#matbuot_anjumani

✅ 2026/2027 o‘quv yili qabul jarayonlari – muddatlar, pavilionlar, online ariza

2026/2027 o‘quv yili uchun tizimdagi ta’lim muassasalariga qabul jarayonlari Vazirlar Mahkamasining 2023 yil 27 maydagi 214-son qarori bilan tasdiqlangan nizom talablari asosida tashkil etiladi.

Bunda:

⏺hujjatlar qabuli joriy yilning may-iyun oylarida;
⏺kirish imtihonlari iyun-iyul oylarida o‘tkaziladi.

Joriy yilgi qabul jarayonlari avvalgi yillariga nisbatan erta o‘tkaziladi.

Shu o‘rinda, joriy yilgi imtihon jarayonlari respublika bo‘ylab 94 ta pavilionlarda tashkil etiladi. Bu esa imtihonlarni uch smenada emas, balki ikki smenada o‘tkazishga imkon beradi.

Agentlik tizimidagi maktablarda o‘qish istagida bo‘lgan talabgorlar uchun yana bir ijobiy yangilik, 2026/2027 o‘quv yilida tizimdagi ta’lim muassasalari soni oshib, o‘quvchilar qamrovi kengayadi.

Hujjatlar to‘liq onlayn shaklda my.gov.uz hamda ariza.piima.uz platformalari orqali qabul qilinadi.

Joriy yilgi qabul jarayonlari maksimal darajada soddalashtirilib, ariza qoldirish uchun bor-yo‘g‘i 3 ta “qadam” (klik) kifoya qiladi.

Jarayon to‘liq raqamlashtirilganligi bois, talabgorlardan faqat oxirgi 2 oy davomida tushgan 3x4 o‘lchamdagi fotosuratlari, Prezident maktablariga hujjat topshiruvchilar uchun qo‘shimcha oxirgi o‘quv yilidagi tabel ma’lumotlari talab etiladi.

Barchaga birdek qulaylik yaratish uchun tuman/shaharda joylashgan Prezident, ijod va ixtisoslashtirilgan maktablarda ariza yuborishga ko‘maklashuvchi shtablar tashkil etiladi.

Hujjatlarni topshirish jarayonida oferta bilan to‘liq tanishib chiqing, zero, mazkur oferta orqali jarayon bilan bog‘liq barcha savollarga javob topishingiz mumkin bo‘ladi.

Joriy yilda hudud markazidan uzoq bo‘lgan maktablarga o‘qishga qabul qilinib, tanlov va kirish bali yuqori bo‘lgan maktablarga ko‘chirib berish bo‘yicha ko‘plab murojaatlar kelib tushmoqda.

Vazirlar Mahkamasining 2023 yil 27 maydagi 214-son qarori bilan tasdiqlangan nizomga asosan bo‘sh o‘rin mavjud bo‘lgan taqdirda o‘quvchining o‘qishi ko‘chirib berishga ruxsat beriladi.

Hurmatli ota-onalar, hudud markazidagi maktablarda o‘quv yili davomida bo‘sh o‘rinlar bo‘lmasligini inobatga olib, farzandlaringizni olis masofaga qatnab o‘qishlarining oldini olish uchun yashash manzilingizga eng yaqin masofada joylashgan maktablarni tanlashingizni so‘rab qolamiz.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

#matbuot_anjumani

✅ 2026/2027 o‘quv yilida tashkil etiladigan yangi maktablar

Quyidagi yangi ta’lim muassasalari ochiladi:

✅ Qashqadaryo, Namangan va Navoiy viloyatlarida Muhammad al-Xorazmiy nomidagi ixtisoslashtirilgan maktab filiali tashkil etilib, 5–10 sinflarga o‘quvchilar qabul qilinadi;

✅ Toshkent shahrida xorijiy tillarga ixtisoslashtirilgan maktab-internati tashkil etilib, maktabgacha tayyorlov guruhi hamda 1–7 sinflarga o‘quvchilar qabul qilinadi.

✅ Shuningdek, hududlarda bosqichma-bosqich muhandislik maktablari tashkil etilib, 7–10 sinflarga o‘quvchilar qabul qilinadi;

✅ Mirzacho‘l, Romitan, Toyloq, Xovos, So‘x, Toshkent tumanlarida ixtisoslashtirilgan maktablar tashkil etilib, aniq fanlar yo‘nalishiga 5–10, tabiiy fanlar yo‘nalishiga 7–10 sinflarga o‘quvchilar qabul qilinadi.

✅ “Prezident iqtidorli farzandlari” tashabbusini qo‘llab-quvvatlash bo‘yicha milliy dasturga respublika bo‘ylab 1500 nafar 9-sinf bitiruvchilari saralab olinadi.

✅ 2026/2027 o‘quv yilida tashkil etilishi rejalashtirilgan maktablarga rahbar va pedagog xodimlar tanlov asosida ishga qabul qilinadi.

🧑‍💼 Rahbar xodimlar – ikki bosqichli tanlov (saralash va suhbat)
👩‍🏫 Pedagog xodimlar – uch bosqichli tanlov (saralash, test va suhbat)

Hujjatlarni qabul qilish vacancy.piima.uz platformasi orqali amalga oshiriladi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal