#Яварынка #навіны

Вітанкі, родныя беларусікі! Хто сумаваў за мною?)
Я даўно не зьяўлялася ў публічнай прасторы, але заўтра я правяду гутарку вось тут @supermovachat

21 лютага ў суполцы Супер мова пройдзе сьвяточная гутарка ў гонар Дня роднай мовы.

Паразмаўляем пра тое, што мы можам зрабіць, каб беларускае мовы навокал стала больш, як стварыць беларускае асяродзьдзе, калі ніхто не размаўляе па-беларуску, і пра сьвята роднай мовы.

Час 19:00 па Менску.

Каб удзельнічаць у размове, патрэбна далучыцца да суполкі @supermovachat і зайсьці ў галасавы чат.

Запрашаю ўсіх і буду радая пачуць кожнага!💚💜

#дзяўчына_якая_марыць
#кася_кастрычніцкая
#навіны
Праходзіць час, мы ўсе зьмяняемся. І да мяне гэта адносіцца таксама. Я нарэшце больш-менш сьвядома выбрала сабе новы творчы псеўданім - Кася Кастрычніцкая, таму цяпер я буду публікавацца тут, і ня толькі, пад ім.

#кася_кастрычніцкая
#тваёй_крывёю_я_напішу_свае_імя
#інтэрактыў

#пісьменьніцкія_нататкі
#тваёй_крывёю_я_напішу_свае_імя
Мара & Габрыэль | Марыэль

#Лаўрэнсій_Урса
#малюнак
#госць

Мыш, якая жыве ў бабулінай шуфлядцы з швейнымі прыладамі. Суйце туды рукі асцярожна.

#верш
#Nichto_Absalutna

Віншую з Днём роднай мовы, спадарства! Гэты верш - спроба пераасэнсаваць крыху састарэлую канцэпцыю "матчынай мовы", бо так ужо выйшла, што абсалютная большасьць людзей мусяць вучыць яе, быццам замежную...

Постматчына мова

Як гэта - гаварыць на мове,
На якой не пяяла маці,
Не вучылі у дзіцячым садку,
Не чыталі гісторыю ў школе?

Як гэта - гаварыць на мове,
На якой не здавацьмеш экзамэн,
Не адкажуць у сяброўскім гуртку
Не пачуеш "зважай" у войску?

Як гэта - гаварыць на мове,
На якой не гамоняць на вуліцы,
Не выкладаюць ва ўнівэры,
Не паставіць дыягназ доктар?

Як гэта - гаварыць на мове,
Зь якою стагодзьдзямі б’юцца,
Хаваюць у зашкельлі музэяў,
Якую ўсе лічаць мёртвай?

Дужа проста,
Калі маем мэту
І вучымся лезьці на сьцены,
Ад болю, але перш па вецер:
Вецер унутраных зьменаў.

І самі зварушацца вусны,
Спачатку нягучна й глуха,
І ўспомняць праз пакаленьні
Забытыя родныя гукі.
Нінавошта,
Бо хочуць, бо могуць.
Бо належаць нам - беларусам.

#верш
#Хросная

Паэт як і мастак
Павінен быць галодным.
А я ўсё ем і ем.
Стамілася быць паэткай?

#ТоЯ #малюнак
Хуткая замалёўка

#Алесь_Гулевіч
#верш
#дзень_роднай_мовы

Да Дня Роднай Мовы

Вы—
Драныя нікчэмнасці!
Вы—
Прусакі пад плінтусам.
Вы—
Прыклады сістэмнасці.
Вы—
Нешта кшталту бíндусаў¹.

Ні гонару, ні годнасці,
Ні руху без інструкцыі.
Гаротныя зняможнасці,
Ахвяры канстытуцыі.

"Не выхавалі правільна",
"Не тое акружэніе",
"Мы жа свае, нармальныя",
"Такое палажэніе".

"Нас зацкуюць на вуліцы",
"Праслаўлюся калгаснікам"...
Вы на калодзе курыцы
З менталкай першакласніка.

Калі прачнуцца здольныя—
Прачніцеся ад мораку.
Калі шчэ ё свавольныя—
Дадзім адпору ворагу.

1) Біндус—гультай (гутарковае)
https://t.me/aleshulevic

#верш
#Хросная
#домукаторым
#двк

Песня Крывавага выпуску

Гэты круг не будзе апошнім
Мы аднойчы сустрэнемся зноў
Калі ласка, не будзь датошным
Не растрачвай брыльянты слоў.
Мы аднойчы збярэмся разам
Наварожым свой новы шлях
І па кроплях збярэм адказы
Узляцім, быццам зграя птах.
Я не стану дарослай ніколі
Ты не станеш ніколі старой
Нашы мары, памылкі і воля
Усё застыне ў пляме адной.
Мы пакінем вершы на сценах
Іх аднойчы разбураць гады
Падрастае новая змена
Не паказвай сваёй нуды.
Застануцца аскепкі-словы
Іх успомняць аднойчы ноччу
Намалююць малюнак новы:
Як мы ціха ў вечнасць крочым.
І ў чорных правалах аконных
Не ўбачыць нам страшны свет
Танчаць думкі нібы патроны
Смяротны свой менуэт.
Мы сустрэнемся, абяцаю
Хай не дрогне твая рука
І збярэмся ў новую зграю
Дачакайся свайго вітка.

