد اليسرى غالباً ( حسب الجهة المسيطرة من الدماغ )
💭بتصير تتصرف من تلقاء نفسها و ما بيشعر الشخص إنها جزء من الجسم (ممكن تضرب أو ترمي أي شي و ممكن تعيق العمل يلي عم يقوم فيه الشخص😫) حتى ممكن يعطيها لقب خاص🤪.

🔴 آلية هالمتلازمة ناجمة عن فقد الاتصال بين نصفي الكرة المخية🧠 (المناطق اللي ممكن ترتبط بالمتلازمة: الفص الجبهي ، الجداري ، القفوي ) عبر الجسم الثفني.

⁉يا ويلاااه🤯😳

🔴أسبابها المحتملة: الصدمة ،أمهات الدم ، بعد العمليات الجراحية عالدماغ🧠 ،عمليات الصرع ،إنتان ،ورم ،شقيقة و بعض حالات تنكس الدماغ ( الزهايمر)

🔴هالمتلازمة اجو ليدرسو النشاط الدماغي فيها ولاقو :
🌀انو بالناس العاديين عند بدء النشاط الحركي يظهر تنشيط شبكات عصبية متعددة واسعة النطاق😇
🌀بينما عند مرضى هذه المتلازمة منلاحظ التنشيط المعزول للقشرة الحركية الأولية المقابلة 🤨
🌀 و أيضاً الأضرار التي لحقت القشرة الجدارية يمكن أن تسبب نقص في الوعي الحسي بسبب فقد التغذية المرتدة الحسية🤕
🌀 يؤدي الجمع بين هذه العوامل إلى بدء الحركات العفوية دون معرفة المريض أو إراداته😵

🔴للأسف لحد هلق ما في علاج لهي المتلازمة ، ممكن نخفف الأعراض بإنو نخلي اليد الغريبة مشغولة بعمل أو بغرض .😇

لبنى موفق أبوراس🌸🌹
رنا نبيل السنيح🌸🌹
#ميددوز 💙

#توعية ❤

#معلومة_عالسريع

أكثر 5 عادات تدمر الكلية :

1- عدم شرب كميات كافية من الماء .
2- حبس الفضﻻت وتأجيل الدخول لدورة المياه .
3- تناول كميات كبيرة من الملح .
4- إهمال عﻻج التهابات المسالك البولية المتكررة .
5- التناول المفرط لﻷدوية خاصة المسكنات .

زينب السلوم 🌸

#الصفحة_الطبية
#ميددوز ♥

#هضمية❤

يمكن أغلبنا بياكل أكل جاهز ومش صحي مشبع بالدهون بس الكثير منو مع نقص النشاط اليومي ممكن يسبب 👈

^ Hepatic steatosis تشحم الكبد^

من الطبيعي يكون في بعض الدهون بالكبد بس الكثير منها رح يسبب تشحم بالكبد😑

✅هي الحالة ممكن تتراجع بدرجاتا الخفيفة بتغيير نمط الحياة من غير متسبب أذية دائمة 👍

✅بس عند بعض الناس ممكن يتطور التهاب كبد دهني (NASH) وهذا ممكن يتطور لتشمع كبد (تليف وسوء وظيفة الكبد) 😔

✅ممكن يكون عنا المرض من غير منحس ﻷنو الأعراض ما بتظهر ببداية المرض ووممكن تظهر خلال سنوات أو عقود .
✅من هي الأعراض يلي ممكن تظهر : * التعب *ألم بالبطن وعدم ارتياح
*يرقان (اصفرار بصلبة العين وبالجلد) وهي عللمة شائعة بأمراض الكبد
*بعض الناس ممكن تشعر بامتلاء بالبطن وصلابة نتيجة الكتلة الكبيرة للكبد المتشحم
*لون أغمق للبول *هزال عضلي بالمراحل المتقدمة وممكن تتطور حالة تسمى (انكماش دوبوترين dupuytren's contracture )
*وأخيرا احتباس سوائل أو الحبن ascitesكمان بالحالات المتقدمة بيظهر على شكل انتفاخ بالبطن .. وممكن يمتد ليشمل الكاحلين والأقدام والمعصمين واليدين .

