المحاضرة الخامسة عشر الجزء الأول: تابع درس القيم العظمى والصغرى وإيجاد مقدار الزاوية.
سهرت لتوا نجهز فيها لإن غدا عطلة نبيكم أول ما تنوضوا يكون عندكم شرح واتي أمتى ماتحبوا تشوفوه آسف الفيديو طويل جي لإن معبي تفاصيل لازم نكونوا فاهمين مش غير تلقين وخلاص.
موفقين يارب🖤✨

المحاضرة الخامسة عشر الجزء الثاني: قوانين نصف الزوايا وإثبات المتطابقات.
مزال صفحة خمسين فقط حنشرحها غدا وحنكملوا الباب الثاني بفضل الله.

طبعا حنشرحلكم أسئلة إمتحانات و أيضا في تمارين قوية في الباب الأسود حنشرح الأفكار و نحل الباقي و نديرهولكم في ملف pdf شن رأيكم؟🤔

المحاضرة السادسة عشر الجزء الأول: حل تمارين صفحة 50 تمارين 2 – ب .
للأسف الفيديو طويل وهذا كله بسبب السؤال الخامس بجديات نفاخ هلباااا 😖 معبي تركات وتفاصيل أعتذر جدا عن الإطالة و إن شاء الله يكون مفهوم بالنسبة لكم.

المحاضرة السادسة عشر الجزء الثاني: حل تمارين صفحة 50 تمارين 2 – جـ .

هكي بين يديكم الباب الأول والثاني معا✨.

بإذن الله بنحل أسئلة الكتاب الأسود وبنزلهالكمpdf وطبعا فيديوات على أسئلة الإمتحانات🔥🔥

لو تحبوا تبعتوا القناة لصحابكم اضغطوا على اسم القناة من فوق يطلعلكم كلمة الوصف باللون الأزرق تحتها موجود الرابط ديروله نسخ و ابعتوه وين ماتبو حتى نستفيدوا كلنا.

أسأل الله لكم دوام التفوق قدها كلكم بإذن🫡🖤.

شرح الباب الثاني بالكامل:🩷
م. يوسف البطراوي
الجزء الأول
الجزء الثاني

أ. أنس المتير
الجزء الأول
الجزء الثاني
الجزء الثالث

مزال بينزلوا فيديوهات أفكار و الآلة الحاسبة🩷
#موفقين

بث لمراجعة الباب الأول حل أسئلة سنوات:

https://t.me/Electricalphysics?livestream=76b3115ee7094e113d

طمنونا شن وضع الرياضيات لحد الآن؟ 🌝🩷

اي حد عنده مشكلة في حاجة معينة يكتبها في التعليقات نحاولوا نعالجوها جميع🩷🌸.

حاولوا فيه🌝🩷

سؤال ساهل نبوه بالخطوات😁

شن ناقصكم نزلوه؟👀🩷

يلي كملتوا الباب الثاني كسدوا علي فيديوهات الأفكار 🌚🩷

بالشرح أ. أنس المتير

استنوا غدوة شيت أسئلة السنوات يلي بينزل 🌝🩷
#موفقين