#دواء_نباتي_شائع 🌱

《يا أمي صوتي مبحوح مانو ميطلع 😭
خلص يا بنتي روحي خديلك كم حبة سكر نبات بيرجع صوتك الحلو 😍 😊
وبتصرعي البيت بصوتك 😂👌 》

-سكر نبات هو عبارة عن بلورات سكرية قاسية كبيرة الحجم نوعا" ما،
يدعى ب(ابن خال العسل) لتشابهه معه في الطعم 😋 😋.

-يتناول مصا" بالفم ويستخدم لتحلية بعض المشروبات والحلويات. 🍺.

-يصنع من عصير الشوندر السكري أو قصب السكر .

استعماله:
1-دواء لأمراض الصدر
2-لعلاج الربو التحسسي
3-علاج للحنجرة (الخشونة والبحة)
4-يعمل على تليين الأوتار الصوتيه (تجميل الصوت والسيطرة عليه بشكل أفضل)
6-يستخدم للتنحيف
7-عند الحامل له فوائد حيث له قدرة على تسريع الحمل من خلال تنظيف الشوائب والسوائل من المهبل ويفك انسدادات الرحم التي تحول دون الإنجاب. ✅
8-مصدر مهم للطاقة عند الرياضيين
9-يساعد على التئام الجروح حسب آخر الأبحاث والدراسات
10-لعلاج الاكتئاب 😞
11-منشط للكبد ويخلص الجسم من السموم

⚠ أضرار كثرة تناوله :
1-نقص نسبة النحاس والكالسيوم والمغنزيوم في الجسم
2-يزيد نسبة الكوليسترول الضار بالجسم
3-يعمل على احتباس ماء الخلايا
4-يسبب اضطرابات معدية
وأخيرا"...لاتنسوا هالدوا البسيط والمتوفر بين أيدينا لعلاج كتير أمراض 👌 😊✅

د.ندى حمدان

#ميددوز

#معلومة_عالسريع😍

☆اللقاح الثنائي: الدفتيريا+ الكزاز
★اللقاح الثلاثي: الثنائي+ السعال الديكي
☆اللقاح الرباعي: الثلاثي+ المستدميات النزليةB
★اللقاح الخماسي: الرباعي+ التهاب الكبد B
☆لقاح MMR: الحصبة+ الحصبة الألمانية+ النكاف
★لقاح BCG: السل
☆لقاح شلل الأطفال: يقسم لفموي وعضلي:
سابين: اللقاح الفموي
سالك: اللقاح العضلي

#ميددوز
د.مريانا نايف شرف الدين 💚

#اسم_علامة: 😍
^^ لجام لاد(ladd's band) ^^

🔸لجام يمتد من الأعور إلى جدار البطن نتيجة خلل في دوران الامعاء خلال الحياة الجنينية حيث يتوضع الاعور في اعلى و منتصف البطن بالقرب من الكبد.

🔸هذا اللجام يضغط على القطعة الثانية للعفج و يسبب انسداد امعاء عند حديثي الولادة يتظاهر بإقياءات صفراوية تحدث بعد الولادة مباشرة و أحياناً بعد بضعة أيام أو أسابيع أو أشهر.

د.حمد أسعد غانم 💚
#ميددوز

#أطفال

^ انشقاق الشفة وشراع الحنك ^

^ Cleft lip and cleft palate ^

🔺هو تشوّه خلقي بسبب عدم تطور وارتباط الانسجة بشكل كامل، حيث يوجد تفرق بين طرفي الشفة العليا وقد يشمل قاعدة الأنف و عظيمات الفك العلوي .
🔺 وقد يكون لوحده أو مشترك مع انشقاق الحنك .
🔺تتهم الوراثة والادوية المشوهة والعوامل الكيمائية بإحداثها 😔

🔷العلاج : جراحي 👌
🔸حيث في حال انشقاق الشفة نبدأ بالتداخل بعمر 3أشهر.
🔸أما إصلاح انشقاق شراع الحنك عادة يتطلب عدة عمليات و أول الجراحات تكون بعمر 6-12 شهر وقد تستمر العمليات حتى عمر 18 سنة.

