#верш
#Хросная
#ДоктарХто

Дзве старажытныя істоты
Што танчаць танга на руінах
І задаюцца вечным "хто ты?"
Перабіраючы ўспаміны.
Хто з іх каго пераіграе
Хто з іх злачынец ці святы?
калі вакол так вые зграя
І разбураюцца масты.
Адзін - сусветная атрута
Другі ж - засмучаны герой
што да мінулага прыкуты
як да нянавісці старой.
І Галіфрэю разбурэнне
То крыж нясцерпнае віны
Гады пакутныя маленняў
Адной унутранай маны.
І недзе чутны барабаны
Яны завуць пачаць вайну
Ды апавітыя туманам
Яе ж засвоіце адну.
Хто з іх каго пераіграе
Хто з іх злачынец ці святы?
калі вакол так вые зграя
І разбураюцца масты.

#верш
#Хросная

"Паганства"
І шчасце маё жыве ў цягніках
У момантах, дзе я смяюся
У секундах, хвілінах і ў вяках
Я сонцу ды ветру малюся

Шчаслівая я бо я вершы пішу
Гляджу на кастры ды світанкі
Басымі нагамі кранаю шашу
Не сплю аж да самага ранку

Малюся я зорам, белай луне
Кнігам ды фільмам малюся
А шчасце маё жыве ў вясне
У момантах, дзе я смяюся

Шчаслівая я, я дарогі люблю
Люблю - навальніцы і ночы
І словы паціху кідаю ў раллю
Каб бачыць на ўласныя вочы

І шчасце маё жыве ў цягніках
У момантах, дзе я смяюся
У секундах, хвілінах і ў вяках
Я сонцу ды ветру малюся

#верш
#вікця_жытнік


я ведаю
табе не зусім
даспадобы мора
я не бачыла мора ніколі
акром як у тваіх вачах

я бачыла ў небе зоры
халодныя
і далёка
а па целе тваім радзімкі
я цалавала
цёплыя

твой голас
твая усмешка
жывільныя
і жывыя
і ім не адбіцца ў вершах
поўных пустых радкоў

перад табой бяссільная
любові і шчырасці поўная
я прашу
хоць морам
хоць небам
хоць зоркаю
адбіся ў маіх вачах

#верш
#Хросная

Жанчыны
дзевяць месяцаў
носяць у сабе жыццё.
Жанчыны
узрошчваюць цела ад цела,
аддаючы сябе і сваю
маладосць і сілу.
Жанчыны
пакутуюць і крычаць.
Жанчыны
нараджаюць сыноў.
Жанчыны
нараджаюць дачок.

Дочкі вырастаюць
і робяцца жанчынамі.
Жанчыны
дзевяць месяцаў
носяць у сабе жыццё.

Сыны вырастаюць
і бяруць у рукі зброю.
Сыны вырастаюць і кажуць
"Не служыў - не мужык!"
Сталь халодная і нежывыя.
Яна хоча забраць сваё.
Хоча зрабіць усё
роўным самой
сабе.


Сыны бяруць зброю
І моляцца на яе.

Навошта ж, божа,
у гэты свет
прыходзяць
сыны?

#верш
#Шрэбра_Іслачы

Чорнае

Ліхтар — дае святло
Шыя ў пятлі
Вісіць на ліхтары.

#верш
#госць
#Паўлінка

***
Кожны цудоўны дзень кагосьці забірае
Знянацку, нечакана і назаўсёды.
Кожны цудоўны дзень як пацвярджае:
Наша жыццё — непрадказальныя "прыгоды".

Ніхто не скажа, хто наступная ахвяра:
Каго ўбачыў ты аднойчы, ўчора, сёння?
Ніхто не скажа, калі твой апошні травень.
Жыві шчасліва, не зважай на сум будзённы!

Змірыся з тым, што плям мінулага не сцерці,
А заўтра, памятай, толькі ў тваіх руках!
Не бойся. Ні людзей, ні слёз, ні смерці.
Сам вызначай: калі канец, калі працяг...

@masvet_by

#верш
#госць
#лін_b.

je ne sais pas

давай памаўчым
на беразе нашых пачуццяў?
у вочы глядзім
у пошуках новых сугуччаў
для музыкі мора,
у якім мы з табой растварымся.
твой дотык Аўроры
не знікне, калі разляцімся.
лунае мелодыя Францыі
ў цёмным пакоі танцаў.
клянуся, тваёй грацыі
зайздросціць багіня вальсу.
штодзённа пытаюся 'як ты?'
'je ne sais pas'–усё шапталі вусны.
адпусці на свабоду яхты
і сардэчны мой боль моцны.

