#تكملة
#ستاج_أطفال
#مقابلة_الفئة_الأولى

#د.خانجي :

1. قسمنا ل3 مجموعات
مجموعة سألها عن التهاب المعدة والأمعاء ومجموعة عن التهاب القصيبات الشعرية ومجموعة عن التهاب السحايا

》أنواع التهاب السحايا ؟
3 أنواع :
جرثومي
فيروسي
سلي

》وكيف نفرق بينهم ؟
بالبزل القطني منشوف :

الجرثومي : سائل البزل عكر و البروتين مرتفع و السكر منخفض وارتفاع عدد البيض على حساب العدلات
الفيروسي او التهاب السحايا العقيم : البروتين طبيعي او مرتفع شوي  و السكر طبيعي او منخفض شوي و ارتفاع الكريات البيض عحساب اللمفاويات
السلي : البروتين مرتفع جداا و السكر منخفض و وارتفاع البيض على حساب اللمفاويات

》شو المظاهر والعلامات السريرية مع فرق العلامات عند حديث الولادة والطفل ؟

١. عند الطفل :
صلابة النقرة و الصداع و ارتفاع الحرارة و الغيثان و الاقياء ونقض الشهية و التعب و فرط الاستثارة مع تخليط ذهني

٢. عند حديث الولادة :
رفض الرضاعة مع هياج و فرط استثارة و اختلاجات و انتباج اليافوخ (بدل صلابة النقرة) و إقياء مع اسهال خفيف و شدة نفسية

و العلامات هي :
علامة برودزينسكي و كيرنغ و الركائز الثلاثية
ووجود النمشات عامل موجه للسحائيات .

شرح إضافي :
صلابة النقرة : هو عدم إمكانية لمس الذقن بالصدر
برودزينسكي : ثني الركبتين عند عطف الرقبة للوليد عند تحري صلابة النقرة
كيرنغ : اصابة الاعصاب ٣ و ٤ و٦

2. ماهي اختلاطات الجفاف الناجم عن التهاب المعدة والامعاء ؟
قلتلو اختلاج واضطراب شوارد

》شو هي الشاردة اللي عم تسبب الاختلاج ؟
طلعت الصوديوم

3. حالة التهاب السحايا :

》سألنا شو علامات التهاب السحايا عند الرضع واذا بتختلف عن الاطفال الاكبر ؟
عند الرضع انتباج يافوخ مع علامة برودزينسكي و كيرنغ و الركائز الثلاثية
اما عند الأطفال صلابة النقرة و برودزينسكي و كيرنغ

》سأل اذا حديث الولادة اللي عمره أقل من شهر بصير عنده صلابة نقرة؟
السحايا ما بتكون مكتملة لسا فما بصير صلابة نقرة لانه هي عبارة عن تخريش للسحايا

》سأل إذا حديث الولادة بصير عنده ارتفاع توتر داخل القحف ؟
لأ ، لأنه اليوافيخ بتكون مفتوحة والدروز مو ملتحمة فما بصير ارتفاع توتر داخل القحف

#Elite_53_Alep
@elitemedhs

#ستاج_أطفال
#اسئلة_الفئة_الثانية

#د_خالد_خانجي :

1. حالة ١ :
طفل عندو حرارة عم تزيد ، تالت يوم اختفت بعدها طلع طفح شو التشخيص ؟
وردية طفلية

2. حالة ٢ :
طفل عندو حرارة مستقرة ، تالت يوم زادت الحرارة و طلع طفح معها شو التشخيص ؟
حصبة

3. يرقان بأول يوم مرضي ولا طبيعي ؟
مرضي

4. اليرقان الفيزيولجي بإينا يوم بصير ؟
باليوم التاني والتالت

5. سألني عن حالة شفتها بالقسم ، قلتله التهاب معدة و أمعاء.. قال بدي غيره.. ، قلتله فرفرية هيونخ شونلاين.. قلي غيره... قلتله ذات الرئة حكيت كيف اجت المريضة وبعدها سأل عن :

》أعراضها و علاماتها ؟ 
لديها سعال مبتور و ألم صدري و زلة تنفسية و تسرع تنفس و سحب ضلعي .

