#وقائي
#ربط

مثال عن أدوية ال SABA : سالبوتامول.

مثال عن أدوية ال LABA : سالميترول _ فورميتيرول.

مثال عن أدوية SAMA : ابراتوبيوم برومايد.

مثال عن أدوية LAMA : تيوتروبيوم.

🌹❤️🔥
@elitemedhs
#Elite_53_Alep

ضيفو هي معهن
مثال عن أدوية ICS : بريدنيزولون

مواضيع الستاج الي اخدناهون
1 الاجهاض
2 الحمل الهاجر
3 انقطاع الطمث
4 النزوف الرحمية الشاذة
5 pco
6 الأورام الليفية
7 موانع الحمل
8 رحى عدارية

لحل التشويش بالنسبة للمواضيع المطلوبة👍

صور الإيكو بلا تقرير تتشبه بكتير شغلات متلها متل طحل القهوة

#تذكير

المقابلة بكرا عال٩ ولا يسمح بالتأخير ابدا ابدا ( والدكتور نقص علامات سابقا لأشخاص تأخروا )

للي متذكر اسئلتو ابعتوها هون👍

لا أحد:
شكلنا بمقابلة العصبية😂😂

المسا مننزل ترتيبة الستاج كاملة بحيث نتجاوزها بنجاح قدر الإمكان إن شاء الله 🙏

انتظرونا🌚🔥

مسا الخير

بعتذر عن الإطالة بس في كم نقطة مفروض يتوضحوا بالنسبة لستاج #الداخلية_العصبية

أولا: المطلوب هو نوطة الفحص العصبي بالاضافة للقسم النظري اللي انعطى، وبما انو كامل المادة انعطت لذلك كل مواضيع النظري ممكن يسألنا الدكتور منها.

ثانيا: هل ضروري أدرس كل النظري لحتى اعدي المقابلة؟ لا ابدا، لكن في اعتبارات مفروض تحطها ببالك وهنن:

_ هاي فرصة كبيرة انك تلحق المادة قبل امتحان النظري او انك تدرس القسم الاكبر منها، ليش هالشي؟
لانو غالبا مارح تكون هالمادة اول مادة بالامتحان لكتير أسباب وهي مادة ضخمة لذلك اذا ماكنت ممرق منها قبل مارح تلحق معك، لذلك ادرس اللي تقدر عليه منها.

ثالثا: اش في خطط ممكن اشتغلها؟

أول خطة، فيك تدرس كل النظري مع الفحص العصبي والمقابلة فيها ٢٠ات بنسبة منيحة خاصة انو في مجال تاخد وتعطي وتناقش والدكتور بحط ٢٠ وقتها.

خطة تانية، تدرس ملخصات ايليت مع الدورات والفحص العصبي وكمان خطة كويسة والملخصات بتصير للنظري كمان إذا بدك، ومعمولة أساسا للنظري بس رح تخسر هون فرصة الدراسة الكاملة للمادة النظرية.

آخر خطة، تدرس نوطة المقابلات تبع ميدبوس مع دورات وفحص عصبي، وطبعا هاي خطة مو مضمونة أبدا لأنو نوطة ميدبوس ممكن ما تغطي الا جزء بسيط جدا (وحتى الدورات اللي عنا ممكن تكون أشمل منها أصلا).

رابعا: الفحص العصبي هو شي اساسي جدا جدا جدا هو علامة نجاح المقابلة (اذا ماعرفت تعمل الفحص العصبي عمليا انت رسبت بالمادة) لذلك مفروض تتقنو منيح، ورح نبعت فيديوهات توضيحية ان شاء الله بحيث نتعلمو بشكل صحيح. لذلك اللي بدو صفر الستاج بس يدرس الفحص العصبي وصلى الله وبارك وبالاسئلة النظرية بعدين ياتكون دورات ويعرف يجاوب يا يعمل Bitter smile 🙂😂😂 وياخد علامة الفحص العصبي بس ويتوكل على الله.

خامسا: هل كل الموضوعات بنفس الأهمية؟ في موضوعات مركز عليهن الدكتور هن اللي موجودين بالنوط ال4 الإضافية، بس بما انو المادة كلها انعطت لذلك الموضوعات اللي ماكان يتركز عليها ممكن هلق يتركز عليها.

بالأخير: هاد الستاج يعتبر اصعب ستاج هالفصل لذلك بدو متابعة منيحة وبما انو في احتمال رسوب لذلك حاولوا تشتغلوا عليه منيح، بس مع هيك مو هالصعوبة اللي بتخوف المقابلة كانت مريحة على حكي كل الطلاب اللي قدموا لذلك اللي قريان المعلومة رح يجاوب ان شاء الله👏

ملاحظة: ملخصات ايليت لسى مو كاملين لكل مواضيع المادة.

هلق نبعت كلشي يخص الستاج👍🔥

#لمحة
#ستاج_العصبية

〽️ موعد الستاج :

_ للفئة الفردية : أول قسم ٩ الا ربع
قسم التاني ٩ و نص.

_ للفئة الزوجية: القسم الأول بال١٠ وثلث والقسم الثاني بال١١.

〽️ مدة الستاج وموعد المقابلة :

٤ أيام كان بس ممكن تختلف المدة لأنو كان عندنا عطلة.

_ المقابلة للفئة الفردية بالأسبوع الثاني.. اثنين و ثلاثاء والزوجية أربعاء وخميس..
المقابلة مدتها طويلة تقريبا من ال٩ لل٢.

〽️ موعد أخد الحضور : بنهاية جلسة الستاج.

〽️ وضع الفئة وهل تنقسم ومين الدكاترة الي تعطي اذا معروفين :

عم يقسموا الفئة قسمين والدكاترة هنن مقيمين بس.

