#هام_جداً 🔴

🖥 شروط تغيير الاختصاص 👍
✓ أن يكون المقيم سنة أولى حصراً
✓ أن يكون المقيم ما زال قائم على رأس عمله
✓ أن يكون المقيم صحة وليس دراسات
✓ أن يكون المقيم محقق لمعدل الاختصاص الذي يريد الانتقال إليه في سنة قبوله حصراً (سواء في المفاضلة الموحدة أو الترميمية)

🤩 الأوراق المطلوبة:
- صورة هوية
- بيان خدمة حديث من مديرية الصحة التابع لها

🤩مكان التقديم:
هيئة البورد السوري في دمشق، جانب مشفى المجتهد

🩵 ملاحظة:
الخميس هو آخر يوم للتقديم، أي تبقى 4 أيام فقط
ولمساعدة ظروف الطلاب سيتم فتح خدمة للتقديم نيابة عن الطلاب في هيئة البورد السوري في دمشق

👍 بإمكانك طلب خدمة التقديم نيابة عنك:
(في حال تحقيقك للشروط أعلاه حصراً)، وذلك بالتواصل واتساب على الرابط التالي وإرسال عبارة |تغيير الاختصاص|
❤️https://wa.me/qr/WEQSBVHCVP37F1

◀️ قناة الاختصاص في سوريا ✌️
🌀 @Specialization_Syria

🔴 نتائج #المفاضلة_الطبية_الموحدة
ستصدر منتصف الأسبوع القادم، وذلك فور الانتهاء الكامل من جميع الأعمال التقنية والإدارية المرتبطة بها.

◀️قناة الاختصاص في سوريا ✌️
🌀 @Specialization_Syria

🧾 بوست مهم احفظه عندك 🔴

🔵 التسجيل في وزارة الصحة (الأوراق المطلوبة)

▫️بعد استلام مصدقة التخرج❕
لازم بأسرع وقت ممكن تسجل بمديرية السجلات والتراخيص الطبية

▫️طيب ليش ضروري سجل فيها؟!
كرمال تحصل على ورقتين مهمات هنن:
- إحالة موجهة إلى مديرية الصحة بمحافظتك
- إحالة موجهة إلى نقابة الأطباء بمحافظتك
وعلى هاد الأساس بتكمل الأوراق والتسجيل
وطبعاً بدونهن ما بتقدر تحصل على ترخيص مؤقت ولا توقع عقد نظامي بالاختصاص سواء كان صحة او دراسات او دفاع او شرطة و..

▫️طيب ليش لازم سجل بسرعة؟
عم يزيد الضغط عالمركز كونو الوحيد بسوريا بالتالي كل ما تأخرت.. رح تتأخر أوراقك لتطلع، لأنو بصير في أوراق متراكمه قبلك بالأرشيف 

👍 الأوراق المطلوبة 👇🏻

▫️ صورة شخصية واحدة

▫️ صورة عن الهوية
(الوجهان على صفحة واحدة)
+ ملصق عليها طابع مالي (25 ل.س)

▫️ وثيقة اللياقة الطبية
[انقر هنا] لمعرفة طريقة الحصول عليها

▫️ نسخة مصدقة عن شهادة البكالوريا

▫️ نسختين مصدقتين عن وثيقة التخرج
ملاحظة: إذا كنت جامعة حكومية، لااازم وحدة من النسخ يكون مكتوب عليها ملتزم / غير ملتزم بالمناطق النامية، أو ممكن تكون عبارة عن ورقة لحالها حسب جامعتك "بتحصل عليها من جامعتك أو وزارة التعليم"

▫️ مصنف سحاب "بغض النظر عن لونه، لازم يكون فيه من جوا سحاب حديد"

▫️ طلب تسجيل مع إلصاق الطوابع المطلوبة عليه، "تحصل عليه من المديرية نفسها"

▫️ تعهد بالحصول على الترخيص المؤقت قبل البدء بالاختصاص، "تحصل عليه من المديرية نفسها"