》بصير نعالجها بالبيت ؟
قلت لا حصراً بالمشفى

》أنواع ذات الرئة ؟
فيروسي و جرثومي

》اكتر المسببات ؟
تحت الخمس سنين مستدميات نزلية، فوق الخمس سنين مكورات رئوية

》ليش ما عاد نشوف مستدمية نزلية كتير؟ 
بسبب توفر اللقاح

》سألني شو الفرق بين الشلل العلوصي و الانسداد الميكانيكي بالامعاء ؟
من ناحية الأصوات المعوية :
الشلل العلوصي غياب الاصوات
النسداد الميكانيكي اشتداد الأصوات

6. سأل بيبكي الطفل اللي معه انغلاف أمعاء؟
اي

》كيف بكون البكاء؟
نوبي

#Elite_53_Alep
@elitemedhs

#تكملة_اسئلة_الفئة_الثانية

#د_سامي_و_د.منار :

1. اعطِ سبب للألم البطني؟
التهاب مجاري بولية

》الألم بكون علوي و لا سفلي؟
علوي ، يأتي بأعراض جهازية

》شو الأعراض؟
إقياء،إسهال،حرارة،ألم

》شو منطلب للتشخيص؟
تحليل بول وراسب

》شو منشوف بالتحليل ؟
كريات بيض وحمر وبكتيريا و شكل البول عكر

》شلون منأكد التشخيص؟
زرع البول

2. الدكتور كان عم يسأل عن أسباب الألم البطني كل طالب بيعطيه سبب والدكتور بفصّل بالأسئلة عنو لهالطالب :
التهاب زائدة دودية

》أعراضها ؟
الم بطني وغثيان واقياء وقهم

》تشخيصها؟
بالإيكو

》نوعا كحالة باردة ولا إسعافية؟
إسعافية

》تدبيرها ؟
استئصال الزائدة

》طيب طفلة عمرها ١٢ سنة عندها ألم بنفس المنطقة شو ممكن يكون؟
انفتال مبيض

》واذا شب؟
انفتال خصية

》تدبير التهاب البنكرياس الحاد وطريقة كشفه مخبرياً ؟
ارتفاع الأميلاز والليباز
تدبيره : راحة ، مسكنات ، سوائل  

3. حالة :
طفل عمره شهر وعم يقولوا الأهل عنده إسهال ولقيت ما عنده أي أعراض تانية ، شو صفات البراز (لون - رائحة) وهل هو طبيعي ؟
وشو سببه ؟ وكم مرة بيتغوط الطفل الرضيع باليوم؟ وليش بيتغوط عند كل رضعة؟
لونه أصفر دهني ذهبي رائحة حامضية واخزة ، طبيعي بسبب الارضاع الطبيعي ، بيخرج عند كل رضعة لانه حركات المص بتحرض الحركات المعوية .

4. شو منسأل بالإقياء ؟
منسأل عن كميته ، شقد صرلو ، تكراره ، لونه ، نوعه ، مرافقاته ، مخففات و مفاقمات الاقياء ، علاقته بالوضعية ، علاقته بالرضعة

》أعطينا أمثلة لأنواع الإقياءات ؟
صفراوي - دموي - حلبيبي - برازي

》شو سبب الاقياء الصفراوي ؟
انسداد العفج او الامعاء الدقيقة

5. سأل عن حالة شفتها بالستاج ؟
وسأل اذا طفل عندو زرقة شو هي الأجهزة اللي بنستقصي عنها ؟
جهاز التنفس والقلب و الجهاز العصبي اذا في تشوهات خلقية ، الآفات العصبية

6. حالة لطفل عن فرفرية هينوخ شونلاين :

》سأل الدكتور اش الأعضاء اللي بتنصاب ؟
أمعاء و كلية (كالقصور الكلوي) و جلد و مفاصل و ممكن الدماغ

》لما ذكرت قصور كلية ، سأل شو الآلية اللي بصير فيها القصور ؟
ترسب المعقدات المناعية (نوع IGA) في أوعية الكلية ممايؤدي لالتهابها .

