صاحب المرتبة الأولى على القطر بعلامة 98 الدكتور حسن اسماعيل
رح يشارك تجربته معنا اليوم على قناة الفريق ❤️🔥

الدكتور حسن كان من أكتر الاشخاص يلي متابعين معنا ومع الطلاب سواء على غروب الفريق أو على البوت من خلال ملاحظاته الدائمة وحرصه على المعلومة أو من خلال اختبارات الفريق يلي كنا دوما نشوف اسمه فيا ضمن العلامات الأعلى بالاختبارات

كتير فخورين انو اعتمد نوط الفريق بالكتلة التانية والجراحات تحديداً وحصل على العلامة الكاملة بالكتلة التانية (100) وهو اكيد بيستحق هاد الشي بجدارة 🔥🔥

طبعا رح يكون في عدة تجارب مميزة كمان رح نشاركها ❤️🔥🔥

تجربة الأول على سوريا بعلامة 98 بدورة تشرين 2023 🔥

🔺الاسم : حسن أديب اسماعيل
🔺الجامعة : دمشق
🔺العلامة : ٩٨
🔺مدة التحضير : حوالي تسعة أشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 بلشت بعد راس السنة تقريبا وبالبداية كانت دراستي خفيفة نوعا ما وبعدين صارت تتزايد تدريجيا لوصلت بالفترة القريبة من الفحص ل ١٠ - ١٢ ساعة يوميا.

👈🏻 بالنسبة لطريقة الدراسة ف فيه كم نقطة حابب انصح فين وهنن مجرد رأي شخصي عسى يفيدو حدا :

1- اهم شي تكون الدراسة مستمرة ولو كانت قليلة يعني تلت ساعات باليوم يوميا احسن من عشر ساعات يوم واحد بالاسبوع..

2- خلال هالسنة نوعت بفترات الدراسة بين صباحية و مسائية و وصلت لنتيجة انو الدراسة بفترة الصبح خارقة و بترسخ المعلومات فيها بشكل منيح

3 - كمان فيه شغلة حسيتها فادتني هيي التنويع باماكن الدراسة بين البيت و مكتبة المشفى و مكتبة السكن و قاعات خاصة و حدائق هادئة هيك كتير بتكسر الملل..

4- في نصيحة من استاذنا بمادة العصبية الدكتور محمد شحادة اغا طبقتها كمان وحسيتها فادتني منيح هيي حل اسئلة الدورات و النماذج بنفس توقيت الفحص يعني اخر فترة كل يوم الساعة ١١ الصبح حل دورات ونماذج و هيك بيتدرب المخ انو بهاد الوقت هو بحل اسئلة بس طبعا لازم يبلش حل الدورات من بداية الدراسة و كل ما انعادت الدورات اكتر كل ما كان احسن.

5- كمان نقطة مهمة برأيي انو يكون الواحد مرن تجاه الخطط يلي بحطها و يستعذَد انو يعدلها مرة وتنين و تلاتة.

2️⃣ ما هي الوسائل المساعدة التي استعنت بها لفهم المواد ؟
👈🏻 شفت كم فيديو بالجلدية للدكتور ماهر الحسين ع قناته عاليوتيوب و كانو مناح ما عدا ذلك ربحت بكذا مسابقة و سمعت تسجيلات متنوعة لكذا حدا ما حسيت الها اي فائدة تذكر و بنصح زملائنا السوادس الجدد بقناة موكا اشتغلنا عليها انا و مجموعة من زملائي خلال السنة الماضية فيها تسجيلات صوتية مجانية لكل المواد تقريبا و الشرح باغلب المواد ممتاز و جيد جدا

3️⃣ ما هي مصادر الدراسة التي اعتمدت عليها ؟
🔹#العيادات
👈🏻جلدية: MEDBOSS
👈🏻أذنية: MEDBOSS
👈🏻عينية: A+ (ملخص)

✅ الجلدية و الاذنية برأيي كانت نوط ميدبوس الأفضل بلا منازع من حيث سلاستها َاما العينية ف حسيتها طويلة و ضخمة ف ما جبتها ف ما بعرف اعطي رأيي فيها.

