#ميددوز_نفسية ❤

《القمه أو القهم العصبي Anorexia nervosa》

🌸 فقدان الشهية العصبي 🌸

♤اضطراب نفسي يتميز بخلل في إدراك #شكل و #حجم الجسم عند المريضة (بتحس حالها بدينة دايما")

↩مما قد يؤدي الى فرض:
⛔فرض حمية شديدة على نفسها .
⛔اللجوء الى الرياضة العنيفة.
⛔تحريض الاسهالات والاقياءات وتناول مفقدات الشهية .

🚺هو مرض الاناث بامتياز ، وخاصة المراهقات .

⭕المريضة بتكون غير متبصرة لحالتها وغير مقتنعة انها مريضة !

🔥الأعراض السريرية :
⛔نحول شديد
⛔نقص شهية
⛔انقطاع الطمث او اضطراباته بآخر ستة أشهر .

🔥مظاهر أخرى:
⚠تراجع الصفات الجنسية الثانوية.
⚠مظاهر شيخوخة مبكرة
⚠بطء قلب
⚠انخفاض ضغط

🔥الانذار غير جيد .
↩القبول في المشفى ضروري.🏨

p.s🚹 : ممكن ينصاب بالقهم ذكر بس احتمال الاصابة قليل ، ولكن في حال الاصابة هاد بيسيء أكتر للانذار😶

تذكرو دايما" انو الصحة 👑.
& you're beautiful just the way you are.❤

سابينا منصور 💜

#الصفحة_الطبية💙
#ميددوز💞

#ميددوز_تجميل❤

< جراحة الثدي التجميلية Mammoplasty >

كتير منسمع عن عمليات تكبير الثدي...أو تصغير الثدي
إنو إي كل إنسان بيسعى للكمال بطريقة أو بأخرى،و الجمال مطلب الجميع 😍

وهي شوية #ملاحظات فيما يخص هل عمليات:

★عملية تصغير الثدي نتدخل فيها على غدة الثدي،لذلك تؤثر على #الإرضاع🙃
أما تكبير الثدي لا يؤثر على الغدة و لا على الإرضاع

....※السؤال الي منضل نسألو،هل لتكبير الثدي علاقة بزيادة معدل #سرطااااان_الثدي؟؟؟؟😈....

ج: بينت الدراسات أنه لا علاقة لتكبير الثدي بسرطان الثدي،#على_العكس قد يكون له دور في الحماية من السرطان
●نظراً لأن وجود المادة المالئة يحرض المناعة،و ينقص التروية الضرورية لنمو الخلية السرطانية
●كما أن الفحوصات الدورية التي تجريها السيدة التي أجرت هكذا عمليات،قد يكون له دور في الكشف المبكر عن السرطان👍

★لازم نعرف إنو في استطبابات لعمليات تكبير أو تصغير الثدي،والتي على رأسها...الرضا عن النفس...وبالتالي لا يجوز الموافقة على إجراء هكذا عمليات إن لم تكن المريضة مقتنعة بها أو تحت إجبار 😇

...※وكمان كتير منسأل إنو ممكن تكبير الثدي#بالرياضة؟؟؟..

ج:الرياضة لا تزيد حجم الثدي
لأن الثدي مكون من نسيج شحمي غدي،والرياضة تقوي العضلات و تحرق الدهون 🙃
فقد تعطي مظهراً غير متناسق😑

ريكاردا الواو 🌸

#الصفحة_الطبية ❤
#ميددوز💕

#فيديو ❤

نزف شرياني ناتج عن حدوث جرح بأداة حادة

#ميددوز_جلدية ❤

🌹 فيتامين E وسر جمال بشرتك وقوة شعرك 😍 🌹

فوائد فيتامين E والتي يُمكن الحصول عليها من الأطعمة التي تحتوي على هذا الفيتامين(اللوز والمكسرات وزيت الزيتون وزيت جوز الهند والسبانخ واللفت الأخضر وعباد الشمس والسمسم ....) أو من خلال الكبسولات الصيدلانية.
🔺 مُحاربة التجاعيد والشيخوخة👸😍
🔹سواء كُنت في سن مُتقدم👵 أو في سن صغير👩 لا غنى لكِ عن فيتامين E حيث يُعزز إنتاج الكولاجين الذي يحتاجه الجلد للحفاظ على شبابه ونضارته، فيُعالج خطوط الوجه ويمنع ظهور التجاعيد ويجعل الجلد مشدوداً بطريقة طبيعية بدون الحاجة لمستحضرات التجميل أو العمليات💚

