#لمحة
#ستاج_النسائية

🌠 موعد الستاج :
الفئة الفردية: ساعة 9
الفئة الزوجية : ساعة 10
مع التزام بالوقت و عدم التأخر و لبس المريول.

🌠 مدة الستاج وموعد المقابلة :
المدة أسبوعين كاملين و أخر يوم (الخميس)
مقابلة للفئتين ساعة 9.

🌠 موعد أخد الحضور :
بآخر الجلسة مع طلب البطاقة.

🌠 وضع الفئة وهل تنقسم ومين الدكاترة الي تعطي إذا معروفين :
بتقسم الفئة لقسمين بنفس الموعد و الدكاترة هنن أطباء مقيمين.

🌠 مسموح الغياب او لأ وإذا اي فكم غياب مسموح ؟
غياب واحد مسموح غالباً

🌠 شو المواضيع الي انعطت :

الاندومتريوز
العقم
انقطاع الطمث البدئي و الثانوي
نزوف الرحم الشاذة
نزوف أشهر الحمل الأولى و شملت تلات مواضيع ( الحمل الهاجر ، أمراض الطبقة المغذية ، الإجهاض)
وسائل منع الحمل
الورم الليفي
كيسات المبيض
متلازمة مبيض متعدد الكيسات pco
بس اخر شي بحددو المواضيع المشتركة اللي انعطت للفئتين و بسلمو الورقة للدكاترة و المقابلة بتكون من هالمواضيع

🌠 الدكاترة الي تقابل :

دكتور عبد المهدي حمود مع د.رولا للفئات الزوجية
دكتور أشرف و لجتنو ( د.قمر و دكتور تاني ) للفئات الفردية.

🌠 كيف نمط الاسئلة ( سهلة _ صعبة ) ، في تساهل ، كم سؤال غالبا ينسأل ، معلومات بشكل عام عن المقابلة :

د.أشرف متوسط الصعوبة ، بيسأل سؤال أساسي و بعدها بيدخل بالتفاصيل ، إذا عرفت الجواب فوراً ممكن ما يخليك تكمل و يعطيك ٢٠ و بتطلع ، عموماً عطا ٢٠ات كتير بس إذا تلبكت أو اخطئت بيسأل أكتر و ممكن يعطيك تامة أو ينقص حسب ، و إذا ما جاوبت شي بيعطيك ١٢ 💔
د.حمود اسئلتو أسهل و علاماتو أقل شي ١٧ للحضران نظري و إذا مو حضران ١٦ و بيسأل من أخر محاضرة نظري كمان .

🌠 مصدر الدراسة :

من محاضرات النظري أهم مصدررر و أضمن لانو دكتور أشرف لما بيتعمق بيسأل شغلات فهمية و شرح و تفاصيل من النظري حصراً
أما يلي ما بلحق نظري أهم مصدر (ملف أيليت + دراسة أسئلة فئات السابقة )

🌠 خطة الفريق :

عملنا ملف تلخيص لمواضيع الستاج من النظري + جمعنا أسئلة فئة التالتة والرابعة مع الحل و رح نضل نجمع لباقي الفئات.

@elitemedhs
#Elite_53_Alep

#ستاج_النسائية
#تلخيص_المطلوب

" النسخة النهائية "

🙋🏻‍♀ ويتضمن الملف :

▪️تلخيص لكل مواضيع الستاج من النظري.

🙋🏻‍♀ يبقى الأفضل للستاج دراسة المواضيع من النظري لكن ملفنا للي ما يلحقوا أو ما بدن يدرسوا كلشي من النظري.

🙋🏻‍♀ رح يتوفر الملف بالمركز بدءا من الغد.

الملف أكل عذاب كتير فما تنسونا من صالح دعاءكن إذا رح تستفادوا منو 💜

@elitemedhs
#Elite_53_Alep

‏في هذا البرد لا تنسَ أن تحمد الله على جدران بيتك، وعلى غطاءٍ نظيف يحميك..

وقل:
اللهمّ هوّن برد الشّتاء على عبادك المُستضعفِين في كُلّ مكان، اللهمّ إنّا نستودِعُك كُلّ من لا مأوَى لهُ، فابسط دِفء رحمتِك عليهم وعلى جميعِ المُسلمين.🌸

لكل المهتمين بالبحث العلمي
كورس case report from A to Z 🔥

محاور الكورس:
- أنواع الدراسات البحثية
- كيفية اختيار حالة مناسبة للنشر
- تعلم كيفية كتابة وقراءة الورقة البحثية
- مدخل إلى الكتابة الأكاديمية
- مراسلة المجلة
- استخدام الchat gbt في البحث العلمي

⬅️ يقدمه:
✨د. هدى حسين
طالبة طب بشري سنة سادسة جامعة حماة
مشاركة في عدة ورشات تدريبية حول البحث العلمي ( RCT scientific writing course - ورشة البحث العلمي لأكاديمية باحثوا المستقبل- عضو سابق في فريق together we rise)
مشارك في عدة أوراق بحثية

