#ميددوز_عينية ❤

💦 #الدُماع 💦

🔷️ ️بالرغم من أهمية الدمع في الحفاظ على رطوبة العين وحمايتها من الجفاف بالإضافة لدوره في الدفاع عنها ضد الإنتانات لاحتوائه على بعض البروتينات التي تلعب دور مضاد حيوي 😍 ، إلا أنه عندما يزداد عن حده الطبيعي يؤدي إلى اضطراب الرؤية القريبة وسيلان أنفي 😪

🔷️ ️يحدث الدُماع نتيجة زيادة بإفراز الغدد الدمعية .

🔴 ️ ️أسباب #الدُماع :

🔸️️التهاب الملتحمة أو التهاب القرنية ✌
🔸️سبب نفسي عاطفي (حضران شي فلم هندي 😭 أو كوميدي 😂 )
🔸️إجهاد العين 👍
🔸️الظروف الجوية مثل الرياح والبرد وأشعة الشمس
🔸️تخريش النهايات العصبية الحسية للعصب القحفي الخامس ( كما في الأمراض السنية والجيوب الوجهية )
🔸️وجود جسم غريب أو أهداب حاكة .
🔸️استنشاق بعض الغازات أو الروائح المخرشة ( مثل بعض مواد التنظيف )
🔸️أحياناً أسواء الانكسار ( مد البصر - حسر البصر ..)

🔷️ هناك حالة تسمى 《 الدُماع الانتيابي 》 ، تحدث عند المصابين بشلل العصب الوجهي في مرحلة الشفاء عندما يقوم المريض بمضغ الطعام .
( بالعامية بيسموها دموع التماسيح 😁😁 )

🔷️ #العلاج :
يكون حسب السبب ،، وفي أغلب الحالات يحدث شفاء تلقائي ✌،
وقد يكون الحل جراحي في حال تواجد انسداد في القناة المفرغة للدمع 👍

✴انشالله ما بتدمع عينكن غير فرح 😍❤
زينب السلوم 🌸

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_الدُماع

#ميددوز_صيدلة ❤
#حاصرات_قنوات_الكالسيوم 💉💊
#Calcium_Channel_Blockers
#CCB

كيفكن اخواتي نحنا اشتقنالكن انشالله انتو اشتقتولنا كمان 😍
المهم وبلا طول سيرة اليوم رح نحكي عن عائلة دوائية 👪 متعددة الاستعمال واللي هيي #حاصرات_قنوات_الكالسيوم

💝 حاصرات قنوات الكالسيوم بتأثر على قنوات الكالسيوم المبوبة بالفولتاج (يعني اللي بتفتح وبتسكر حسب كمون الغشاء) وبتثبطها 🚫 هالقنوات موجودة بكتير محلات منها العضلات الملساء الوعائية والقلب ووجود الكالسيوم ضروري لتقلص هي العضلات بالنتيجة حاصرات قنوات الكالسيوم رح يكون الها تأثير سلبي عقلوصية هالعضلات ومن هون جاءت استعمالاتا الدوائية

💝 بتتصنف هالادوية لتلت مجموعات حسب بنيتها الكيميائية وبتختلف عن بعضا بالاستعمالات الدوائية:

1_ مركبات دي فينيل ألكيلامين ومنها فيراباميل وهوي انتقائي نسبية للعضلة القلبية 💜 ومنستخدمو بعلاج ارتفاع ضغط الدم والذبحة ولانظميات التسرع فوق البطينية والوقاية من صداع الشقيقة

2_ مركبات بنزوثيازيبين: ومنها الديلتازيم وهالمركبات وسطية بين اول مجموعة اللي إلها انتقائية قلبية وبين تالت مجموعة اللي إلها انتقائية للعضلات الملساء الوعائية ومنستخدمو بعلاج ارتفاع ضغط الدم والذبحة ولانظميات التسرع فوق البطينية

3_ مركبات دي هيدرو بيريدين: في منها جيلين الجيل الأول متل النيفيديبين والجيل التاني متل أملوديبين وفيلوديبين ونيكارديبين ونيسلوديبين وكليفيديبين اللي هوي الأحدث ومتوافر حقن وريدي فقط وهالمجموعة استخداما الأساسي لعلاج ارتفاع الضغط الدموي