🔹#النسائية: MEDBOSS
🔹#التوليد: MEDBOSS

✅ الشغلة الكويسة فيهم هو الترميم من مقررات الجامعات و هي ريحتني كتير من الاضافة يلي عملتها بالداخلية بس السلبية برأيي هيي المحافظة ع حشو المرجع يلي فيه بدون اختصار يلي زاد عدد الصفحات وبحاجة لتلخيص

🔹#الجراحة_العامة MEDBOSS
🔹#الجراحة_البولية MEDBOSS
🔹#الجراحات_الصغيرة MEDBOSS
✅ كتير كانت نوط الجراحات مميزة و خصوصا العامة و البولية جدا كانوا مناح
📌 ببقية الجراحات فيه كم ملاحظة بسيطة خبرت الفريق فيهم من باب محبة وحكولي ح ياخدوا فيهم بتحديث النسخة الجديدة لهي السنة

🔹#الداخليات و الأطفال : درستها من MRI دمج لانو بفترتا ما كانت نازلة نوط ميدبوس لسا ، وهالنوط مصدر كويس جدا للدراسة و ميزتها بتختصر الوقت والجهد بشكل منيح لكن سلبيتها اول شي الوان النوط و تنسيقها ابدا ما ريحني تاني شي انو باول دور درست فيه كنت حس معلومات الاطفال ضايعة بين معلومات الداخلية و فكرت فترة ارجع جيب ميدبوس داخلية و اطفال لحال بعد ما سمعت رأي رفقاتي فيهم لكن مع الاعادة صار الوضع احسن وتجاوزت المشكلة و تالت نقطة انو فيه كتير قصص بدها توضيح ف اذا كان اساس الواحد قوي قبل بجوز ما ينتبه عليها لكن اذا كان عندو نقص سابق او بدو شرح وترميم ف هي بتفتقر للشروحات كمان.

🔺#مصادر_المراجعة نفس مصادر الدراسة و ما بنصح حدا يدرس من مصدر و يراجع من مصدر تاني مشان موضوع الذاكرة البصرية يلي برايي هو مهم جدا

🌀 هل قمت بحل بنوك اسئلة أخرى بجانب اسئلة الدورات ؟ (جامعات ، اتمتات فرق وغيره ..)
اي حليت كتير اسئلة من كل القنوات ع تلغرام متل يلي نشرتوها وكل الاختبارات يلي تطلع بطريقي حلها خصوصا يلي مبنية ع دورات الجامعات فادتني جدا جدا

رح اذكر مثال بس انو الجراحات القلبية و الاوعية و العصبية اجا عليهم شي عشر اسئلة تسعة منهم نسخ لصق من دورات دمشق ما اخدو معي خلال الفحص اقل من دقيقتين كنت حاللهم

ف كتير بنصح رفقاتنا السادسات الجدد يحلو دورات الجامعات لكن بذكاء يعني نعرف منين عم تجي الاسئلة و نحل دورات الجامعة يلي عم تجي منها كمثال بالكتلة التانية العامة حلب والاذنية تشرين ودمشق و البولية والاورام و الاوعية والقلبية دمشق و التوليد دمشق والبعث الخ الخ بتلاقوا مصدر كل جراحة بملف الحل يلي نزل لميدبوس
https://t.me/MedBOSS_Team/1784

السنة ميدبوس حكو رح ينزلو ملفات لدورات الجامعات الهامة بعد ما حددوها مع مصدرها ف هيك اريح من انو كل طالب يقعد يدور ع الدورات لحاله.

