10 minutda boshlaymiz

Asil qiymatimiz: "1" yo'qolsa, qolgani nolga teng!

Bir kun darsda o'quvchilarim bilan juda qiziq va chuqur mushohada qildik.

Buyuk riyoziyotchi Al-Xorazmiydan "Ayol kishining qadri nimada va u qanday baholanadi?" deb so‘rashganida, u shunday javob bergan ekan:

• Dini va axloqi: Agar ayol dindor va go‘zal xulqli bo‘lsa, u "1" ga teng.
• Go‘zalligi: Agar u go‘zal ham bo‘lsa, "1" ning yoniga "0" qo‘shilib, qadri "10" bo‘ladi.
• Boyligi: Agar u boy-badavlat bo‘lsa, yana bir "0" qo‘shilib, qadri "100" bo‘ladi.
• Nasabi: Agar u sharafli xonadondan bo‘lsa, yana bir "0" qo‘shilib, qadri "1000" ga yetadi.

Lekin...
Agar eng birinchi bo‘lgan "1" (ya’ni dini va axloqi) yo‘qolsa, qolgan barcha "0"’lar o‘z qiymatini yo‘qotadi va undan hech narsa qolmaydi ("0000 = 0").

Shu mavzuda gapirayotganimizda bir o'y hayolimdan o'tdi: Xo'sh, darsda o'quvchilarim "Ustoz, atrofimizda faqat chiroy va boylikni birinchi o'ringa qo'yib, baribir jamiyatda qarsaklar va olqishlar bilan qadrlanayotganlar bor-ku?" deb e'tiroz bildirishsa, nima degan bo'lardim?

Javobi aniq: "Nolga teng narsalarni olqishlayotganlar — faqat o'ziga o'xshagan nollar xolos" Yilqining qadrini otboqar, javohirning qadrini zargar biladi. Soxta va yuzaki qiymatlarga chalinayotgan har qanday qarsak — hali haqiqat degani emas.

Ushbu matematik majozni hayotimizdagi barcha sohalarga tatbiq etsak bo'ladi:

Muvaffaqiyat formulasida: Eng birinchi turgan "1"— bu sizning intizomingiz va amalingiz (harakatingiz). Bilim, iqtidor, tajriba va omad esa uning ortidan keladigan "0''lardir. Intizom bo'lmasa, qolgan barcha imkoniyatlar samarasizdir.


Xulosa: Sizni olqishlayotgan har qanday qarsak ham haqiqiy e'tirof emas. Asil qiymatingizni soxta qarsaklardan emas, hayotingizning poydevori bo'lgan ushbu "1" raqamidan arang! Unutmangki, har narsani asl qadrini faqat shu sohani Ustalari va Ustozlari biladi!


💡 Eslatma: Ko'pincha bu fikr Beruniyga nisbat beriladi, ammo aslida u matematika va "nol" tushunchasini rivojlantirgan Al-Xorazmiy nomi bilan bog'liq bo'lib, uning g'oyaviy ildizi Payg'ambarimiz (s.a.v.)ning dindor va axloqli qizga uylanish haqidagi hadislariga borib taqaladi.

@hasantuyliyev