》وين كانت موجودة الفرفرية بحالة الطفل ؟
على الساقين

》شو شكل الفرفرية؟ 
حطاطات (فرفرية مجسوسة بشكل بقع نزفية تحت الجلد) بلون وردي لبنفسجي

》كيف منفرق حطاطات الفرفرية عن باقي الحطاطات؟
بالضغط عليها ، حطاطات الفرفرية ما بتختفي وما بيتغير لونها أو شكلها

》شو آلية المرض ووين بصيب بالضبط ؟
التهاب وعائي شامل بآلية مناعية ذاتية ، بترسب مركبات ال IGA والمتممة C3 على الشُرينات والوُريدات والشعيرات الدموية

7. احكي عن حالة اخدتها بالستاج ؟
قلتله طفل معه اقياء و صداع و طلع معه التهاب سحايا

》سأل شو هي العلامات السحائية؟
صداع/ اقياء/ رهاب ضوئي /هياج /اختلاجات/ تخليط ذهني/صلابة النقرة.

》شو العلامات اللي ممكن نشوفها ؟ مع التفصيل بكل علامة شلون بتصير ؟
هنن علامة الركائز الثلاثية (الجلوس الذي ينفذه الطفل بميلان الجذع نحو الخلف والارتكاز على اليدين اللتين تتوضعان خلف الظهر وتكون الركيزة الثانية هي الإليتانوالثالثة هي القدمان) و برودزينسكي (ثني الركبتين عند عطف الرقبة للوليد عند تحري صلابة النقرة) و كيرنغ (اصابة الاعصاب ٣ و ٤ و٦ ).

8. اذكر حالة بالستاج وسأل عنها :
》أشيع سبب للشق الشرجي ؟
إمساك ، تحسس الرضيع لحليب البقر !؟

》لأي شي بالتحديد بيتحسس ؟
للبروتين

》اذا الأم عم تشرب حليب بقر ممكن يتحسس الطفل؟
اي ممكن

》بصير اعطي حليب صناعي ؟
لا ، لان بيدخل في حليب البقر

9. سألني عن حالة حكيتلو عن حالة التهاب الكبد A :

》قلي شو لون البول ؟
غامق ، برتقالي

》شو منطلب فحوصات ؟
انزيمات الكبد و البيليروبين

》بجس البطن كيف بكون الكبد المتضخم ؟
متضخم بشكل بسيط و ممض

》شو يلي بدلنا عاليرقان ؟
قلتلو لون الصلبه والجلد

》شو العلاج ؟
العلاج داعم

#Elite_53_Alep
@elitemedhs

#تكملة_اسئلة_الفئة_الثانية

#د_باسل :

1. سألنا عن التهاب السحايا وسأل عن الممرضات اللي بتسبب شلل منعكسات عند الطفل ؟
شلل الأطفال وغيلان باريه و السعار والكزاز

》وسأل ايمت منعطي لقاح الكزاز ؟
بدءا من عمر الشهرين

2. سألنا عن اش هي الشغلات اللي بتصير مع حديث الولادة و بتسبب توتر الاهل مع انو هي اشياء طبيعية و ليست مرضية ؟
نقص وزن الطفل اول 10 ايام، حب الحليب، البقع المنغولية، الوحمات الوعائية ، زرقة النهايات ...

3- حالة :
حديث ولادة ماعم يقدر يبلع لعابه و لا حتى حليب و اول ما يبلع الحليب براجعه شو ممكن يكون معه؟
رتق مري

4. اذا الطفل عبيصير معو إقياء حليبي بعدين صفراوي بعدين برازي فشو ممكم يكون معه؟
انسداد فتحة الشرج

5. عدد بعض الأمراض الولادية؟
شفة الارنب، شق شراع الحنك، القيلة السرية، الاندحاق السري، انفتال الأحشاء، ضخامة بواب خلقي .

6. عدّد مرضيين قلبيين مزرقين و مرضيين غير مزرقين؟
المزرق: رباعي فالوت (وطلب نعدد الرباعي فهو تضيق مخرج البطين الأيمن و ضخامة البطين الأيمن و VSD وتراكب الأبهر) و انفتال الاوعية الكبيرة TGA

غير المزرق: VSD و ASD و PDA

7- سأل عن الفحص اللي بخص جهاز الدوران لازم نعملو لحديث الولادة ؟
فحص برزخ الابهر (جس الشريان الفخذي)

8- وسأل انو اذا حديث الولادة بعمر شهرين كان مشوب بسبب الجو... هل يمكن انو نشربو شوية ماء؟
طبعا لا ، لأنو اول 6 اشهر غذاءه هو الحليب الصرف فقط.