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 بندم اني ما درست لغة خلال السنة لان كان معي وقت و ما استغليته منيح.. واني دخلت احيانا بنقاشات مالها لزمة عالغروبات سواء ع حل سؤال دورة او معلومة او ع شي تاني ما كانت تجيب نتيجة كل واحد الو قناعة هو حر فيها بالاخير

🌀 هل قمت بأي نشاطات أخرى بجانب التحضير للوطني خلال العام ؟ (مثلا لغة ، ستيب ، ستاج ، عمل وغيرو ..)
👈🏻 ما اشتغلت و لا حضرت لشي غير الوطني و احد الشغلات يلي قلت بندم اني ما عملتها اني ما درست لغة ابدا مع انووكان فيه وقت منيح.

5️⃣ نصيحتك التي تقدمها لطلاب السادسة المستجدين ؟
👈🏻 حكيت شوية نصايح فوق و بدي ضيف انو اذا عم تشتغل شغلة و مقتنع فيها انها صح لا تتراجع عنها ابدا كمثال انا كنت ضيف ملاحظات وترميميات من منهاج دمشق للنوط يلي درست منها و ما حدا شجعني ع هيك و كلو قلي انو هاد حكي فاضي و ضياعة وقت و عذاب بس فيه عدد منيح من الاسئلة الخارجية يلي حليته من هي الملاحظات .
فيتي قول كمان انو عندك عدوين هالسنة اول واحد هو التوتر لذلك خليك ريلاكس ع الاخييييير و خصوصا اخر فترة و لا تسمع حكي بقية الناس و لا تقارن دراستك بدراسة غيرك
تاني عدو هو الملل حاول تتجاوزه باي شي بسليك مهما كان و هاد بيختلف من شخص لاخر .

6️⃣ ما تقييمك لمستوى اسئلة الامتحان وهل كانت منصفة للطلاب؟
👈🏻 بظن اجابتي ما تعجب بعض الزملاء بس هاد رأيي بالاخير و تعبت و انا ناقش فيه وهو انو الاسئلة صح كانت جديدة و صعبة نوعا ما و في منها اختصاصي او بصمي بحت بس مو بالصعوبة يلي تم التسويق الها و كتير صار مبالغات و اشاعات و اقاويل مالها اي دليل ما حدا بينكر كان فيه نسبة اسئلة خلافية او جديدة كليا بس نسبتها حوالي ٥ بالمية ع اعلى تقدير
👈🏻 لذلك بتمنى من زملائنا الجدد ما ياخدو هالحكي ع انو حكي منزل  و يدرسو للوطني كأي امتحان درسوله بحياتن

🌀ما رأيك بالامتحان الوطني ؟
👈🏻 من حيث المبدأ هو ضروري و شي جيد لكن فيه كتير سلبيات
👈🏻 بدها تعديل بما يخص الأسئلة واضعيها و المراجع المعتمدة و الوقت الطويل جدا قبله برأيي الأفضل تعتمد مراجع مختلفة افضل من هي و ما تطلع الأسئلة براتها و تكون ع شكل قصص سريرية و تعتمد ع الفهم اكتر من الحفظ و بما يخص فترة السنة كاملة قبل الوطني كمان حرام لانها برأيي طويلة كتيرة و بكفي ست اشهر بحيث نختصر ه الستاجات يلي عم تكون فائدتها قليلة

.7️⃣ ما هو سر حصولك على علامة 100 في الكتلة الثانية وهل كنت تتوقعها؟
👈🏻 اي كنت بتوقع جيب علامة عالية بالكتلة التانية حوالي ال ٩٥- ٩٦ طبعا مع حذف علامة كل الاسئلة الاشكالية (خلافية - فيها غلط املائي - اختصاصية- نسب اجابتها متدينة......) والظاهر استجاب المركز للاعتراضات ع هالاسئلة و تعامل معها

