#ميددوز_توعية ✌#حملة_التلقيح_الوطنية_ضد_مرض_شلل_الأطفال

ستقوم وزارة الصحة من خلال مراكزها الصحية ، و الفرق الجوالة بالحملة الوطنية للتلقيح ضد مرض شلل الأطفال.
-التاريخ من 7_11 تشرين الأول .
-اللقاح مجاني ، ولجميع الأطفال دون الخمس سنوات بغض النظر عن الجرعات السابقة.

•ارفعوا المنشور ليشوفوا كل حدا عندو طفل بهالعمر.
#أطفالكم_أمانة ❤

#ميددوز_صيدلة❤

#السالبوتامول💞

💗يدعى أيضا فينتولين.

💜دواء من مقلدات بيتا 2 قصيرة مدة التأثير.

💙له ميزة إحداث التوسع القصبي الأقصى.

💛 يستخدم لعلاج حالات الربو الخفيفة إلى متوسطة الشدة.

💚يبدأ تأثيره خلال 5 ل30 دقيقة ويستمر 4 ل 5 ساعات.

💖يفضل إعطائه استنشاقاً.

💓له تأثير مثبط لتقلص الرحم يمكن استخدامه بحال خطر الإجهاض.

💟لايجوز إعطائه ل مرضى الربو المصابين بقصور قلبي تاجي ،مرضى السكري،مرضى ارتفاع الضغط.

💕 يجب عدم استعماله لوحده بحال الربو المزمن.

❤تأثيراته الضارة ك نقص بوتاسيوم ومغنزيوم الدم وارتفاع سكر الدم تكون قليلة عندما يعطى بالطريق الانشاقي.

دمتم سالمين 💚
لبانة🌸

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_السالبوتامول

#ميددوز_نسائية ❤

انت دكتور الحارة 👨🏻‍⚕️و متخرج جديد 😍
دقت عليك جارتك 🧕🏻و قالتلك عم تعاني من ألم شديد اسفل و أيمن البطن😣 مع مشحات دم مهبلية خفيفة 😥
شو أول سؤال لازم تسألها عنو ⁉️وشو أول تشخيص يجب نفيه ❌❌

أول سؤال ✅ : لازم يكون عن تاريخ🔖 آخر دورة طمثية و في حال كان عنا تأخير بالدورة ☝🏻فالتشخيص الاول اللي لازم نحطو ببالنا هو :

💠#الحمل_الهاجر 💠

يا ترى ليش لازم نحط ببالنا أنو الحالة هي حمل هاجر ؟💡💡
📌لأن اجتماع الاعراض الثلاثة :
الم اسفل و ايمن البطن ➕النزف المهبلي الخفيف ➕انقطاع بالطمث 👈🏻هي الاعراض الوصفية للحمل الهاجر.

🌀أول تحليل دم نطلبو في حال وجود الاعراض السابقة هو : 📌تحليل هرون الحمل الذي يسمى (BHCG)
فيكون التحليل ايجابي ✅و مرتفع أما في حال سلبية ❌التحليل فهو ينفي الحمل ☝🏻.

✌🏻تاني أهم استقصاء لتأكيد الحمل الهاجر هو 🌀تصوير الرحم بالايكو :
🔹فيكون الرحم فارغ لان الحمل مهاجر لخارج الرحم و من هنا جاءت التسمية بالحمل الهاجر👍🏻

💡 و أشيع مكان لتوضع الحمل الهاجر هو :
⚠️البوق بنسبة 95% .
👈🏻ممكن أن يتوضع بأماكن أخرى مثل:
🎈قرن الرحم بنسبة 2%.
🎈البطن بنسبة 1%.
🎈المبيض نادرا" أو على ندبة قيصرية سابقة.

🔵 عوامل خطورة التعرض لحمل هاجر ؟

١-سوابق تداخل جراحي على البوق أو انتان.
٢-سوابق التهاب ملحقات أكثر عوامل الخطورة
٣-سوابق حمل هاجر احتمالية تكرار الحمل الهاجر هي 12% .
٤-ربط البوقين .
٥-جراحة بطنية.
٦-لولب .
٧-ورم ليفي .
٨-بطانة رحم هاجرة .
٩-الاخصاب المساعد اي طفل الانبوب .

