Xasadgo'y inson

G'alati tug'ilgan bu dunyo asli
Uni bundayligin kim xam bilibdi
Vo ajab qay bir zod o'z umri qolib,
Meni qadamimni o'lchab yuribdi

Iymoning do'stingdir xasad dushmaning
Iymonsiz qolasan xasadgo'y inson
Boyni ko'rsan xavas qil, borni ko'rsang xavas qil,
Kuyib kul bo'lasan xasadgo'y inson

To’n bersam keng deding yoki tor deding
Kiymasman ichida ilon bor deding.
Bu xayot xayotmas bir qimor deding.
Yo'qsa nega senga omad yor deding.

Ot bersam minmading qashqasi bor deb,
O'zingniki nega uchar tulpor deb
Tangrila tortishding dunyoying tor deb,
Yo'qsa nega unga berding takror - takror deb.

Sani do’st qilolmadim xasadgo’y inson…..

O'zinga o'xshagan uch to’rtta do'sting,
Ma’qullab turarsan bir biring so'zing.
Lek doim tayyorsan imkon topolsang,
O'ymoqqa shay bo'lib bir biring ko'zing.

Do’stingga do’stmassan xasadgo’y inson….

Yaxshilik tilarman o'g'il-u qizinga,
Aytsam ishonmassan buni o'zinga
Tangrim ko'rsatajak buni yuzinga,
Lan’at tamg'asini bosib qaro yuzinga.

O'g’linga do'stmassan qizinga do'stmassan
Xech kimga do'stmassan xasadgo'y inson….

Shaxsiy fikr : Biznikilar qaynona-kelin mavzusidan ortmayapti haliyam.

Temur haqida kino olingan taqdirda ham Amir Temur oilasi, xotini qaynona va kelin mojarolari haqida bo’lardiyov…..

#nazm

⭕️ SHE'R VAQTI:

Yashnagil, ey mahzun ko'ngil, yetdi fursat izhor shirin,
Tashrif ayla shohsuvoring, senga layli nahor shirin.
Jilvaga xaridor do'stlar, so'zlari hokisor do'stlar
Jam bo'lsalar majlis aro, hush suhbatu-guftor shirin.

Ko'klam fasli bahor biryon, gulzor-u lolazor biryon,
Derlar: jannat guli rayhon taratgan hush ifor shirin.
Soqiyo, ko'ksimni qondir, qatra nur chashmasiga,
Hikmatingdur zam-zam suvi oqqan buloq-anhor shirin

Munavvarlik istar ersang, bor olamlar shohiga sen
Sajda birla qo'ygil qadam, ul yor vasli diydor shirin

#nazm

Menga tegmang sizdan bitta o'tinchim
Borliq sizga bo'lsin, azaldan azal
Alamim, g'ururim, shodlik, o'kinchim
Bu mening hayotim, meniki faqat

To'ydirdi dunyoning o'zi, ozori
To'ymaganim faqat onam diydori
Gunohu savobim yo'giyu borim
Bu mening hayotim, meniki faqat

Dunyo ostonangga bosh urib keldim
Og'iring yelkamdan oshirib keldim
Lekin, yuragimni yashirib keldim
Bu mening hayotim, meniki faqat

Qachonlardur ko'zim kulganin bilaman
Kimlar zor kutgan izim bilaman
O'zimdan o'tganing o'zim bilaman
Bu mening hayotim, meniki faqat

Ortiq hoyu-havasga ishqim yo'q mening
Chunki hushomadga hushim yo'q mening
Kim ne desa desin, ishim yo'q mening
Bu mening hayotim, meniki faqat

Muhabbat haqida ikki og'iz so'z
Yodimda qolgani bir juft qorako'z
U ham menga nasim etmagan, ey do'st
Bu mening hayotim, meniki faqat

Bo'ldi, bo'ldi ortig'iga javob bermayman
Azob berganlarga azob bermayman
Hudodan boshqaga hisob bermayman
Bu mening hayotim, meniki faqat