#кася_кастрычніцкая
#тваёй_крывёю_я_напішу_свае_імя
#інтэрактыў

#верш
#госць
#Шрэбра_Іслачы

Чорны бусел, белая варона

Заплюшчу вочы моцна,
хто я людцы, хто я?
Бусел ці варона?
Бусел ці варона?

Не забыць пытання
ўначы мне сёння
Кожны дзень мне жахі,
Кожну ноч у палоне.

Чорны бусел — выпадак,
Выпадак — наш шанец.
Белая варона?
То я дзіўны танец.

Рэдкая я з'ява,
мне няма падобных!
Як засну я сёння,
Як здабыць свой подых?

#музыка
#госць
#пава_рамонак

1 сакавіка пачнецца для мяне з перавыдання "Холаду"— майго трэцяга альбома!

Водар-Холад-Зялёны— поп-трыяда ў маім каталогу. Дагэтуль памятаю, як я на канапе гуляўся з рэвербацыяй, якую я для сябе адкрыў клацаючы праграму, і як у маіх вучах прагучаў біт для "усё, чаго я жадаю"!

Пытанне, які трэк вы жадаеце бачыць у якасці ліду з перавыдання? Лід будзе выпушчаны для "навінкі тыдня" для споты, калі вы на мяне падпісаны!

Мой фаварыт альбому— "выкраданне авечкі з саду". Гучыць як космас!

• • •
Telegram
Twitter
Уласны сайт
• • •

#верш
#госць
#Францішак_Люцыянавіч

Глядзіш у вочы, разумееш:
Ты не патрэбны ім,
Ты не патрэбны усім
Ні сабе, ні ім.

У тых вочках ёсць крышталі,
зіхатлівыя агні,
Толькі не цябе яны спаткалі,
Адарваўшы вочы ад зямлі.

• • •
Stihi.by
• • •

#верш
#Хросная

Яны
зафарбавалі свае вокны
чорнай фарбаю
каб не ўбачыць
той свет
які палохае іх
да істэрыкі.
Яны
зафарбавалі свае вокны
чорнай фарбаю
каб не ўбачыць
Вонкавасць.

Я такая ж
Я зафарбавала свае вокны
чорнай фарбаю
Толькі зрабіла гэта
ў галаве.

#Тарас_Ташкевіч
#верш


Чым ёсьць, для вас сьвядомасьць, паньства ?
Ды ці патрэбна яна нам ?
Нашто жа верыць усім вірам
Шалёных думак, што, як п’янства,
Зьнявольваюць, ссылаюць хцівы,
За прагу ведаў пакутлівы,
Уласнага адзінства глузд ?

А мо сьвядомасьць — гэта зоркі ?
На небасхілу забыцьця.
Чакаюць час свайго жыцьця,
Каб потым зьнікнуць у ціхі яркі
Прастор няспыннага быцьця ?

А мабыць сьведамасьць — высокі
Прыгожы чысты вадаспад,
Што выклікае перапад
Бязвокіх дзеяў і парад
Эмоцый шчырых перамогі
Над розумам, у той час нястрогім,
Што й люструецца ў вачах ?

Патрэбна ль гэтае люстэрка ?
Прыродай дадзенае нам,
Каб не паказваці бедлам,
Што ўтвараецца ўпарта
Ў нашым спрагненым мазгу.
Патрэбна ль жыць у ланцугу
З няволі ўласных меркаваньняў ?
Нястачы вольнасьці, жаданьняў,
Сустрэчаў у лютую пургу,
На прышласьць добрых спадзяваньняў,
Ды жыць спакойна намаганьняў.
Бо ў ходзе ўласных назіраньняў,
Сьвядомасьць зьвейвае смугу..

20.02.2023


…
Тэлеграм
…

#ADM #рэк

❕Сёння зноў хочам параіць вам незвычайны канал Усё пра ўсё, які публікуе навіны тэхналогій, гульняў і шмат чаго яшчэ! Галоўнае: матэрыял падаецца на вельмі якаснай беларускай мове кожны дзень!!

⚪ @allabouttexnologys ⚫

#верш
#госць
#Францішак_Люцыянавіч

Я з дзяцінства глядзеў у люстэрка
Там былі казкі, смешныя твары,
Ды новыя "я" мяне спатыкалі.
У люстэрку былі ўяўленні:
Сталы я з барадой ва ўсё цела.
Дзядзька шчаслівы і важны,
Дзядзька, што быў у імгненні.

• • •
Stihi.by
• • •

#ADM #рэк

СКАРБОНКА - гэта новы тэлеграм канал пра гісторыю, калекцыяванне і думкі са свету фінансаў.
Простай мовай для ўсіх!
• • •
@skarbonka_by
• • •

#ADM

АСНОЎНЫЯ ТЭГІ НОВАГА СВЕТУ

Тэгі-дапаможнікі:
#ADM — допісы ад адміністрацыі, тэхнічные допісы.
#рэк — рэкамендацыі аб'яднання.
#навіны — навіны дзейнасці аб'яднання або творцаў.
#госць — допісы творцаў, якія не ёсць ўдзельнікамі асноўнага складу аб'яднання.

Жанравыя тэгі
#верш
#проза
#пераклад
#малюнак
#музыка #песня
#выраб

🌙 @masvet_by