💊💊العلاج :
الخط الاول في العلاج :
☑️هو العلاج الدوائي 💊بالميتوتريكسات 💊
في حال توافر الشروط التالية :
⏺مراحل الحمل المبكرة و البوق سليم .
⏺في حال كان هرمون الحمل أقل من 5000 ميلي وحدة.

☑️نلجأ للجراحة في حال :
⏺تقدم عمر الحمل أو ظهور دقاب قلب الجنين .
عندها لا نستطيع التدبير بالدواء سواء كان البوق سليم أو ممزق.
🔘في حال تمزق الحمل الهاجر يكون التدبير جراحي أيضاً نستدل على حدوث التمزق بالعلامات التالية :
☝🏻انخفاض ضغط شرياني .
✌🏻تسرع قلب.
👌🏻ألم بتحريك عنق الرحم.
🔘في حال كان هرمون الحمل أكثر من 5000ميلي وحدة.
<<و تكون الجراحة إما تنظيرية أو بفتح البطن >>

✍🏻يبقى السؤال الاهم هل يمكن حدوث الحمل الطبيعي بعد الاصابة بالحمل الهاجر :
بالطبع يمكن😍 حيث ان ٦٠٪؜ من مريضات الحمل الهاجر سيتمكنّ من الحمل الطبيعي مرة أخرى لكن مع احتمالية تكرار الحمل الهاجر😢 بنسبة ١٢٪؜.

دمتنَّ بخير 💚
زينب معلا 🌸🌸

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_الحمل_الهاجر

#ميددوز_عينية ❤

💦 #الدُماع 💦

🔷️ ️بالرغم من أهمية الدمع في الحفاظ على رطوبة العين وحمايتها من الجفاف بالإضافة لدوره في الدفاع عنها ضد الإنتانات لاحتوائه على بعض البروتينات التي تلعب دور مضاد حيوي 😍 ، إلا أنه عندما يزداد عن حده الطبيعي يؤدي إلى اضطراب الرؤية القريبة وسيلان أنفي 😪

🔷️ ️يحدث الدُماع نتيجة زيادة بإفراز الغدد الدمعية .

🔴 ️ ️أسباب #الدُماع :

🔸️️التهاب الملتحمة أو التهاب القرنية ✌
🔸️سبب نفسي عاطفي (حضران شي فلم هندي 😭 أو كوميدي 😂 )
🔸️إجهاد العين 👍
🔸️الظروف الجوية مثل الرياح والبرد وأشعة الشمس
🔸️تخريش النهايات العصبية الحسية للعصب القحفي الخامس ( كما في الأمراض السنية والجيوب الوجهية )
🔸️وجود جسم غريب أو أهداب حاكة .
🔸️استنشاق بعض الغازات أو الروائح المخرشة ( مثل بعض مواد التنظيف )
🔸️أحياناً أسواء الانكسار ( مد البصر - حسر البصر ..)

🔷️ هناك حالة تسمى 《 الدُماع الانتيابي 》 ، تحدث عند المصابين بشلل العصب الوجهي في مرحلة الشفاء عندما يقوم المريض بمضغ الطعام .
( بالعامية بيسموها دموع التماسيح 😁😁 )

🔷️ #العلاج :
يكون حسب السبب ،، وفي أغلب الحالات يحدث شفاء تلقائي ✌،
وقد يكون الحل جراحي في حال تواجد انسداد في القناة المفرغة للدمع 👍

✴انشالله ما بتدمع عينكن غير فرح 😍❤
زينب السلوم 🌸

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_الدُماع

#ميددوز_صيدلة ❤
#حاصرات_قنوات_الكالسيوم 💉💊
#Calcium_Channel_Blockers
#CCB

كيفكن اخواتي نحنا اشتقنالكن انشالله انتو اشتقتولنا كمان 😍
المهم وبلا طول سيرة اليوم رح نحكي عن عائلة دوائية 👪 متعددة الاستعمال واللي هيي #حاصرات_قنوات_الكالسيوم