✨ د. محمد مايو:
طالب طب بشري بجامعة حلب
محاضر بمخبر البحث العلمي CME بجامعة حلب
مشارك في عدة أوراق بحثية

موقع الكورس : أونلاين تلغرام
مدة الكورس :  من 4 إلى 6 جلسات
استمارة التسجيل:
https://m.facebook.com/story.php?story_fbid=pfbid02kdezUUQ2QCU3kRroKw4KbtnFTvyzPUYQW7vHzjAdu4pVF6WNbopshe5YKxQqzNgfl&id=100090848484515

تغلق الاستمارة بتاريخ 29 - 11 - 2023
كلفة الكورس: 65000 ل. س(علماً أن كامل المبلغ سيذهب بالكامل لمساعدة المرضى)

#بحث_علمي
#فريق_كريم
#من_العلم_نخلق_الخير

تقيم مبادرة قمرة ورشة تدريبية لأساسيات البحث العلمي Basics of Scientific Research (BSR) 💚🤍

ستستمر الورشة ثمانية جلسات على مدار ثمانية أيام، ابتداءً من الثلاثاء 28/11 وانتهاءً يوم الخميس 14/12. تستهدف الورشة جميع الطلاب من الاختصاصات التالية (الطب البشري - طب الأسنان - الصيدلة - الهندسة الحيوية) في محافظة حلب.. المواعيد والمكان محدد بدقة داخل الاستمارة.

الرابط: https://docs.google.com/forms/d/e/1FAIpQLScGh72TSqiO1Pb44kXkLDPasAb_X9anUFoNTRS5Re9tgSbA7g/viewform?pli=1

تستغرق الاستمارة حوالي 10 دقائق لتعبئتها.
على الراغبين بالحضور تعبئة الاستمارة في مدة أقصاها غداً السبت 25/11 الساعة 23:59

@Qumrah_Research
#LeadYouToTheRealAction

#تحديث_رقم5
#نسخة_السنة_الخامسة_الفصل_الاول

😐 تحديث جديد يتضمن :

1- اسئلة دفعتنا للجراحة البولية والعصبية للفئتين الخامسة والسادسة (70 سؤال)
2- اسئلة دفعتنا للأطفال1 للفئتين السابعة والثامنة  (63 سؤال)
3- اسئلة دفعتنا للنسائية للفئتين التاسعة والعاشرة (17 سؤال)

بالاضافة انو تم حل كاملللللل اسئلة ال 52 للجراحة وللنسائية (122 + 94 سؤال) 🔥🔥🔥🔥🔥

طبعا حل دورات دفعتنا شغل فريق ايليت 😌
ولا تنسو البرنامج فيو دورات الوقائي كاملات 😎🔥

موفقين 💚❤️
ولا تنسوني من صالح دعائكم

أسئلة مقابلة الوقائي الأسبوعين الماضيين:
- https://t.me/elitemedhs/8613
- https://t.me/elitemedhs/8612
-https://t.me/elitemedhs/8615

#لمحة
#ستاج_العصبية

〽️ موعد الستاج :

_ للفئة الفردية : أول قسم ٩ الا ربع
قسم التاني ٩ و نص.

_ للفئة الزوجية: القسم الأول بال١٠ وثلث والقسم الثاني بال١١.

〽️ مدة الستاج وموعد المقابلة :

٤ أيام كان بس ممكن تختلف المدة لأنو كان عندنا عطلة.

_ المقابلة للفئة الفردية بالأسبوع الثاني.. اثنين و ثلاثاء والزوجية أربعاء وخميس..
المقابلة مدتها طويلة تقريبا من ال٩ لل٢.

〽️ موعد أخد الحضور : بنهاية جلسة الستاج.

〽️ وضع الفئة وهل تنقسم ومين الدكاترة الي تعطي اذا معروفين :

عم يقسموا الفئة قسمين والدكاترة هنن مقيمين بس.

〽️ مسموح الغياب او لأ وإذا اي فكم غياب مسموح ؟

غالبا مسموح غياب واحد.

〽️ مسموح التعويض او لا :

الدكتور كتير شديد بهاد الموضوع والتعويض كتير صعب.

〽️ شو المواضيع الي انعطت:

الفحص العصبي كاملا والقصة السريرية.

〽️ الدكاترة الي تقابل :

د.طاهر فرفوطي فقط.

〽️ كيف نمط الاسئلة ( سهلة _ صعبة ) ، في تساهل ، كم سؤال غالبا ينسأل ، معلومات بشكل عام عن المقابلة :

_ أحيانا الدكتور بسأل سؤالين ثلاثة وأحيانا بسأل ٦ أو ٧..الأسئلة منقدر نعتبرها من متوسطة لصعبة.
_الدكتور بيسأل أسئلة من الستاج ( الفحص العصبي سؤال أساسي للكل ) ومن النظري وبيسأل كمان من كلامو بالمحاضرة حتى لو مو مذكور بالمنهاج و بركز كتير عالناحية السريرية.

