#shunchaki o'qing!
FARQI BOR! BOR!
Turk kinoseriallaridagi shu nusxa sizning ham xotirangizda qolgan bo‘lsa kerak. Chap qoshini doimo tajanglarcha kerib “janoblarining otgan o‘qlari” qiyofasida har qanday hukmga hozir turadigan mafiya sarbozi. To‘daboshi xo‘jayin “Borib falonchini daf qilib kel!” degan zahoti ul shotir joyida askarona shahdam qalqib, “Farq etmes”, deydi-yu o‘sha yoqqa ot suradi. “Yo‘q, shoshma, avval yoningdagi manovi sherigingning kallasini olib ketasan!” deyilsa ham kiprik qoqmay, “farq etmes”ini takrorlaydi-da, darhol ijroga kirishadi.
Dunyoviy istilohda bunaqalar “zombi” deb ataladi. Mudom birovning tizginida yuradigan irodasiz qul, o‘zi erkin fikr qilolmaydigan temirtan banda – robot, Manqurt desayam bo‘ladi.
O‘zimning bir jiyanim bor, esli-hushli tuppa-tuzuk yigit, talaba – babobro‘ bir o‘quv dargohida tahsil ko‘radi. Lekin nima gap so‘ramang, javobi bir xil: “Farqi yo‘q”. “Ertaga darsga borsanmi yoki bekor kuningmi?” “Siz nima desangiz – shu. Farqi yo‘q”. O‘qishni bitirgach qolib ilmiy ish qilmoqchimisan yo qishloqqa ketasanmi?” “Farqi yo‘q”.
Keyin atrofga diqqat qilsam – aksariyat yoshlarimizning tilida shu gap: “Farqi yo‘q, farqi yo‘q”. Anchayin ommalashgan kundalik iborami bu yohud chindan ham hech nimaning farqi qolmaganmi ularga?
Kecha bilan bugunning farqi yo‘qmi?
Yaxshi bilan yomonning farqi yo‘qmi?
Tubanlik bilan olijanoblikning farqi qolmaganmi?
Harom bilan halol aralashib ketganmi?
Boy bilan kambag‘al baravar – farqi yo‘qmi?
Katta bilan kichikning-chi?
Zolim bilan mazlumning-chi?
Rost bilan yolg‘onga nima deysiz?
Haqiqat bilan nohaqlikka-chi?
Yozdan qishning farqi bordir?!
Kunning tundan farqi bordir?!
Erkakdan ayolning farqi…
Jo‘jadan tovuqning…
Kalladan sallaning…
Farqini yo‘qotgan befarq dunyo…
Bandasi oq bilan qoraning, yaxshi bilan yomonning farqiga bormasa. Xudo uni yaratib, ko‘ngil, fahm-farosat ato etib nima qilardi deng?! Tosh – toshligicha, kesak – kesakligicha qolaveradi-da, to‘g‘rimi? Alhazar, alhazar!..
Qarang, shularni ham – jonsiz tosh bilan kesakning-da farqi bor-a!..
Erkin A‘zam
@math_solver

A) toq funksiya
B) juft funksiya
S) juft ham emas toq ham emas
Muhammad Matanov

#MANTIQIY admin : @Bobur_Normatov
@math_solver

D=1345
E=2240

Sukhrob Xo’jakulovdan javob