لهيك ديروا بالكن عأكلكن ولا تنسوا تلعبوا رياضة 😉🏃🚴⛹

#الصفحة_الطبية❤
#ميددوز💕

رنا نبيل السنيح 🌸

#العلاج_بالأعشاب 🌿❤

《 لما بتنذكر كلمة المونه مابيخطر عبالنا طبعاً إلا التوم 》😄

#الثوم

✅يعتبر الثوم من الأعشاب الطبيه وفي الواقع هو ليس من أعشاب المطبخ لأنه لا يستخدم منه سوى الفصوص فقط ،وهي تستعمل طازجه أو مجففه ،لها رائحه ومذاق لاذعين لاحتوائها على زيوت طيارة.

✅استعماله : يتبع ذلك الذوق الشخصي والرائحه التي لايستسيغها العديد من الناس وقد استخدم الثوم كعلاج تقليدي للعديد من الأمراض والوقايه منها.

✅فوائد الثوم : اذا استعمل باعتدال فهو يضيف نكهه شهيه ومرغوبه للطبخ ويحسن مذاق اللحم 🍗والصلصات🍝 والمايونيز🍟 وهو يساعد على الهضم ويمنع تكوين الغازات.

✅وقد روج الطبيب أبقراط لاستخدامه في علاج مشاكل الجهاز التنفسي والطفيليات🐍 وسوء الهضم والاعياء والحمى والسكري والسل واضطرابات الكبد والاسهال الدموي والغازات وتشنج الكولون والروماتيزم.
وحديثاً : يستخدم الثوم لعلاج العديد من الحالات المرتبطه بالدورة الدمويه والقلب ❤وارتفاع الكولسترول وسرطان البروستات والزكام🗣 .. كل هاد 😃

✅وقد أثبتت الدراسات فوائد الثوم العلاجيه في مجال سرطان الرئه والدماغ والتهابات الكبد الناجمه عن استهلاك الكحول والتهاب مفاصل الورك.
ومن الجدير بالذكر أن الثوم له فعاليه كبيره كمضاد حيوي في علاج الالتهابات المعويه.

✅لقد أصبحوا يعتبرون الثوم منشطاً جنسياً لكن الطبقات الراقيه من الشعب تجنبت تناوله بسبب رائحته.

✅أما عن الطريقه الأمثل لاستخدامه : فقد حذرت الدراسه بأن تسخين الثوم يقلل من فعاليته المضاده للالتهاب والتي تميز مستخلصات الثوم الطازج و( هذا الأمر مزعج للكثيرين).

✅اليكم مايساعد على تخفيف رائحة الثوم من النفس : تناول أوراق النعنع أو التفاح أو الخس أو مضغ عرق من البقدونس أو شرب كأس من الحليب أو القهوه.

ودمتم سالمين 😇

رقيه رمضان رشيد
#ميددوز ❤

#جلدية ❤

★صورة للسماك الشائع 😯 Ichthyosis vulgaris

★تذكر الأرضية الوراثية لهذا المرض

ريكاردا محمد منير الواو 🌸
#ميدووز💕

#هضمية ❤

كتير منسمع من رفقاتنا سارة ، هبة ، ريم ، علا ، رنيم وغيرن كتار ✋ ومن جارتنا أم محمد😪 وجارنا أبو عبدو 😅 ومن كل يلي حوالينا انو عم يحسو بانو بطنن عم توجعن كتير (تشنج ) أو بتقلك حاسة بتقل 😩 أو نفخة بعد الأكل فوراً مع إسهال أو إمساك 😣

أنت هون لازم تحاول تساعدن وتعرف سبب مشكلتن لتلاقيلن حل وماضل واقف متل الطشمة ويضحكوا عليك ويبطلوا يستشيروك 😄😜

لهيك خلونا سوا كلنا✌ نعرف كيف فينا نفكر بالموضوع بطريقة منطقية وبسيطة ....
بالبداية لازم تعرف انو هالشكوى شائعة كتير بين الناس يعني حط ببالك من كل 10 مرضى 6 منن بيعانوا من هالقصة 😕
طيب عن شو عم نحكي بالضبط 😌 عم نحكي عن حالة 👌✌ ^^ الكولون المتهيج ^^

أو متل مو منتشر بين العوام 😄

^^ الكولون العصبي ^^

🔺بدايةً الكولون المتهيج (العصبي) منتشر بين النساء أكثر من الرجال لأنو التوتر (stress ) يؤثر أكتر على النساء .

