كل عام وانتم بألف خير
إلى اغلى طلابي و طالباتي
ان شاء الله المعدلات العاليه الي تفرح أهلكم قبل ماتفرحنا

اكو شغلات مكمله ويجب عليك العمل بيها
1)حافظ على صلاتك حتى لو راح وقتها لاتتركها
2)زيارة عاشوراء يوميا اول ماتكعد من النوم شوف يومك شلون راح يكون سهل وبيها قضاء حوائج عجيب السر الي بيها
3)الدعاء لأستاذ ميثاق الناصر لقضاء حوائجه

وخلي قرايتك تكون بتركيز مو تجبر نفسك مثلا تكول اليوم اله اخلص الفصل الأول خلي وقتك مفتوح للفهم
مو مثل هاي الي تگول الطبخ لعبتي گالولها لعد اطبخي النا هسه عاد هيه ماچذبت خبر طبخت بعد ماكمل الطبخ كالت راح ارسل الكم الطبخ مقطع فديو كعدوا ينتظرون
وراح ارسل الكم الطبخه مالته

والله لايشوفكم هذا الي سأل خطيبته تعرفين تطبخين گالت اله الطبخ لعبتي گال الها هسه تطبخين گدامي
واني بدوري راح ارسل الكم الطبخه

اتحداكم اذا بيكم واحد ماابتسم
واني ادور على ابتسامتكم
وخلي نجعل هذه الابتسامه استفتاح خير قبل المراجعه
واذا اكو واحد ماابتسم خلي يعيد المقطع على مود يبتسم على مود ينشمل بأستفتاح الخير
تحياتي يعيوني

السلام عليكم

كل عام وانتم بخير وصحه وسلامه يارب العالمين وان شاء الله تحقيق الاماني والمعدل العالي

اليوم الصبح اني في كربلاء دعاء الكم بتحقيق الاماني

اول ماشفت ضريح مولاي ابو فاضل صلوات الله عليه اول الدعاء لكم

وبعدين طبيت زرت مولاي ابو فاضل صلوات الله عليه وذبيت الورقه الي بيها اسمائكم بالشباك

وبعدين رحت زرت باب مولاي ام البنين والدعاء لكم عند بابها

وبعدين زرت مولاي ابي عبدالله سيد الشهداء والدعاء لكم

بعد شتردون ماكو هيج دلال

السلام عليكم
ياله شدوا حيلكم وابدوا بدايه صحيحه
وخلي نتوكل على الله سبحانه وتعالى وبركات اهل البيت عليهم السلام
وبركات مولاي ابو فاضل صلوات الله عليه
حتى من تنجحون وتطلعون المعدلات العالي راح ننشر هذا المقطع ان شاء الله