🔺الطفل بعد الجراحة غالباًويعود شكله طبيعي 💚
🔺 التأخر بالعلاج قد يسبب مشاكل بالسمع والكلام واضطرابات إطعام .

د.رنا صالح الحسن 🌸
#ميددوز

#توعية💓

<<لأنك ست بيت شاطرة ومثقفة 😍>>

✅لما تطبخي ملوخية ورز ، انتي بتعرفي انه الخضروات الورقية غنية بفيتامين #B9 يلي بيتخرب تحت تأثير درجة حرارة الطهي ، ونقصه بيسبب فقر دم ، لذلك رح تعملي جنب الملوخية صحن سلطة خس أو جرجير مشان تعوضي الفيتامين يلي راح بالملوخية .

✅رح تسلقي الدجاج أو اللحم الأحمر وتحطيه بالطبخة لأنك بتعرفي انه غني بفيتامين #B12 يلي مااابيتخرب تحت تأثير درجة حرارة الطهي، وانتِ بيهمك عائلتك تحصل على B12 حتى مايصير عندن فقر دم واضطرابات عصبية .

✅رح تعصري ليمون ^بعد^ ماتصير الملوخية جاهزة حتى مايتخرب #فيتامين C بالحرارة، ولأنك بتعرفي انه هالفيتامين بيزيد امتصاص الحديد الموجود بالخضار الورقية .

✅لما تطبخي الرز رح تقدميه #طازج ومارح تسخني الرز البايت عندك من مبارح أكتر من #مرة وحدة حتى ما تسببي لعائلتك تسمم غذائي 😑.

✅وآخر شي رح تحطي #شوية مخلل جنب الأكل لأنه البكتيريا النافعة يلي فيه رح تساعد على الهضم، ولأنه بدراسة يابانية وجدوا انه المخلل بيخفض خطر الإصابة بسرطان #الطحال لكن تناوله بكثرة يزيد خطر الإصابة بسرطان #المعدة .

لازم تكوني مثقفة وضرسك طيب 😌✌

د. علياء معتصم حرب 🌺
#ميددوز.

#جلدية

🔺 رح نحكي عن موضوع شائع كتير و هو الشرى يعني بالعامية رح نسميا تجاوزاً ولحتى تتبسط الفكرة للكل
" الحساسية "
🔺الشرى (الحساسية ) هو رد فعل التهابي من الجلد نتيجة إما اتصال الجلد مباشرة مع مادة مؤرجة (محسسة) او استجابة الجلد المناعية نتيجة وجود هالمادة بالطعام أو حتى نتيجة تماس الجلد مع أشعة الشمس 😟

🔺أنواعه :

🔷 حاد : يظهر خلال دقائق من التعرض للمادة المحسسة و من الممكن أن يستمر لأسابيع.

🔷 مزمن : عند استمرار ظهور هالحساسية لأكثر من 6 أسابيع ( بعض الدراسات الحديثة أظهرت أنه يوجد أنواع من الحساسية تستمر لأكثر من سنة أو حتى 10 سنين 🤦)

🔷 دوائي : نتيجة تناول بعض الأدوية المسببة للشرى منها :
السيلفوناميد(مضاد حيوي) و أدوية الصرع.
🔷 فيزيائي :
تعرض للحرارة - الماء-الشمس-الضغط (متل لما نلبس تياب ضيقة لفترات طويلة او حتى شد الحزام لفترات طويلة)

🔺 كيف #نعالج؟

🔶 مضادات الهيستامين من نوع H1 بالدرجة الاولى (متل السيتريزين)

نذكر بعض أنواع الأطعمة التي قد تسبب شرى لدى البغض ويفضل التقليل منها أو الابتعاد عنها قدر الإمكان :
السمك
البيض
الشوكولا
الفريز

دمتم سالمين ❤️

د. لجين أكرم القطامي🌸
#ميددوز

#عصبية
Parkinson's disease ☆

^^ باركنسسسسسسسون ^^

🔶 خلينا نحكي شوي عن المرض يلي غالباً بينصاب فيه الأشخاص بين 50-70 سنة .