🔹الكولون المتهيج عبارة عن اضطراب بحركية الكولون بتتظاهر سريرياً بتناوب 3 أعراض :
الألم البطني ، الإسهال ، الإمساك
بالإضافة إلى انو يلي بيعانو من هالقصة عندن فرط حساسية بالكولون ( يعني كولونن حساس كتير 😔😅)

✴وبالتالي النقطة الأولى الأهم لازم تعرفوا انو يلي بيعاني من الكولون المتهيج (العصبي) بيجي بشكوى إما :
•ألم بطني بس
•إسهال بس
•إمساك بس
•ألم مع إسهال
•ألم مع إمساك
•تناوب إسهال مع إمساك
•ألم مع تناوب إسهال وإمساك

✴والنقطة التانية الأهم يلي لازم تعرفوها انو هالمرض سليم تماااااماً وبالتالي لايحتاج لعلاج لأنو مانو مرض عضوي👍 ...نحنا بحالة الكولون العصبي منعالج الأعراض بس يلي بيعاني منا المريض ليرتاح ومايضل مزعوج.

🔶هالمعلومة لازم يعرفوها يلي بيعانو من هالمشكلة لتقدروا تتأقلموا معو 👌.... الكولون العصبي مرض مزمن (يعني بيعاني منو المريض لفترة طويلة ومابيتحسن غالباً ) بيبلش مع الشخص بمرحلة الشباب وبيستمر لسنين 😔

🔶وبالتالي يا دكتور بعد ماعرفت المعلومة السابقة وقت يراجعك مريض عمرو 60 سنة بدون أي سوابق وعم يعاني من ألم بطني فجأة فمن غير المعقول يكون معو كولون عصبي 😒 يعني هلأ حليلو يعصب كولونو للحجي؟؟!! 😂😜

▲ #معلومة يمكن تحسوها جديدة أو غريبة عليكن مرضى الكولون المتهيج(الكولون العصبي) لديهم اضطراب شخصية معينة ولكن لا يحتاجون لطبيب نفسي فاضطرابات الشخصية لا يخلو منها أي إنسان وخاصةً في سوريا 😂😜
فبتسمع كتير انو مرضى الكولون العصبي دائماً خايفين وقلقانين لاسمح الله تكون أعراض سرطان لأنو بزمناتو جارو كان معو نفس الأعراض وطلع معو سرطان ... لهيك الأهم انو نطمن مرضانا ونخلين يفهموا مرضن ليعرفوا يتعاملوا معو ويخففوا شوي من التوتر ( stress) تبعن حول هالموضوع.

🔴 الألم يلي بيعاني منو المريض بيكون بأي مكان بالبطن غالباً بيتركز بالمراق الأيمن والأيسر والحفرة الحرقفية اليمنى واليسرى ( يعني بالكواع 😌) وممكن يكون بالشرسوف ( بيأشرلك المريض على راس بطنو تقريباً ) يعني بمنطقة الكولون المعترض 👍

🔴ينتشر الألم إلى أي مكان بالبطن.....
-ممكن أن يكون حوالي السرة وينتشر للمراق الأيمن.
-ممكن يكون بالحفرة الحرقفية اليمنى وينتشر للمراق الأيسر.
-ممكن ننتبه كتير لبعض الانتشارات المهمة : كتف أيمن أو أيسر أو ناحية قطنية ✌
👆هالشي ذكرناه لأنو مهم كتير تنتبهولو وتمييزوه وحنذكر مثال للتوضيح 😍

◆مثلاً اجاك مريض عم يعاني من ألم بالمراق الأيمن مع انتقالات للكتف الأيمن ...
عملنا ايكو ، شفنا حصيات مرارية وبالاستجواب الدقيق للمريض عرفنا انو الألم عم يجي بعد الأكل فوراً مو بعد ساعتين من الأكل متل الألم المراري وعرفنا انو عم يخف عالتغوط فبالتالي الألم هون كولوني وليس مراري والحصيات لاعرضية وبالتالي بهالحالة ما منستأصل مرارة أكيد ✘

حالة تانية 2 :
◆ ممكن يجيك مريض بألم بالكتف الأيسر وبلش الوجع بعد قصة تعصيب (غضب) فبتسمع المريض عم يقلك
^^ قلبي قلبي يا دكتور ^^ لحقني بس نحنا منرجع منركز انو الألم عم يخف عالتغوط فيجب أن نفرقه عن الألم القلبي الذي يأتي على الجهد وليس بعد الأكل مثلاً.....