9- سأل عن حالة شفناها بالستاج قالولو (ذات رئة) وصار يسأل منها :

》أعراضها ؟
سعال مبتور وحرارة ، الم صدر ، زلة تنفسية ، شحب ضلعي

》فورا سأل بالتأمل شو بنشوف ؟
تسرع تنفس وعلامة السحب الضلعي وزرقة.

》أي نوع اللي بصيب الاطفال فوق ال5 سنوات ؟مكورات رئوية .

》شو بتعمل المكورات الرئوية غير ذات الرئة؟
التهاب سحايا والتهاب أذن وسطى

》 هل للمكورات الرئوية لقاح؟
طبعا

》في حالة لاااازم حصرا نعطي اللقاح وإلا بموت المريض اذا صابو مكورات شوهيي ؟
استئصال الطحال لأنو بيصير عنا التهاب صاعق بالمكورات الرئوية.

》 سأل شو اشيع انتان تنفسي بصيب الاطفال تحت عمر السنتين وشو هو الفيروس المسبب؟
التهاب القصيبات الشعرية ، الفيروس المخلوي التنفسي وبارافيروس والانفلونزا .

》 شو الأعراض وشلون بنفرقو عن الربو؟
الربو بكون بس تشنج بالقصبات فبيستفاد بالارذاذ
أما التهاب القصيبات الشعري فمابيستفاد عالارذاذ لانو في مفرزات
+ بالتهاب القصبات في حرارة وممكن يعمل انخماص رئة

》شو هو الدواء اللي بنستخدمو بالارذاذ؟
السالبوتامول وهو موسع قصبي

》شو نوعه ؟
مقلد ودي (بيتا 2)

》 هل في لقاح لالتهاب القصيبات الشعرية ؟
لا بس ممكن نعطي غلوبيولينات مناعية (وهي ماتعتبر لقاح)

#Elite_53_Alep
@elitemedhs

أسئلة الفئات السابقة👍

بعد مراجعة نمط الاسئلة اللي جاية نطلع بخلاصة كالتالي:

_عم يتم التركيز ع الحالات الانتانية الشائعة. يعني نبدأ من فوق لتحت عنا اول شي، التهاب سحايا، ذوات الرئة، التهاب القصيبات الشعرية، التهاب الكبد، التهاب معدة وامعاء، انتانات بولية، بالاضافة للقاحات. مع التركيز ع الحالات اللي رح تعدي معنا خلال الستاج.

بعبارة اوضح؛ يعني مفروض تدرس وتتمكن من تشخيص وعلاج او على الاقل تتوجه بالحالات اللي تتوقع انو لا يخلو يوم عمل عيادي منها متل الحالات اللي ذكرناها فوق، مع تركيز الدورات وأسئلة الفئات السابقة منكون عملنا اللي علينا بخصوص ستاج الاطفال.

بالتوفيق ان شاء الله🙏🔥

إلى كل عبد قانت خاشع لله، ممن يدرك قيمة الدعاء وأثره في معارك المسلمين على مرّ التاريخ:

اليوم في ساعة الجمعة المرجوّة بالإجابة:

ابتعد عمن حولك إلى مكان تجد فيه قلبك،
وارفع يديك واستغث بالله لإخوانك،
وادع على أعدائهم المجرمين وعلى أعوانهم،
ادعُ دعاء من يعلم أن الأمر كلّه لله،
وإياك أن تستهين بذلك.