〽️ مصدر الدراسة :

_ ملف الستاج للايليت + النظري + الدورات (ومو مضمونين كمان😁).
_ وهي رابط فيديوهات ماكلاود مفيدين كمان للفحص العصبي :
https://t.me/National_Exam888/1014

〽️ خطة الفريق:

رح تنزل بإعلان لوحده.

@elitemedhs
#Elite_53_Alep

#الداخلية_العصبية
#تفريغ_الستاج

#ملاحظة بصفحة ٧ بفحص الساحة البصرية عين المريض ثابتة ع عين الفاحص لازم يشوف الاصابع بدون ما يحرك عينو لا يمين ولا يسار
.
#تصويب: صفحة ٩ سطر التامن الجواب عصب الخامس العيني بدل البصري سقطت سهواً 💔
#تصويب: بالسبيل البصري تبديل بين رقم ٤ و ٥ يعني بيجي تصالب بعدين سبيل البصري بعدين جسم الركبي الوحشي بعدين التشعع متل الصورة.

هذا ملف يتضمن :

🧠 كامل تفريغ جلسات الفحص العصبي متضمنا تصويب كل الاغلاط تبع الملف الماضي و إضافة كل ملاحظات الدكتور الي أعطى الفئة ٩_١٠ وإضافة معلومات أكثر عن الفحص العصبي بناء على ملاحظات الدكتور طاهر " بالدورات و بالنظري ".

🧠 جلستين السكتة الي نزلناهن سابقا كبوستات.

🧠 يتوفر الملف بمركز التصوير من بكرا.

ما تنسونا من صالح دعاءكم إذا استفدتو 💛

@elitemedhs
#Elite_53_Alep

مسا الخير

بعتذر عن الإطالة بس في كم نقطة مفروض يتوضحوا بالنسبة لستاج #الداخلية_العصبية

أولا : المطلوب هو نوطة الفحص العصبي بالاضافة للقسم النظري اللي انعطى، وبما انو كامل المادة انعطت لذلك كل مواضيع النظري ممكن يسألنا الدكتور منها.

ثانيا : هل ضروري أدرس كل النظري لحتى اعدي المقابلة؟ لا ابدا ، لكن في اعتبارات مفروض تحطها ببالك وهنن :

_ هاي فرصة كبيرة انك تلحق المادة قبل امتحان النظري او انك تدرس القسم الاكبر منها، ليش هالشي؟
لانو غالبا مارح تكون هالمادة اول مادة بالامتحان لكتير أسباب وهي مادة ضخمة لذلك اذا ماكنت ممرق منها قبل مارح تلحق معك =» لذلك ادرس اللي تقدر عليه منها.

ثالثا : اش في خطط ممكن اشتغلها؟

أول خطة، فيك تدرس كل النظري مع الفحص العصبي والمقابلة فيها ٢٠ات بنسبة منيحة خاصة انو في مجال تاخد وتعطي وتناقش والدكتور بحط ٢٠ وقتها.

خطة تانية، تدرس ملخصات ايليت مع الدورات والفحص العصبي وكمان خطة كويسة والملخصات بتصير للنظري كمان إذا بدك ومعمولة أساسا للنظري ( بس ممكن تخسر هون فرصة دراسة كاملة.

آخر خطة، تدرس نوطة المقابلات تبع ميدبوس مع دورات وفحص عصبي ، وطبعا هاي خطة مو مضمونة أبدا لأنو نوطة ميدبوس ممكن ما تغطي الا جزء يسير جدا ( وحتى ممكن الدورات الي عنا أشمل منها أصلا ).

رابعا : الفحص العصبي هو شي اساسي جدا جدا جدا هو علامة نجاح المقابلة (اذا ماعرفت تعمل الفحص العصبي عمليا انت رسبت بالمادة) لذلك مفروض تتقنو منيح، ورح نبعت فيديوهات توضيحية ان شاء الله بحيث نتعلمو بشكل صحيح. لذلك اللي بدو صفر الستاج بس يدرس الفحص العصبي وصلى الله وبارك وبالاسئلة النظرية بعدين ياتكون دورات ويعرف يجاوب يا يعمل Bitter smile 🙂😂😂 وياخد علامة الفحص العصبي بس ويتوكل على الله.

خامسا : هل كل الموضوعات بنفس الأهمية؟ في موضوعات مركز عليهن الدكتور هن اللي موجودين بالنوط ال4 الإضافية، بس بما انو المادة كلها انعطت لذلك الموضوعات اللي ماكان يتركز عليها ممكن هلق يتركز عليها.

بالأخير : هاد الستاج يعتبر اصعب ستاج هالفصل لذلك بدو متابعة منيحة وبما انو في احتمال رسوب لذلك حاولوا تشتغلوا عليه منيح، بس مع هيك مو هالصعوبة اللي بتخوف المقابلة كانت مريحة على حكي كل الطلاب اللي قدموا لذلك اللي قريان المعلومة رح يجاوب ان شاء الله👏

ملاحظة: ملخصات ايليت لسى مو كاملين لكل مواضيع المادة.

#تذكير
بكرا مافي ستاج 😁🤍