🔴شكل ألم الكولون العصبي : قلنا من البداية بيقلك المريص عم حس ب : - تشنج
-نفخة بعد الأكل فوراً
-تقل أو وخز

🔴 شدة الألم : نوعاً ما شديد إلى متوسط ولكن الفكرة الأهم أن الألم مهما كان شديد لا يوقظ المريض من النوم ...يمكن أن المريض لا يستطيع النوم ولكن اذا نام لا يوقظه الألم ✌
احفظوها بشكل ثابت ( الكولون بينام مع المريض )💃😴

🔴محرضات الألم : الأكل ، الضغط النفسي ، البرد

👆بالنسبة للأكل : في شخص مثلاً بيتحرض كولونو عالحد
في شخص مثلاً بيتحرض كولونو عالبهارات
في شخص بيتحرض كولونو عالفليفلة الحلوة ..عاللحم...عالدسم ....عالقهوة والكولا....عالفول والحمص
يعني لازم تعرفوا انو كل إنسان عندو نوع معين من الأكل بيزعج أمعائو لهيك يفضل التقليل منها أو الابتعاد عنها...

?

? بعد كل هالشغلات يلي حكيناها منوصل للأهم ✌
🔴 التشخيص : هو " تشخيص استثناء " أي بنفي جميع الأمراض العضوية قبل تشخيص الكولون المتهيج ( العصبي)
♻ الفحص السريري سلبي غالباً يعني سليم تماماً لاضخامات عقدية ، لا ضخامات حشوية، البطن متنفس ، إصغاء الصدر طبيعي

♻فحص البراز الذي يجب أن يكون سلبي ...لنفي وجود طفيليات ، تحري وجود دم خفيأو كريات بيض لنفي الالتهاب.

♻ثم تنظير الكولون والأشعة : طبيعي

💥كما تم وضع معايير موتمر روما الثالث 😍 التي تنص على التالي :

كل ألم أو انزعاج بطني لمدة 3أيام بالشهر على الأقل وفي آخر 3شهور يترافق مع اثنين على الأقل مما يأتي:

1-يخف الألم بالتغوط وإخراج الغازات
2-اضطراب في تعداد مرات التبرز
3-تغيير في قوام البراز

فنحن أمااااااااام حالة " كولون متهيج " حتى يثبت العكس

♥ملاحظات هامة :

🔘 يجب أن تكون الحالة العامة للمريض جيدة مهما كان الألم شديد بالإضافة لعدم وجود نقص وزن (لنفي الخباثات)

🔘يجب أن تزداد الأعراض على الشدة النفسية والأكل والبرد

🔘يجب أن تخف الأعراض على الراحة (وخاصةً النفسية) وأن يخف الألم على التغوط

وأخيراً ✌كيفية العلاج 😍
متل ماقلنالكن قبل هالمرض مانو مرض عضوي ، هو عبارة عن مجموعة من الأعراض السليمة تماماً وبالتالي منشتغل عمعالجة الأعراض ليرتاح المريض :
◾مسكنات ألم.
◾مضادات تشنج.
◾إخراج الغازات (هون المريض بيرتاح وبيبتسم 😀)
◾الصيام أي الابتعاد عن الطعام الذي يسبب له الانزعاج
◾مضاد إسهال في حال الإسهال.
◾ملينات بشكل مضبوط وحسب إرشادات الطبيب في حال الإمساك.
#معلومة مهمة ❤ : في حال تناوب الإمساك مع الإسهال نعالج الإمساك فالإسهال هنا إسهال كاذب 👍
◾تغيير نمط الحياة كالحفاظ على تناول وجبات منتظمة وثابتة ، ممارسة النشاط البدني (الرياضة) ومحاولة تجنب التوتر النفسي قدر الإمكان.

كلنا بتهمنا صحكتن 😍...صونو الأمانة 😊

رنا صالح الحسن 💚
#ميددوز ❤

#شرعي ❤
^^ الشنق ^^ 😵

بعض الدلالات التي تشير للموت شنقاً:😯

1-نمشات في الملتحمة

2-كسر المحور(الفقرة الرقبية الثانية)

3-كسر العظم اللامي

مقاربة هكذا قضايا تعتمد على وجود أكثر من دليل🙄
ولكن ماسبق ذكره من أشيع مرافقات الموت شنقاً😑

#الصفحة_الطبية ❤

#ميددوز ❤

ريكاردا محمدمنير الواو 🌸

#أعشاب_طبية ♥
《الشاي الأخضر🌿🍵》

🌿الشاي الأخضر قادر على فعل أي شيء🌿

🔸 غني بفيتامين B وحمض الفوليك و الكافيين والمنغنيز والبوتاسيوم والعديد من مضادت الأكسدة .
🔸 يحضر بطهي أوراق الشاي على البخار .