💝 حاصرات قنوات الكالسيوم بتأثر على قنوات الكالسيوم المبوبة بالفولتاج (يعني اللي بتفتح وبتسكر حسب كمون الغشاء) وبتثبطها 🚫 هالقنوات موجودة بكتير محلات منها العضلات الملساء الوعائية والقلب ووجود الكالسيوم ضروري لتقلص هي العضلات بالنتيجة حاصرات قنوات الكالسيوم رح يكون الها تأثير سلبي عقلوصية هالعضلات ومن هون جاءت استعمالاتا الدوائية

💝 بتتصنف هالادوية لتلت مجموعات حسب بنيتها الكيميائية وبتختلف عن بعضا بالاستعمالات الدوائية:

1_ مركبات دي فينيل ألكيلامين ومنها فيراباميل وهوي انتقائي نسبية للعضلة القلبية 💜 ومنستخدمو بعلاج ارتفاع ضغط الدم والذبحة ولانظميات التسرع فوق البطينية والوقاية من صداع الشقيقة

2_ مركبات بنزوثيازيبين: ومنها الديلتازيم وهالمركبات وسطية بين اول مجموعة اللي إلها انتقائية قلبية وبين تالت مجموعة اللي إلها انتقائية للعضلات الملساء الوعائية ومنستخدمو بعلاج ارتفاع ضغط الدم والذبحة ولانظميات التسرع فوق البطينية

3_ مركبات دي هيدرو بيريدين: في منها جيلين الجيل الأول متل النيفيديبين والجيل التاني متل أملوديبين وفيلوديبين ونيكارديبين ونيسلوديبين وكليفيديبين اللي هوي الأحدث ومتوافر حقن وريدي فقط وهالمجموعة استخداما الأساسي لعلاج ارتفاع الضغط الدموي

💝 الحرائك الدوائية: معظمها عمرو النصفي قصير 3_8 ساعات بعد الإعطاء الفموي لهيك منحتاج أحيانا نستخدمها 3 مرات يومياً ما عدا الأملوديبين اللي عمرو النصفي طويل وبيكفي تناول جرعة يومية وحدة

💝 التأثيرات الجانبية:
1_ الإمساك والأكثر شيوعا عند استخدام الفيراباميل
2_ الوذمة المحيطية
3_ انخفاض الضغط اللي ممكن يصير عند الإفراط بالجرعة بكل أنواع أدوية ارتفاع الضغط وبيأدي للصداع والدوار والتعب
4_ لازم نتجنب الفيراباميل والديلتيازيم عند مرضى فشل القلب لأنو بتزيد الحالة سوءا
5_ لازم نتجنب الجرعات العالية من الأدوية قصيرة المفعول لأنو ممكن تسبب احتشاء عضلة قلبية نتيجة التوسع الوعائي المفرط وتحفيز منعكس تسرع القلب💔

شاركونا شو بتعرفو معلومات عنها ✌✌

مجدي

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_حاصرات_قنوات_الكالسيوم

#ميددوز_أطفال ❤

⚃بعض النصائح الهامة #للمرضعات 🤱🏻

💡حليب الأم هو أفضل حليب نقدمه للرضيع بعد الولادة ، فهو الأنسب والأسلم للرضيع 😍

💡يجب أن نسمح بالإرضاع فوراً بعد الولادة ،حيث يوجد في الثدي بعد الولادة #اللبأ و هو حليب غني جداً بالغلوبولينات المناعية و التي تعطي الرضيع المناعة المبكرة ضد الانتانات ✌

💡يجب مسح الحلمة قبل الإرضاع بقطعة شاش مبللة بماء #نظيف ، و يجب عدم سحب الحلمة من فم الرضيع كثيراً لأن هذا العمل يسمح للرضيع بأن يبلع كثيراً من الهواء و بالتالي تزداد نسبة حدوث الإقياء بعد الانتهاء من الرضاعة 👌

💡يجب على الأم المرضع أن تتناول المقويات و المغذيات التي تحوي الكالسيوم و الحديد 🥛🥗

💡 يفضل تجنب الرضاعة أثناء نوم الأم أو نوم الرضيع خوفاً من حدوث الاستنشاق 😓

💡أخيراً يجب إرضاع الثدي كاملاً ✌و عدم الانتقال الى الثدي الآخر إلا بعد التأكد من خلو الثدي الذي يرضع منه الرضيع من الحليب ، و السبب في ذلك أن أغلب #الفوسفوليبيدات المفيدة للرضيع توجد في أخر حليب الثدي 💆‍♀️

