MATH SOLVER | SAT | MILLIY SERTIFIKAT

MATH SOLVER | SAT | MILLIY SERTIFIKAT pinned «#asiancup_2019 ЎЗБЕКИСТОН ТЕРМА ЖАМОАСИ ДУБАЙГА ЕТИБ БОРИБ, МЕҲМОНХОНАГА ЖОЙЛАШДИ Ўзбекистон миллий терма жамоаси Осиё кубоги мусобақасида иштирок этиш учун БААнинг Дубай шаҳрига етиб борди ва “Roda Al Bustan Roda Al Bustan” меҳмонхонасига жойлашди. Ўзбекистон…»

07:16

MATH SOLVER | SAT | MILLIY SERTIFIKAT via @like

Ommaviy ruslashib ketamizmi?

So’nggi paytlarda farzandlarini rus guruhida o’qitish istagidagi ota-onalar juda ko’payib ketdi, ayniqsa bu holat xususiy maktablar negizida yaqqol ko’zga tashlanib qoldi. Hozirda mamlakatimizda faoliyat olib borayotgan xususiy maktablar soni yuzga yaqinlashib qoldi, lekin aksariyat xususiy maktablarda ta’lim rus tilida, deyarli birorta ham maktabda o’zbek guruhlari yo’q, borlari ham nomiga tashkil qilingan va maktabning asosiy ish olib borish tili ham rus tilida.

Bilamizki, xususiy maktablarning aksariyat qismida o’ziga to’q, ijtimoiy ahvoli ancha yaxshi bo’lgan fuqarolarimizning farzandlari ta’lim olishadi, shunga yarasha xususiy maktablar yaxshi ta’lim sifati bilan nom qozonib ulgurdi, balki shuning uchundir davlat maktablarida dars berayotgan yaxshi o’qituvchi kadrlar xususiy maktablarga o’ta boshladi, har holda o’qituvchi ham odam, unda ham moddiy ehtiyoj bor.

Xalqimizda olmaning tagiga olma tushadi degan ajoyib naql bor. Xuddi shu maqolga amal qiladigan bo’lsak, ijtimoiy ahvoli nisbatan yaxshi bo’lgan fuqarolarimiz orasida o’z farzandlariga rus tilida ta’lim berib, ularni nufuzli oliygohlarda o’qitib kelajakda davlat boshqaruv organlarida ishlatish niyatida yurganlari ham talaygina topiladi.
Xo’sh, biz farzandlarimizga rus tilida ta’lim beraversak, ularga Avloniy emas Pushkindan ta’lim bersak nima o’zgaradi? Farzandlarimiz borib-borib ruslashib ketmaydimi? Balki o’zbek guruhlarida rus tilini mukammal o’qitish tizimini yo’lga qo’yishimiz kerakdir.

Bu holatning yana bir jihati bor, ba’zi ota-onalardan farzandim 4 sinfgacha rus guruhda ta’lim olsin, keyin o’zbek guruhiga o’tkazib qo’yaman degan gaplarni eshitib qolamiz, nima emish, farzandining tarbiyasi buzilib ketishi mumkin emish. 4 sinfgacha “Букварь” o’zlashtirgan bola 5 sinfga borib qaytadan “Alifbe”ni o’zlashtiradimi?

Farzandini rus sinfda o’qitish istagida bo’lgan ko’pchilik ota-onalarning o’zlari rus tilini bilishmaydi, o’zlari rus tilini bilishmaganliklari uchun hayotda ko’p qoqilishgan, ana shu xato farzandlarida takrorlanmasligi uchun ularni rus guruhlarida o’qitish istagida bo’lishmoqda, lekin tanganing ikkinchi tomoni ham bor, bola uyda ota-ona bilan dars qilishi kerak, undan nimadir so’rashi, ota-ona esa o’z navbatida farzand so’ragan savolga javob topib berishi kerak. Farzand bir-ikki marta ota-onadan aniq javob ololmagach borib-borib ota-onadan so’ramay qo’yadi va uni bola tili bilan aytganda “ikkichi”ga chiqarib qo’yadi.

Sizningcha biz qaysi yo’ldan borishimiz kerak?

👍 Rus guruhlarini ko’paytirib ruslashishimiz kerakmi?
👌O’zbek guruhlarini tashkil qilib rus tili darslarini kuchaytirish kerakmi?

@math_solver (do’stlarga ham ulashing)

1.68K views(93)-6187770, 07:35