💭 لكن ما بعرف كيف هل انحذفت هي الاسئلة و انضافت علاماتها للكل او انحذفت و توزعت علاماتها ف ما عندي فكرة شو صار ... بخصوص الجراحة السر برأيي هو محبتي للجراحة و متابعتي الها خلال السنوات الرابعة و الخامسة بالجامعة ف كنت احضر نظري او عالاقل اسمع تسجيلات المحاضرات و فرغها و صرت بعرف نمط دكاترة الجراحة بالاسئلة خصوصا دكاترتنا بدمشق يلي حطو قسم منيح جدا من اسئلة الجراحة

🌀 هل كنت تتوقع الحصول على هذا الترتيب في بداية العام ؟
👈🏻 لا ما كنت بتوقع و لا كنت حاطت ببالي و لا هدفي و انما كان هدفي رمم النقص ببعض الجوانب واستفيد من هالسنة بالناحية العلمية و جيب معدل يدخلني جراحة عظمية بالدراسات دمشق.

8️⃣ ما الاختصاص الذي تطمح له وهل تنوي السفر؟
👈🏻 لهلق اسا ما حسمت قراري بما يخص الاختصاص بس بظن رح سجل جراحة عظمية كأول رغبة

9️⃣ كلمة أو نصيحة أخيرة لطلاب دفعة 2024 بشكل خاص
👈🏻 اهم شي المرونة و القدرة ع التكيف مع كل الظروف عادي بدا تصير مع الواحد مشاكل و قصص و رح يمر بفترات صعبة و عقبات اهم شي يصبر ويتجلّد و يحافظ ع برودة اعصابه و يعدل خططه تبعا للظروف

🔴 هي معرفي ع تلغرام @HASAN0996157 مشان اذا حدا من رفقاتنا حابب يسال عن شي بباله ما ذكرته انا وبالتوفيق لزملائنا دكاترة الدفعة 2024 ❤️❤️

للاستئناس وأخذ فكرة عن الموضوع


وللتاكيد انو مهما انحكى عن اي شي انو صعب جداً، بالاخير دايما في إمكانية👍

🟤 قناة موكا يلي نصح فيها الدكتور حسن اسماعيل (الأول على سوريا بعلامة 98%)
فيها تسجيلات مجانية لمواد الوطني

🟤 للاطلاع 👇🏻
https://t.me/MochaRecs

📓 National Exam With Bashar 📓

التفاعل بأحزنني فقط

⚠️⚠️لا حدا ينسى الاسبوع الجاي مقابلتنا للوقائي إن شاء الله⚠️⚠️

المطلوب نشرناه سابقا وموجود بالرسالة المثبتة ومنضيف عليهن الاسئلة الموجودة بهاد الغروب👇👇
https://t.me/Elitemedicine/36

شوفوا التعديل👍

#تحديث_رقم5
#نسخة_السنة_الخامسة_الفصل_الاول

😐 تحديث جديد يتضمن :

1- اسئلة دفعتنا للجراحة البولية والعصبية للفئتين الخامسة والسادسة (70 سؤال)
2- اسئلة دفعتنا للأطفال1 للفئتين السابعة والثامنة  (63 سؤال)
3- اسئلة دفعتنا للنسائية للفئتين التاسعة والعاشرة (17 سؤال)

بالاضافة انو تم حل كاملللللل اسئلة ال 52 للجراحة وللنسائية (122 + 94 سؤال) 🔥🔥🔥🔥🔥

طبعا حل دورات دفعتنا شغل فريق ايليت 😌
ولا تنسو البرنامج فيو دورات الوقائي كاملات 😎🔥

موفقين 💚❤️
ولا تنسوني من صالح دعائكم

#حل_اسئلة_مقابلة_الوقائي

١_ أسأل حالك سؤال، وشو هو ال SABA ؟

هي Short-acting B2 agonists وهي أحد الأدوية المستخدمة في تدبير الربو وال COPD.

٢_شو اهم مصدر لفيتامين د ؟

الشمس.

