#الطب_الشرعي

_ أعلن الدكتور عدنان اليوم انو يوم الاثنين القادم رح تبدأ امتحانات العملي بالمدرج الحديث الثالث الساعة ٣ وأول فئتين رح يقدموا هنن الفئات ٧ و ٨

_ المطلوب للامتحان محل ما وصل الدكتور بالكتاب (أول ٣ أبواب بالكامل).

_ طبعا طريقة الامتحان نفس كل سنة (صورة+سؤال).

بقية الفئات رح تقدم فيما بعد تباعا ورح يكون مطلوب كل المنهاج.

مع الاسف فاجأنا الدكتور اليوم بموعد الامتحان بس عساه خير ان شاء الله ونخلص منها عبكير بدل ما ننزنق فيها مع مقابلة الاطفال وامتحان الدموية والنفسي بعدين + أنو نص الكتاب بس مطلوب أهون منو كاملا🙏🏻

وان شاء الله رح ننشر المطلوب فيما بعد 👏

ملف الباب الأول كاملاً... 🖤♥️

✔️يتضمن الملف:
🔻مخططات شاملة لأغلب الفقرات الهامة الموجودة في الكتاب
🔻صور شاملة (تشمل جميع المصادر) مع توضيحاتها والنقاط الهامة فيها
🔻تحديد الفقرات الهامة في الكتاب
🔻أهم الأسئلة النظرية والأجوبة عنها


❗️لمن أراد الملف ورقياً، فالملف سيتوفر في مركز التصوير إن شاء الله 👍

#Super_Alpha_53 🔥🌪💀

مسا الخير
بالنسبة لمقابلة الشرعي مارح نكتر مصادر مشان ما نتشتت؛ اللي رح ندرسو باختصار هو الصور وفقرات الصور.

كيف يعني؟
يعني ببساطة بتشوف الصورة من ملف الفابت أعلاه، والملف فيه تجميعة لكل مصادر الصور الموجودة تعبانين عليه الجماعة الله يجزيهن الخير🙏 لذلك مافي داعي تضيع حالك بمصادر الصور كلن موجودين بنفس المكان👍

وبتروح تدرس فقرة هالصورة من النظري، وانت حر بالمصدر اللي بتختارو للمعلومة النظرية بتحب من الكتاب او الملخص اللي معتمدو لدراسة المادة.

يعني مثلا تفرجت على صورة الزرقة الرمية بتروح تدرس الزرقة الرمية من النظري، وطبعا مع الاطلاع على اسئلة الدورات. قالوا بتطبيق بيتا الستاج كتير مخدوم ومزبطينو (فيو صور واسئلة وهيك) وبهيك بتجاوب على اي سؤال حول الموضوع إن شاء الله.

نمط الاسئلة بظن صار واضح، هي سلايدات (غالبا ٥ سلايدات) واش شايف واسئلة حول الموضوع انو تكون فهمان القصة يعني.

المطلوب اول ٣ ابواب: الموت، الجروح، الاختناق الرضي.

والدكتور قال يفضل بالاجابة تكتب ما قل ودل، قال انو إذا معبي الورقة بشطب وبمشي. لذلك حاول تكون اجابتك واضحة بعيدا عن الاغراق بالتفاصيل او الابداعات اللي مالها لزمة.

المقابلة يوم الإثنين الجاي ساعة 3:00 اذا الله يسر.

رح نشوف بجوز نعمل رسالة بفقرات الصور نقلكن ادرسوا هدول.

بالتوفيق إن شاء الله🙏💚


ملاحظة: الملف فوق لاول باب والبابين الباقين الفا قالوا الجمعة او السبت يجهزوا👍

تفريغ فقرات هالملف من الكتاب:

الزرقة الرمية من ص٤١ حتى ٤٥
التجفاف التفسخ من ص٥٠ حتى ص٥٩
التصبن والتحنط والتصمغ من ص٥٩ حتى ص٥٦
الفصل السادس من ص٩١ حتى ١١٤

مجموع الصفحات اللي مندرسن من الباب الاول= ٤٦

فقرات قلنا الدكتور المقيم اليوم نركزن من النظري:

_التقرير الطبي الشرعي
_العلامات الظنية واليقينية للوفاة
_مقارنة بين الزرقة الرمية والصمل
_الطلق الناري ومقارنة بين فوهة الدخول والخروج
_مقارنة بين حز الخنق والشنق
_مقارنة بين الكدمة والزرقة الرمية
_الفحوص المتممة
_فتح الجثة(من وين نبلش)
_حالات الاهمال في الطب
_الموت الدماغي وموت جذع الدماغ واختبارات موت جذع الدماغ
_جروح رضية، سحجات، عضات(الجروح بشكل عام)

وبيتا كتير مهم🔥🔥

اذا تذكرنا شي تاني كمان منبعتو إن شاء الله👍

تذكير

بكرا مافي ستاج 🤝

خلاصة ماتوصلنا إليه كأشمل طريقة لدراسة ستاج الشرعي:

_ملف الفابت كافٍ كصور، اما المعلومة النظرية فهناك نواقص حتى من اسئلة دورات الفقرة.