🔺 يعمل على تقوية الشعر 👧
🔹فيتامين E هو كل ما يحتاجه شعرك ليكون قوياً ولامعاً حيث يُغذي بصيلات الشعر ويمنع التساقط ويمنح الشعر لمعان لا مثيل له، بالإضافة إلى أنه يحميك من ظهور الشعر الأبيض لأنه مليىء بمضادات الأكسدة ✌ يُمكنكِ إضافته لشامبو أو كريم الاستحمام 😌

🔺 إخفاء آثار الحبوب😫👌
🔹 يعمل على إصلاح تلف البشرة وإزالة آثار الحبوب ويشفي أنسجة الجلد، ويُمكنك استخدامه موضعياً على الجلد من خلال كبسولات خاصة للاستخدام الموضعي تباع في الصيدليات أو عن طريق تناوله كبسولات ولكن بعد استشارة الطبيب 👍

🔺تفتيح البشرة وعلاج البقع الداكنة 😥😷

🔺 علاج الأظافر المتكسرة 💅
🔹يعمل فيتامين E على تقوية الأظافر وترطيب الجلد المُحيط بها مما يمنحك بريق خاص لأظافرك بمساعدة فيتامين E وبشكل طبيعي جداً 💚

🔺معالجة الحروق والجروح ✌🙌
🔹فيتامين E له قدرة غريبة على تسريع التئام الجروح وعلاج الحروق حيث يعمل على التخلص من آثار الحروق والبقع الداكنة الناتجة عنه.

🔺التخلص من الهالات السوداء 😪
🔹 تُعتبر الهالات السوداء من أكثر مشاكل البشرة المنتشرة بين الفتيات والتي تفسد جمال بشرتك ومظهرها، ويحدث ذلك نتيجة العديد من الأسباب والعوامل تخلصي من تلك الهالات السوداء تحت عينيكِ من خلال تدليكهما بزيت فيتامين E يومياً قبل النوم 💚

خلي الحياة والشباب عم يضج فيكن 😍😜

رنا الحسن 💚

#الصفحة_الطبية❤
#ميددوز 💕

#Microscopy ❤

🔬رؤية مجهرية لنطاف Sperms في عينة بول

#الصفحة_الطبية
#ميددوز 💙

#أذنية♥
#فكرة_سريرية_عالماشي💪

<يا دكتور قلتلك واجعتني إدني اليمين ليش عم تفحصلي اليسار 😠😩>

هالجملة كثير بيتعرض الها اطباء الأذنية👂 وبفكر المريض انو طبيبه ما انتبه لشكوته 💔

⇦ #لكن طبعاً الحق مع طبيبك يبدا بفحص اذنك السليمة و بعدين بينتقل للمريضة 👌
يعني ما تفكر انو دكتورنا مش مركز او مهاراته ع قدا لاسمح الله 🙊

⇦ طيب شو المغزى من هالشي؟😕

👈أساساً لازم نفحص الجهتين بغض النظر عن الشكوى، ف منبلش بالاذن السليمة لحتى نقارن فيها اي شي مرضي ممكن نلاقيه بإذنك الثانية 😍

👈لحتى ما نزيد وجعك اذا بلشنا بالمريضة ، بالتالي ممكن تتوتر و ما تتعاون معنا بكمالة الفحص😢