💝 الحرائك الدوائية: معظمها عمرو النصفي قصير 3_8 ساعات بعد الإعطاء الفموي لهيك منحتاج أحيانا نستخدمها 3 مرات يومياً ما عدا الأملوديبين اللي عمرو النصفي طويل وبيكفي تناول جرعة يومية وحدة

💝 التأثيرات الجانبية:
1_ الإمساك والأكثر شيوعا عند استخدام الفيراباميل
2_ الوذمة المحيطية
3_ انخفاض الضغط اللي ممكن يصير عند الإفراط بالجرعة بكل أنواع أدوية ارتفاع الضغط وبيأدي للصداع والدوار والتعب
4_ لازم نتجنب الفيراباميل والديلتيازيم عند مرضى فشل القلب لأنو بتزيد الحالة سوءا
5_ لازم نتجنب الجرعات العالية من الأدوية قصيرة المفعول لأنو ممكن تسبب احتشاء عضلة قلبية نتيجة التوسع الوعائي المفرط وتحفيز منعكس تسرع القلب💔

شاركونا شو بتعرفو معلومات عنها ✌✌

مجدي

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_حاصرات_قنوات_الكالسيوم

#ميددوز_أطفال ❤

⚃بعض النصائح الهامة #للمرضعات 🤱🏻

💡حليب الأم هو أفضل حليب نقدمه للرضيع بعد الولادة ، فهو الأنسب والأسلم للرضيع 😍

💡يجب أن نسمح بالإرضاع فوراً بعد الولادة ،حيث يوجد في الثدي بعد الولادة #اللبأ و هو حليب غني جداً بالغلوبولينات المناعية و التي تعطي الرضيع المناعة المبكرة ضد الانتانات ✌

💡يجب مسح الحلمة قبل الإرضاع بقطعة شاش مبللة بماء #نظيف ، و يجب عدم سحب الحلمة من فم الرضيع كثيراً لأن هذا العمل يسمح للرضيع بأن يبلع كثيراً من الهواء و بالتالي تزداد نسبة حدوث الإقياء بعد الانتهاء من الرضاعة 👌

💡يجب على الأم المرضع أن تتناول المقويات و المغذيات التي تحوي الكالسيوم و الحديد 🥛🥗

💡 يفضل تجنب الرضاعة أثناء نوم الأم أو نوم الرضيع خوفاً من حدوث الاستنشاق 😓

💡أخيراً يجب إرضاع الثدي كاملاً ✌و عدم الانتقال الى الثدي الآخر إلا بعد التأكد من خلو الثدي الذي يرضع منه الرضيع من الحليب ، و السبب في ذلك أن أغلب #الفوسفوليبيدات المفيدة للرضيع توجد في أخر حليب الثدي 💆‍♀️

دمتنّ وأطفالكنّ بألف خير🤱💙
رنيم الحسن 🌺

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_أهم_النصائح_للمرضع

#ميددوز_جلدية ❤
#النمش ❤

يا ترى عندك نمش؟
هالصفة اللي بتعطي نعومة وجمال ممكن تكون خطيرة؟ 😨
برأيك ممكن نعالج النمش ونخفيه؟ 💉
تابعو معنا بهالمقال 🤩

◀ بالبداية شو هو النمش؟

هو بقع صغيرة بنية اللون على الجلد متناظرة ☺
تظهر في منتصف الوجه عادة 👱🏻‍♀ أو الساعد أو العضد 💪🏼 أو الكتفين 🙅🏻‍♀ وأعلى الظهر في أعمار باكرة 💁🏻‍♀ , تتراجع مع تقدم العمر 🧓🏻
تصيب ذوي الشعر الأحمر❤ أو الأشقر 💛

◀ النمش مرض وراثي
يورث بصفة جسمية سائدة (طبعاً اعتبرناه مرض لأنو بخالف الطبيعي إنما هو غير مؤلم وغير خطير 💚).

◀ شو ممكن تكون اسبابو ؟ 🧐

⭕ الاشخاص الذين لديهم بشره حساسه يتشكل النمش لديهم بأدنى تعرض للضوء ☀
⭕ النمش قد يكون وراثياً أو انتقالياً من جيل لآخر (يعني اذا اخدت وحدة منمشة ممكن تجيك بنت منمشي ياسيدي 😍)
⭕ الاضطراب النادر في الجلد يسمي "جفاف الجلد المصطبغ"(Xeroderma pigmentous ) قد يقود لتشكل النمش حيث أنه يجعل الجلد حساساً للأشعة فوق البنفسجية ☀

◀ يبدأ النمش في شكل بقع مصبوغه ومع الوقت تتحول الي لون بني غامق ومع مرور الزمن تتغير الي بقع حمراء أو صفراء (تشرين يعني 💛❤) .