• • •
тг канал-прытон
• • •

@masvet_by

#верш
#Хросная

Карціна
Bill Mayer - The Black Sun (2017)
Верш прысвячаецца ёй.


Чорнае сонца над лесам
Цені выходзяць са дна
Свету чужога прынцэса
Ходзіць самотна адна
Нешта благое прадкажа
Ціха, як прывід плыве
Нітку на згубу завяжа
Краскі пажухлі ў траве
То абярнецца варонай
Чорныя вочы блішчаць
Не застаецца скаронай
Хто гаварыў - маўчаць
Шоргат цяжкой тканіны
Быццам магільны стук
Выйдзе на збор даніны
Крыкаў, пякельных мук.
Песень забытых словы
граюць у начной цішы
Хутка пакутнік новы
Знікне ў сівой глушы
Чорнае сонца над лесам
Цені выходзяць са дна
Свету чужога прынцэса
Ходзіць самотна адна

#проза #пераклад #PryhniečanajaLutaść

пераклад работы па серыялу Шэрлак. прыемнага чытання🤍

«Усё пачынаецца ў тую ноч, калі Джон прыносіць яму пяць флаконаў крыві.
Альбо фанфік, у якім Шэрлак з усіх сіл спрабуе зразумець сутнасць сваіх адносін з Джонам»

✨ Чытаць працяг...

#Ася_Фенікс
#верш
#госць

"Шлях дадому"

Ты — мой край і шлях мой дадому,
Цеплыня і бутэлечка рому,
Восень з зімою, варэнне з малінай,
Маё лета, вясна — нішто забыта.
Мне б твае кожны час і хвіліну
Доўга гладзіць валасы-аксаміты.
Ты — мой дом і мая ты Радзіма.

Ты не любіш бел.мову. Я знаю.
Верш чытаць гэты не прымушаю.
Але толькі на роднаю мове
Я на вушка табе праспяваю
Пра пачуцці ласкавыя словы,
Што цябе не люблю, а кахаю.
@masvet_by

• • •
УК
Інстаграм
Цікток
• • •

#Паўлінка
#верш
#госць

"Няхай квітнеюць сады… і ты"

Я станцаваў бы з табою
Апошні школьны вальс,
Мы разам сустрэлі б світанак,
Знішчылі б усе перашкоды
Для шчасця…
Калі б не гарматы ў чатыры гадзіны.

Не плач,
Мне лягчэй бачыць
Кроў на сваіх руках,
Чым хоць кроплю смутку
На тваім спагадлівым твары.

Бог пакае тых,
Хто перашкодзіў нашаму шчасцю
У чатыры гадзіны…
Усё будзе добра,
Толькі не сумуй,
Мая касмічная дзяўчынка,
Што любіць звычайную вясну.

Я станцаваў бы з табою
Апошні школьны вальс,
Мы разам сустрэлі б світанак.
Я пабудаваў бы дом для нас,
Пасадзіў бы ў садзе вішні.
Шмат чаго маглі зрабіць мы,
Калі б не гарматы ў чатыры гадзіны…

• • •
Тэлеграм
• • •

#верш
#Nichto_Absalutna

Верш стары, але адшукаўся нядаўна, таму дзялюся толькі цяпер. Усё ж ода да роднай мовы - абавязковы атрыбут прафэсіі)

Праз плітку

Бы сьветлыя промні ў бязьмежных нябёсах
Бы сьлед каляіны ў няблізкай дарозе
Бы сьмелыя зьнічкі ў цемры глыбокай
Бы сьпелыя зернейкі ў полі далёкім...

Так льюцца й мкнуцца на вольны прастор
Бяздонныя словы, адвечныя скрозь,
Як лісьце, што ветру і мглы не баіцца
Як верас, што вырас ля чыстай крыніцы.

Стагодзьдзямі жылі яны на пагорках
І ціха гучалі на ўтульных вячорках
Бароліся з жахам, пятлёй, паняверкай -
Праз плітку прарослая папараць-кветка.
@masvet_by

#пава_рамонак
#госць
#музыка

У кожнага тварчука ёсць свой пачатак. Для маёй музыкі — гэта альбом "водар". Няўклюжы, няправільны, бесструктурны — гэта ўсё, што робіць яго самім сабой, і мне вельмі прыемна вяртацца да яго, узгадвая тую дзіцячую радасць, калі я яго рабіў.

🍃на ўсіх пляцоўках 20 чэрвеня🍃

замаўляйма "водар" і слухайма мае альбомы 🌸TOWAGO🌸 і 🌳ЗЯЛЁНЫ🌳:
https://band.link/hW8oh
@masvet_by
• • •
Тэлеграм
Ціўтар
• • •

#верш
#Максім_Крывіч

• • • • •

Уяві,
быццам ты не асоба.
Уяві,
быццам знікла дарога.
Уяві,
быццам ты разадраны і хочаш стагнаць.
Уяві,
як балюча самота.
Уяві,
як пазбаўлены рота.
Уяві,
мне не страшна.
Мне проста
ужо
напляваць.