٣_ طرق الوقاية من هشاشة العظام ؟

يجب في الأصل بناء عظام قوية منذ الطفولة والمراهقة وايضا الوقاية اللاحقة بعد البلوغ :

١_ التعرض للشمس يوميا.
٢_ تناول غذاء غني بالكالسيوم وفيتامين D منذ الطفولة.
٣_ تقليل كمية تناول المشروبات الغازية ( لغناها بالفوسفور ) والكافيين والكاكاو ( تؤثر عامتصاص الكالسيوم ) و عدم الاكثار من البروتينات الحيوانية ( لأنها تزيد طرح الكالسيوم بالبول ).
٤_ تجنب الكحول والتدخين لأنهما من مسببات الهشاشة.
٥_ الاهتمام بتعويض الكالسيوم بعد سن اليأس.

٤_ عوامل خطورة لتطور السكري الحملي ؟

• زيادة عدد مرات الانجاب.
• العمر فوق ال٣٥.
• القصة العائلية.
• البدانة والمبيض متعدد الكيسات.

٥_ سبب كثرة الامراض المزمنة ؟

_ تغير نمط الحياة على المستوى الغذائي والمعيشي.
_ نقص عدد أفراد الأسرة =» قلة الامراض المعدية وزيادة المزمنة.
_ التقدم في وسائل التشخيص والعلاج للامراض السارية =» نفس التفسير السابق 👆
_ زيادة تشخيص الأمراض المزمنة.

٦_ سألتني مشان شو منعاير الخضاب الغلوكوزي ؟

لمراقبة مدى ضبط السكر والالتزام بالحمية عند المرضى السكري.

٧_ الفرق بين ارتفاع الضغط الأولي و الثانوي
تعداد حصرا و ليس شرح من حيث العمر/ السبب/ العلاج / الأمراض المرافقة / الانتشار :

البدئي : المتقدمين في العمر بعد ال٤٥ ، مجهول السبب ، أدوية خافضة للضغط ، لا امراض مرافقة معروفة ، الانتشار ٩٠٪ من الحالات والنسبة متساوية بين الذكور والاناث طالما أنه يحدث بعد اليأس عندهن.
الثانوي : الشباب تحت ال٣٠ سنة ، تالي لأمراض معروفة ( كظر ، قلب ، كلية ، أدوية .. الخ ) ، علاج السبب ، مثلا قصور كلية ، ورم القواتم ، نسبته ١٠٪ وأشيع عند الذكور كونه يحدث بالاعمار الصغيرة.

٨_ اشيع سبب للقصور الكلوي المزمن ببلادنا :

السكري.

٩_ شو بيصير عند جماعة الحمامات الشمسية (البرونزاج)؟

سرطانات جلد

١٠_ اسباب COPD :

التدخين ، ملوثات الهواء ، تعرض مهني ( عمال المناجم والفحم مثلا ) ، الانتان عامل خطر أيضا ، سوء التغذية ، الفقر ، المناطق الرطبة الباردة ، عوز الالفا ١ انتي تربسين.

١١_كيفية الوقاية الاولية من الداء السكري :

هي دراسات وتجارب غير مثبتة ١٠٠٪ تشمل :
١_ الأدوية المثبطة للمناعة.
٢_ حقن ذيفان الدفتريا في الانترلوكين ٢
ويوجد عاملان أشد قابلية للتدخل هما :
١_ العامل الوراثي ( عدم التزواج بين العائلات السكرية ).
٢_ السمنة وتخفضيها.
وأيضا يوجد :
• الابتعاد عن تناول الكحول والتدخين وحبوب منع الحمل.
• علاج فرط الضغط وفرط الشحوم.

١٢_نصيحتك للي بياخدوا حبوب حديد ؟

_ يتناولو معو حمضيات ( ليمون ، برتقال ) لتسريع الامتصاص.
_ ألا يتم اخذ الحبوب وتناول الشاي أو مضادات الحموضة كونها تنقص الامتصاص.

