#لمحة
#ستاج_الأشعة

〽️ موعد الستاج :

_ للفئة الفردية: ١٠ الا ربع (حاليا نزل برنامج لبقية الفئات وقال الفردية بال٩🤷‍♂ ).
_ للفئة الزوجية:١٠ ونص.

〽️ مدة الستاج :

الفئة الفردية : أسبوع.
الفئة الزوجية : ٣ أيام.

〽️ موعد أخد الحضور وهل في تدقيق عموعد الجلسة والتأخير والمريول :

الفئة الفردية : آخر الجلسة ومافي تدقيق.
الفئة الزوجية : أول الجلسة وبآخر يوم اخدت بأول وآخر الجلسة للتأكد من الغياب وانو ما حدا مسجل لرفقاتو.
بشكل عام مافي داعي للمريول.

〽️ وضع الفئة وهل تنقسم ومين الدكاترة الي تعطي اذا معروفين :

_ما تنقسم الفئة ويعطوها مقيمين.

〽️ مسموح الغياب او لأ وإذا اي فكم غياب مسموح ؟

الفئة الفردية : مسموح غياب واحد.
الفئة الزوجية : مسموح غياب وغيابين بس كل غياب بينقص علامة.

〽️ مسموح التعويض او لا :

قال لا

〽️ شو المواضيع الي انعطت:

الجهاز العصبي والنسائية.

〽️ الدكاترة الي تقابل :

الفئة الفردية : الدكتورة يلي تعطي.
الفئة الزوجية : مافي مقابلة والعلامة عحسب الحضور.

〽️ كيف نمط الاسئلة ( سهلة _ صعبة ) ، في تساهل ، كم سؤال غالبا ينسأل ، معلومات بشكل عام عن المقابلة :

سهلة وسؤال واحد ومن الحكي يلي تشرحو ضمن الجلسة.

〽️ مصدر الدراسة :

الحضور كافي كمصدر وممكن للي بريد من السلايدات.

@elitemedhs
#Elite_53_Alep

#الأشعة
الدوام بكرا الساعة 11 وربع
الدوام اسبوع كامل والمقابلة يوم الخميس او الاربعاء والخميس

#لمحة
#ستاج_الأطفال

♻ ️ القسم العملي :

🔥 تعريف عن الستاج :

》ستاج الأطفال 2 نفس ستاج الأطفال 1 ، والإعطاء بشبهو بنسبة 90% ويمكن المواضيع تنعاد نفسها .

》وطبعاً إذا كان فيه مرضى أطفال بيعطونا الحالة عنن و بيشروحلنا عليها ، أما اذا ماكان فيه حالة سريرية فبيشرحولنا موضوع غير محدد موجود بالنظري أو ممكن يحكولنا عن حالة أجت عالمشفى .

》والدكاترة مقيمين وأحيانا دكتورة منار بتعطي فحسب كل فئة هي وحظها 😂

》حالياً الغالبية العظمى من الإعطاء هو التهاب القصيبات الشعري أو التهاب معدة وأمعاء والحالات العصبية و القلبية قليل ليعطوكن حالة عنها .

🔥 مدة الستاج بشكل عام :

》مثل ستاج أطفال 1 ، والمدة نص ساعة ل ساعة ، والستاج بيبدأ بالساعة ٩:١٠ للفردية أما الزوجية عال ١٠:١٠ غالباً.

》ومدة الستاج أسبوعين و بآخر الأسبوع الثاني بتصير مقابلة :
الفئة الفردية الاربعاء الساعة 9
الفئة الزوجية الخميس الساعة 9

🔥 دوام الفئات و الحضور بشكل عام والتعويض :

》بتعرفوا أخذ الحضور بصير بآخر الستاج .
والفئة بتنقسم لقسمين النصف الأول بالطابق الأخير و النصف الثاني بالطابق الثامن

》حاليا بستاج الفئتين 1 و 2 دمجونا كلنا سوا ، صرنا نداوم بأحد الطابقين هنن بقلولكن وين تروحوا (بس غالبا الحضور بالأخير ).

》 مسموح التعويض

》مابصير أكثر من 3 غيابات حرمان المقابلة

》مافي تشديد عالمريول أبدااا ، ومافي داعي تلبسوه (بس خدوه احتياطا)

🔥 كيفية الدراسة :

نفس أطفال 1 ، والدراسة من :
تفريغ الحالات اللي بيذكرولكن ياها بالستاج عالايليت
+ ملحق ستاج الأطفال
+ ملحق دورات الاطفال 1 (هاام جداا فيو ذات رئة غير موجودة ببقية الملفات)
+ ملحق ميدبوس وهو الأهم (بس مافيو ذات الرئة)
وأخييراااا الأفضل دراسة نظري الاطفال لضمان العلامة والسؤال.

