Yil yakuni:

Yana bir yil tugadi. 365 kun ishlar, rejalar, quvonchlar va charchoqlar bilan to‘ldi.

Har yil oxirida esa bir xil savol tug‘iladi: “Bu yilni qanday o‘tkazdim?”

Javob ko‘pincha bitta: band edim, ishladim, intildim, o‘qidim.

Ammo yilning haqiqiy qiymatini vaqt emas — tajriba belgilaydi.

Tajriba nima?

Shunchaki darsga borib, ishga qatnab o‘tilgan kunlar tajriba bo‘lavermaydi.

Tajriba — bu qayerda xato qilganimiz, qayerda to‘xtab o‘ylaganimiz va qayerda o‘zimizni tan ola bilganimizdir.

Ikki o‘quvchi bir joyda bir yil o‘qishi mumkin: biri haqiqiy bir yillik tajriba to‘playdi, ikkinchisi esa shunchaki qatnaydi — keladi va ketadi.

Tajriba ko‘pincha og‘riqli bo‘ladi.

Haqiqiy tajriba xatolar, muvaffaqiyatsizliklar va qiyinchiliklardan saboq olinganda paydo bo‘ladi. Aks holda yillar o‘tadi, kalendar almashadi, lekin inson o‘zgarmaydi.


Shu bois yil oxiridagi eng muhim savol: “Men nimani tushundim?”

Sabrliroq bo‘ldimmi? Tinglashni gapirishdan ustun qo‘ydimmi? Bir xil xatoni takrorlamaslikni boshladimmi?


Har bir yil, har bir tajriba — hayotimiz mozaikasining bir bo‘lagi. Vaqt baribir o‘tadi.
Tajriba esa shu vaqtga qiymat beradigan yagona narsa.


Tajriba — seni sen qiladigan narsa.


2025-yildan oxirgi post.

2026-yil.

"Raqobatga kirmagan, raqobatda yutadi."

Aziz Rahimov

2026-yil 2-yarim yillik uchun matematika imtihoni.

Katta akalar

Ular bilan bir dasturxon atrofida yig‘ilsang, ovqat uchun. to‘lamaysan. Lekin sen fikrlar uchun to‘laysan, nigohlar uchun to‘laysan, akalar umri bilan to‘lagan xatolarni qayta qilmaslik uchun to‘laysan.

Har bir inson — yangi o‘zingni kashf qilish imkoniyati.

Ustozlardan ilm olish ham shunday: sen faqat bilim uchun emas, mehnat uchun to‘laysan,
mas’uliyat uchun to‘laysan,
o‘z vaqtida kelish, so‘zida turish,
boshlangan ishni oxiriga yetkazish uchun to‘laysan.

Ba’zan esa sen
— sabr bilan,
— sukut bilan,
— tanqidni ko‘tara olish bilan to‘laysan.

Chunki haqiqiy ustoz faqat
o‘rgatmaydi, u seni inson sifatida shakllantiradi.

#MS Milliy sertifikatga tushgan 5-savollar.

“Jim qolgan erkak yutqazmagan bo‘ladi, u vaziyatni yenggan bo‘ladi.”

Rasululloh ﷺ aytganlar:
“Kuchli odam kurashda g‘olib keladigan emas, balki g‘azab paytida o‘zini tiyadigan kishidir.”
(Imom Buxoriy va Imom Muslim)

Yomon xulq bilan ulug‘likka erishib bo‘lmaydi,

Yaxshi xulq esa kambag‘alni ham aziz qiladi.

Sa'diy Sheroziy. "Guliston".

Nega savollar takrorlanishiga aniq javob.

17 yoshdan o‘tgandan yigitdan - 17 yoshga

Menda 17 yoshimda bunday post yo‘q edi.

Senda esa bor.
Aytadigan gaplarim balki juda chuqur tuyulmas.Lekin ma’nosiz ham emas.

Agar yana 17 yoshli Shuhrat bo‘lganimda, bir gapga nuqta qo‘yardim:
“Boshqalar fikri muhim emas.”
Chunki o‘sha “boshqalar” kim?
— Ota-onang.
— Ustozlaring.
— Seni yaxshi ko‘radigan insonlar.


Biz — Z avlodmiz.
Bizni qiziqtirish qiyin. Hatto o‘zimizni ham. Lekin sen yashayotgan hayot abadiy emas.
Buni anglaganingda esa, kech bo‘lishi mumkin.