١٣_ شو الفرق بين القرحة المعدية والقرحة العفجية ؟

★ المعدية : الافراز الحامضي طبيعي ، الم يسوء نهارا وبتناول الطعام ، تتسرطن.
★ العفجية : الافراز الحامضي زائد، ألم يسوء ليلا وعلى الجوع ، لا تتسرطن.

١٤_ اعراض فقر الدم :

• خفيفة : تعب ، زلة ، دوخة ، صداع ، ، تشوش خفقان.
• شديدة : اظافر ملعقية ، شحوب ، تشقق زوايا الفم.

١٥_ شو أسباب الأصابع الأبقراطية؟

امراض القلب الخلقية ، اضطرابات التنفس.

١٦_ ماهي ال LAMA وأعط مثال عنها :

هي Long-acting muscarinic antagonist ، مثالها الابراتوبيوم برومايد.

١٧_شو هو SABA بالانكليزي ؟

هي Short_acting B2 agonists.

١٨_شو بتسبب البلهارسيا ؟

سرطان مثانة وتشمع كبد.

١٩_كيف منقيس الضغط بشكل نموذجي ؟

يكون المريض هادي ، بوصيعة مريحة ، بعيد عن الضجيج ، مو شربان قهوة او مدخن عالاقلةمن ساعة ، مو شربان أدوية خافضة للضغط او مدرة للبول.

٢٠_شو الادوية يلي بتسبب قرحة ؟

ال NSAIDs ، الستيروئيدات بكمية كبيرة ، السالسيلات ( الاسبرين ).

٢٢_اشيع سبب للقصور الكلوي المزمن في البلدان المتقدمة :

السبب المناعي.

٢٣_اسباب فقر الدم بنقص الحديد :

١_ نزف مزمن من الجهاز الهضمي.
٢_ طمث غزير أو نزف نسائي.
٣_ النباتيين.
٤_ قطع المعدة أو تناول مضادات الحموضة =» نقص حموضة المعدة.
٥_ الداء الزلاقي ، الذرب الاستوائي ، الاسهالات.
٦_ تناول الشاي المفرط.

٢٤_عوامل الخطر الغذائية للقرحة الهضمية :

_ منبهات ( شاي ، قهوة ) ، برغل ، مخللات ، أطعمة حامضة ، الدسم.

٢٥_ما العوامل الإنتانية للسرطان ؟

كثيرة أبرزها :
HBV & HCV ( الكبد ) HPV ( عنق رحم ، مهبل ، قضيب )
, HIV, HP ( الملتوية البوابية )
البلهارسيا ( المثانة ).

٢٦_الوقاية الاولية من تشمع الكبد :

_ الوقاية من الإنتان ، الوقاية من الكحول والتدخين ، الوقاية من الادوية السامة للكبد، المشورة الوراثية.

@elitemedhs
#Elite_53_Alep

#حل_اسئلة_مقابلة_الوقائي
#تتمة

٢٧_اسباب غذائية لارتفاع الضغط :

_ الملح ، الدسم المشبعة ، المشروبات الغازية ، المخللتن ، المعلبات ، السوس.

٢٨_عوامل خطر لاحتشاء عضلة قلبية :

التقدم بالسن ، التدخين ، ارتفاع الكولسترول ، السكري ، ارتفاع الضغط ، السمنة ، حبوب منع الحمل ، الوراثة ، الكرب والشدة النفسية ، الغذاء الغني الدهون المشبعة والكولسترول والفقير بالالياف ( خضار ، حبوب ) ، الكحول.

٢٩_شو هاد ال BODE ولشو يرمز كل حرف

هو مشعر انذار لل COPD وحروفه :
B : BMI
O : Obstruction ( درجة انسداد مجرى الهواء )
D : Dyspnea الزلة
E : Exercise capacity القدرة على الجهد

٣٠_ متى برتفع gamma glutamyl transferase ؟

عند الكحوليين.