◀ بشرة الوجه 👱🏻‍♀ هي الأكثر عرضة للنمش لان الوجه هو الجزء الوحيد الأكثر تعرضاً للشمس ☀ ، لذلك ستجد الكمية الأكثر من النمش على الخدين ☺ والانف 👃🏼 والذقن ، مع ذلك الأجزاء الأخرى من الجسم كالرقبة والذراعين والرجلين قابلة لتشكل النمش عليها 🤫

◀ النمش هو اضطراب في الجلد ولكن لا يعتبر حالة طبية خطرة (مرض لطيف 🌸)

◀ كتار بيكرهو النمش وبحسوه نقص فيهن وبيسألو : يا الله في علاج الو؟ 💉

جوابنا الهن 🤓😎 :
لا يتلاشى النمش مع تقدم العمر في بعض الحالات.
لكنننن من الممكن علاجه 😍 بواسطة حمض الستريك أو العلاج بالليزر.
وينصح الأشخاص المصابون بالنمش عدم التعرض لأشعة الشمس ☀ لأنهم أكثر عرضة للتعرض للأشعة فوق البنفسجية وكذلك استخدام واقي شمسي 😎

جودي آسر سليمان 🌻

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_النمش

تتذكرو هالغنية ؟ : ^ #جسر الحديد انقطع من دوس رجليا ^ كنتو تغنوها جسر الحبيب انقطع ولا لاء 😂😂😂

هالغنية بتمثل #حالة_طبية_صعبة 😥😥😥
لي هيي اصابة منطقة بالراس اسمها ( الجسر )بمتلازمة اسمها ( الانعقال ) بيصير فيها انو المريض ما عاد يقدر يحس بأي طؤف من اطرافو الاربعة ؛ و كمان ما بيقدر يحرك و لا طرف من اطرافو الاربعة 😥😥 و بتنصاب الغالبية العظمى من اعصابو الدماغية و بتروح فعاليتا ... بيضل عندو شغال بس دماغو و عصبين بيحركو العين ( ارقامن ٣+٤ ) 😥😥
👈👈👈👈 يعني المريض ما عاد يقدر يعمل شي بحياتو غير يحرك عينو لفوق و يحركها لتحت بس 😥😥😥😥😥

و هيك منكون حرقنالكن الغنية و كل مارح تتذكروها رح تتذكرو متلازمة الانعقال و تحزنو 😂😂

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_انعقال

#ميددوز_معلومة_قلبية ❤ :

🌹 متلازمة درسلر 🌹
🍃هي عبارة عن التهاب تامور مناعي ذاتي
🍃يحدث بعد حوالي 3 أسابيع من حدوث الاحتشاء
🍃آلية حدوثها هي نخر العضلة القلبية الذي يحرض تشكل الأضداد الذاتية
🍃التظاهر السريري : حمى و ألم صدري و احتكاكات جنبية و تامورية
🍃علاجها يكون بالستيروئيدات القشرية و المسكنات

رزان يونس 🌟

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E

#ميددوز_جلدية❤

مساءً : بكرى عندي مناسبة كتير مهمة 😍😍الحمد لله انه بشرتي صافية😍😍 .

صباح اليوم التالي : 🙂🙂🙂
ماهذا الذي أراه يارباه !
😆 حبة بحجم حبة اللولو تزين منتصف جبهتي 🌚🌚😂😂.

حديثنا اليوم عن حبات اللولو 🌚 يلي هني علمياً👈 #حب_الشباب.

من #أشيع الأمراض يلي بتواجه طبيب الجلدية ،
كتير ناس بتفكر انه مافي داعي لعلاج حب الشباب لانه بيروحوا لحالن ،هاد المعتقد #خاطئ لأنه👈 بدون العلاج ممكن يتشكل عالبشرة بقع #داكنة وندبات #دائمة تشوه منظر البشرة 🌝، ولأنه علاج هالحالة بتزيد ثقة الشخص بنفسه .

🎀لما نقول حبة دغري بيروح بالكن على بروز دائري وردي اللون، لكن كل هي الأشكال التالية هيي حب شباب :

🎈رؤوس بيضاء .
🎈رؤوس سوداء .
🎈حطاطة (الشكل الشائع يلي بتعرفوه ).
🎈كيسات.
🎈عقيدات (مراحل شديدة من حب الشباب).