💙 بتقدروا تشوفوا من هالرابط ملف ميدبوس + ملحق الستاج :
https://t.me/medicine53class2/6321

💙 معلومات مهمة عن ملف ميدبوس لمن يريد البدء في دراسته :
https://t.me/med53group1/825

💙 رابط دورات الأطفال 1 (هام) :
https://t.me/alphabet_2023/918

🔥 فحص المقابلة وطريقته :

نفس لجان الفصل الأول :

الفئة تنقسم لثلاثة أقسام و كل قسم بيدخل على لجنة .

عنا ثلاثة لجنات :

1. لجنة د.علي سريو :
الدكتور مابيسأل و لا سؤال و بيحط علامات للكل على كيفو 😅💔 ، بس علاماته بين ١٩ و ٢٠ 😁

2. لجنة د.باسل :

》د.باسل بيسأل اسئلة صعبة ل وسط من الستاج وأحياناً من النظري ، بس الأغلبية العظمى من الستاج ، وبقلك احكيلي شو أخدتو بالستاج وبعدها بسألك وبفصلك فين . (كتييير مهم تدرسوا الصدرية و الدموية لانو الدكتور بيسأل منن كتيير)

3. لجنة د.خانجي :
نفس د.باسل و ممكن كمان يسأل عن شو الحالة اللي اخدتوها بالستاج مثل دكتورة منار.
(الدكتور اختصاص دموية فاللي بيحكي حالة دموية غالبا بياخد علامة كاملة 🔥🔥)
بس حاليا عبيسأل اسئلة بشكل عام (هضمية ، صدرية ، او حالات أخدتوها بالستاج)

4. لجنة د.سامي حافظ مع د.منار العبد الله مع د.عبد الرحمن :

》بيسألنا عن حالة سريرية أخدناها بالستاج فمنشرحها كاملة و مناخدها ٢٠

》د.منار بتسأل اسئلة من الستاج و بتعطي فرصة لسؤال تاني اذا ماعرفتوا تجاوبوا اول مرة ، بالإضافة احيانا بتقلكم احكولي عن أحد الحالات اللي اعطوكم ياها بالستاج ، فإذا شرحتوها بشكل كامل فبتعطيكم علامة كاملة او ١٩ حسب شرحكم و فهمكم للحالة .
+ الدكتورة كتييير بتركز عموضوع الهضمية و التهاب السحايا وبتسأل عنن كتييير

》دكتور عبد الرحمن اختصاص قلبية أطفال ، بس اسئلتو سهلة جدااا وغالبا من اللي بيعطيكن ياه بالستاج نفسو تماما ، فبيسأل قلبية وأحيانا صدرية وأحيانا هضمية

🔥 عدد اسئلة المقابلة بشكل عام و علامتها :

الاسئلة حسب كل دكتور عبقابل ، ياإما مناقشة لحالة سريرية أخذتوها بالستاج ياإما أسئلة من النظري أخذتوها بالستاج ، أو مناقشة جماعية لموضوع أخذتوه بالستاج 😁😅

》بتعرفوا وضع العلامات وكلها عالية ان شاء الله 🙏🏻

@elitemedhs
#Elite_53_Alep

آخر ستاج ومقابلة لهالفصل 🔥😎

مسالخير ❤️
الرحلة الاثنين الساعة 10 الا ربع
كلشي بعت اسمو ف هو مسجل ...
طبعا باصات خاصة اتفقنا معن ..
التثبيت يوم الاثنين الصبح من الساعة 9 لل 9 ونص بمكتب الهيئة عند الزميلين عبد الرحمن قصاب وفادي قفيلاتي كل واحد حسب فئتو ..
المبلغ لسا ماتحدد بشكل دقيق لحتى نشوف العدد النهائي بس التقديري من 13 ل 16 مو اكتر ...
ماتنسو المريول مشان الصور ..
الوقت رح يكون من 10 تقريبا لل 1 حد اقصى

برنامج الامتحان النظري للسنة الخامسة الفصل الثاني دفعة 53 ⁦♥️⁩

#اعلان
موعد امتحان ستاج الدموية يوم الاربعاء ١٢ حزيران
الامتحان رح يكون ٢٠ سؤال اتمتة بالمدرج لكل فئتين سوا

#اعلان
موعد امتحان ستاج الطب النفسي يوم الخميس ١٣ حزيران

#نسخة_مؤقتة8
#نسخة_السنة_الخامسة_الفصل_الثاني

☀️ تم إضافة اسئلة من:

1- الدموية:
🦋 اسئلة الدفعة 51 (18 سؤال)
🦋 اسئلة الدفعة 52 (28 سؤال)