٣١_اختبار لمراقبة علاج مريض السكري؟
وشو المدة يلي بيغطيا؟

الخضاب الغلوكوزي ويغطي ٣ شهور.

٣٢_أيش ينتج عن جرثومة الملتوية البوابية؟

القرحة.

٣٣_سبب وراثي ل copd :

عوز ألفا ١ انتي تربسين.

٣٤_تحليل بيكشف تعاطي الكحول:

غاما غلوتاميل ترانسفيراز.

٣٦_شو الدوا اللي بيعمل قصور كلوي مزمن ؟

الأمينوغليكوزيدات ، الNSAIDs ، التتراسكلينات.

٣٧_سألتني وقت بكون مريض copd مزمن شو الخضاب بكون ؟

مرتفع بسبب افراز الكلية للإريثروبيوتين تالي لنقص الاكسجة.

٣٨_ شو سبب الأظافر الملعقية وسبب الأصابع الأبقراطية ؟

الملعقية : فقر دم بعوز الحديد.
الأبقراطية : أمراض القلب الخلقية ، امراض التنفس.

٣٩_اختلاطات copd ؟

•القلب الرئوي • احمرار دم • زرقة
• انتانات تنفسية متكررة • إجهاد تتفسي

٤٠_ كلشي عن الملتوية البوابية ، انو سلبية الغرام و تشخيص و علاج ( اهم شي نقول الصادات شو هنن)ووقاية :

_ جرثومة سلبية الغرام ذات حركة عالية تفرز اليورياز.
_ التشخيص :
• خزعة وفحص نسيجي.
• معايرة ال IgG المصلي الخاص فيها.
• اختبار التنفس.
_ العلاج : الصادات التالية :
كلاريثرومايسين ، اموكسيسللين ، ميترونيدازول.

٤١_ال copd بمرحلة ال gold الرابعة شو منسميه :

الجواب يلي بدها ياه هو قصور تنفسي مزمن.

٤٢_شخص ضغطو 11 /8 يعتبر مرتفع؟ وشو قيمة الضغط المثالية ؟

لأ مو مرتفع ، المثالي ١٢/٨.

٤٣_اسباب وراثية لتشمع الكبد :

١_ داء ويلسون.
٢_ عوز الفا ١ انتي تربسين
٣_ داء الصباغ الدموي
٤_ الغالاكتوزيمية.

٤٤_شقد مدة العلاج بفقر الدم بعوز الحديد؟

٦_١٢ شهر.

٤٥_اعراض داء السكري وليش بيزداد حدوث الانتانات؟

١_ فقدان وزن ٢_ بوال وسهاف
٣_ انتانات ( لوجود بيلة سكرية تؤمن غذاء للجراثيم لنموها ) ٤_ تشوش رؤية

٤٦_اختلاطات داء السكري :

الحماض الكيتوني السكري ، اعتلال الاعصاب ، العمى ، القدم السكرية ، القصور الكلوي المزمن.

٤٧_احكيلي عن الأمراض غير السارية :

مجموعة أمراض تتصف بأنها غير مسببة بالجراثيم وغير معدية وبإمراضية غير مؤكدة ووجود عوامل خطر متعددة وفترة كمون طويلة وسير طويل ولا تشفى تلقائيا واحيانا لا تشفى.

٤٩_مريض اجا لعنا وعندو تشمع كبد وكان مريض عبينفي انو شارب كحول ونحنا لنعملو تحليل لنتأكد من هلشي شو تحليل يلي بنطلو ؟ وسؤال تاني شو انواع تشمع كبد ؟
وسؤال شو أشيع سبب لتشمع كبد في بلادنا ؟

_عيار الغاما غلوتامين ترانسفيراز.
_أنواع التشمع هي صغير العقيدات ، كبير العقيدات ، المختلط.
_ الانتان بالفيروس B ، وبدول برا الكحول أهم شي.