#ستاج_أطفال
#حل_أسئلة_الفئة_9_10

د.خالد خانجي

"الحالات المذكورة هي بعد سؤال الطالب شو شفت حالات"

🔹 طفلة معها سوء تغذية
- احكيلي عنها كلها
- شو وضع الكالوري بالحليب المخصص لسوء التغذية عالية ولا قليلة ؟
عالية

🔹 التهاب القصيبات الشعرية
- متى بتكون استطباب دخول المشفى ؟
بحالة الزلة التنفسية الشديدة / صعوبة في الإرضاع/ شردقة
العمر أقل من ٦ أشهر
أكسجة أقل من ٩٣٪ في هواء الغرفة
- شو أعراض الزلة التنفسية ؟
تنفس سطحي و سريع
زرقة
علامة السحب الضلعي أو السحب فوق الترقوة أو رفيف خنابتي الأنف
- هل بيأثر عمر الوليد على خطة العلاج ؟
طبعاً إذا عمرو أقل بدو متابعة اكتر بالعلاج الداعم

🔹 حالة إلتهاب معدة و أمعاء
- نامت بالمشفى ؟ و ليش ؟
اي نامت بسبب التجفاف
- اختلاطات التجفاف ؟
اضطراب شوارد ، قصور كلية، أذية عصبية(الأعصاب القحفية)، اختلاج، قصور قلب ، خثرة الوريد الكلوي، نزوف.
- شو هنن الشوارد اللي بيتأثرو ؟ مكرررر
الصوديوم و البوتاسيوم
- شو بصير بالشوارد صوديوم ؟ مكرررر
ممكن يزيد و ممكن ينخفض
- إذا كان معو تجفاف و صار يختلج اش بكون السبب ؟
ممكن بسبب اضطراب الشوارد
أو بسبب تشكل خثرات

🔹 حالة داء جوب
- اش نوع هاد المرض ؟
مرض نقص مناعة
- شو ممكن يساوي ؟
انتانات وخراجات و إصابة بالكانديدا
و يتميز بالثالوث السريري " الالتهاب الجلد التأتبي والتهابات المكورات العنقودية الجلدية المتكررة والتهابات الرئة المتكررة "
- شو هي الكانديدا ؟
هي فطور بتسبب السلاق

🔹 اش أعراض الانتان عند الوليد ؟
- شو أهم عرض ؟
رفض الرضاعة عند الرضيع
ارتفاع الحرارة عند الأطفال الأكبر

🔹 سأل اش شفت حالة ؟
مريضة ٨ سنين متلازمة داون مع حبن وفرفيات على البطن وعلى الساقين مع توذم في الساقين
تحاليل الكلية طبيعية، الكبد طبيعي، لا انتان تنفسي ولا انتان هضمي ولا ألم بطني، فقط نقص البومين المصل
و طلبوا فحص بزل سائل الحبن
- ليش طلبوا هالفحص ؟؟
لنشوف نسبة البروتين ومقارنتها مع المصل
- بدي اشوف شي خلوي ؟؟
معناها شك باورام البريتوان
- متلازمة داون بيترافقوا مع اورام؟
ممكن 😕

" إضافة استكمالا للحالة
المريضة عملولها ايكو دوبلر للقلب وطلع طبيعي، في فتحة بين اذينتين صغير بس ما مأثرة
أخدولها تحاليل دموية رح يرجعوا يساووا اختبارات دموية واختبارات الكبد و رح ينزلوها على الايكو لحتى يسحبوا سائل الحبن وعبيستنوا النتيجة"

🔹ما هي أنواع اليرقان ؟
ارتفاع البيلروبين على حساب مباشر أو غير مباشر ( او يرقان انسدادي و انحلالي و كبدي )
- شو أسباب ارتفاعه على حساب المباشر ؟
التهاب الكبد عند الوليد
ضمور الأقنية الصفراوية
تناذر الصفراء المكثفة
غلاكتوزيمية
عوز ألفا-1 أنتي تربسين
كيسة طرق صفراوية
متلازمة ألاجيل
داء التليف الكيسي

🔹ما هي الانتانات داخل الرحم ؟
هي الانتانات المجموعة بكلمة TORCH
T=toxoplasmosise
O=Other
R=Rubella
C=CMV
H=Herps
" البعض يعتبر TO=Toxo "

🔹 حالة سوء تغذية
- ايمت مندخل طعام إضافي للطفل ؟
بعد عمر ال 6 أشهر
- شو الأغذية الي ما بتنعطى للطفل قبل السنة ؟
بياض البيض و حليب البقر و العسل
- إذا عطيتو عسل لطفل قبل سنة شو المتلازمة اللي بتصير معو ؟
متلازمة البوتوليزم botulism
- اش سببها ؟
ابواغ المطثية الوشيقية ( مطثيات البوتولينيوم )