🔸فوائد الشاي الأخضر المذهلة:

💚 يحسن تدفق الدم ويخفض نسبة الكوليسترول.
💚 يقلل من خطر الإصابة بأمراض القلب .
💚 يخفض ضغط الدم.
💚 يحافظ على مستوى سكر الدم لدى مرضى السكر
ويقلل إحتمالية الإصابة بالداء السكري من النمط 2.
💚 يمد الجسم بالطاقة .
💚 يعد غني بالفلورايد فهو مفيد لصحة الأسنان ويمنع تسوس الأسنان...
ويمكن أن يقلل من رائحة الفم الكريهة.
💚 مهدىء للأعصاب ويساعد على الإسترخاء《 كاسة قبل النوم منيحة إلنا😍》
💚 نظرا لغناه بمضادات الأكسدة ⚜التي ترتبط بالجذور الحرة وتعطلها وتمنعها من أذية الخلايا⚜
فقد يقلل من خطر الإصابة بالسرطان وأمراض المفاصل والسكري .
💚 يحسن التركيز والذاكرة
ويقلل من إحتمالية الإصابة بالزهايمر وباركنسون.
💚 للوزن والبشرة والجمال😍:
☝ يحافظ على الوزن :
(مافيه سعرات حرارية 🤩،
ومتل ما حكينا فوق⬆ يزيد من طاقة الجسم فمنحرق سعرات حرارية أكتر🤩)
《لكنه لن يهدم ما بناه المحشي يا سيدتي😁》
☝يمكن أن يساعد في الوقاية من سرطان الجلد وتأخير ظهور علامات الشيخوخة.

🔆لا يجب إضافة الشاي للماء المغلي !!
فبعد غلي الماء يترك عشر دقائق ثم تضاف الشاي.

مرح معن محمود 🌻

#الصفحة_الطبية
#ميددوز 💜

#أطفال ❤

《بعلمك هالطفل ما كان فيه شي غير شوية حرارة ،، تاني يوم صار شكلو متل مريض أبو كعب 》

💢 الخناق (الدفتريا) 💢

✔ مرض ناجم عن الإصابة بجرثومة تدعى (الوتديات الخناقية ) .

✔ 80% من الإصابات تحدث عند الأشخاص غير الممنعين (أي غير الملقحين ) دون 15 سنة وبخاصة الأطفال تحت عمر السنتين 👼

✔ ذروة الإصابة بتكون خلال أشهر الخريف والشتاء وبتزداد نسبة الحدوث في الازدحام .

✔ كيف تتم العدوى به ؟؟
- من خلال التماس الصميمي مع القطيرات التنفسية لحامل لا عرضي ( يعني الجرثومة موجودة بجسمو بس لسا ما ظهرت الأعراض عليه)
أو لشخص مصاب بالمرض ،،
وممكن تنتقل باستخدام أدوات المريض أو عن طريق الغبار .

✔سريريا" ..أنا شو رح شوف ؟؟
- المرض ألو أشكال كتيرة وتم تصنيفه حسب توضع الإصابة إلى عدة أشكال :

🔶️ الدفتريا اﻷنفية :
- هاد الشكل منشوفو أكتر شي عند الرضع .
- بتبدأ القصة فيه على شكل زكام (سيلان أنفي خفيف )
- بعدين بتترافق مع أعراض جهازية بسيطة ( حرارة خفيفة - توعك - عدم راحة ) .
- ومع تطور الإصابة بتصير المفرزات الأنفية مصلية مدماة ثم مخاطية قيحية .
- هي المفرزات بتكون بجهة واحدة أو بالجهتين بالإضافة لأنها كريهة الرائحة .

♧ بالفحص : يشاهد غشاء أبيض على الحاجز الأنفي .