👈و الاهم لحتى ما نساهم بنقل عدوى انتانية من الجهة المريضة للسليمة بأدوات الفحص 😌

✔ لهيك👈 خلي ثقتك فينا كبيرة 😉😎

لينا قرقوط 🌸

#الصفحة_الطبية ♥
#ميددوز 😍

#صورة ❤
#تشريح_القلب ❤

#ميددوز_فيزيولوجيا ❤
#نقص_كالسيوم_الدم ❤

لما بتساعدك القطط 🐺🐈 لحفظ الأعراض بكلمة CATS 🐈 :
C☞convulsion اختلاج😢

A☞arrythmia لانظيمات بالقلب 💔💔

T☞tetany تكزز😐😣

S☞spasm and stridor تشنج وصرير 🔊💪

مي حسنة 🌼

#الصفحة_الطبية ❤
#ميددوز 💙

#ميددوز_نسائية💚

<غالبا منشوف أمهات ماتوا بعد الولادة الطبيعية مباشرة💔>

طيب شو السبب:
غالبا بسبب الصمة الامينوسية اللي كتير منسمع فيها

*(الصمة: هي جسم صلب او سائل او غازي موجود بالدم وتوقف في مكان ما)
(الامينوسية: من السائل الامينوسي المحيط بالجنين)

*طيب كيف بتصير الصمة الامينوسية :
نتيجة تمزق الأوعية ودخول السائل الامينوسي إليها
وهي الحالة بتصير نتيجة المخاض العنيف.

اليسار بلال 🌸

#الصفحة_الطبية
#الميددوز

#ميددوز_جلدية ❤
#أطفال_القمر 🧚🌙

أو كما يسمونهم البعض مصاصي الدماء🧛
هي متلازمة وراثية تعرف باسم #جفاف_الجلد_المصطبغ
تورث بوراثه جسمية متنحية ..
الأطفال مع الأسف مالن نصيب من أسمن غير انن غير قادرين على الخروج بالشمس لأن عندن طفرة بأنزيم النوكلياز بيجعل خلاياهن غير قادرة على تصحيح خلل ال DNA الناتج عن التعرض لأشعة الشمس...

يولد الطفل بجلد سليم وبعد الولادة بعدة اشهر (واحد أخدو وواحد جايبو بالشمس😀) ببلش ظهور اعداد هائلة من البقع النمشية وبعدين بيطور بقع ناقصة التصبغ و بقع ضمورية مع الزمن .. وهيدا الشي اكيد رح يوصلو بالنهاية لشيخوخة جلد مبكرة والإصابة بأورام الجلد (SCC /MM) في سن مبكرة جداً (أقل من عشر سنوات في بلادنا بسبب اللعب تحت الشمس كل النهار💔)

بيعاني الطفل عادة من إصابات عينية⁦👁️⁩ متل رهاب الضوء والتهاب الملتحمة وإصابات عصبية في بعض اشكال المرض..
الحل الوحيد مع أطفال القمر🌒 حمايتن من أشعة الشمس ومراقبتهم مراقبة طبية حثيثة و استئصال الاورام باكراً .. 💔

#حذارِ_من_UV

دمتم و طبقاتكم المتقرنة بخير ⁦❤️⁩

مارينا ديب 🌼

#الصفحة_الطبية
#ميددوز🌹⁦❤️⁩

#طب_نفسي❤

أحيانا منقابل أشخاص شخصياتن غريبة وغير محببة ياترى هاد الشي اله علاقة بالطب النفسي؟🤔

✅اي بالطب النفسي عنا شي اسمه #اضطرابات_الشخصية يعني تصرفات وأسلوب تفكير ومشاعر الشخص فيها خلل #مستمر #بينفر المحيط منه(يعني هوي ماكان كل حياته خجول وفجأة صار بلا خجل، هوي طول عمره مثلا ماعنده خجل) ..

✅شو بيفرق اضطراب الشخصية عن المرض النفسي الهوس مثلا؟
اضطراب الشخصية هوي #خلل #ثابت عند الشخص وغالبا قبل عمر ال١٨ سنة بتظهر هالصفات عنده وبتستمر معه ، أما الهوس ف هوي #شذوذ عن الخط القاعدي لشخصية المريض يعني هوي مو طول عمره مثلا بحس حاله انه شخص عظيم .. بفترة معينة بس اجاه هاد الشعور بالعظمة ..

✅اضطراب الشخصية اله أسباب؟
اكيد اله أسباب وراثية وبيئية وعائلية وبيولوجية ، على سبيل المثال الأطفال يلي عايشين بأسرة عنيفة دائمة الخلافات بتميل شخصياتهم لما يكبروا لأنه تكون خجولة مثلا..