🔹 التطور الروحي الحركي لطفل عمرو سنة شو لازم بيعمل؟
بيحكي كلمات من مقطعين و بيعرف يعبر عن حالو و الحركي بيحسن يمشي
- اذا عمرو سنة و ما بيمشي معناها شو ؟
عادي بجوز ما يمشي للسنة و نص
- إذا ما مشي للسنة ونص شو بيعمل بدالو ؟
زحف أو بيمشي بمساعدة بيتسند مثلاً

🔹 القياسات الطبيعية للوليد ( محيط الرأس والوزن والطول )
محيط الرأس الوسطي : 35 سم
الطول الوسطي : 50 سم
الوزن الوسطي : 3300 غ

🔹 حالة سوء تغذية وفشل نمو
- شلون بعرف إذا الطفل عندو نقص نمو ؟
من قياسات الطول و الوزن و محيط الرأس

🔹شو أماكن الانتان عند طفل ؟
الجهاز العصبي ، الجهاز الهضمي ، الجهاز التنفسي ، الجهاز البولي، المفاصل و العظم
- ما أعراض الانتان عند الطفل ؟
رفض رضاعة، ارتفاع حرارة، هياج، اختلاج، بكاء.
- هل أعراض الانتان ممكن توجهنا لمكان الانتان عند الوليد ؟
لأ ، أعراض الانتان عند الوليد تكون غير نوعية وغير موجهة
- أهم عرض بالانتان عند الوليد ؟
رفض الرضاعة عند حديثي الولادة و ارتفاع الحرارة عند الأطفال
- الحرارة بالانتان بترتفع فقط ولا ممكن تنخفض كمان ؟
ممكن تنخفض

🔹 حالة طفلة مصابة بمتلازمة داون ومعها وذمات
- اش نوع الوذمات ؟
انطباعية
- ع ايش بدلنا ؟
أن الوذمات نتيجة نقص بروتين
- ما أسباب نقص البروتين ؟
١- نقص تصنيعو بسبب قصور كبد
٢- نقص تغذية
٣- زيادة طرحه من الكلية (نفروز او التهاب كلية وحويضة) أو من الامعاء (الاعتلال المعوي المضيع للبروتين)

@elitemedhs
#Elite_53_Alep

#ستاج_أطفال
#تكملة_أسئلة_الفئة_9_10

د.باسل

🔹 حالة ذات الرئة
- ما المسبب الأشيع ؟
مكورات رئوية
- ما المسبب الأخطر ؟
العنقوديات المذهبة
- أي نوع من الجراثيم تسبب الخراجة الرئوية ؟ وما اختلاطاتها ؟ و ما هو التدبير ؟
سببها العقديات
واختلاطاتها تقيح جنب و تدبيره صادات وريدية وتفجير.
- في حال تكرر الإنتان لايش نستدل ؟
مرض مناعي
- في حال ما كان مناعي اعطيني سبب خلقي ؟
تشظي رئوي

🔹 أعطيني مرض خلقي يصيب كل من الكبد والجهاز العصبي ؟
داء ويلسون يُكشف من حلقة كايزر فلايشر بالقزحية.

🔹 أي نوع من البيليروبين بيرتفع بكل من اليرقان الانسدادي والانحلالي وما هي صفات البراز والبول فيهن؟
الانحلالي يرتفع البيليروبين المرتبط و البول طبيعي أو مائل للأحمر أما البراز لونه طبيعي
الانسدادي يرتفع البيليروبين الغير مقترن و يكون البول غامق و البراز فاتح اللون

🔹 حالة التهاب السحايا
شو القصة ؟ عمر المريضة ؟ شو نوع الولادة ؟ والسوابق المرضية؟
- كان المريضة عمرها ٣٣ يوم و ولادتها قيصرية إسعافية بعد انبثاق أغشية ١٢ ساعة
- شو الجراثيم المسببة ؟
الجراثيم المسببة : مكورات رئوية ، مكورات سحائية، مستدميات نزلية نموذج b
- الأشيع عند حديثي الولادة ؟
E.coli , ليستريا ، GBS
- شو العلاج ؟
صادات وريدية ( سيفالوسبورينات جيل ثالث " مثل سيفوتاكسيم " وفانكومايسين و نضيف الامبيسلين لليستيريا )
- كيف منختار الصاد المناسب ؟
باختبار التحسس
- وشلون منعمل اختبار التحسس للصادات ؟
منعمل زرع و بعدا منحط كذا نوع من الصادات و نشوف الصاد الفعال بالقضاء ع الجراثيم حوله