️🔶️🔶️ الدفتريا الأنفية البلعومية أو اللوزية :
- هاد النمط الأكثر شيوعا" للدفتريا وسيء الإنذار في حال كانت الأعراض شديدة .
- أعراضه :
١- دعث ( أي فتور وإحساس بعدم الراحة)
٢- حمى خفيفة وألم بلعومي خفيف
٣- خلال (١-٢ يوم ) بيتشكل غشاء أبيض اللون رقيق موضع ثم يتحول لونه لرمادي مع رائحة كريهة للنفس 😝 وعند محاولة نزعه يحدث نزف .
٤- ضخامة عقد لمفاوية رقبية ثنائية الجانب ، تتفاوت الضخامة حسب درجة الالتهاب .

◇ 10% من المرضى بيجوا بقصة حمى عالية 🤒 وحالة سمية مع ترقي سريع للغشاء الكاذب ووذمة في الأنسجة الرخوة للعنق ( #مظهر_عنق_الثور ) وتكون الوذمة صلبة انطباعية ، حارة ومؤلمة .

- العمر المصاب : أشيع عند الأطفال فوق ٦ سنوات .

🔶️🔶️🔶️ الدفتريا الحنجرية :
- في 10% من الحالات تقتصر الإصابة على الحنجرة فقط .
- طبعا" هي أخطر الأنواع وبتترافق مع بحة في الصوت ثم صرير مترقي .
- ليش هي أخطر الأنواع ؟؟
لأن ممكن تأدي لانسداد حنجرة حاد شديد ومميت عندما ينسلخ الغشاء ويسد الطريق الهوائي مسببا" الاختناق 😲

- يوجد أشكال أخرى ولكن ما سبق هي الأكثر شيوعا " .

✔ كيف يتم التشخيص ؟؟
- نعتمد بالتشخيص على :
¤ الأعراض والموجودات السريرية .
¤ عزل الجرثوم من أماكن وجوده (الغشاء الأبيض ) و زرعه على أوساط مناسبة ،، ويمكن إجراء اختبار التحسس للمضادات الحيوية .

✔ وصلنا لفقرة العلاج :
يلي منعتمد فيها على ٣ نقاط أساسية :
• الشق الأول من العلاج يهدف إلى تعديل الذيفان الحر باستخدام مضاد الذيفان والذي يجب إعطاؤه أبكر ما يمكن (خلال 48 ساعة) بعد وضع التشخيص أو الشك بالإصابة حتى قبل ظهور نتائج الزرع .
( الذيفان : هو مادة سامة ينتجها الجرثوم وهو المسؤول عن الأذيات التي تحدث في الأنسجة ) .
•• الشق الثاني يهدف إلى استئصال الوتديات الخناقية بإعطاء الصادات💊💊 كالبنسلين أو الإريثرومايسين .
••• ثم المعالجة الداعمة :
نعطي أوكسجين + مص المفرزات + تنبيب رغامي أو خزع الرغامى في حال القصور التنفسي بسبب شلل أو انسداد الطرق التنفسية ، مع التهوية الآلية عند الضرورة .

✅ ولأنو الوقاية خير من قنطار علاج ،، يعتبر اللقاح الوسيلة الناجعة الوحيدة للوقاية من المرض ، وهو يعطى مشركا" مع اللقاحات الأخرى كالسعال الديكي والكزاز ومحبات الدم النزلية .
- أيضا" يجب عزل المريض ، ويوقف العزل بعد 3 زروعات سلبية .
- بالنسبة لتدبير المماسين للمريض :
يجب تحديد الحالة المناعية لهم بإجراء ◇اختبار شيك ◇ الذي يجرى بحقن كمية محددة من الذيفان في الأدمة وتحري ظهور ارتكاس للحقن .
- وبالنسبة للحملة المنيعين مسبقا" :
تعطى جرعة داعمة من اللقاح مع البنسلين أو الإريثرومايسين لمن يتحسس من البنسلين .
- عند الأشخاص غير الممنعين اللاعرضيين : يجب أخذ عينات للزرع مع إعطاء اللقاح والبنسلين ( أو الإريثرومايسين ) والمراقبة لمدة أسبوع .