✅طيب اله علاج ؟
هوي مانه متل بقية الأمراض النفسية هوي #خلل ثابت متأصل بشخصية البني آدم ف علاجه الأساسي عند "معالج" نفسي إذا اقتنع انه شخصيته مضطربة وحابب يغيرا😑 وأحياناً ممكن نلجأ للعلاج الدوائي بإشراف طبيب نفسي .

✅شو هيي أنواع هالشخصيات؟
رح نحكي اليوم عن بعض اضطرابات الشخصية يلي هيي #الزورانية #والفصامانية #والفصامية #والمعادية للمجتمع #والحدية.

👺الشخصية الزورانية :
شخص ماعنده ثقة بحدا (مابيعطي سره لحدا) ،
دايما بشك بالأشخاص يلي حواليه،
مابيعبر عن مشاعره لأنه بنظره انه العالم رح يستغلوها بشكل سيء،
بينطرك عالدقرة ليعيرك (عدواني) ،
اذا غلطت معه مرة مابينسالك ياها ليموت،
اذا كنت أحسن منه بيحسدك واذا كنت أدنى منه بيحتقرك ..

😌الشخصية الفصامانية :
شخصية باردة بمشاعرا ،
انعزالية بتحب الأعمال يلي مافيها اختلاط بالبشر ،
بتفضل تربي قطة وتقضي وقت معا عن انه تزور بني آدم ، مابتسمتع بشي ولابتحب الأصدقاء وقعدة العيلة ،
ماعندا اهتمام أبدا بالعلاقة الجنسية وبالتالي الزواج من منسياتا ..

🤓الشخصية فصامية النوع :
هاد الشخص عنده معتقدات غريبة مابتتماشى مع ثقافة مجتمعه،
تفكير خيالي ، طريقة كلامه غريبة مظهره ولباسه وتصرفاته غريبة،
هي الصفات بتخلي البعض منن يلتحق بمجموعات خاصة بتمارس طقوس دينية أو فلسفية غريبة.

👿الشخصية المعادية للمجتمع :
شخص مابيتحمل مسؤولية ،
مابيثبت بعلاقة صداقة أو علاقة حب وحدة ،
مابيتأمنله لأنه بأي لحظة ممكن يخونك ويغدر فيك ،
بيحب يكذب ويسرق ويغش ،
لما يئذي حدا مابيحس بالذنب (ضميره ميت) ،
عنيف مع زوجته مع أولاده مع أهله،
مابيثبت بعمل واحد لأنه يابيعلق مع المدير يابعتدي ع زملاءه بالشغل ،
لما تقابل هاد الشخص رح تحس حالك قاعد مع انسان راقي وهادئ لكن بس تواجهه أو تكذبه او تستفزه رح يظهر على حقيقته .

👧 الشخصية الحدية عند النساء أكتر :
مزاج سريع التقلب ،
فجأة بتعصب عليك ،
بتجيها نوبات من فرط الأكل ،
فجأة بتقطع علاقاتا الشخصية ،
بتحاول تأذي نفسا أو تشوه جسدا وممكن تحاول تنتحر ،
بتضل بتلوم الأشخاص أنه ماعم يفهموها ويفهموا معاناتا..

وهيك منكون حكينالكن عن ٥ أنواع من اضطرابات الشخصية ورح نتابع بالبوستات القادمة بإذن الله .

علياء حرب 🌸

#الصفحة_الطبية👈 Med Dose
#المجموعة_الطبية👈 أطباء الميددوز - MedDose DRs

#ميددوز_معلومات ❤

«شو الأفضل نحط للطبخة زيت زيتون ولا سمنة ؟ 🤔»

🚩كلنا منعرف أنو الزيت أفيد بس منفضل السمنة لأن أطيب .😋

🚩رح نحكي عن الدهون ونبين الفرق ✌

🚩الدهون من العناصر الأساسية بالجسم لأنها:
1. بتنظم الكوليسترول.
2.بتشكل وسادات بتحمي أعضاء الجسم وبتمد جسمنا بالطاقة لنقوم بمهامنا اليومية.
3.بتساهم بامتصاص الفيتامينات المنحلة بالدسم ( A.K.E.D ).
4.وبتحافظ ع ثبات درجة حرارة الجسم .