🔹 أنواع اليرقان وأسباب اليرقان الانحلالي ؟
يرقان على حساب البيليروبين المباشر أو على حساب البيليروبين الغير مباشر ( تصنيف آخر يرقان انحلالي و انسدادي و كبدي )
أسباب اليرقان الانحلالي : تنافر الزمر RH و تنافر الزمر ABO و أمراض فقر الدم المنجلي و التلاسيميا و عوز أنزيم G6PD و تجرثم الدم.
- بتنافر RH شو بتكون زمرة الام والجنين وكيف بتكون الوقاية ؟
الأم سلبية الRH و الجنين إيجابي ال RH
الوقاية بإعطاء حقنة Anti D خلال 72 ساعة بعد كل ولادة او إسقاط لجنين إيجابي الRH وما بتتحقق الوقاية إذا كان صاير تمنيع مُسبق عند الأم.

🔹حالة التهاب قصيبات شعرية
- اش الأعراض و العلاج و شو بتفرق عن الربو ؟
الأعراض : زلة تنفسية ( ضيق نفس و تسرع تنفس ) و شردقة عند الرضاعة
العلاج :
١- راحة،مسكنات
٢- كورتيزون بالجرعة الصباحية
٣- جلسات ارذاذ بالسالبوتامول
٤- إذا لم يتحسن نضيف ابراتروبيوم و القشرانيات المعدنية
٥- أكسجين رطب حسب حاجة الطفل
التفريق عن الربو :
لا تصيب الأطفال فوق عمر السنتين و تأتي بعد انتان تنفسي علوي بالفيروس RSV
- شو هنن الأمراض التأتبية ؟
الشرى و الأكزيما و التهاب الأنف التحسسي و الربو و التهاب الملتحمة
- شو منسمع بالإصغاء بذات الرئة و بالربو ؟
بذات الرئة : خفوت بأصوات التنفس، نفخة انبوبية، خراخر.
بالربو : وزيز، خراخر ناعمة.
- بأي منطقة بالرئة بتكون ذات الرئة أخطر شي ؟
بالقاعدية لأنو اختلاطاتها أكثر ك انصباب الجنب مثلا
وممكن ذات رئة المعممة تكون كمان خطيرة
- اش علاج الربو ؟
موسعات قصبية ( سالبوتامول ) و كورتيزون و بحالة الهجمات المتكررة نعطي علاج وقائي مونتيلوكاست

🔹 اعطي تشاخيص تفريقية لطفل بحرارة وألم بطني ؟ لكل تشخيص شلون بيجي المريض و اش الاعراض و العلامات
1- التهاب معدة وأمعاء بكون المريض معو اسهالات و إقياءات و تجفاف
2- ذات رئة خاصة القاعدية وبكون في زلة و سعلة مبتورة (طحة) و خراخر و نفخة أنبوبية بالاصغاء

🔹 حالة نقص تغذية وفشل نمو
- اش كان عندا الطفلة ؟
فقر دم بعوز الحديد وفيتامين B12
- سأل كلشي بخص فيتامين B12 و عند مين بصير ؟
عند طفل بيرضع بس حليب الأم بعد ال6 شهور وإذا الام عندا عوز B12
- مين أكتر ناس مأهبين للعوز ؟
النباتيين
- الاعراض السريرية والعلامات المخبرية لعوز B12؟
سريرياً :
أعراض فقر دم ( تعب و صداع و دوار و تسرع قلب و شحوب ) و أعراض عصبية ( تنميل أو وخز في اليدين والقدمين و اضطرابات حركية وضعف عضلات و اضطرابات في الذاكرة )
مخبرياً :
فقر دم ذو كريات عرطلة زائدة الصباغ
و تكون Mcv كبيرة و العدلات و الصفيحات منخفضة.