• • • • •

Ujavi,
byccam ty nie asoba.
Ujavi,
byccam źnikła daroha.
Ujavi,
byccam ty razadrany i chočaš stahnać.
Ujavi,
jak baluča samota.
Ujavi,
jak pazbaŭleny rota.
Ujavi,
mnie nie strašna.
Mnie prosta
užo
naplavać.
@masvet_by

• • • • •
Telegram
Twitter
Facebook
Instagram
• • • • •

#верш
#Хросная

Эпохі змяняюцца, змяняемся мы разам з імі
З тых, што змяніліся, якія ж палічым сваімі?

Што прабачым, за што будзем біцца, на што маліцца
Пакуль сонца пялёсткі ірвуцца прама ў глазніцах

Эпохі змяняюцца, нас трушчыць эпох вага
Іх сімвал адвечны - абутая ў бот нага

Што гуляе па рэбрах так спраўна, магутна і чыста
У галаве пакідаючы танга аскепкаў іскрыстых

На кожнага генія свету ёсць куля свая ці пятля
Для кожнай зямлі - соль, на кожнае зерне - ралля

На кожную праўду - нож, для кожнай жа кулі - курок
Для гэтай эпохі вера гэта занадта шырока

Эпоха з'ядае нас, мы ведаем - смерці няма
Эпоха з'ядае нас, а потым знікае сама

Мы маўчым, мы ключы на гэтым эпох раздарожжы
Нам страшна, нам смешна, нам вельмі трывожна

Эпохі змяняюцца, нас трушчыць эпох вага
Іх сімвал адвечны - абутая ў бот нага

Эпохі ўжо востраць зубы, куюць з аралаў мячы
Нам застаецца толькі вочы свае ж тачыць
@masvet_by

#музыка #пераклад
#вакалойдны_сьпеўнік
#кася_кастрычніцкая
Vocaloid - Alice in N.Y [BEL SUB | БЕЛ СУБ]
━━━ • ✙ • ━━━
@masvet_by
Тэлеграм-канал

#верш
#Максім_Крывіч

• • • • •

Ноч,
ціхая,
быццам няясны пакой,
у якім ані столі, ні сценаў
няма.
Толькі я
назіраю з нябёс
за табой —
на чацвёртым паверсе,
з акна.

• • • • •

Noč,
cichaja,
byccam niajasny pakoj,
u jakim ani stoli, ni ścienaŭ
niama.
Tolki ja
naziraju ź niabios
za taboj —
na čaćviortym paviersie,
z akna.
@masvet_by

• • • • •
Telegram
Twitter (новы, шукае падпіснікаў)
Facebook (новы, шукае падпіснікаў)
Instagram
• • • • •

#верш
#Хросная

Калі б я магла
Я б выклікала бога
на двубой.
Яго зброя - слова,
мая - слёзы жаночыя.
Дачка Ліліт адпомсціла б
за сваю маці і за тысячы
дачок евавых і лілітавых.
Калі б я магла
Я б выклікала бога
на двубой.

#верш
#Хросная

Вы б маглі
апынуцца ў раі
Але рай
не для лесбіянак.

Кожнаяй пачвары
па пары
як салдацікі
раз-два, раз-два
хлопчык-дзяўчынка
іншае - ад д'ябла

кожны мужчына
добра ведае,
што лесбіянка
забірае
дзвух жонак:
сябе і яшчэ адну.
Забірае пясок,
што павінен
сыпацца
праз ягоныя
далоні.
Забірае гліну,
з якой ён
будзе ляпіць
пакорлівую
ляльку.

Стомленая Ліліт
прыме вас і абдыме
як родных дачок
Стомленая Ліліт
Божая маці для
адрынутых
Амые слязьмі
вашыя раны
і ператворыць
кроў
ў сталёвыя
зубы
і кіпцюры,
каб
знішчыць
мужчын
якія
знішчылі
вас.

#верш
#Хросная

Прастора языка
Занадта малая
для словаў
Таму яны
вылятаюць вонкі
і ляцяць у свет
Нават калі
хацела б
Я іх больш
не кантралюю
Далей
словы жывуць
без мяне
А я,
як састарэлая маці
дарма чакаю іх
ля сваіх вуснаў.

Дзетанькі мае!
А куды ж
вы падзеліся!

Ды толькі
адно слова
як у вязніцы
сядзіць
унутры

І гэтае слова:
"Кахаю".