بِسمِ الله.. إنّهُ عامي الخامسُ والعشرون

عامٌ جديد، أسألكَ فيهِ الدُّعاء يا مولاي يا أبا الفضل..💚

٥/٢١

اسألكم الدّعاء كثيرًا..

بالخصوص الّي توفقتوا لزيارة الإمام الحسين والإمام العبّاس.. لا تنسونا..

سمعت الشّيخ حبيب الكاظمي گال حچاية، ومن ساعة ما سمعتها وللآن، گلبي يرددها قبل لساني… وشگد حچاية مليانة حنيّة وطمأنينة.

يگول: "خيرُ الدّعاء أن تقول للمعصُوم: صيّرني من همّك، واذكرني عند ربّك."

شنو يعني "صيرني من همّك"؟
شايفة من تشيلين همّ شغلة، شلون تظل على بالچ؟
أو من تشيلين همّ صديقتچ، شلون يصير كل همچ مساعدتها؟
هو نفس الشي…

لو گلنا " صيّرني من همّك يا عليّ"
يعني يا عليّ، خلّيني على بالك، لا تعوفني وحدي…
خلّيني ضمن دائرة اهتمامك، لا تخليني أغيب عن خاطرك.
شوف ضعفي، مثل ما شفت ضعف الأيتام والمحتاجين
شيل همّي، مثل ما كنت شايل همّ الفقير والمكسور.
خلّي أمري يهمّك، مثل ما كنت تهتم بالمحرومين والمظلومين.
خلّيني شاغل من شواغلك يا عليّ، مثل ما چان كل  ضعفاء الأمة شاغلين بالك.

واللي يصير همّه في قلب عليّ، يصير في عين العناية الإلهية…
واللي عليّ يهتم بأمره، شلون يضيع؟!