_المعلومة النظرية يتم الاجابة عنها من دراسة بيتا ومن قناة ستاج الشرعي السنة الماضية الأسئلة كانت من معلوماتها. رابط القناة👇
https://t.me/+9wF_H1UT9ik1NzNk

وبس هيك والله ولي التوفيق وان شاء الله بتكون الاسئلة سهلة🙏💚

مسالخير

نظرا للعطل الأسبوع القادم فبخصوص ستاج الطب النفسي رح يكون برنامجو على الشكل التالي :
_الأحد الدوام للفئتين ٧_٨ بالمدرج الصغير الثاني (مكان الرثوية) الساعة ١١ الا ربع.
_الاثنين عطلة.
_الثلاثاء الدوام بمشفى ابن خلدون (ورح نحاول ننسق مع الهيئة بخصوص تأمين باصات مثل ما صار يأول فئتين).

#هااااااام أي غياب يعني الحرمان من التقدم لفحص الستاج والرسوب بفحص النظري قولا واحدا فخبروا رفقاتكن المشهورين بالغيابات بجوز ما ينتبهوا لهالرسالة.

مسالخير

ياجماعة فيديوهات ستاج النفسي الي عرضن الدكتور للفئة ٥_٦ حدا محملن عندو ؟؟ لأنو الدكتور وصى أنو حدا يجهزن علابتوب القاعة قبل الجلسة مشان ما نتأخر بالمحاضرة.

تذكييييير

ستاج الطب النفسي
_الأحد الدوام للفئتين ٧_٨ بالمدرج الصغير الثاني (مكان الرثوية) الساعة ١١ الا ربع.

#طب_شرعي #دورات_المقابلة
#الفئة_الثانية
كدمة على الغشاء المخاطي للفم ما اسبابها
طلق ناري بسقف الفم شكل طبي شرعي
زرقة رمية تابعة للشنق لماذا احد القدمين فيها زرقة ووحدة لا
سحجة رضية واهميتها بالطب الشرعة
سحجات غير حيوية

#الفئة_الثامنة
_ الفحم المنشط ، آلية عمله ، لماذا يستخدم.

_ متلازمة الطفل المضطهد (عندو سوء تغذية وتجفاف شديد) ، سبب الحالة.

_ حالة إجهاض جنائي ، الشكل الطبي الشرعي للحالة.
(الطبيب اعتقد أنه يسحب الحبل السري ولكنه سحب الأمعاء للخارج).

_ محاولات انتحار سابقة على الساعد الأيسر جروح قطعية (وصف الحالة).

_ جروح قطعية على الذراع الأيسر ، الشكل الطبي الشرعي للحالة والسبب.
جروح مصطنعة من قبل الشخص مفسه محاولا إيذاء نفسه أو بالاتفاق مع شخص..

عبيسأل عن 👇
الشكل الطبي الشرعي لوفاة: قتل، انتحار، حادث طارئ.
الشكل الطبي الشرعي لأذية عند إنسان حي: الغير سببها، هو نفسه سببها،أو بفعل حادث طارئ.

مثال من الدورات عن طريقة طرح السؤال 👇

✅ وصف الحالة ؟
احتقان وزرقة وتورم في الرأس.

✅ الأسباب المحتملة؟
الشنق والخنق وانضغاط جدار الصدر والبطن وانسداد الفوهات التنفسية بجسم أجنبي.

_ نلاحظ الشقوق على الشفة العليا مما يوحي بآليات ضغط على الأنف والفم أدت للاختناق.

هاد الشرح بتلاقوا بصور تطبيق بيتا 🔥
أو بملفات الصور بس ببيتا أوضح 👌
(موجودات بالقسم العملي المجاني)

هي أسئلة الفئتين 3 و 4 هديك السنة

1تفسخ الجثة وخروج الدم من فوهتي الانف والفم بتأثير ضغط غازات التفسخ على الاعضاء الداخلية

2 كدمة طولانية ناجمة عن الضرب بجسم اسطواني طويل (عصا أو خرطوم مثلا) المركز الشاحب هو منطقة اصطدام الجسم الاسطواني مع سطح الجسم مما سبب انضغاط الاوعية الدموية وتحرك الدم للمحيط

3 رمي ماسي
أدى وجود السطح العظمي تحت جلد فوهة الدخول وبتاثير غازات الانفجار المحصورة بين السطح العظمي والجلد الى تسليخ الجلد ودفعه باتجاه فوهة السبطانة مما ترك اثر انطباعي لفوهة السبطانة قرب فتحة الدخول

4 كسرين خطيين في الجمجمة ناجمين عن ضربتين مختلفتين
الكسر الاول الاحمر (حدث اولا)
الكسر الثاني الخط الاصفر ( حدث ثانيا)
الكسر الثاني تقاطع مع الشق الذي احدثه الكسر الاول وفرغ طاقته فيه مما ادى الى توقف وعدم امتداد خط الكسر

اذا حدا شاف دورات غير هدول يبعتهن لانشرهن
لانو نحن اول فئات بتقدم ف ممكن يكرر الدكتور 🌚