🎀وين بيظهر الحب أكتر شي ؟

وجه/ عنق/ صدر/ ظهر /كتفين .

🎀شو الأعراض يلي بيسببا ؟
🎈قلة الثقة بالنفس .😥
🎈اكتئاب .😪
🎈بقع داكنة وندبات دائمة قد تستغرق أشهر أو سنوات لتختفي.

🎀مين ممكن يظهر عنده الحب ؟
رجل وامرأة وطفل وعجوز ماحدا بينفد منه، لكن معظم يلي بيعانوا من حب الشباب هني المراهقين ، وفي حالات بتأهب #لزيادة ظهوره متل :

🎈التغيرات الهرمونية متل فترات الطمث والحمل 🤰.
🎈أدوية متل الكورتيزون مثلا💊.
🎈الغذاء من شيبس وشوكولا ومنتجات الألبان وأغذية غنية بالكاربوهيدرات🍕🥞🧀 بتسيء لحب الشباب.
🎈التوتر بيسيء لحب الشباب ..لهيك لاتتوتري قبل المناسبة حتى بشرتك ماتخزيكي 😌🤗.

👈المكياج oil_free💄 #مابالضرورة يسيء للحب خصوصا اذا كنتي بتزيليه بانتظام ومابتنامي فيه .

👈 #مو يعني اذا بيطلعلك حب لانه بشرتك وسخة 🙄، الفرك والتنظيف الزائد للبشرة بمواد مخرشة بيهيج البشرة وبيزيد الوضع سوء.

🎀كييف بيطلع الحب؟
بسبب انسداد مسامات البشرة الذي يبدأ بتراكم خلايا البشرة الميتة بدل ماتظهر ع سطح البشرة ونتخلص منها ، ولما يزيد إفراز المواد الدهنية بتشتغل متل الصمغ وبتلزق هي الخلايا الميتة ببعضا داخل هالمسام وهاد المكان بهيك صفات هوي المكان الملائم للجراثيم👺 يلي بتقتحم هالمسام وبتعمل احمرار وانتفاخ وبتظهر يلي مابتتسمى 🌚 .

👈#التشخيص بيكون بالذهاب للطبيب ليحدد الدرجة تبع الحب والعلاج المناسب الها .

👈 #مو يعني اذا رفيقتك استفادت ع كريم رح تستفادي عليه ولايعني اذا هيي اخدت كورس لعلاج الحب عندا تطبقيه نفسه، لأنه كللل حالة علاجا منفصل عن أي حالة تانية ، وأساسا ممكن تفكري حالتك حب وتطلع حساسية مثلا🌚😐.

🎀العلاج ؟

🎈بحالات الرؤوس البيضاء والسوداء والحب الأحمر الخفيف استخدام كريمات تحوي #بيروكسيد_البنزويل أو #ساليسيليك_أسيد لكن ماتفكري أنه هاد الكريم سحري ورح تفيقي تاني يوم تلاقي حالك نانسي عجرم ☻..
لا عزيزتي .. هاد العلاج ليعطي نتيجة بده من ٤ ل ٨ أسابيع استمرار .

👈هي الكريمات الموضعية منها شي بيقلل افراز الدهون ومنها شي بيقتل الجراثيم .

🎀ممكن الطبيب يلجأ للعلاج الداخلي يلي هوي؟
💊صادات حيوية لقتل الجراثيم.
💊حبوب منع الحمل يلي آليتا هرمونية .
💊الريتان محبوب الجماهير.

👈في اجراءات كمان متل الليزر وتقشير البشرة بتفيد ببعض الحالات يلي بيحددا الطبيب .

🎀شو بتنصحينا لنخفف من ظهور هالحب ؟
🎈غسل الوجه مرتين باليوم خصوصا بأيام الصيف لأنه التعرق بيسيء للحب 🚿.

🎈وجهك مانه وجه طاولة لحتى تنزلي فيه تفريك 🤗 ، بلللطف عزيزتي بتغسليه لأنه هي الحركات العنيفة بتهيج البشرة .

🎈خليكي لطيفة مع بشرتك استخدمي المنتجات يلي بيكون مكتوب عليها alcohol_free .

🎈غسل الوجه بيكون بمي #فاترة.. لاااتفكري عزيزتي انه المي السخنة بتزيل الدهون .. وجهك ليس كوجه مقلاية بيض 🍳🌚.

