بسم الله الرحمن الرحيم
من لم يشكر المخلوق لم يشكر الخالق
اخوتنا واعزائنا شباب كروب D الاعزه والاطايب بالنيابه عن الاخ والزميل مقتدى مؤيد نتشكر منكم وممتنين منكم على هاي وكفتكم وحضوركم الي جان اله الاثر الطيب واضفتو اجواء من الالفه والمحبه رفعة الراس حقيقهً انتو تبيضون الوجه وممتنين لكل من تحمل عناء السفر او عن طريق مكالمه او رساله لاداعي للشكر لان احنا اخوه بس الشكر واجب وان شاء الله نردها الكم بالافراح والسرور يحفظكم الله وجزاكم الله خير الجزاء وجعل الافراح تعم دياركم ونتمنى للعريس حياة سعيده مليئه بالافراح والمسرات والله يتمملهم على خير

جزيل الشكر والامتنان الكم 🫀✨

https://www.instagram.com/reel/DWwsc92jMjH/?igsh=bWJrYmhmMWh6d3o=
اخوان هنا كثرولنه لايكات ❤️

سيتم نشر ملف تدريب صيفي جيكو اسمائكم
#الممثل_العام_أحمد_فلاح

اسماء الطلبه المرحله الثالثة ليس لديهم كتب تدريب.xlsx

طلاب الي يكولون كتبنه سلمناهن فراجعو دكتور الي سلمتوهن اله


والي يكولون أحد ممثلين هوه الي وداهن فراجعو الممثلين السابقين

ومستشفى شاميه بعدهم ما مضيوفين


والي سلمو كتبهم من 3 إلى 4 ايام فبعدهم ما ضايفين اسمائكم


واي سؤال عدكم باجر اتصل على القسم


#الممثل_العام_أحمد_فلاح

سلام عليكم جميعاً بخصوص كتب اهل نجف
اني شخصياً سلمت الكتب ودربتوا وسلمت ورقة تقيم لمستشفى وانتم شاهدين على هذا شيء وما عفت اي مستشفى واجيتكم مستشفى مستشفى قبل فتره اتصلت على دكتور حسين كلي كتب مستشفى النجف وصلتهم بقه مستشفى فرات واتواصلت ويه د.رحاب مردت عليه فه جنت منتظر رد من مشرف العلمي (د.احمد) مرد عليه وانتظرت رد من د.حسين فه هذا تبليغ الي وصلني من جهتي كملت كل شيء والمستشفى ما تقبل الا مشرف العلمي ياخذه واني شخصياً بهذا موضوع كلت لمستشفى اني اخذ كتب رفضوا رفض تام بعد الحجي يم القسم وعماده لاختيار مشرف علمي او معتمد من جامعه ياخذها
واكو مشاكل ترا لمعلومه مثلا نص مستشفى واصل كتابهم ونص لا وهذا شيء معرف منين مشكله كون اتصل على قسم واتاكد

طلاب نجف كلشي محلول حاليا وقت راحه دكاتره باجر محمد رضا يتأكد لكم من الوضع

طلاب مستشفى صدر الي بنجف اذا اسمك موجود هنا راسلني اليوم ضروري

منتظر رزاق سهيل الي يعرفه خل يدزلي حسابه

إخوتي الأعزاء، خلصتلكم توضيح 3 محاضرات باطنية كلش مهمات وواحدة منهم محاضرة السكري الي هي الأطول بينهم، باقي محاضرتين PE والـWater محاضرة 3 صفحات والثانية 4 صفحات، بسيطات وواضحات وإن شاء الله اوضحهن الكم بالـفترة الي قبل الإمتحان لا تفكرون بالباطنية كلش بسيطة المهم الأسس شدوا حيلكم.

ولكم أن تتخيلوا اليوم رح أبدء بمراجعة الأسس، دعواتكم شباب وكل التوفيق لكم.🌷

↓روابط مهمة↓
شرح

شرح باطنية م1
شرح باطنية م2
شرح باطنية م4

طلاب جمهوري بعض طلاب راحو للقسم ما لكو كتبهم

فراحو للمستشفى رجعو سولهم تقيم جديد وطلعولهم الوصل القديم من حسابات وراحوا لتعليم مستمر انطوهم كتاب انفكاك جديده وسلموها للقسم بنفسهم


فهذا انسب حل للي يريد يسوي كتاب تدريب يسوي مثلهم وكل توفيق طلاب
#الممثل_العام_أحمد_فلاح

سلام عليكم
طلاب موضوع كتب تدريب كدرت امدد الكم الوقت يعني موضوع ٤٨ ساعه انلغى حاليا شدو حيلكم بدراسه بعد امتحان الأسس شوفو موضوع كتب تدريب وحاليا اني هم اريد ادرس راح اسد تلي وبليل اجاوبكم .


#الممثل_العام_أحمد_فلاح

طلاب هواي راسلوني لسه ما دارسين لا تعتبرون الي راح اكوله اعلان ل أحد

بس لا تيئسون عدكم وقت وعدكم هواي هواي طرق توصلكم لنجاح


عدكم مثلا دكتور كادو شارح منهج مد ب 5 ساعات مع اسئله لكل محاضره وسعر اشتراكه رمزي



عدكم مثلا ال اسئله الي سوينها اني وكرار وحسين توصلكم لدرجه نجاح تقريبا


عدكم مثلا اسئله سند وقاسم وسجاد هم خوش اسئله ومرتبه



فعدكم وقت هواي تبلشون .

🎯 طلاب المرحلة الثالثة – قسم التخدير

🔥 الآن تم نشر: المحاضرة الرابعة من مادة أسس التخدير (Geriatrics)

📹 شاهد المحاضرة من هنا:
https://youtu.be/EdqdnIAMDEA

✨ ليش تختار منصة د. كادو؟
✔️ شرح واضح ومركز على أهم النقاط الوزارية
✔️ تبسيط الأفكار الصعبة بأسلوب سهل
✔️ دعم كامل للفهم مو بس الحفظ

🚀 ابدأ من هسه وخلي قراءتك تكون منظمة ومضمونة

📥 للاشتراك وباقي التفاصيل:
@Dr_Kado

📕 || اسس التخدير الوزاري
📄 || المحاضرة الرابعة
👨🏻‍🎓 || المرحلة الثالثة
✍️🏻 || د.كاظم علي
🏛 || جميع الجامعات العراقية

🔗 ||للتواصل والاستفسار @Dr_Kado

🧬 نرفق اليكم الاسئلة المرشحة للمحاضرة الرابعة مادة اسس التخدير

🧬 اسئلة مهمة جداً ونوصي بقرائتها

🧬 الاسئلة على نمط الامتحان الوزاري 2026

🧬 اللي يريد باقي الاسئلة يتواصل ويايه

@Dr_Kado

طلاب مستشفى العراقي
كتبكم واصلات للعماده وسلمهن دكتور مسلم من زمان راح يدوروهن ويضيفون اسمائكم لا تهتمون
#الممثل_العام_أحمد_فلاح