🔶 وحسب الدراسات فإن إصابة الرجال أكثر من النساء.

👆 يحدث غالباً بسبب نقص في مادة الدوبامين نتيجة تنكس بالمادة السوداء (أحد النوى القاعدية بالدماغ ) التي تقوم بفرزه .

🔷يتميز ب3 أعراض أساسية :

1🔺 بطئ بالأعمال التي يقوم بها المريض (مثل الحكي ، ارتداء الملابس ، الكتابة ، المشية الباركنسونية ..)

2🔺 تصلب بالحركة بما يدعى "صمل الدولاب المسنن " حيث يزداد توتر العضلات

3🔺 الرجفان السكوني (الذي يحدث وقت الراحة) لا إرادياً .

🔷 ملاحظة :

🔺 تكون بداية الحركة عند المريض صعبة ويمشي بخطوات صغيرة خلف مركز ثقلو أي يكون جسمه منحني للأمام ، كما نلاحظ أن المريض يخطي بسرعة ليحافظ على مركز الجاذبية الخاص به كي لا يتعثر ويسقط ) ♡


د.رنا نبيل السنيح 💚
#ميددوز

#نسائية❤

🔴التهاب الثدي الحاد Acute mastitis:

🌟حالة التهابية تصيب نسيج الثدي عند المرضع (الأشيع) و غير المرضع

🔷في الكثير من الحالات يحدث الالتهاب خلال الأسابيع 12-6 الأولى بعد الولادة، و يمكن أن يحدث لاحقا خلال فترة الإرضاع

🔷أشيع مسبب هي العدوى بجراثيم المكورات العنقودية

🔹حيث أنه خلال الإرضاع ...يمكن أن تتعرض الحلمة لعضات الرضيع و تحدث فيها تشققات ...فتدخل "الجراثيم الموجودة على سطح الجلد أو القادمة من فم الرضيع" عبر التشققات أو من خلال فتحة القناة الحليبية و تسبب التهابا

⭐أعراضه :

🔺ألم عند ملامسة الثدي (مضض)
🔺تورم و انتفاخ بالثدي
🔺ألم أو شعور حرقة أثناء الإرضاع
أو بشكل مستمر.
🔺احمرار و سخونة بجلد الثدي
🔺ارتفاع بدرجة الحرارة "حمى"

👈تكون الصادات الحيوية (الفموية) فعالة عادة في علاج الحالة.. و ذلك بعد وصفها من قبل الطبيب.

#ميددوز💜

#حالة_مهمة_جدا 👌

اجا لعندك مريض بنوبه ربو .. الاكسجه عندو منخفضه و PCO2مرتفع .. هون انت طمنت بالك لان اكيد مريض متقبضه القصبات اوكسجينو نازل ف أكيد الCO2طالع 😌👌

طبعا عظم الله اجركم شي عشر دقائق المريض ودع بالاسعاف 😳😳😳😳😳😳😳😳😳😳

الفكره ومافيا انو مريض الربو نتيجه فرط التهوية بالمرحله الخفيفه بيقدر يعاوض نقص الاكسجه وبينخفض الCO2 فبصير عندو نوع من القلاء الاستقلابي .. وبالنوبه متوسطه الشده مابيقدر يعاوض نقص الاكسجه بفرط التهويه بس بضل عندو PCO2 منخفض و حاله قلاء استقلابي .. بس لما المريض ببلش الPCO2 يصير طبيعي و يرتفع بعرف انو مريضي بلش يدخل بقصور تنفسي وشوي شوي رح يودع هذه الدنيا وهون لازم خاف واتخض وبلش تدبيراتي 🤲🏻

#الخلاصة : مريض ربو اجاك ب اكسجين منخفض و ثنائي اكسيد كربون مرتفع ... لا تهملو لا تنساه 😌👌