🎈اذا شعرك دهني .. حمام يوم اي يوم لا .

🎈بشرتك مو صحن بذر تتسلي فيها وتعصري الحبة وتضل اصابعك عليها لأنه هاد الشي بيزيد الطين بلة .

🎈لاااا تطلعي بدون واقي شمسي ..بدون واقي شمسي لاا تطلعي .. حذاري تطلعي بدون؟☻🌚

🎈نحط ليمون وبيض وطحين ؟
برأيي حطين بقالب وكلي كيك 🎂أفضل من انه تحطيهن على وجهك ، #ليش؟
👈لانه اغلب يلي بيستخدموهن مابيعرفوا طبيعة بشرتن منيح وبالتالي عم يخربوا بشرتن اكتر مايفيدوها ..

👈ولأنه الماسك مو لعبة، اله وقت محدد وطريقة محددة وعناية بالبشرة بعده وقبله، لهيك يفضل اذا حابة تعملي هيك مغامرة تستشيري #طبيبتك او #الصيدلانية يلي هيي على خبرة عالية بهالأمور..
وهيي اذا حبت بتنصحك بماسك بيلائم بشرتك مع التعليمات المناسبة.

🎃لذلك رجاء هي الوصفات تبع مع عزيزة بتضلك لذيذة💁‍♀️ ماتطبقيها من حالك لانه اذا كانت صح ف ماشرط تناسب بشرتك .

#الوصفة_التي_أبكت_الملايين_لازالة_حب_الشباب🌚

اهتمي ببشرتك لتحصلي على بشرة مشرقة متلا 😍🎀.

علياء حرب🔮

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://

bit.ly/2LNgb3E
✅ #ميددوز_حب_الشباب

#ميددوز_صيدله❤
#دوا_من_على_الرف

أهم المعلومات عن #نيوبوناكير

1⃣هو عباره عن مضغوطات قابله للمضغ👌.
2⃣يحافظ على #نسب الكالسيوم والفوسفور وتمعدن العظم .
3⃣يقوي الأظافر ويمنع تكسرها💅.
4⃣يقوي الشعر ويساعد على زيادة كثافته🧝🏻‍♀ .
5⃣التركيب :
كل مضغوطه تحوي على كالسيوم ومغنزيوم وزنك ومنغنيز ونحاس وبورون وفيتامين د٣ .
6⃣الجرعة💊 : مضغوطتان يومياً #تبعاً لارشادات الطبيب المختص .
7⃣موانع الاستعمال 🛇: في حالات الفشل الكلوي .
8⃣الاحتياطات : يحفظ بعيداً عن متناول الأطفال
9⃣الحفظ : في مكان بارد بدرجة حراره دون 25 ْم.
🔟هو آمن عند استخدامه بالجرعه الموصوفه .

الصيدلانية رقيه رمضان رشيد 🌸

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_نيوبوناكير

#ميددوز_هضمية ❤

#داء_الرتوج_الكولونية :

🎀أغلبها كاذبة حيث تنفتق المخاطية و تحت المخاطية عبر العضلية
🎈نادراً تكون حقيقية أي تشمل كامل الجدار
🎀هو محدد لذاته في 90٪ من الحالات
🎈معظمها يترافق مع إصابة في السين أيضاً في ( 95٪ ) من الحالات

🎀تزداد نسبة الإصابة به عند :
👈المسنين
👈الإمساك
👈قلة تناول الألياف
🎈نادرة قبل سن ال 40 ، و غالباّ تكون لا عرضية إلا اذا اختلطت

🎀الاختلاطات :
👈التهاب الرتج الحاد التالي لانسداد عنق الرتج بكتلة برازية
👈الانثقاب و قد يسبب التهاب بريتوان معمم و نواسير
👈النزف و هو أشيع في رتوج الكولون #الأيمن و عند #المسنين
👈تضيقات الكولون التالية للرتوج المزمنة

🎈العلاج :
👈في المراحل الأولى نعطي حمية عالية الألياف و مضادات تشنج
👈في حال التهاب الرتج الحاد يكون العلاج محافظ و الصادات الحيوية
👈في حال الاختلاطات مثل الفلغمون الكولوني السيني نعطي صادات واسعة الطيف و سوائل #وريدية و جراحة أو تفجير