@elitemedhs
#Elite_53_Alep

#ستاج_أطفال
#تكملة_أسئلة_الفئة_9_10

د.سامي و د.منار

🔹 التهاب الكبد A
اش العلاج ؟
بس راحة وحمية غذائية خالية من الدهون وما منعطي مسكنات إلا إذا في الم ومابصير سيتامول لأني بيعمل سمية كبدية
- بتعطيه صادات؟
لا
- بصير نطعميه خبز وبسكويت (غلوتين)؟ أو صدر فروج(بروتين) أو فواكه؟
اي كلن بصيروا

🔹 بالتجفاف شو الشوارد يلي بتتأثر؟
الصوديوم
- بيرتفع ام بينخفض ؟
ممكن يرتفع وممكن ينخفض
- شو اعراض ارتفاع الصوديوم وانخفاضه؟
اختلاجات

🔹درجات التجفاف
- اذا كان اكتر من٥٪؜ من وزن الجسم مفقود شو بكون؟
درجة متوسطة
- شو منشوف فيها ؟
علامات الدرجة الخفيفة بالإضافة ل شح بول، تسرع قلب ،غؤور العينين ، علامة الثنية الجلدية بالبطن.
- شو علاجها؟
تعوض سوائل
- إذا الولد كل ما نعطيه السوائل عم يتقيأ شو الحل ؟
نعطيه السوائل وريدي

🔹التهاب الكبد A
شو طريقة العدوى هو والتهاب الكبد B ؟
التهاب الكبد A بالطريق البرازي الفموي
التهاب الكبد B عن طريق سوائل الجسم ( دم ، لعاب ، اتصال جنسي ، من الأم للجنين )
- الطفل المصاب ب A اديش بضل معدي لغيرو بعد ظهور اليرقان عليه ؟
أسبوع

🔹احكي عن درجات التجفاف ال3 واش علامات كل وحدة منهم ؟
درجات التجفاف:
١. بسيط: عند فقد 5% من وزن الطفل.
٢. متوسط: عند فقد 5%_10% من وزن الطفل.
٣. شديد : فقدان أكثر من 10%.
علامات التجفاف:
١. في البسيط: شحوب.
٢. في المتوسط: غؤور اليافوخ غؤور العينين جفاف أغشية مخاطية، تهيج ، تسرع قلب، شح أو انقطاع بول، علامة الثنية الجلدية موجودة (على جلد البطن وليس اليد).
٣. الشديد: تسرع قلب ونبض خيطي ( بالإضافة للعلامات السابقة).
- الدرجة الشديدة ليش بصير تسرع تنفس؟
بسبب الحماض الاستقلابي نتيجة نقص شاردة البيكربونات.

🔹 حالة التهاب سحايا
اش أخطر مسبب ؟
هو المكورات الرئوية ( حسب د.منار )

🔹 بالتجفاف شو الشوارد يلي بتتأثر؟
الصوديوم
- بيرتفع ام بينخفض ؟
ممكن يرتفع وممكن ينخفض
- شو اعراض ارتفاع الصوديوم وانخفاضه؟
اختلاجات

@elitemedhs
#Elite_53_Alep

اضافة:

انسأل كمان تطور روحي حركي ويرقان وقياسات الوليد👍

وجب التنويه

اللي بدو يستزيد من النظري للحالات الانتانية. ادرسوا من هالملف الشي الشائع

هاد الملف ممكن يندرس منو الحصبة والنكاف

شوية نقاط بالزكام والانفلونزا يتركزوا

الملفات التلاتة اعلاه يشكلوا كامل مقرر الانتانية. وهن مساوين تماما لمقرر د. علي سريو ومضاف عليه ملاحظات د. علي قبلاوي والملاحظات ماكتير امتحانيا هامين لانو المادة عم تعطيها د. منار حاليا. لذلك مشان مصدر دراسة المادة؛ اللي عندو نوط الابيض واسود بصيروا واللي عندو ذابيست كمان بصيروا.

🔴 لمحة عامة عن الطب الوقائي.

للي عندو مقابلة وقائي. اسمعوا التسجيل الصوتي بالاول، وهاد الملف يندرس كافي ان شاء الله؛ طبعا اللي بحب يدرس القسم من النظري كمان لا يمنع بس مشان تركيز الشي الهام👍🌚