د . مارينا ديب
#ميددوز

#جلدية💚
علامة قشر البصل المميزة للضمور الجلدي Atrophoderma

#أذنية❤
عمل الحبال الصوتية 😍🎵

د.جودي سليمان🌺

#جراحة_قلبية😍

<< طب عمليات القلب المفتوح🤗 قبل ما يخترعو جهاز القلب و الرئة الاصطناعي كيف جربو يعملووها؟!!🤔>>
✨تعو معي لنشوف احدى هل المحاولات😍😍

🔴بعض الجراحين قالو انو مثلا منوصل هالشخص اللي بدنا نعملو العملية مع ابوه او امو(او قريب الو)بس بشرط تكون الزمرة الدموية نفسها🤭

⚫️يه 🤯😳 كيف يعني و معقوول!!؟

🔴اي معقول 😬

⚫طب شو الآلية بهالطريقة؟!!!

🔴الآلية هون🔷 انو بيوقفو قلب الولد🤗 و بيوصلو شريان و وريد من الام او الاب( او قريب له) مع شريان و وريد من الطفل 😲 (شريان طفل+شريان قريب له) (وريد طفل+ وريد قريب له)

🔷و هون بصيرو الام او الاب هم رئة و قلب بديل للطفل بشكل مؤقت ريثما تتم هالعملية😍

💭و بالفعل اجرو هالعملية لطفل بعمر 12 سنة لاصلاح ثقبة بين بطينية
و تم اصلاح هالفتحة😍
و اجريت عمليات ثانية و ثالثة من هالنوع و كانت نتائجها جيدة🤝

د.لبنى موفق أبوراس💙
#ميددوز🌸

#أورام💚

كيفك سيدتي😌😌
منكمل موضوعنا عن سرطان الثدي🎀
هالمرة رح نحكي عن الوقاية من سرطان الثدي ورح اشرح شوي بطريقة الفحص الذاتي🙊

بالبداية اهم طرق الوقاية هنن:

1-الحمل المبكر: كان واضح بالدراسات انو اللي حملها الاول بعمر العشرين بينخفض احتمال اصابتا بسرطان الثدي🤰🏻..(هالعالم مع الزواج المبكر😂)
2-الرضاعة الطبيعية:🤱🏻 بتخفض نسبة الاصابة بالسرطان 😇
3-الرياضة 🏃🏻‍♀:حوالي ساعتين ونصف اسبوعيا بتخفض نسبة الاصابة 18% (حركي حالك ياكسلانة💃🏻)
4-إنقاص الوزن والتقليل من الدهون🍔
5-كتري فواكه وخضرا لأنها غنية بالالياف 🍏🍌🥒🥦
6-تجنبي الكحول🥂
7-تجنبي المعالجة الهرمونية لإطالة الحياة الجنسية
8-الفحص الذاتي للثدي كتيييير مهم لان الكشف المبكر عن السرطان بخلي النتائج العلاجية ممتااازة (كوني مهتمة بحالك👩🏻‍⚕)
9-الفحص الطبي الدوري بالماموغرافي بعد سن ال40 👑
10-استئصال الافات السليمة ذات خطر التحول الى خباثة💔

🎀وهلا رح نحكي عن الفحص الذاتي..الصورة كتير واضحة بس لازم تعرفي انو فحص التناظر كتير مهم (يعني اذا الثديين متل بعض بالحجم والشكل) 🎀 وفحص التناظر بكون بوضعيتين : الاولى وايديكي لتحت والتانية وايديكي ورا راسك👩🏻
🎀لازم تلاحظي شكل الحلمة او وجود نز لسائل منها.
🎀بتبلشي من عند الحلمة بحركات دائرية بعكس عقارب الساعة 🔄
وهيك من جوا لبرا لحتى توصلي عالابط..
🎀الوقت الافضل لهالفحص بعد الدورة الشهرية مباشرة

طبعا في دراسات بترجح انو حمالات الثدي الضاغطة بتزيد نسبة الاصابة🤷🏻‍♀

ديري بالك على حالك وعلى انوثتك ولاتهملي حالك ابدا 🎀

د.جودي سليمان
#ميددوز 💙

#حالة_سريرية ❤
#متلازمة_السحب_الكحولي ❤

<<قرر أن يتوقف عن شرب الكحول فتوفي 😳 >>

ماتخاف وقت يكون الطبيب شاطر ما ح يصير هيك 😌
وقت تكون عم تشرب كتيير ولسنين طويلة لازم قبل ماتوقف ✋🏻 تستشير بالأول طبيبك 🏨