🚩تقسم الدهون ( الدسم ) لمشبعة وغير مشبعة .
☝الدهون المشبعة:هيي لبتحوي روابط أكتر مع الهدرجين(OH) مشكلتا انو روابط الاشباع هاي ترتبط ببعضا فبتكون جامدة غالباً ( السمنة ) ونفس الشي بجسمنا ممكن ترتبط ببعضا وتتراكم وتسببنا تصلب عصيدي😟 وبدانة😟.
وهيي كمان بتأخر الإفراغ المعدي فبتعطي شعور بالتخمة والشبع .
منها الزبدة،الدهن، السمنة، جلد الدجاج ...

✌ الدهون غير المشبعة: مافيها روابط كتير بالتالي ما بتتراكم فبتكون سائلة بدرجة الحرارة العادية وما بتسبب مشاكل الدهون المشبعة بالجسم .
منها زيت( دوار الشمس، السمسم، الزيتون، الذرة ...)
السردين، المكسرات، الفول السوداني ...

🚩بالنهاي لازم ما نكتر دسم غير بقدر حاجة الجسم 🚫ونحاول نكتر دسم غير مشبعه ع حساب المشبعة.

دمتم بخير نحاف رشيقين💃

رضية إبراهيم 🌺

#الصفحة_الطبية👈 Med Dose
#المجموعة_الطبية👈 أطباء الميددوز - MedDose DRs

#ميددوز_جلدية ❤

^^ الفطريات بين أصابع القدمين😷 ^^

🔺الفطريات من الكائنات الحية الدقيقة جداً👌تتكاثر في البيئات الرطبة قليلة التهوية😷 لذلك أكثر ما توجد بين أصابع القدمين بسبب قلّة سماكة الجلد في هذه الأماكن وسهولة إيجاد مكامن تعيش بها وتبدأ بقتل الخلايا الضعيفة ،تعتمد في غذائها على الخلايا الميتة

🔺 السبب وراء هذه الفطريات قد يكون هو عدم انتظام السكر في الدم أو نقص في الجهاز المناعي أو ترك المنطقة رطبة ومغلقة لفترات طويلة😖

🔷 تنقل الفطريات من شخص إلى آخر بالعدوى ،فعند لبسك حذاءَ شخصٍ مصاب تنتقل إليك الإصابة مباشرة 👌

🔶الوقاية والعلاج :

🔺لتجنّب إصابة القدمين بالفطريات يجب المحافظة عليهما جافتين والتنشيف بين الأصابع عند غسل القدمين والابتعاد عن لبس الأحذية الضيقة لأنّها تضغط على الأصابع وتسبّب التعرق ، كما يجب التقليل قدر الإمكان من مدة لبس الحذاء لتوفير التهوية المناسبة لهما كما يمكن لبس الصندل خلال فصل الصيف .
بالإضافة إلى الحرص على قص الأظافر بشكل دوري وجيد 👍

🔺استخدام مراهم أو بخاخات أو بودرة من خلال وضعها بين الأصابع، وعادةً ما يكون الاستخدام لمدة تصل إلى أسبوعين.

🔺 المحافظة على نظافة الحذاء وأن يكون طبياً.

🔺تناول الأدوية المضادة للفطريات والتي تثبط من نموها وتكاثرها.
🔺في حال عدم شفاء المصاب من الأفضل مراجعة الطبيب بحيث يقوم بالتشخيص السريري وإجراء الفحوصات اللازمة ليتم وصف الدواء المناسب.👍

👌الصورة لحالة التهاب الفطريات الشديد بين الأصابع.

تضلوا بخير يارب ❤

رنا الحسن 🌹

#الصفحة_الطبية👈 Med Dose
#المجموعة_الطبية👈 أطباء الميددوز - MedDose DRs

#ميددوز_كلية ❤

"المريض يأتي راقصاً من الألم فلا يهدأ بأي وضعية😯😯"
كلنا لما منقرا هيك جملة بيتشكل عنا فضول لنعرف ايمت ممكن نصادف هاي الحالة ..

