برنامج gemini notebook هذا ضروري ضروري ضروري تتعلمون عليه و ع استخدامه هسة حرفياً احسن برنامج ai استخدمته بالدراسة
و ميجيب معلومات من خارج المصدر او المحاضرة الي ادزها

نكمل بـ Tips & Tricks ✨

وحدة من أهم الشغلات اللي تسوونها هي تواصلكم مع طلاب الدفعة السابقة

اعرفوا منهم شنو أصعب وأثكل مادة بالكورس ، وخلال هذه المدة اطلعو عليها، وإذا كدرتوا اقرو أو لكجر أو لكجرين من المادة 📖.

هالشي يخليكم متقدمين ومسيطرين ✨

بخصوص التعهد الخطي للمقبولين بالدراسات
فحاولو تسوو باجر او الاحد الجاي كأقصى موعد
اوامركم الادارية الخاصة بالقبول مرح تطلع اذا متسوون التعهد

المستمسكات الي تحتاجوها :-
البطاقة الموحدة
بطاقة السكن
و اخذوا صور وياكم تحسباً اذا رادوها

الامر الجامعي الخاص بقبول الطلبة في الدراسات العليا للعام 2026/ 2027

صفحة الامر + الصفحة الي بيها اسمكم سكرنوها و اسحبو منها اكثر من نسخة حتحتاجوها

الامر الجامعي

https://www.instagram.com/pasteur.iq?igsh=cGVncGxsZmNyODdz
بيج مخصص لطلاب الدراسات العليا
يساعدكم ببناء خطة ممتازة
تقليل نسبة الاستلال وغيرها من امور الرسالة والاطروحة
للاستفسار مراسلة البيج

مساء الخير جميعاً
إجراءات التسجيل بدأت بشكل رسمي
ف سووها واخلصو منها.
عندكم أهم شي حالياً الكفالة والتصريح الأمني
الكفالة يشترط يجي الكفيل وياكم للعمادة
و عادي المتقاعد و الموظف على الملاك الدائم

والتصريح الأمني مثلما نزل موعد كلية العلوم يوم الاثنين 🗓️

تاخذون كل المستمسكات وياكم وصورة والأمر الجامعي.
بمكأنه بقاعة نازك الملائكة (يم التعليم المستمر الي بكلية الهندسة)

🔴🔴 أي شي تسوو احتفظو بنسخ
(من كلشي سوو ثلاث نسخ: وحدة للعمادة، وحدة للقسم، ووحدة الكم ضموها)

التصريح الأمني والكفالة تكدرون بيوم واحد تسووها
وبعدها سوو فحص المخدرات
(والاحسن تستفسرون من العمادة إذا محددين مستشفى معين أو عادي أي مستشفى)
كل التوفيق الكم ان شاء الله

مناسيتكم 🥲
و عندي كومة ملاحظات اذكرها بخصوص طريقة الدراسة وغيرها ف انتظروني ارتبها و انزلها 🥹💞

شلون نجيب معدل زين بالسنة التحضيرية؟ 🎓
Tips & Tricks

واحد من أهم الأشياء اللي نسويها بالسنة التحضيرية هو نجيب معدل زين، وكلما كان المعدل أعلى كلما يفيدكم

اكو اكثر من خطوة مهمة نسويها :

1. لتخلّون اي مادة تتراكم عليكم ❌

أبددد لا تراكمون أي مادة!

أول ما تاخذون المحاضرة، حاولوا بنفس اليوم أو بأقرب وقت:

ترجعون تقرونها وتلخصوها
تشرحون لأنفسكم النقاط المهمة
علّمو على الأشياء اللي الدكتور/ة ركز عليها بالمحاضرة
تكتبون أي ملاحظات أو إضافات يذكرها الدكتور وما موجودة بالمحاضرة

والأفضل تكونون مطلعين على المادة قبل لتنشرح بالمحاضرة ( حتلو و انتو بالطريق )

شلون نجيب معدل زين بالسنة التحضيرية؟ 🎓

Tips & Tricks
كلشششش ركزوووو هناااا
2. ادرسوا الدكتور/ة قبل لا تدرسون المادة 🔴🔴

هاي نقطة مهمة جدًا

عادةً كل دكتور/ة من يجيكم بالبداية راح يوضح
شنو يريد منكم؟ وشنو طبيعة الأسئلة؟وع شنو يركز؟

اكو دكتور يتقبل منكم الشرح بأسلوبكم الخاص المهم يكون كلامكم مرتبط بالموضوع وصحيح
واكو دكتور يريد الإجابة نصًا من المادة
والبعض يفضل الشرح والرسم والتوضيح

فلا تعتمدون طريقة دراسة وحدة لكل المواد
اعرفوا شنو يريد الدكتور وبعدها اختاروا طريقة دراستكم

شلون نجيب معدل زين بالسنة التحضيرية؟ 🎓
Tips & Tricks

3. اطلعوا على أسئلة السنوات السابقة 📚

لا تنتظرون لآخر فترة حتى تشوفون الأسئلة من البداية حاولوا تطلعون على أسئلة السنوات السابقة حتى تعرفون

شنو المواضيع اللي تتكرر ( اكو اسئلة هواية تتكرر )
شلون تكون صيغة السؤال و غيرها

ولا تترددون تسألون الدكاترة مباشرة عن طبيعة أسئلتهم وشنو ينصحوكم تركزون عليه

4. تعلّموا تكتبون بسرعة ✍️

بالامتحان مرات يا دوب الوقت يكفي، خصوصًا إذا الأسئلة تحتاج شرح وتفصيل

فلا تعتمدون فقط على إنكم تعرفون الجواب؛ لازم تتدربون هم على سرعة الكتابة وترتيب الإجابة

بالنهاية، السنة التحضيرية مالها علاقة ب كم ساعة تقرون وإنما شلون تقرون
وشلون تعرفون المطلوب من كل دكتور

هذه مجموعة قنوات لمواد التنافسي بشكل mcq
مسويتها وحدة من زميلاتكم بطريقة مرتبة
ادعو لوالدها بالرحمة و الغفران
💞💞