⚠️ في حال كنت فلسطيني أو شهادتك البكالوريا أو الجامعة غير سورية أو عرب وأجانب... راجع البوست هاد لتعرف إذا الك وضع خاص كرمال تضيف أوراق زيادة على ما سبق "انقر على ما سبق"

💙 مكان التسجيل:
✓ دمشق ـ ساحة الميسات ـ مجمع الميسات الطبي ـ جنب فرع المصرف التجاري السوري
✓ خريطة: موقع GPS [انقر هنا]
أو أبحث في غوغل ماب عن "مجمع الميسات الطبي"

👈 وضع المركز:
هاد هو المركز الوحيد بسوريا للتسجيل بالوزارة، يعني كل طلاب الكليات الطبية وبكل المحافظات (بشري - أسنان - صيدلة) يلي تخرجو هالسنة، اجباري لازم يجو ياخدو أوراق وإحالات من هون هي الفترة
.... بالتالي الضغط يلي عليه كبير جداً

⏰ الخطوات بالتفصيل:
✓ بعد ما تقدم أوراقك بتعطيك الموظفة وصل كرمال تروح عالمصرف تدفعو
✓ بعد ما تدفع الوصل وتقدم أوراقك، بدك تنطر مدة معينة لحتى تجهز الإحالات تبعاتك، "هي المدة بتتراوح من اسبوع وبتصل لعدة اسابيع بأوقات الذروة"
- وقت تطلع مصدقات التخرج لكل الجامعات، بتزيد هي المدة أكتر لأنو بزيد وقت أرشفة ودراسة الأوراق، لدرجة أنو أحد الطلاب في أحد السنوات ضل 65 يوم لاستلم الاحالات
✓ بعد ما تسجل ما حدا رح يخبرك أنو طلعو وراقك.. لازم تراجعهن
✓ بعد ما تستلم الإحالتين
بتروح للخطوة الجاي "يلي هي التسجيل بالمديرية والنقابة" ورح ننزل تفاصيل عنها إن شاء الله

🔵 طيب سمعت أنو بقدر حط وراقي بمديرية الصحة وهنن بيبعتوهن بالبريد عالشام.. بقدر ساوي هيك؟
مديريات الصحة بالمحافظات ممكن تبعت أوراقك بالبريد، بس بضلو فترة يجمعوهن بالأول، يعني ممكن تطلع أوراقك عالشام بعد 10 - 15 يوم
وممكن يطلبو منك انو حدا بالشام يروح يدفعلك ايصال المصرف ويسلمه للمركز
وفي نقطة مهمة... أنو يلي راح على الوزارة اله اولوية ليمشي أسرع من الطلبات يلي بالطرود البريدية الجايه من المديريات.. فالأفضل إلك تمشيها مباشر

🔵 خدمة التسجيل في وزارة الصحة

مع غلاء تكاليف السفر وعناء التسجيل
حاولنا نوفر خدمة تريحك من هالتفاصيل عن طريق وكالة

❗إذا كنت ما بتحب هالعجقة كلا
❗وبدك تختصر وقت وتعب على حالك
❗أو كنت بمحافظة تانية غير دمشق وبدك توفر التكاليف والسفر والجهد
❗أو عم تجهز أوراق السفر وبدك تأمن أوراقك بأسرع وقت ممكن.. ⬇️⬇️

اطلب خدمة التسجيل في وزارة الصحة من خلال التواصل معنا على الواتساب وطلب الخدمة 👇🏻

💩 https://wa.me/qr/WEQSBVHCVP37F1

✅ استفد من الحسم الموجود على الخدمة لفترة محدودة من خلال تثبيت الحسم وذلك بإرسال الاسم الثلاثي على الواتساب، بعد السؤال عن "خدمة التسجيل في وزارة الصحة"

◀️قناة الاختصاص في سوريا ✌️
🌀 @Specialization_Syria