ف خلونا نتعرف شوي شوي ع هاي الحالة 💪

هاي الجملة غالباً بتوصف الألم عند مريض #القولنج_الكلوي 😟

❇اي 😯و شو يعني قولنج كلوي ؟
💫الألم القولنجي هوي الألم اللي بينجم عن تقلصات العضلات ضمن عضو أجوف متل المثانة، الكولون، الحالب ...

❇اي و شو علاقة الألم القولنجي بالجهاز البولي و ايمت بيصير ؟
هوي الألم اللي بيصير لما يكون عنا حصاة على سبيل المثال قد تكون متوضعة بحويضة الكلية، الحالب،المثانة⬅تقلصات⬅آلام شديدة .

💫الحصيات هي ثالث الأمراض اللي بتصيب السبيل البولي من حيث الشيوع، و لها ميل عائلي للحدوث 👪👪.
💫تحدث بنسبة أكبر عند الذكور👬👬 باستثناء الحصيات الإنتانية.

❇طيب ليش بتتشكل هاي الحصيات؟
💫أهم سبب في تشكلها هو أنو يكون البول حاوي على كميات كبيرة من العوامل المفعلة للتبلور مثل الكالسيوم و الأوكزالات و فقره بالعوامل التي تمنع تشكل هذه البلورات مثل البيروفوسفات، السيترات، الحموض.
💫تتطلب الحصيات PH مناسب لتشكلها أي درجة حموضة معينة .
💫بالاضافة للعوامل الأخرى متل ركودة بولية، إنتان بولي، و العوامل التشريحية مثل كلية نعل الفرس(التصاق الكليتين من قطبهما السفليين).
💫من العوامل أيضاً: ⬆طرح الفضلات ⬇طرح الماء (الذي قد يكون  بسبب نقص شرب الماء ، لهيك بتضلا إمك لاحقتك اشراب مي اشراب مي 😂)

❇طيب خبرنا عن أنواعا لنعرف أكتر؟
💫تعتبر #الحصيات_الكلسية أشيع أنواع الحصيات:
التي قد نجدها في الحالات التالية:
💠فرط نشاط جارات الدرق
(ففي فرط نشاط جارات الدرق يزداد هرمون PTH الذي ⬆الكالسيوم و ⬇الفوسفور).
💠الانسمام ب فيتامين D الذي يعمل على زيادة امتصاص الكالسيوم و الفوسفور من الأمعاء.
💠تناذر شرب الحليب.
💠الآفات الحالة للعظم حيث يتحرر الكالسيوم و الورم النقوي العديدMM.

💫من أنواعها أيضاً #حصيات_حمض_البول:
تزداد نسبة حدوثها في:
💠مرضى الآفات المفصلية و النقرس  💠فقدان الوزن السريع
💠الأمراض النقوية 💠أدوية معالجة السرطان

💫وكذلك #الحصيات_الإنتانية
💠التي تتركب من فوسفات المغنزيوم و الأمونيوم .
💠تترافق مع العصيات الشاطرة للبولة مثل المتقلبات، الكلبسيلا، الزوائف...
🚫و تذكر أنها تكون أشيع عند #النساء👭👭
لأنو ببساطة الإنتانات البولية تكون أكتر عندن يا حرام 😟

💫كذلك هناك بعض الحصيات التي لها علاقة بالاضطرابات الاستقلابية مثل #حصيات_الكزانتين & #حصيات_السيستيئين
💫و للأدوية دور في تشكيل بعض الحصيات مثل #حصيات_الاندانيفير و هو أحد الأدوية المستخدمة في علاج الإيدز.