٥٠_تعريف ال COPD :

هو توسع ثابت غير عكوس في الأقنية الهوائية البعيدة فيما بعد القصيبات الانتهائية مع تخرب النسيج الخلالي في جدر الأسناخ.

٥١_أجا مريض عم يقول معه ضغط اش بعمله؟

بقيسله الضغط بظروف نموذجية حكينا عنها فوق 👆🌚

٥٢_عوامل خطر السكري؟

الحمل ، الوراثة ، قلة النشاط البدني والسمنة ، الضغط النفسي ، التدخين ، أمراض الكبد ، كوشينغ ، الالبومين البقري ، اللحم المدخن.

٥٣_أسباب إنتانية للداء القلبي الإقفاري؟

الملتوية البوابية ، الكلاميديا ، ال CMV.

٥٤_أسباب غذائية بتعمل تخلخل عظام :

المشروبات الغازية ، الأطعمة الغنية بالبروتينات الحيوية ، الأطعمة الغنية بالملح ، بالدسم ، الشاي والقهوة والكاكاو ( وكلن ذكرنا آليتن سابقا 👆 ).

٥٥_شو تأثير الزرنيخ عالجسم؟

١_قصور كلية.
٢_فقر دم بعوز الحديد.
قلتلها سرطان الجلد
+قالت الزرنيخ ما بسبب السرطان لأنه مالو مادة مسرطنة 🙂

@elitemedhs
#Elite_53_Alep

#حل_اسئلة_مقابلة_الوقائي

1. شب بعمرك صار معو نزف دماغي شو تتوقع الأسباب؟

أورام وعائية ، تمزق أم دم.

2. شو هو تشمع الكبد؟

هو النتيجة النهائية اللاعكوسة للتندب الليفي وتجدد الخلايا الكبدية اللذين يشكلان استجابة الكبد الرئيسية للأذيات ( السمية ، الانتانية ، الاستقلابية ، الاحتقانية ).

3. سألتني انو العيلات المعروف عنن ارتفاع ضغط اش لازم يسووا ؟

الجواب ما لازم يتزوجوا من بعض.

4. سألتني الفرق بين الأمراض السارية والمزمنة :

باختصار ، السارية : انتانية ومعدية.
المزمنة : لا انتانية غير معدية.

5. أسباب مقاومة الانسولين ( سكري النمط الثاني) :

_السمنة ، قلة النشاط البدني ، التغذية الغنية بالدهون المشبعة والسكريات والفقيرة بالالياف.
_ استعداد وراثي.

6. العلاقة بين التدخين والسكري :

التدخين الايجابي والسلبي يؤديان للسكري بسبب :
• تأثر البنكرياس بالسموم واصابته بالسرطان
• يزيد المقاومة عالانسولين
• تحفيز هرمونات الشدة الرافعة للسكر

7. سألتني اذا شب بعمر صغير عندو ارتفاع توتر شرياني ، بكون أساسي ولا ثانوي وليش؟

ثانوي لأن الأساسي انو يصير ارتفاع التوتر بتقدم العمر.

@elitemedhs
#Elite_53_Alep

⚠️⚠️⚠️تذكير تذكير⚠️⚠️⚠️

غدا ان شاء الله مقابلة الوقائي بعد المحاضرة النظرية.

موعد المحاضرة الساعة 2:00.

ملاحظة: الدكتورة قال بتزعل اذا ماتجوا على وقت المحاضرة وتستنوا لحتى تخلص لتدخلوا، لذلك لا تزعلوها منكن🙃

هاي قوائم الأسماء مرة تانية👍

وهاي النسخة الاحدث لMCQ والملف المطلوب كنا نشرناه سابقا بالمثبتة👍

بالتوفيق🔥