دمتنّ وأطفالكنّ بألف خير🤱💙
رنيم الحسن 🌺

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_أهم_النصائح_للمرضع

#ميددوز_جلدية ❤
#النمش ❤

يا ترى عندك نمش؟
هالصفة اللي بتعطي نعومة وجمال ممكن تكون خطيرة؟ 😨
برأيك ممكن نعالج النمش ونخفيه؟ 💉
تابعو معنا بهالمقال 🤩

◀ بالبداية شو هو النمش؟

هو بقع صغيرة بنية اللون على الجلد متناظرة ☺
تظهر في منتصف الوجه عادة 👱🏻‍♀ أو الساعد أو العضد 💪🏼 أو الكتفين 🙅🏻‍♀ وأعلى الظهر في أعمار باكرة 💁🏻‍♀ , تتراجع مع تقدم العمر 🧓🏻
تصيب ذوي الشعر الأحمر❤ أو الأشقر 💛

◀ النمش مرض وراثي
يورث بصفة جسمية سائدة (طبعاً اعتبرناه مرض لأنو بخالف الطبيعي إنما هو غير مؤلم وغير خطير 💚).

◀ شو ممكن تكون اسبابو ؟ 🧐

⭕ الاشخاص الذين لديهم بشره حساسه يتشكل النمش لديهم بأدنى تعرض للضوء ☀
⭕ النمش قد يكون وراثياً أو انتقالياً من جيل لآخر (يعني اذا اخدت وحدة منمشة ممكن تجيك بنت منمشي ياسيدي 😍)
⭕ الاضطراب النادر في الجلد يسمي "جفاف الجلد المصطبغ"(Xeroderma pigmentous ) قد يقود لتشكل النمش حيث أنه يجعل الجلد حساساً للأشعة فوق البنفسجية ☀

◀ يبدأ النمش في شكل بقع مصبوغه ومع الوقت تتحول الي لون بني غامق ومع مرور الزمن تتغير الي بقع حمراء أو صفراء (تشرين يعني 💛❤) .

◀ بشرة الوجه 👱🏻‍♀ هي الأكثر عرضة للنمش لان الوجه هو الجزء الوحيد الأكثر تعرضاً للشمس ☀ ، لذلك ستجد الكمية الأكثر من النمش على الخدين ☺ والانف 👃🏼 والذقن ، مع ذلك الأجزاء الأخرى من الجسم كالرقبة والذراعين والرجلين قابلة لتشكل النمش عليها 🤫

◀ النمش هو اضطراب في الجلد ولكن لا يعتبر حالة طبية خطرة (مرض لطيف 🌸)

◀ كتار بيكرهو النمش وبحسوه نقص فيهن وبيسألو : يا الله في علاج الو؟ 💉

جوابنا الهن 🤓😎 :
لا يتلاشى النمش مع تقدم العمر في بعض الحالات.
لكنننن من الممكن علاجه 😍 بواسطة حمض الستريك أو العلاج بالليزر.
وينصح الأشخاص المصابون بالنمش عدم التعرض لأشعة الشمس ☀ لأنهم أكثر عرضة للتعرض للأشعة فوق البنفسجية وكذلك استخدام واقي شمسي 😎

جودي آسر سليمان 🌻

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_النمش

تتذكرو هالغنية ؟ : ^ #جسر الحديد انقطع من دوس رجليا ^ كنتو تغنوها جسر الحبيب انقطع ولا لاء 😂😂😂

هالغنية بتمثل #حالة_طبية_صعبة 😥😥😥
لي هيي اصابة منطقة بالراس اسمها ( الجسر )بمتلازمة اسمها ( الانعقال ) بيصير فيها انو المريض ما عاد يقدر يحس بأي طؤف من اطرافو الاربعة ؛ و كمان ما بيقدر يحرك و لا طرف من اطرافو الاربعة 😥😥 و بتنصاب الغالبية العظمى من اعصابو الدماغية و بتروح فعاليتا ... بيضل عندو شغال بس دماغو و عصبين بيحركو العين ( ارقامن ٣+٤ ) 😥😥
👈👈👈👈 يعني المريض ما عاد يقدر يعمل شي بحياتو غير يحرك عينو لفوق و يحركها لتحت بس 😥😥😥😥😥