❇ذكرنا بالبداية أنو ألم كولنجي، و بما أنو الجهاز البولي ف إجباري الواحد بيفكر انو ألم بالخاصرة فقط، بس بعض المرضى ممكن يجو بألم بالجزء العلوي من البطن 😯😯😯😯😯
#لا_تستغرب
💫من الأفكار الهامة في الحصيات أنو موضع الألم و انتشاراتو بتختلف بمكان الحصية
#أمثلة👇👇
💠#حصيات_الكلية: يحدث الألم في الزاوية الضلعية الفقرية و ينتشر للخاصرة و الربع العلوي من البطن
😯 الشي اللي ممكن تستغربو أنو ممكن يصير عند المريض #غثيان_و_إقياء نتيجة تنبيه الجذع الزلاقي
💠#حصيات_أعلى_الحالب: يحدث الألم في المنطقة القطنية(على جانبي البطن) و الخاصرة.
💠#حصيات_وسط_الحالب: كذلك يحدث في المنطقة القطنية و الخاصرة و لكن ما يميزها أنه يمكن أن تنتشر إلى الأمام و الأسفل من البطن .
💠#حصيات_أسفل_الحالب: ما يميزها أن الألم ينتشر إلى الأعضاء التناسلية.

💫هذا المريض ممكن يجي و يقلك شفت بولي صار أحمر و مرعوب 😯😯
وممكن يقلك كمان حسيت حالي سخنان (حرارة + ألم خاصرة⬅إنتان)
أنت بدورك مجرد ما كان عندك الألم➕البيلة الدموية(البول الأحمر)➕ الإنتان لازم فوراً تحط ببالك الحصيات
لأنو هذا الثلاثي منشوفو بأغلب الحالات .

❇الطبيب بدورو راح يفحص المريض
مباشرة 💠يطلب فحص #بول_و_راسب
لكشف البيلة الدموية و البحث عن الإنتان بإجراء اختبار النتريت و #زرع_بول إذا ثبت وجود الإنتان لتحديد نوع الجرثوم و الصادات المناسبة لعلاجه .
💠لا بد من إجراء #الإيكو و غيره من الاستقصاءات الشعاعية مثل الصورة البسيطة و التصوير الظليل
و لكن #التشخيص_الأكيد يكون عن طريق CT دون حقن
🚫تذكر أن للإيكو و الصورة البسيطة نفس فعالية التصوير الظليل في حال عدم تعذر القيام به.

❇و أكيد الطبيب ما رح يخلي المريض ع بيتألم ف:
💫أثناء النوبة: لازم يمنعو عن شرب السوائل، يعطي مسكنات مثل الديكلوفيناك و مضادات تشنج عن طريق الفم أو الشرج، و ممكن يلجأ للمسكنات المركزية مثل الترامادول وريدياً أو عضلياً في بعض الحالات.
🚫إذا ترافق الألم مع حرارة يدبر بشكل إسعافي في المشفى بإعطاء الصادات واسعة الطيف.
💫بعد انتهاء النوبة:
لازم يتناول سوائل بكميات كبيرة لتساعد الحصاة أنو تنطرح بشكل عفوي.

❇ بيتم اللجوء لأحد الوسائل للتخلص من ا

لحصيات حسب المعطيات الشعاعية و حجم الحصية و مكانها:
💠العوامل المذيبة 💠التفتيت بالأمواج الصادمة من خارج الجسم (ما يعرف ب جلسات تفتيت الحصيات)
💠تخفيف الانسداد بوضع قثطرة GJ أو فغر الكلية عبر الجلد.

❇منجي لآخر نقطة ببوستنا الطويل (بعرف مليتو 😟) و اللي هي #الوقاية و منركز عليها كتير لأنو 50% من المرضى بيصير عندن نكس خلال 5 سنوات .
💫الحركة 💫شرب السوائل بكميات كبيرة و كافية و يومياً و هي أهم الوسائل بالوقاية .
💫تخفيف كميات الصوديوم(الملح) و الكالسيوم بالطعام قدر الإمكان و عدم الإفراط بها.
💫الأدوية المقلونة للبول لأنو أغلب الحصيات بتتشكل بالوسط الحمضي.

🚫آخر فكرة شائعة كتير بالمجتمع و اللي هي بقلولك معي رمل و ما في شي اسمو رمل طبياً حكين معناه بلورات دقيقة جداً .

سَلامتكم غاية 💕

رِهام شرّوف 🎀

#الصفحة_الطبية👈 Med Dose
#المجموعة_الطبية👈 أطباء الميددوز _ MedDose DRs