زينب السلوم 🌸

#الصفحة_الطبية
#ميددوز ♥

E_N_T❤🌹

《الدنيا ربيع💚 والجو بديع😍 .. بس يا ريت ما في حساسية يا بديع😪》

اجا موسمها ! وكلشي بوقتو حلو الا الحساسية .😷

الحساسية متل ما منسميها بالعامية أو
#التهاب_الأنف_الأرجي (التحسسي)
#Allergic_Rhinitis:

❓كيف منتحسس بالربيع:
🔻الآلية بشكل مبسط: يعد غبار الطلع أحد أهم مثيرات الحساسية.
🔶 عند دخول غبار الطلع الى انف شخص مصاب بالحساسية ◀تتشكل سيالة عصبية ◀تصل الى الجهاز المناعي ◀الجهاز المناعي يستشعر وجود خطأ ويتعامل مع حبات الطلع على انها أجسام غريبة تهاجم الجسم ◀يستجيب الجسم بانتاج الأضداد التي تهاجم المواد المسببة للحساسية ↔ وتتم هذه الحدثية الالتهابية بتواسط الخلايا البدينة mast cells
التي تطلق محتواها من الهيستامين .

🌐الهيستامين وتأثيراتو هيي المسؤولة عن الأعراض الي منشوفها .

💡هي الحالة احد أشكال التحسس الي منسميها #تحسس_موسمي(فصلي) أو #حمى _القش🌾:
◀غالبا" ما نراها بفصل الربيع🌹💚
◀العامل المسبب : غبار الطلع لأحد النباتات.
💡هنالك شكل آخر ندعوه #سنوي (دائم):
◀الأشيع
◀طوال أيام السنة بشكل متقطع أو مستمر .
◀العامل المسبب : غبار المنزل (الأهم ) ، الصوف ، شعر الحيوانات.

🔴الأعراض:
◀الأنفية : حكة - عطاس -سيلان أنفي غزيز - انسداد .
◀العينية: حكة - دماع - حرقة .
◀الحنجرية : جفاف " بيقول المصاب حاسس في غبرا بحلقي 😷" - سعال.

🔴العلامات :
🔶مخاطية الأنف أثناء الهجمة : متوذمة شاااحبة (ليست حمراااء).
🔶القرينات الانفية متضخمة "غالبا" الأوسط" .

💡العلاج:
✔تجنب العامل المؤرج ان أمكن.
✔أثناء أو قبل النوبة :
◀مضادات الهيستامين للحالات الخفيفة .
◀بخاخ ستيروئيدي او حقن ضمن القرين للحالات الشديدة.
✔الجراحة : استئصال القرينات عند وجود فرط تصنع فيها قد يفيد بالعلاج.

💚ودمتم بربيع وصحة.

#الصفحة_الطبية
#ميددوز💞

سابينا مفيد منصور 🌸

#دواء ❤

الديازيبام 😊

ينتمي لعائلة البنزوديازبينات العريقة
ويعتبر المركب الأساسي فيها(كبير العيلة😌)

ايمتا ممكن نستخدمو👇

-يستخدم للتخفيف من القلق الشديد المزمن والقلق المترافق مع أشكال الاكتئاب والفصام😩😟

-يستخدم كمنوم 😴

-يستخدم في إسعاف الحالة الصرعية 🚑لإيقاف النوبة (حقن وريدي 💉💉)

-يستخدم كمضاد اختلاج.

-يمكن استخدامه كمهدئ في الإجراءات القصيرة غير المريحة😪 والمترافقة مع الم 😩 مثل التنظير .

❌الديازيبام لايعطى ابدا من دون وصفة طبية وإنما بعد تشخيص حالة المريض وإجراء الفحوص اللازمة.

لازم ننبه المريض لي عم ياخدو لكم شغلة👇

انو الو تاثير مرخي عضلي وبالتالي👈عدم توازن بالحركة يعني ننتبه من الوقوع وخصوصا عند المسنين.

-مايشتغل شي بدو محاكمة عقلية متل قيادة سيارة 🚗أو تشغيل آلة

-مايشرب كحول 🥂🥂 لأن بيزيد تأثيرو(المثبط للجملة العصبية).

وكمان الوتأثيراتو الجانبية🙆

الاستخدام لوقت طويل يسبب حدوث مايسمى تحمل tolerance يعني ماعاد يستفيد المريض عالجرعة الموصوفة😞😔👈 صار بدو اكتر لهيك لازم ماتنعطى بشكل متواصل وإنما بشكل متقطع😎.

-تاني شي استخدامو لوقت طويل بيعمل إدمان 😱😱.

كيف ممكن نشوفو بالصيدلية 🏥 :

-امبولات 💉 (حقن) باسم تجاري DIALIN

-مضغوطات 💊💊 باسم تجاري DIABAM

لبانة العدية🌸🌹

#ميددوز 💓