〽️ مسموح الغياب او لأ وإذا اي فكم غياب مسموح ؟

غالبا مسموح غياب واحد.

〽️ مسموح التعويض او لا :

الدكتور كتير شديد بهاد الموضوع والتعويض كتير صعب.

〽️ شو المواضيع الي انعطت:

الفحص العصبي كاملا والقصة السريرية.

〽️ الدكاترة الي تقابل :

د.طاهر فرفوطي فقط.

〽️ كيف نمط الاسئلة ( سهلة _ صعبة ) ، في تساهل ، كم سؤال غالبا ينسأل ، معلومات بشكل عام عن المقابلة :

_ أحيانا الدكتور بسأل سؤالين ثلاثة وأحيانا بسأل ٦ أو ٧..الأسئلة منقدر نعتبرها من متوسطة لصعبة.
_الدكتور بيسأل أسئلة من الستاج ( الفحص العصبي سؤال أساسي للكل ) ومن النظري وبيسأل كمان من كلامو بالمحاضرة حتى لو مو مذكور بالمنهاج و بركز كتير عالناحية السريرية.

〽️ مصدر الدراسة :

_ ملف الستاج للايليت + النظري + الدورات (ومو مضمونين كمان😁).
_ وهي رابط فيديوهات ماكلاود مفيدين كمان للفحص العصبي :
https://t.me/National_Exam888/1014

〽️ خطة الفريق:

رح تنزل بإعلان لوحده.

@elitemedhs
#Elite_53_Alep

#الداخلية_العصبية
#تفريغ_الستاج

#ملاحظة بصفحة ٧ بفحص الساحة البصرية عين المريض ثابتة ع عين الفاحص لازم يشوف الاصابع بدون ما يحرك عينو لا يمين ولا يسار
.
#تصويب: صفحة ٩ سطر التامن الجواب عصب الخامس العيني بدل البصري سقطت سهواً 💔
#تصويب: بالسبيل البصري تبديل بين رقم ٤ و ٥ يعني بيجي تصالب بعدين سبيل البصري بعدين جسم الركبي الوحشي بعدين التشعع متل الصورة.

هذا ملف يتضمن :

🧠 كامل تفريغ جلسات الفحص العصبي متضمنا تصويب كل الاغلاط تبع الملف الماضي و إضافة كل ملاحظات الدكتور الي أعطى الفئة ٩_١٠ وإضافة معلومات أكثر عن الفحص العصبي بناء على ملاحظات الدكتور طاهر " بالدورات و بالنظري ".

🧠 جلستين السكتة الي نزلناهن سابقا كبوستات.

🧠 يتوفر الملف بمركز التصوير من بكرا.

ما تنسونا من صالح دعاءكم إذا استفدتو 💛

@elitemedhs
#Elite_53_Alep

#تعديلات
#ستاج_العصبية

🔺ص3
بجدول غلاسكو
- رقم 6 من الاستجابة الحركية » مستجيب للأوامر ( بدل الحركة العفوية )
- العمود التالت » فتح العينين (بدل حركة العينين )

🔺ص7
طريقة فحص العصب البصري
يثبت رأسه و يركز على إصبع الفاحص ⟩⟩ المقصود كان هو التركيز الذهني ع إصبع الفاحص أنو عبشوفها أو لأ
والصحيح أنو لازم تكون عين المريض ثابتة ع عين الفاحص و لازم يشوف الأصابع بدون ما يحرك عينو لا يمين ولا يسار

🔺ص9
المثال الثاني ، إذا ما رمشو التنين بتكون اصابة العصب العيني فرع الخامس ( وليس البصري )

🔺ص11
ترتيب المسار البصري ، نبدل بين رقم 4 و 5 فتصبح » سبيل بصري ثم جسم ركبي وحشي


@elitemedhs
#Elite_53_Alep

نوطة الفحص العصبي👆👆

✔️ ملحق مقابلات الداخلية ج1 - حلب
(عصبية - هضمية - كلية)
📖 عدد الصفحات: 91
⏱ مدة الدراسة: 3 أيام

تغطي جميع أسئلة الفئات في السنوات السابقة
مع توسع من النظري للأسئلة الهامة
ومحاولة ربطها مع منهاج الوطني
@MedBOSS_Files

نوطة ميدبوس اللي ذكرناها👍

https://t.me/c/1517488617/431

🍀 قائمة فيديوهات الفحص العصبي

#داخلية_عصبية
#ملخص

" نسخة غير نهائية " وتتضمن :

🧠 تلخيص المحاضرات الإضافية ال٤ الي اخدناهن بالنظري للان.

🧠 تم التلخيص بناء على :

١_ فقرات الدورات.
٢_ ملاحظات الدكتور المهمة والفقرات الي ركز عليها.
٣_ المواضيع المهمة بالستاج حتى لو مو فقرات دورات.
٤_ كلشي فقرات مو من فقرات الدورات تم تلخيصها بحيث تحوي أهم المعلومات فقط.

🧠 هذا الملف هو جزء ثاني للمطلوب للستاج بعد الجزء الاساسي " الفحص العصبي " الي نشرناه سابقا ، وبيضل الأفضل انو يندرس النظري كاملا للي يلحق احتياطا ( بس إن شاء الله الاسئلة رح تكون من هالملف ).

🧠 المركز ما رح يتوفر بالمركز لأنو مانو نسخة نهائية فأي حدا بدو يطبع لازم يبعلو ياه للمركز بنفسو

🧠 رح يتم تجديد الملف أول بأول بحيث يحتوي التلخيص المطلوب لكل فئتين يقدموا

ما تنسونا من صالح دعاءكم إذا رح تستفادوا منو وموفقين 🩷

@elitemedhs
#Elite_53_Alep