مساء الخير طلاب
راح نوضح اشياء بخصوص الكورس وكذلك منو احنا حتى نكون قريبين منكم اكثر ونتعاون احنا وياكم حتى تستفادون اكثر
انا محمد حصلت على معدل ٩٧.٤٣ بالسادس وبدرجة ٩٩ في مادة الرياضيات راح  اشاركم كلشي اعرفه وكلشي اكدر عليه حتى تستفادون ان شاءالله , وراح تكون وياي استاذة زهراء طالبة تربية علوم صرفة قسم رياضيات وان شاءالله راح نتعاون انا وياها بالقناة

الكورس شلون راح يكون؟
الكورس عبارة عن تحضير ينزل بليل وتحضره ثاني يوم على اي مصدر انت تفهم عليه و اي مدرس باليوتيوب انت تدرس انت عليه والعصر تنزل اسئلة تقوي نفسك بالموضوع اكثر سواء كانت اسئلة بالتلي حتى تترسخ بعقلك المفاهيم او قائمة من الاسئلة الوزارية اللي تحلهم وتتقوى اكثر
زين الكوزات ؟
كل موضوعين او اكثر راح يكون عدنا مراجعة وكوز اله عبارة عن اسئلة وزارية ٣ او ٤ ووقت محدد وتدزلي حلك بملف pdf نصححه الك ووقت محدد كذلك للتسليم يعني مثلا كلت ب ٩ التسليم انطي ٥ - ١٠ دقايق تسلم بيها ملفك وبعدها ما استلم اي ملف بعد الوقت حتى ناخذ الموضوع بجدية اكثر ونحقق اكبر استفادة

الاريدة منكم انو تلتزمون وياي واي سؤال ببالك اسأله لا تتردد بطرحه حتى لو جان بسيط عادي اسأله
والله يوفقكم ويحفظكم جميعاً ان شاءالله

🔵 من بداية الفصل الى العمليات على الاعداد المركبة وباجر العصر ندزلكم اسئلة تتدربون بيها ، اقرو على اي مصدر تحبون مو مشكلة

🔵 تدرب على هاي الاسئلة واي سؤال عندك بخصوص تحضير اليوم او الواجبات راسل القناة

🔵 الفصل الأول
العمليات على الأعداد المركبة: (الجمع، الطرح، الضرب، القسمة، النضير)

هسه قارنوا إجاباتكم ويا الحل النموذجي، وإذا إجابتكم صحيحة عاشت إيدكم 👏🏻
وإذا عدكم غلط، راجعوا وين كان الخطأ وحاولوا تعرفون سببه، ولا تخلّون الغلط يوقفكم، بالعكس خلوه فرصة حتى تتعلمون منه
موفقين جميعًا شدّوا حيلكم لاختبار باجر، وإن شاء الله نشوف منكم درجات تفرّح القلب

الجواب الصحيح هو: لا يوجد
ليش؟
لأن أي رقم سالب تحت الجذر يتحول السالب إلى i

🔵 المطلوب منكم التدريب على هاي الأسئلة وحلها
وأي سؤال أو استفسار يخص تحضير اليوم أو الواجبات، راسلوا القناة وإحنا نجاوبكم

🔵 الفصل الأول
العمليات على الأعداد المركبة:
من ايجاد قيم x.y الى
الجذور التربيعية للعدد المركب ما داخل

هسه قارنوا إجاباتكم ويا الحل النموذجي، وإذا إجابتكم صحيحة عاشت إيدكم 👏🏻
وإذا عدكم غلط، راجعوا وين كان الخطأ وحاولوا تعرفون سببه، ولا تخلّون الغلط يوقفكم، بالعكس خلوه فرصة حتى تتعلمون منه
موفقين جميعًا شدّوا حيلكم لاختبار باجر، وإن شاء الله نشوف منكم درجات تفرّح القلب