رزان يونس 🌟

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E

#ميددوز_توعية 🎗❤

•الشهر الزهري غني ب #الحملة_الوطنية للكشف المبكر عن سرطان الثدي .
تذكري انو الكشف المبكر حياة ؛ لا تهملي نفسك 🎀

• تهدف الحملة الوطنية للكشف المبكر عن سرطان الثدي إلى :
- توعية السيدات السوريات عن مخاطر سرطان #الثدي وأهمية الفحص #الدوري له بالإضافة إلى تدريبهن على كيفية إجراء الفحص الذاتي.
- إجراء الفحص #الشعاعي للسيدات في المراكز الصحية لشركاء الحملة في كافة المحافظات السورية.
- تقديم الدعم #الطبي للسيدات اللواتي يستدعي وضعهن المباشرة بالعلاج.

حيث سيتم العمل على هذه الخطوات في كافة المحافظات السورية من خلال التعاون بين الشركاء المؤسسين للحملة من القطاع الحكومي "#وزارة_الصحة - #وزارة_التعليم_العالي - #وزارة_الدفاع - #وزارة_الداخلية - #وزارة_الإعلام) بالإضافة للشركاء من المؤسسات والجمعيات " #الأمانة_السورية_للتنمية - #الهلال_الأحمر_العربي_السوري - #جمعية_تنظيم_الأسرة - #الجمعية_السورية_لأمراض_الثدي"
الذين سينظمون جلسات التوعية والتدريب بالإضافة إلى إجراء التصوير الشعاعي في المراكز الصحية ومتابعة عملية الفحص بشكل كامل.

لمن ترغب تتواجد الحملة أيضاً في مستشفى #المواساة_الجامعي _ قسم الأشعة ؛ إعتباراً من 3/10/2018 لغاية 31/10/2018

• الأم الأخت الابنة ؛ و كل سيدة تستحق الاهتمام و الحياة.
• الايكو و الماموغرام #مجاناً حسب الأماكن التي تذكرها بروشورات الحملة الوطنية .
• نطمح أن يكون مجتمعنا شافٍ من سرطان الثدي عن طريق التوعية و الكشف المبكر .

#لأنك_أقوى_من_السرطان 💗
#افحصي_حالك🎗
#كل_الحب_الكن 🎀
#ميددوز_توعية

#ميددوز_توعية ❤

انطلاقا من كتير مظاهر سيئة عم نشوفا عأطفال المدارس☹
هدول بعض نصائح للأمهات للتذكير مو أكتر 💜💜

👼طفلك لازم ينام بكير بحدود ٩ ساعات لحتى يفيق شبعان نوم وجسمه يتبنى صح 💆‍♂️💆‍♀️.

👼طفلك لازم ياكل ٣ وجبات رئيسية بالنهار بيناتن كم قطعة فواكه 🍒🍓🍌، أطفال كتير بيروحو عالمدرسة بلا فطور ❌، وهاد الشي مابخليهن مركزين وبيفكروا أول حصة بالأكل يلي بدن ياكلوه بالفرصة 😄.

👼طفلك لازم تبعتي معه سندويشة 🥖لحتى مايشتري من الأكلات يلي مو شامة ريحة النضافة 😷، فيكي انتي بالبيت تعمليله كيس بوشار صغير🍿 بطريقة صحية 😍، بسكويت بأشكال ترغبه للطفل 🥞وهيك بتضمني انه عم ياكل اكل نضيف .

👼الطفل بيجي بيستريح شوي وبيبلش دراسة،
عكس يلي عم نشوفه هلأ بيضل عم يلعب لتطلع الوظيفة الساعة ٨ المسا 🙄بيكون الطفل صار منهك😥 ولا تركيز ولا شي.

👼طفلك بده متابعة لدروسه📚 ليوصل لسن معين يقدر يعتمد على حاله وتقدري تثقي فيه .. رجاء أجلي الواتس والفيس للمسا🤳 وركزي ع دراسة طفلك🙂🙂.

👼طفلك بحاجة لحدا يسمعله من أول مايفوت عالبيت، هوي عنده أسرار ومشاكل صغيرة بده يحكيلك ياها اسأليه "بلطف وحنية" 🤗شو صار معك شو اخدتو اليوم شو عملتو انت ورفقاتك .. رح يحكيلك كلشي #بشرط انه اذا فاجأك بشي مارح توبخيه، رح تستوعبيه حتى مايخاف ويبطل يحكيلك شي 👍.

