_احبچ وروحي معلگة بيچ
أمي

- محد يضحكنا ويوخر ضوجتنا غيرج!!
خواتي💚🌚

- اشوف نفسي بيچ كملي الماگدرت أكمله.
ماما.

_كلش اثق ب الّي تگوليه وامشي وراچ واني مغمض ولو چنتي مرجع إلا اتبعچ. 😂
بابا.

_انتِ مشروعي للآخرة.
بابا.

- كل كلمة سمعتها منهم هيَ مليانة حُبّ، نظرتهم، إبتسامتهم، كلامهم كلشي منهم أحبة حتّى عصبيتهم. 💙

_ يابة كلشي تردي يصير بس اكلي 😅❤️
ابوية

_ اني ماعندي غيرج.
امي

- وكفتج وياي ما انساها بأيام صعبة وظروف..
أمي

_تفكيرج اكبر من عمرج، وشخصيتج مو طايشة.. تعجبيني أكثر من خواتج💙!
أمي

_احرك البيت عليّ الي يظوجها بكلمة ! 🤍
أبوي..

- إحنا عائلة بطبيعتها مقاتلة. 🤍
-بابا

- اني اخذ القوة منج
من اخوي ❤️

- جربي حتى لو تفشلين
ابوي ❤️

- جدو، عيون جدچ أنتِ العزيزة ماكو أعز منچ بگلبي.
بابا، لا تخافين أني أبوچ ذبي الصعبات عليه، حبيبة گلب أبوها مينخاف عليها
ماما، الحٌمد للّٰه أنطاني هيچ بنية أخليچ تاج علىٰ راسي وأفتخر بيچ.

- هاي بتي معروفة بجدارتها
الوالد🤍

- انا حسيت بالفخر بيج
الوالدة

- طبخج يجنن واله طعم خاص أطيب وماكو أطيب منه بحياتي
بابا

- انت جهتي اليسرة من ناحية گلبي
.. لأن الجهة اليسرى أقرب للگلب فأنت أقرب لقلبي
والدي الله يرحمة ♥️.

- نور يافرحة عيوني فدوه الج ياريت كل اخوانج مثلج يارفعة رأسي

- انت أَكثر وحدة انا راضية عنج كون كل اخواتج مثلج ♥️
والدتي ربي يحفظها

- هواي مواقف كُلّش هواي
بس مدتحظرني
لكن آخرها ، البارحة بابا رجع من الشغل فـ أني كنت مموجودة من دخل للبيت ورا خمس دقائق رحتله سلمت عليه
فـ گالي شبيچ بوية! خوما بيچ شي! شو ما اجيتي عليه أول مافتت
يعني مجرد أنه اني مرحتله قلق عليه وظن أنه أني بيه شي والشبيچ چانت جداً حنونة بحيث ابتسمت من قلبي واني اگوله مابيه شي بابا♥️

- لا هسة تذكرت صدك
فد مرة أبوي شگال لأخواني لأن يحجون علية لأن أمشي ببطأ، فـ كال ألهم ''اختكم مثل الحمامة هيج بيضة وتمشي بخطوات صغيرة 💗🤤''مدري بوقتها فرحت كومة لأن ابوي شوي خشن بالتعامل
وهمين فد مرة كال انو زنيبوو تطبخ التمن بطريقة كلش حلوة وأنا أول ما تعلمت أطبخ التمن يحترك لو يصير
وأمي دائما تگول أم خدود ألي
وتگلي أنتِ ذكية وتكدرين
حتى لو مااقرا هواي،وأوصل أنو ايأس اتذكر حجايتها من تگلي أنتِ ذكية تكدرين
يمكن مو كلمات مميزة
بس هذني يسون عندي هواي.



- انت انسانة كبيرة وتذكزي اخوانج عدهم ثقة بيج واني ثقتي بيج قوية واعرف مراح تخيبين هاي الثقة
اخوي الكبير ♥️ربي يحفظة

_آني اريد اوصلچ للي اريده و دائمًا ادعيلچ انو الله ليقربچ للحرام ويبعد الحرام عنچ.
الأب الكريم مُخاطبًا ابنتهُ عذراء



_بنتي وين ما اخليچ مرتاحة لان ادري بيج متتأثرين بالشيء الموزين
الأم العظيمة

_كلمة امي الشهيرة يمة ديري بالج على روحچ وعبايتج ولا تتأثرين بالبنات الموزينة
أمي

- افتخر بيج
كدام الكل وكدام اهل البيت
امي وابي🤍

- إنتي أغلى شيئ بحياتي 🥺
والدي ...

_كل الي اريده بالحياة انو تكونين بخير ومستوره وبعيده عن التعب والهم والألم لان انتي حبيبتي وبنتي الغاليه،، روحي وصاحب الزمان يعينج
والدتي ..

- امي انتِ حنينه وعزيزتي 💙

- انتِ سباعية ماتخافين قوية
بابا💙

- انتي اكبر من انو انطيج نصيحة عقلج اكبر من نصايحي اني اخذ منج نصيحة

- الوالِدَة الحَنون 💛

- شَمعة بيتي أنتِ..
بَابَا

غدًا هو عيد الحبّ.♥️

المتزوجين تجهزوا واحضروا الهدايا لبعضكم
و اطلبوا من الله في هذهِ الليلة أن يحفظكم ويوفقكم ويرزقكم ذرية مهدويّة طَيبة، ولتكونوا عائلة مهدويّة تمهّد لظهور صاحِب الزّمان.

"ما لِسِواكِ في قَلبي نَصيبُ"

الإمام عليّ 'ع' للزَّهراء 'ع'

في هذهِ المناسبة تذكروا بأن الغنى لا يصنع رجالاً والأثاث لا يَصنع بيُوتًا وإنما تَقوى الله هي التي تصنع الإنسان وتصنع البيُوت. ✨💚