Bugun qo‘lingda: — Eng chiroyli kiyimlar
— 5 yil oldin orzu bo‘lgan telefon
— Ta’lim imkoniyati (Ota-onangdan so‘ra — ular o‘qigan paytda sharoit qanday edi?)

Lekin ichingda bir o‘y:
- Dars tezroq tugasin.
- Uy vazifa tekshirilmasin.
- Ko‘chaga chiqay.
- PUBG akkaunt FULL bo‘lsin.
- Oson boy bo‘lay.
- O‘ldirishi aniq yozilgan karobka tugamasin.
- Qalamqosh bir qarab qo‘ysin…
- Chiroyli gaplar gapiradigan ahmoq so‘zlari tugamasin...
Va bu xohishlar hech qachon tugamaydi.

Motivatsiyani reelsdan qidirma.
Uni ertalab tongda ishga ketayotgan otangning qadamidan qidir.
Onangning charchagan ko‘zidan qidir.

Maqsading bo‘lsin:
Bir kun kelib oilangni xohlagan narsasi bilan xursand qilish.

Bunga o‘qishsiz erishish qiyin.


“Faqat o‘qi” demayman.
Muallif ham 24 soat o‘qimagan...
Lekin yetarlicha o‘qi.
Aks holda:
Bir kuni qaysidir kompyuter xonada tutun orasida, ko‘zing qizarib chiqasan. (Akam bor 4000$ topadi va kompyuter ham o'ynaydi, lekin unga ham 17 yoshda mishka orzu bo‘lgan)

Aks holda:
Bugun qaysi filtrda rasmga tushsam ekan, deb o‘ylab yurasan. ( Katta ehtimol sen bu postni oxirigacha ham o‘qimaysan )

5 yildan keyin balki “Shuhratjon Ulashev” esdan chiqar.
Lekin bugun aytilgan to‘g‘ri so‘z unutilmaydi.

P.s (Unutiladi faqat bitta holatda —
hammasiga erishganingda)

Imtihon sanalari
21,28-fevral
1,2,7-mart davomi bor.

Davomi bor.

Milliy Sertifikat imtihoni jami 8 smenada boʻlib oʻtar ekan.

1. 28.02.2026 yil 1-smena
2. 28.02.2026 yil 2-smena
3. 1.03.2026 yil 1-smena
4. 1.03.2026 yil 2-smena
5. 2.03.2026 yil 1-smena
6. 2.03.2026 yil 2-smena
7. 7.03.2026 yil 1-smena
8. 7.03.2026 yil 2-smena

@Math_uzz

Matematikada kuchli bo‘lsangiz, faqat matematikada kuchli emassiz.

Diqqatni bir joyga yig‘a olasiz, uzoq dars qilib o‘tira olasiz, muammolarni hal qilishni yaxshi ko‘rasiz.

Bu qobiliyatlarni qattiq ushlasangiz, katta natijalar keladi, nasib.

Faqat, qobiliyatlarni ushlash hammaga ham oson bo‘lmaydi.

Ba’zilarda o‘z maktabida chuqurlashishga erkinlik yo‘q.

Ba’zilarda kuchli ustozlarga borishning imkoni yo‘q.

Ba’zilarda birga dars qiladigan do‘stlar yo‘q.

Ba’zilarda o‘qishga sharoit yo‘q.

Ro‘yxatda o‘zingizni ko‘rdingizmi?

Sizga yangiligim bor.

Biz 5-8-sinflar o‘rtasida Rahimov Matematika Olimpiadasini o‘tkazyapmiz.

G‘oliblarni bitirgunlaricha eng kuchli ustozlarda bepul o‘qitamiz. Yotoqxona beramiz. Boshqa xarajatlarini ham qoplaymiz.

Maqsad – IMO jamoasini tashkil qilish.

Qatnashish bepul, o‘zingizni sinab ko‘ring. Havola mana bu yerda.

Ha aytgancha, postni yutishi mumkin bo‘lganlar va ularning yaqinlariga jo‘nating.

Tarqatish kichkina ish demang.

Bilib bo‘lmaydi balki, kimningdir muvaffaqiyat kemasiga shamol bo‘lib qolarsiz!

Imtihonga kirayotgan barchaga omad tilayman!
Alloh sinovingizni oson qilsin. Qilgan mehnatingiz va sabringizning ajrini Alloh to‘kis bersin. Nima bo‘lmasin, bu hayot yo‘lingizdagi navbatdagi bir sinov, xolos.

Alloh barchangizga omad va muvaffaqiyat nasib etsin.