و هيك منكون حرقنالكن الغنية و كل مارح تتذكروها رح تتذكرو متلازمة الانعقال و تحزنو 😂😂

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E
✅ #ميددوز_انعقال

#ميددوز_معلومة_قلبية ❤ :

🌹 متلازمة درسلر 🌹
🍃هي عبارة عن التهاب تامور مناعي ذاتي
🍃يحدث بعد حوالي 3 أسابيع من حدوث الاحتشاء
🍃آلية حدوثها هي نخر العضلة القلبية الذي يحرض تشكل الأضداد الذاتية
🍃التظاهر السريري : حمى و ألم صدري و احتكاكات جنبية و تامورية
🍃علاجها يكون بالستيروئيدات القشرية و المسكنات

رزان يونس 🌟

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://bit.ly/2LNgb3E

#ميددوز_جلدية❤

مساءً : بكرى عندي مناسبة كتير مهمة 😍😍الحمد لله انه بشرتي صافية😍😍 .

صباح اليوم التالي : 🙂🙂🙂
ماهذا الذي أراه يارباه !
😆 حبة بحجم حبة اللولو تزين منتصف جبهتي 🌚🌚😂😂.

حديثنا اليوم عن حبات اللولو 🌚 يلي هني علمياً👈 #حب_الشباب.

من #أشيع الأمراض يلي بتواجه طبيب الجلدية ،
كتير ناس بتفكر انه مافي داعي لعلاج حب الشباب لانه بيروحوا لحالن ،هاد المعتقد #خاطئ لأنه👈 بدون العلاج ممكن يتشكل عالبشرة بقع #داكنة وندبات #دائمة تشوه منظر البشرة 🌝، ولأنه علاج هالحالة بتزيد ثقة الشخص بنفسه .

🎀لما نقول حبة دغري بيروح بالكن على بروز دائري وردي اللون، لكن كل هي الأشكال التالية هيي حب شباب :

🎈رؤوس بيضاء .
🎈رؤوس سوداء .
🎈حطاطة (الشكل الشائع يلي بتعرفوه ).
🎈كيسات.
🎈عقيدات (مراحل شديدة من حب الشباب).

🎀وين بيظهر الحب أكتر شي ؟

وجه/ عنق/ صدر/ ظهر /كتفين .

🎀شو الأعراض يلي بيسببا ؟
🎈قلة الثقة بالنفس .😥
🎈اكتئاب .😪
🎈بقع داكنة وندبات دائمة قد تستغرق أشهر أو سنوات لتختفي.

🎀مين ممكن يظهر عنده الحب ؟
رجل وامرأة وطفل وعجوز ماحدا بينفد منه، لكن معظم يلي بيعانوا من حب الشباب هني المراهقين ، وفي حالات بتأهب #لزيادة ظهوره متل :

🎈التغيرات الهرمونية متل فترات الطمث والحمل 🤰.
🎈أدوية متل الكورتيزون مثلا💊.
🎈الغذاء من شيبس وشوكولا ومنتجات الألبان وأغذية غنية بالكاربوهيدرات🍕🥞🧀 بتسيء لحب الشباب.
🎈التوتر بيسيء لحب الشباب ..لهيك لاتتوتري قبل المناسبة حتى بشرتك ماتخزيكي 😌🤗.

👈المكياج oil_free💄 #مابالضرورة يسيء للحب خصوصا اذا كنتي بتزيليه بانتظام ومابتنامي فيه .

👈 #مو يعني اذا بيطلعلك حب لانه بشرتك وسخة 🙄، الفرك والتنظيف الزائد للبشرة بمواد مخرشة بيهيج البشرة وبيزيد الوضع سوء.

🎀كييف بيطلع الحب؟
بسبب انسداد مسامات البشرة الذي يبدأ بتراكم خلايا البشرة الميتة بدل ماتظهر ع سطح البشرة ونتخلص منها ، ولما يزيد إفراز المواد الدهنية بتشتغل متل الصمغ وبتلزق هي الخلايا الميتة ببعضا داخل هالمسام وهاد المكان بهيك صفات هوي المكان الملائم للجراثيم👺 يلي بتقتحم هالمسام وبتعمل احمرار وانتفاخ وبتظهر يلي مابتتسمى 🌚 .