👼انتي بحاجة تعرفي مين رفقاته ، تتعرفي على مدرسته وآنساته تروحي كل فترة والتانية على مدرسته تسألي عليه على سلوكه👨‍🏫.

👼للبنوتات 👧 بشكل خاص تضبي شعراتا منيح ، والمحافظة على نظافة الشعر للوقاية من الإصابة بالقمل ، وكمان الغرة للبنت الصغيرة يلي تحت ال ٩ سنوات ممكن تأثر على الرؤية عندا.

👼اذا حسيتي انه ابنك عم يكبر الحرف وهوي عم يكتب او عم يقرب الكتاب كتير منه راجعي طبيب عينية👩‍⚕️.

👼لامانع من ساعتين تلفزيون 📺 بالنهار ، اكيد مو على تركي وهندي👳‍♀️👳‍♂️ وإنما برامج أطفال مسلية وحلوة 🤡🤠.

👼مافي داعي إطلاقا يكون معه موبايل لحد سن معين📱 ، لانه الانترنت بده مراقبة اذا صار بايد الطفل ، اذا عم تراقبيه بهالساعتين وعم تشوفي شو عم يشتغل بإمكانك تخليه ساعتا ولو انه مابحس الها داعي لسن معين 😷.

👼فرشاية الأسنان قبل النوم كتير ضرورية🛌 .

👼كتير حلو تجيبيله لعبة تلوين أو puzzle أو أي مهارة بيحبا تساعديه لحتى ينميها😍 ، طفلك ذكي بس بحاجة اهتمام ورعاية💕.

👼الشنتاية يلي بكتفين أفضل من يلي بكتف واحد وأفضل من يلي بيجرها الطفل ،بتضمن عدم انحناء الظهر ومشية سليمة صحية شرط ماتكون تقيلة كتير .

👼حلو مبدأ الثواب والعقاب، لما يعمل الصح يتكافأ بس اكيد مو على #كلشي حتى ماتصير أفعاله لمقابل، وهاد مبدأ سيء انه يتعلمه الطفل ، ولما يغلط يتعاقب عقاب ذكي يعني مو سفق كفوف وكلام بذيء🙃 ،بتحرميه من ساعة الاستراحة مثلا ..بتحرميه من أكلة بيحبا وهكذا ..

👼مافي داعي طفلك يسمع أصواتكن وانتو عم تتخانقوا ، بامكانكن تتناقشوا بهدوء🤗 .. هاد طفل رح يكوبس ورح تطلع شخصيته غير متزنة مع الأيام .

👼عم نشوف كتير تصرفات من الطفل تجاه آنسته تفتقر للأدب👨‍🏫 ،
👈علميه انه الطالب المؤدب محبوب أكتر من الطالب الشاطر يلي لسانه طويل،

👈علميه الكرم انه اذا شاف طفل مامعه أكل يعطيه السندويشة الزيادة يلي انتي باعتيها معه لهاد الهدف😉.

👈علميه انه عيب تستهزئ بشكل طفل أو بتيابه ، لانه رب العالمين ميز كل واحد منا بشكله وبشغلة حلوة مميزة حطا بوجهه أو بقلبه ف اذا ماشفت شي حلو بوجهه بيكون في شي حلو جوا قلبه 💕 ،
وتيابه يمكن أهله فقرا وماقدرو يجيبولو، مابتجي بتقوليله انه انت احسن من الكل وانت انضف من الكل❌، الطفل بيصير يعامل رفقاته بفوقيه وهاد الأسلوب كتير غلط.

👼بإمكانك كل يوم تعلميه مبدأ حلو بس الأفضل انه يشوفك عم تطبقيه مو بس عم تحكيه ، مثلا مابصير تبهدليه ع كلام بذيء بيحكيه وانتي كل حكيك بالبيت حشاكي مو حكي مأدب 😷، مابصير توبخيه لانه عم يستهزأ برفقاته وانتي بتستهزأي بجيرانك قدامه 👍.

👨كتير شي لطيف أنه الأب يساعد الأم ببعض هي المهمات، لأنه التربية ملقاة على عاتق الأب والأم وليس الأم فقط 💓.

👌كوني واعية منيح لابنك مو موسوسة، اذا عرفانة تربي صح وملاحقتيه بشكل صح لاتخافي عليه بأمان الله انشالله 🤗.

طفلك أمانتك ومرايتك ضلي تذكري هالشي 💕.

علياء حرب .

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E