2- النفسي:
🦋 اسئلة الدفعة 51 (40 سؤال)
🦋 اسئلة الدفعة 52 (20 سؤال)

كل هدول بتلاقوهن بقسم الأتمتات 🔥🔥🔥

#ملاحظة_هااااامة ⚔
كرمال تثبتو هالتحديث اما اعملو مسح لبيانات البرنامج لحتى تنزل الاسئلة الجديدة
أو احذفو النسخة القديمة وبعدها ثبتو الجديدة (بسبب مشاكل تقنية بالبرنامج🚶🏻‍♂🚶🏻‍♂🚶🏻‍♂💔)

موفقين ❤️💚

#ستاج_الدموية

موعد الفحص:

_الأربعاء وفق المواعيد التالية:

الساعة 10 : الفئة الأولى والتانية.
الساعة 10 ونصف : الفئة الثالثة والرابعة.
الساعة 11 : الفئة الخامسة والسادسة.
الساعة 11 ونصف : السابعة والثامنة.
الساعة 12 : التاسعة والعاشرة.

مكان الفحص:

_ الفئات الفردية بالمدرج الحديث الثاني.
_ الفئات الزوجية بالمدرج الحديث الثالث.

تعليمات:

_البطاقات الجامعية ضرورية.
_ممنوع تغيير الفئة.
_كل واحد يلتزم بوقته.
_الفئتين ١_٢ بجو قبل ربع ساعة مشان أخد الحضور.
_ أي محاولة نقل من الطالب رح ينشطب اسمه.

المهم.....

بكرا الصورة عالدرج بجانب المدرج الأول لانو ماحدا تصور من قبلنا هنيك 😎
الصورة رح تكون الساعة ١:٠٠ بعد النفسي بشوي مشان يفضى المكان ونلحق ناخد نفس بعد الفحص

يمكن تكون اخر صورة النا كلنا سوا فحاولوا تكونو كلكن موجودين ❤️

إنها بداية النهاية

هي سلسلة لا بد لها أن تنتهي، مهما مر من صعاب وعقبات، هي ستمضي✨

أمس كنا في تحضير لمادة علم الخلية ونحن في بدايات الطريق، وها نحن الآن في تحضير لمادة الطب الشرعي وهي بداية نهايات الطريق😊❤️

جُدّ واجتهد، فما بعد التعب والجد إلا النجاح والتفوق ❤️🖤

جدول مادة الطب الشرعي

#Super_Alpha_53 🔥💀🌪

مرحبا يا جماعة هي شوية ملاحظات نوه عليها الدكتور عدنان وهي مهمة.

-الجروح:
السحجات ليست دليل على اعتداء بحد ذاته (وانما ممكن عنف)

كدمات حولين العينين: كسر قاعدة جمجمة - رض مباشر - رض على الجبهة.

يتغير لون الكدمات عدا كدمات الاظافر والعنق و.. (بسبب انتشار الاوكسجين المباشر..).

اهم علامة لتمييز الجروح الرضية عن القطعية
روابط (لجوم) تصل بين حواف الجرح (وهي موجودة بالجروح الرضية وغير موجودة بالجروح القطعية)

الجروح الرضية الساترة للعظم تشبه القطعية من حيث كل شي (حواف حادة وعدم وجود لجم و..)
(والتمييز بينهما انو هاد جرح رضي وليس قطعي عبر وحود السحجات او الحواف المتكدمة في الجروح الرضية...)

وجود او عدم وجود السكين او اداة الجريمة لا يأكد او ينفي انو انتحار او جريمة.

اسرع سبب للوفاة بالذبح: قطع العصب المبهم
اشيع سبب للوفاة بالذبح هو النزف.

--------------
-حوداث السيارات:
بدنا منه بس الأفكار الرئيسية.
مهم: مسافة التوقف = عشر سرعة السيارة × نفسه.
أخطر المقاعد هو الي جنب السائق
وآمن مقعد هو خلف السائق

--------------
علامات المكوث في الماء ليست علامة للغرق وانما وجود في الماء (بغض النظر انو صار غرق او لا)
كذلك علامات الحرق ليس شرط وفاة وانما دليل حرق (تمزقات - انكماش - تصلب - ..) وكذلك علامات تجمد الجثة سواء بموت او دونه.. (في كذا سؤال دورة بهالشكل)
--------------
-علاج التسمم بالسيانيد:
نعطي حديد ثلاثي (ما برتبط مع الهيموغلوبين)
لا نعطي اكسجين
نعطي مركبات نتراتية
كبريتات
وسيناكوبالامين
...الخ
-------------------
اشيع انحراف جنسي هو الاستمناء (سواء بالارياف او بغير أماكن)
وليست البهيمية (بجي السؤال انو اشيع شي بالريف فغلط البهيمية)