#الانسحاب_الكحولي🍻🍻
#alchololic_withdrawal
بعد يوم صعب وطويل بالاسعاف 😐 بيجيك مريض مع عيلتو عم ترجف ايديه ويقلك راسي يا دكتور عم يجعني كتيررر .. بتصير مرتو تبكي وتشكيلك دخيلك يا حكيم زوجي مابعرف شبو 😣😣 فاق الصبح بأمان الله فجاأة صار يستفرغ ويعرق كتير ويجعو راسو وبطنو وترجف ايديه 👐👐 قلت يلا شوي بيرتاح وإذ بعد كم ساعة بترتفع حرارتو 📈 وبصير يتخيل حالو عم يسمع ويشوف أشياء ما موجودة "عم يهلوس"

💡 شو كان عم يساوي قبل هيك؟
🍺 ولله يادكتور مش ..قرر يوقف عن الشرب .. فجأة صار فيه هيك😪

💡قديش إلو بيشرب بحياتو؟
🍺 الو سنين بيشرب كتير بس هي أول مره بصير معو هيك لأنو وقف ☹

🍺 أي ما تشغلي بالك يا مدام يلي مع صار مع زوجك "#متلازمة_انسحاب_كحولي" محلولة انشالله 😎

💡طيب شو سببا؟ ما من المفترض يتحسن الواحد كونو ترك الكحول؟
🍺 كتفسير طبي مبسّط: الكحول له تاثير مثبط على نظام الجسم ويبطىء عمل الدماغ ⬇ ، وتتغير سرعة انتقال السيالة بين الأعصاب .. يعني مع الوقت الجهاز العصبي المركزي للإنسان بيتأقلم مع وجود الكحول بالجسم كل الوقت وبحاول الجسم قدر استطاعتو يحافظ على عمل الدماغ 🤷🏻‍♂ .. لهيك لما فجأة بينخفض مستوى الكحول بالجسم الدماغ بكون بحاله حيرة "بفوت بالحيط " لأن صار شي ما متعود عليه من قبل...

💡يعني يا حكيم خليه يرجع يشرب ليطيب؟
🍺 كمان ما قلت هيك ..في أدوية بتساعد بهالحالة 💊يلي هي مركبات البنزوديازبين "كلورودياز بوكسيد" او "ديازيبام" وشويه فيتامينات .. و منخليه بالمشفى اليوم لنطمن عليه ❤

💣 عدم القدرة على التنبؤ بحالة متلازمة الانسحاب الشديدة قد تؤدي إلى اصابات بالدماغ 🙄 أو الوفاة 😔 ممكن نتجنب إصابات الدماغ بمضادات NMDA او مضادات الكالسيوم..

💣 الاستخدام المستمر والشديد للبنزوديازبين بعرقل عملية الشفاء من متلازمة الانسحاب

💣التدخين قد يبطىء أيضا من عملية الشفاء من متلازمة الانسحاب..

💣استشر طبيب و كون قوي وما تضعف وقت تقرر تبطل شرب لان صحتك بالدني💪

د. مي حسنا 💙
#ميددوز ❤

#هل_تعلم ❤
《 تداخلات دوائية يجب تجنبها 》

✌️1-لا يعطى حبوب أوميغا 3 مع مضادات التخثر أو حالّات الخثرة لأن ذلك قد يسبب نزيف.

✌2- لا يعطى الأزيترومايسين Azithromycine مع مضادات الحساسية Antihistamine لأن ذلك يسبب ألم شديد في الصدر وتطاول قطعة QT في مخطط القلب.

✌️3- لا يعطى الميترونيدازول مع الوارفارين لأن ذلك ممكن يؤدي الى النزيف الحاد المميت.

د.رأفت بحصاص ❤

#ميددوز