👈#التشخيص بيكون بالذهاب للطبيب ليحدد الدرجة تبع الحب والعلاج المناسب الها .

👈 #مو يعني اذا رفيقتك استفادت ع كريم رح تستفادي عليه ولايعني اذا هيي اخدت كورس لعلاج الحب عندا تطبقيه نفسه، لأنه كللل حالة علاجا منفصل عن أي حالة تانية ، وأساسا ممكن تفكري حالتك حب وتطلع حساسية مثلا🌚😐.

🎀العلاج ؟

🎈بحالات الرؤوس البيضاء والسوداء والحب الأحمر الخفيف استخدام كريمات تحوي #بيروكسيد_البنزويل أو #ساليسيليك_أسيد لكن ماتفكري أنه هاد الكريم سحري ورح تفيقي تاني يوم تلاقي حالك نانسي عجرم ☻..
لا عزيزتي .. هاد العلاج ليعطي نتيجة بده من ٤ ل ٨ أسابيع استمرار .

👈هي الكريمات الموضعية منها شي بيقلل افراز الدهون ومنها شي بيقتل الجراثيم .

🎀ممكن الطبيب يلجأ للعلاج الداخلي يلي هوي؟
💊صادات حيوية لقتل الجراثيم.
💊حبوب منع الحمل يلي آليتا هرمونية .
💊الريتان محبوب الجماهير.

👈في اجراءات كمان متل الليزر وتقشير البشرة بتفيد ببعض الحالات يلي بيحددا الطبيب .

🎀شو بتنصحينا لنخفف من ظهور هالحب ؟
🎈غسل الوجه مرتين باليوم خصوصا بأيام الصيف لأنه التعرق بيسيء للحب 🚿.

🎈وجهك مانه وجه طاولة لحتى تنزلي فيه تفريك 🤗 ، بلللطف عزيزتي بتغسليه لأنه هي الحركات العنيفة بتهيج البشرة .

🎈خليكي لطيفة مع بشرتك استخدمي المنتجات يلي بيكون مكتوب عليها alcohol_free .

🎈غسل الوجه بيكون بمي #فاترة.. لاااتفكري عزيزتي انه المي السخنة بتزيل الدهون .. وجهك ليس كوجه مقلاية بيض 🍳🌚.

🎈اذا شعرك دهني .. حمام يوم اي يوم لا .

🎈بشرتك مو صحن بذر تتسلي فيها وتعصري الحبة وتضل اصابعك عليها لأنه هاد الشي بيزيد الطين بلة .

🎈لاااا تطلعي بدون واقي شمسي ..بدون واقي شمسي لاا تطلعي .. حذاري تطلعي بدون؟☻🌚

🎈نحط ليمون وبيض وطحين ؟
برأيي حطين بقالب وكلي كيك 🎂أفضل من انه تحطيهن على وجهك ، #ليش؟
👈لانه اغلب يلي بيستخدموهن مابيعرفوا طبيعة بشرتن منيح وبالتالي عم يخربوا بشرتن اكتر مايفيدوها ..

👈ولأنه الماسك مو لعبة، اله وقت محدد وطريقة محددة وعناية بالبشرة بعده وقبله، لهيك يفضل اذا حابة تعملي هيك مغامرة تستشيري #طبيبتك او #الصيدلانية يلي هيي على خبرة عالية بهالأمور..
وهيي اذا حبت بتنصحك بماسك بيلائم بشرتك مع التعليمات المناسبة.

🎃لذلك رجاء هي الوصفات تبع مع عزيزة بتضلك لذيذة💁‍♀️ ماتطبقيها من حالك لانه اذا كانت صح ف ماشرط تناسب بشرتك .

#الوصفة_التي_أبكت_الملايين_لازالة_حب_الشباب🌚

اهتمي ببشرتك لتحصلي على بشرة مشرقة متلا 😍🎀.

علياء حرب🔮

✅ #الصفحة_الطبية 👈 Med Dose
✅ #المجموعة_الطبية👈 https://bit.ly/2LKtF0V
✅ #تيليغرام 👈 t.me/meddose
✅ #انستاغرام 👈 https://

bit.ly/2LNgb3E
✅ #ميددوز_حب_الشباب