لا يوجد اي دليل مؤكد انه تم لواطة او اغتصاب.
الاغتصاب ما شرط يصير قذف المهم صار الفعل يعني وضع القضيب بين الشفرين
اهم علامة للبكارة هو سلامة غشاء البكارة

اذا المراة حملت بطريقة غير شرعية فقامت هي او احد اقربائها بالاجهاض الها بخفف الحكم عنهن
اما اذا طبيب او شخص آخر عملها اجهاض لا يخفف عنهم الحكم
--------------
اذا اجيت تعمل اجهاض وطلعت المرأة مالها حامل كمان تعاقب معاقبة كأنك قمت بالإجهاض (هيك بتذكر حكى الدكتور بس مالي متأكد)
----------
الابومورفين: في تدبير الاسهال - منوم - فتح شهية -..
الكرز الشيطاني: تسمم بالاتروبين
برمنغنات البوتاسيوم: مادة سامة بالتراكيز العالية ويموت المريض بالصدمة الالمية
والحل ليس مادة او ترياق وانما فتح جراحي

💢 أهم مايلزم لفحص الشرعي 💢

⚠️ الكتاب

⚠️ الصفحات الناقصة من الكتاب نسخة ٢٠٢٠

⚠️ السلايدات
⚠️ تتمة السلايدات ٭فيهن إضافات٭

⚠️ ملخص أنس غاوي مع التصويبات
⚠️ تصويبات الباب الرابع

⚠️ ملاحظات مهمة ذكرها الدكتور

⚠️ طريقة التعامل مع الأسئلة

⚠️ تجميعة أسماء غريبة

⚠️ قصص حفظ الترياقات

* بحال في ملفات كمان رح يتم إضافتن *

فحص الطب الشرعي:

*الاثنين 1/7 الساعة "1"

1.خطة فريق الالفا للدراسة + تكملة للخطة
2.قناة فريق ألفا للطب الشرعي(تحوي مخططات للأبواب+ملاحظات هامة+تفريغ للسموم)
3.مقرر النظري + الكتاب كاملا(للي عندو نقص صفحات)
4.ملخص أنس غاوي + تصويبات 1+ تصويبات 2
5.تسجيلات مراجعة1+ مراجعة2
6.أسئلة دورات سابقة
7.قصص ترياقات وسموم

🩸#دموية🩸
🚨#هاااام_جدااا 🚨

نقلا عن الدكتورة سلام النهار 🌟🤩 :

▪︎جميع الطلاب ناجحين في القسم العملي ولايوجد رسوب (غالبا الجميع فوق ال ١٢) 🤩

▪︎قسم الأورام (الخرزة الأخيرة K9) يوجد عنها 2_3 اسئلة.

▪︎خرزة نقل الدم يوجد عنها 1_2 اسئلة فقط .

▪︎لا يوجد داعي لدراسة وتفريغ الفيديوهات والمطلوب هو فقط وفقط الموجود في النوطة ، فلا يوجد اسئلة من الفيديوهات .

▪︎مستوى صعوبة الاسئلة ستكون أسهل من القسم العملي ، و عدد الاسئلة 60 سؤال فقط .

▪︎التركيز على الخرزات والامراض التالية :
خرزة الإرقاء والتخثر هامة جدااا
G6PD
التلاسيميات
تكور الكريات الحمر الوراثية
متلازمة فانكوني
PNH البيلة الانتيابية الليلية

بالتوفييق للجميع ياارب 😁💙

#نسخة_مؤقتة9
#نسخة_السنة_الخامسة_الفصل_الثاني

☀️ تم إضافة اسئلة من:

1- ستاج الدموية:
🦋 اسئلة الدفعة 51 (18 سؤال)
🦋 اسئلة الدفعة 52 (28 سؤال)
🦋 اسئلة الدفعة 53 مقسمات على حسب الفئات (65 سؤال)

كل هدول بتلاقوهن بقسم الأتمتات 🔥🔥🔥

تم التأكد من حل كل الاسئلة تقريبا من بنت د خانجي الله يعطيها العافية 🙆🏻‍♂🙏🏻
بس انتبهو عالقناة كرمال اذا نزل تعديل لشي سؤال 🌚🌚🌚🌚🌚🌚🌚

#ملاحظة_هااااامة ⚔
كرمال تثبتو هالتحديث اما اعملو مسح لبيانات البرنامج لحتى تنزل الاسئلة الجديدة
أو احذفو النسخة القديمة وبعدها ثبتو الجديدة (بسبب مشاكل تقنية بالبرنامج🚶🏻‍♂🚶🏻‍♂🚶🏻‍♂💔)

موفقين ❤️💚